Vogëlushet nuse

[new-man]

Mjafton një raport nga Instituti i Mjekësisë në Prishtinë që edhe fëmijët të mund të bëhen nuse.
Me raporte të tilla, në vitin 2009, vetëm në komunën e Ferizajt janë realizuar 16 martesa të vajzave nën moshën 18-vjeçare.

Këtë e konfirmojnë zyrtarë në Gjykatën Komunale të Ferizajt, ku edhe sigurohet pëlqimi për këto martesa.

Po ashtu, në Drejtorinë Komunale të Arsimit e pranojnë se katër nxënëse kanë ndjekur mësimin si nuse. Dy nga to edhe si nëna, ndërsa njëra ka vazhduar mësimin si shtatzënë deri pak kohë para lindjes.

Dy martesa kanë ndodhur edhe me nxënëse të shkollave fillore, që kanë moshën nën 16 vjet. Shqetësim për këtë ka ngritur edhe drejtori i Shkollës fillore “Ismail Qemali” në fshatin Prelez, Milazim Dërguti, në shkollën e të cilit një nxënëse është martuar nën moshën 16-vjeçare.

“Duhet të dihet nëse duhet apo jo që si nuse të ndjekë mësimet nxënësja edhe në fillore, apo për këto raste të organizohet një mësim formal. Këto raste kanë bërë që të paraqiten probleme edhe për Drejtorinë Komunale të Arsimit, por edhe për vetë Ministrinë”, thotë ai.

Drejtori i Drejtorisë Komunale të Arsimit, Sylejman Bytyçi, thotë se nuk e di numrin e saktë të nxënëseve të martuara, aq më pak të djemve. Ai dyshon se ky numër mund të jetë më i madh, ndërsa rastet e tilla nuk bëhen publike. Ai është dashur të kërkojë ndihmën e MASHT-it për të vendosur nëse ka të drejtë apo jo të vijojë mësimin nxënësja shtatzënë A.M, në Shkollën e Mesme të Mjekësisë “Elena Gjika”, e cila me një vendim të Këshillit të Arsimtarëve edhe ishte larguar nga shkolla.

Vendimi i MASHT-it që nxënësja A.M. të ketë të drejtë të vazhdojë mësimin si e barabartë me nxënësit e tjerë, nuk i ka pëlqyer fare drejtorit të Shkollës së Mjekësisë, Adem Musliut, i cili thotë se vijimi i mësimit nga nxënëset shtatzëna është pamje e keqe dhe shembull i keq për nxënësit e tjerë.

Ai nuk i di motivet, por thotë se vetëm këtë gjysmëvjetor, gjashtë nxënëse e kanë ndërprerë mësimin në këtë shkollë me vetë dëshirë. Në anën tjetër, nxënëset e martuara këtë e shohin vetëm si problem të tyre personal, me të cilin nuk duhet të merren të tjerët. A.M. ka thënë se nuk ndjehet fare e diskriminuar dhe nuk vëren asgjë që të ketë ndryshuar në statusin e saj si nxënëse. Ajo ka thënë se shoqet dhe shokët e klasës vazhdojnë ta shohin si më parë.

Të gjitha këto dukuri, drejtori i Qendrës për Punës Sociale, Shyqeri Mehmeti, i sheh si problem për shoqërinë tonë. Ai thotë se nuk është i mjaftueshëm një raport i mjekëve, ku shkruhet se personat e moshës jomadhore janë fizikisht të afta për t’u futur në bashkëshortësi.

“Martesat e reja janë të paqëndrueshme dhe me shumë probleme”, thotë Mehmeti.

Që prej fillimit të këtij viti, vetëm në komunën e Ferizaj janë lidhur 16 martesa me vajzat nën moshën 18-vjeçare. Nuset me moshë të re janë bërë problem edhe për shkollat, edhe për shoqërinë. Ndërsa nxënëset e martuara këtë e shohin vetëm si problem të tyre personal, me të cilin nuk duhet të merren të tjerët.



Vlerësimin e tij e ka bërë fakt edhe rasti në Gjimnazin “Kuvendi i Arbrit”, ku një martesë e tillë ka përfunduar shpejt me divorc.
Meqë kjo gjendje nëpër shkolla shihet si prodhim i krizës morale që ka përfshirë shoqërinë tonë, në favor të kësaj dëshmon edhe fakti se janë dyfishuar rastet e trafikimit me qenie njerëzore.

Ky fakt del nga raporti i policisë për vitin 2008, ku thuhet se për vitin 2007 ka pasur 14 raste si të dyshuara për trafikim me qenie njerëzore, karshi vitit 2008, ku ka pasur dyfishin, përkatësisht 28 raste.

Edhe pse për këto raste të martesave të hershme dhe trafikimit me qenie njerëzore, në mesin e të cilave ka shumë të mitura, është dashur të informohet Qendra për Punë Sociale, një gjë e tillë nuk ka ndodhur. Në Qendrën për Punë Sociale policia ka raportuar vetëm 4 raste të keqtrajtimit seksual të të miturave për vitin 2008. Policia ka raportuar edhe 3 raste të keqtrajtimit seksual të fëmijëve të gjinisë mashkullore. Kjo qendër nga Gjykata është njoftuar vetëm për një rast të martesave të parakohshme. Këtë e konfirmon drejtori i Qendrës për Punë Sociale, Shyqëri Mehmeti.

[shoku_tanku]

Po pse s'thoni qe Prishtina qenka bere si Islamabadi...jam kurioz te degjoj lajme te tjera nga lindja\ngjitur..)

[altruisti_ek84]

Nuk eshte me tragjike sesa niveli i prostitucionit dhe trafikimi i qenieve njerzore. Kjo eshte edhe me tragjike se ky informacioni siper.

[altint71]

Shum triste ,te shkretet fmi per preinder qe kane dhe te injorances qe dua ta vujne te paret .
Zarathustra ka te drejt ne shum shum aspekte.

[rachi]

kta kosovart qe i bejne keto pun dun var per mjekre ke minareja, kafshe, dun dullen kta ti thrasin per babe.

[Inteligjentja]

Nuk eshte me tragjike sesa niveli i prostitucionit dhe trafikimi i qenieve njerzore. Kjo eshte edhe me tragjike se ky informacioni siper.

Si mund te krahasosh nje te keqe me nje te keqe tjeter? Justifikim te duket ty ky? Kjo eshte tema e martesave te vajzave te mitura, nqs do te shprehesh per prostitucionin ik gjej temen perkatese. Apo te dogji kshu?


Normalisht qe shteti duhet te investoje me shume per edukimin e ketyre femrave megjithese ne shumicen e rasteve eshte vete komuniteti qe eshte pergjegjes per keto martesa. Jane ata qe s'duan te ndryshojne edhe te shohin realitetitn ne sy.

[derjansi]

kta kosovart qe i bejne keto pun dun var per mjekre ke minareja, kafshe, dun dullen kta ti thrasin per babe.

ti qonke shum i lodh, mos me than i rraskapit krejt

kjo dukuri nuk ndodh vec ne kosove, po ne cdo ven qe ka shqiptar

ky asht mentaliteti shqiptar ne pergjithsi, biles ne rast se ni vajse i kalo 22-23 vjec pa u martu rrall kerkesa i shkojn

pranej goditni problemin e jo te na bohet qefi se kishe vec ne kosove u bokan kto pun

qashtu ne ti albturist mir te tha inteligjentja deno ket dukuri e mos e qit bishtin sa anej knej me mulu i dukuri negative me ni tjeter.

[*suada*]

Si mund te krahasosh nje te keqe me nje te keqe tjeter? Justifikim te duket ty ky? Kjo eshte tema e martesave te vajzave te mitura, nqs do te shprehesh per prostitucionin ik gjej temen perkatese. Apo te dogji kshu?


Normalisht qe shteti duhet te investoje me shume per edukimin e ketyre femrave megjithese ne shumicen e rasteve eshte vete komuniteti qe eshte pergjegjes per keto martesa. Jane ata qe s'duan te ndryshojne edhe te shohin realitetitn ne sy.

Jam plotesisht dakort me ty.

[MaDaBeR]

Mua me duket e paarsyeshme nje gje e tille. Ky eshte nje fenomen teper shqetesues dhe jo vetem ne Kosove, por ne te gjithe Europen e madje edhe ne USA. Nqs per Kosoven paska statistika se jane realizuar 16 martesa, ne USA ne disa shtete, 60% e femijeve qe lindin i kane nenat adoloshente, pra nga mosha 15-18 vjeç.

Kjo eshte nje dukuri shqetesuese, sepse te martohesh apo te behesh prind ne nje moshe kaq te re do te thote qe ti mbyllesh vetes dritaret e jetes. Do te thote qe ulet niveli arsimor i atij vendi ku ndodh kjo dukuri, pasi nese martohesh apo behesh nene ne ate moshe, me shume mundesi do te shkeputesh nga shkolla, shoqeria, argetimi e shume e shume gjera te tjera. Gjithashtu, kjo sjell premisa qe ne nje te ardhme jo shume te larget te kete edhe nje numer te madh divorcesh, kjo per arsyen se disa nga keto vajza te njoma, qe jane martuar ne nje moshe shume te re, mund te kene si bashkeshorte edhe baballaret e tyre per nga mosha, dhe dashje pa dashje lindin kontradiktat ne familje, zenkat etj etj, gjera qe çojne deri ne divorce.

Po si mund te zgjidhet ky problem? Mund te zgjidhet me ndertimin e shkollave, me fushata sensibilizuese per te rinjte qe te ndjekin shkollat, kurset e specializimeve dhe te ndjekin pasionet e tyre, ne menyre qe ne te ardhmen te mos jene peng i askujt, por te kene jeten e tyre. Gjithashtu dhe vete prinderit duhet te fillojne te kuptojne qe eshte idiotesi te fejojne e martojne femijet ne nje moshe teper te njome per arsye qe shume here jane banale. Pra, te gjithe sebashku, komuniteti, duhet te jape ndihmese ne parandalimin e ketij fenomeni.

[geezer]

Nuk eshte me tragjike sesa niveli i prostitucionit dhe trafikimi i qenieve njerzore. Kjo eshte edhe me tragjike se ky informacioni siper.

bravo vllau jem mos fol ma se i ke mbyt po kta sjan njerz skan tru skan kurfar intelegjence , ke pershendetje prej meje