Muaji i fundit i vitit të kaluar ka sjellë edhe një kthesë të rëndësishme në botën e teknologjive komunikuese e informuese (TKI). Numri i përgjithshëm i përdoruesve të internetit ka kaluar kufirin prej një miliard.
Për këtë arritje të rëndësishme ka njoftuar agjencia analitike amerikane comScore. Në analizën e saj janë përfshirë personat më të moshuar se 15 vjet të cilët gjatë muajit dhjetor së paku një herë i janë qasur internetit, nga vendet e punës apo nga shtëpitë e tyre.
Sipas të dhënave të comScore, numri më i madh i shfletuesve të internetit, 41.3 për qind, vijnë nga rajonin aziatiko-paqësor. Më pas vijmë ne evropianët, me pjesëmarrje prej 28 për qind, të pasuar nga Shtetet e Bashkuara të Amerikës me 18.4 për qind pjesëmarrje.
Sipas shteteve, numri më i madh i përdoruesve, siç edhe është pritur, vijnë nga Kina (17.8 për qind), pasuar nga SHBA-të (16.2 për qind) dhe Japonia (gjashtë për qind) në vendin e tretë.
Përgjigju Duke Cituar
Krijoni Kontakt