Ramush Haradinaj vs Hashim Thaqi

[YlliRiaN]

PDK ka shtuar radhët me zyrtarë të lartë të Degës së AAK’së në Gjilan dhe këshilltarë komunalë. Zyrtarë të PDK’së pretendojnë se në partinë e tyre janë shkrirë 30 nëndegë të AAK’së në Gjilan. Ndërkaq, Ramush Haradinaj thotë se ka pranuar 1470 anëtarë të rinj në Deçan. Ai ka zbrazur akuza të ashpra në adresë të Qeverisë. Në betejën për anëtarësi të re është përfshirë edhe AKR.

Megjithëse zgjedhjet e reja lokale janë së paku tetë muaj larg, lëvizja e zyrtarëve të lartë lokalë dhe anëtarësisë nga njëra parti në tjetrën po merr përmasa gjithnjë e më të mëdha.
Të dielën në Gjilan, Partia Demokratike e Kosovës (PDK) ka dridhur strukturën e Aleancës për Ardhmërinë e Kosovës (AAK).

Ndërkaq, në bastionin më të fortë të AAK’së, në Deçan, zyrtarë të kësaj partie pretendojnë se kanë pranuar 1470 anëtarë të rinj, që të gjithë të ardhur nga subjektet tjera lokale.
Në betejën për anëtarë të rinj, të dielën është përfshirë edhe Aleanca për Kosovën e Re (AKR), e cila po ashtu thotë se ka pranuar zyrtarë të partive tjera në Shtërpce.
Javën e kaluar, ish-deputeti i AKR’së, Arsim Rexhepi i është bashkuar LDK’së.

Pas Drenasit dhe Vushtrrisë, në një tubim në Gjilan, PDK ka shtuar radhët e veta me zyrtarë të lartë të Degës së AAK’së.
Në partinë më të madhe në vend janë anëtarësuar ish-kryetari i Degës së AAK’së, Sabedin Kadriu. Në zgjedhjet e fundit lokale, Kadriu ka qenë kandidat për kryetar komune nga radhës e këtij subjekti politik.

Në PDK kanë aderuar edhe dy nga katër këshilltarët e AAK’së në Kuvendin Komunal të Gjilanit, Ejup Haziri dhe Lujeta Kadriu, si dhe anëtari i Kryesisë së Degës, Burhan Selmani.
Të gjithë këta ndër themeluesit kryesorë të AAK’së në këtë qytet.

Zyrtarë të Partisë Demokratike kanë deklaruar se kësaj partie i janë bashkuar edhe 30 nëndegë të AAK’së në Gjilan.
I sapoardhuri në PDK, Sabedin Kadriu, ka theksuar disa nga arsyet që e kanë shtyrë të ndërrojë partinë. Ai ka thënë se tërë puna e bërë në Degën e AAK’së nuk është vlerësuar mirë. Kadriu ka përmendur shantazhin dhe mungesën e demokracisë së brendshme në Aleancë. Ai parashikon se PDK do të mposhtë sërish partitë rivale dhe “Gjilanin do ta bëjë edhe më të mirë se që ka qenë më parë”.

Për të përshëndetur forcimin e partisë, të dielën në Gjilan kanë qëndruar zyrtarët e lartë të PDK’së, Fatmir Limaj, Hajredin Kuçi, etj.
“Në Kosovë po ndodhin shumë ndryshime, kurse PDK po dëshmon se po i qon në vend premtimet dhe zotimet se do ta ndryshojë vendin. Për një vit të kësaj Qeverie kanë ndodhur ndryshime të mëdha”, ka thënë Limaj. “Ne nuk pretendojmë se për një vit i kemi arritur të gjitha dhe do t’i zgjidhim të gjitha problemet. Por, qytetarët për çdo ditë po shohin se po vijnë investime, se investime po vijnë edhe në Gjilan e do të vijnë edhe në të ardhmen”.

Nënkryetari i PDK’së, Limaj, ka thënë se në partia e tij “po pranon njerëz të rinj të cilët
vizionin e tyre mund ta sendërtojnë duke u futur në PDK, parti që është e hapur për të gjithë ata që duan t’i afrohen”.
Manifestimi i organizuar nga PDK me rastin e pranimit tp anëtarëve të rinj është mbajtur në Hotelin “Kristal”. Rreth 50 më larg, në selinë e Degës së AAK’së, nënkryetari Ahmet Isufi u ka uruar punë të mbarë ish-kolegëve të vet duke vlerësuar se është e drejtë e secilit të vendos për përkatësinë partiake.
Sipas tij, edhe në AAK ka aderime nga partitë tjera, por kjo trajtohet ndryshe.

“Edhe te ne erdhën shumë anëtarë të PDK’së, të LDK’së, LDD’së e të subjekteve të tjera, por ne ata nuk do t’i përdorim për marketing, nuk do të luajmë me ndjenjat e tyre ashtu siç bënë të tjerët, pak më larg nga këtu”, ka thënë Isufi.

Ai i quan të pavërteta pohimet e zyrtarëve të PDK’së se në të janë shkrirë 30 nëndegë të AAK’së. Ahmet Isufi ka paralajmëruar se do të shqyrtohet mandati i këshilltarëve komunalë që janë bërë pjesë e PDK’së.

Në procesin e fundit zgjedhor në AAK, para disa muajsh, Isufi është zgjedhur edhe kryetar i degës së këtij subjekti në Gjilan. Të dielën ai ka bërë të ditur se kryesia e re e kësaj dege do t’i ketë 39 anëtarë.

Para qindra simpatizantëve në një tubim partiak në Deçan, Kryetari i AAK’së, Ramush Haradinaj, që pretendon të marrë kreun e Qeverisë, ka bërë të ditur se në zgjedhjet e ardhshme partia e tij synon të fitojë 51 për qind të votave në Kosovë.
Ai ka bërë thirrje Hashim Thaçit, që “në vend të fushatës për libreza të reja”,
të dalë në zgjedhje.

Haradinajt nuk i ka shpëtuar as ky tubim pa përmendur njëqind ditët e punës së tij si Kryeministër, duke i bërë thirrje Qeverisë aktuale që ta merr si model qeverisjen e tij.
“Mos harroni se në njëqind ditshin e qeverisjes Haradinaj nuk ka pas korrupsion”, u ka thënë ai simpatizantëve të vet.
Ai ka rikujtuar se koalicioni i tij me LDK’në, në dhjetor 2004, është kritikuar ashpër nga PDK, e cila sot është ka ndërtuar qeverinë po me këtë parti.

“Po të njëjtit një njerëz që më kritikuan lidhën koalicion ma vonë. E ndoqën rrugën tonë. Po të njëjtit njerëz shkuan te varri i Presidentit Rugovës dhe po e shihni dyfytyrësinë e këtyre njerëzve”, ka thënë Haradinaj.

“Unë kam pas një fytyrë, një qëndrim dhe një fjalë”.

Lideri i AAK’së, i cili para disa ditësh ka deklaruar se pas largimit të tij nga Qeveria AAK-LDK, ajo kishte degraduar, u ka thënë bashkëpartiakëve në Deçan se ndaj partisë së tij është bërë propagandë negative.

“Në kohën kur s`jam kanë këtu, ditë e natë qytetari i vendit u bombardua me propagandë se Aleanca janë hajna. Të gjitha këto akuza kanë qenë rrena të SHIK`ut, që i kanë bërë për interesa zgjedhore”.
Gjatë fjalimit të tij ai ka zbrazur edhe një varg akuzash ndaj ekzekutivit të vendit.

“Janë shtyrë zgjedhjet kryesisht për shkak se shkolla qeverisëse e sotshme nuk ka mbërri me i rrejt mjaftueshëm njerëzit e vendit”, ka thënë Haradinaj.
Ai konsideron se Qeveria e Kosovës nuk është duke ndihmuar sa duhet Deçanin, “pasi po o bllokon projektet e këtij qyteti dhe nuk po i financon njësoj sikur në komunat tjera të Kosovës”.

[firaku]

Keq,keq,keq.........
E panevojshme dhe e damshme ne rende te pare per vete Hashimin dhe per Ramushin e pastaj edhe per perkrahesit e tyre qe ne te vertet nuk i ndan shume nga njeri tjetri.Mendoje se jane burreshtetas duhet te sillen ashtu,sjelljet qe tani po i bajne jane sikure femijet ne qerdhe,nuk u ka hije.Duhet te ulen te dyte se bashku dhe ti sqarojne gjerat qe sipase mendimit tim nuk ja vlejne te vijne deri ne kete gjendje.

[prishtinase]

Po ka qef Ramushi me dal TV se ka me t'keq :P

[YlliRiaN]

Kryetari i Aleancës për Ardhmërinë e Kosovës (AAK), Ramush Haradinaj, parashikon që viti i dytë i shtetësisë së Kosovës do të jetë shumë më i vështirë se ky i pari.

“Na presin një mori sprovash dhe problemesh, të cilat aktualisht nuk kanë adresë të mirëfilltë të zgjidhjes së tyre”, tha Haradinaj, në një konferencë me gazetarë, transmeton agjencia KosovaLive.

Ai i uroi të gjithë qytetarët e Kosovës me rastin e njëvjetorit të shpalljes së pavarësisë, ndërsa nuk e la as këtë rast pa e kritikuar qeverinë aktuale për ngecje në shumë fusha e jetës.

Haradinaj tha se nuk mund të jetë rehat, kur është dëshmitar i shndërrimit të shtetit në pronë private të një udhëheqësie, e cila sipas tij, dëshiron të monopolizojë të gjitha të mirat e trashëguara, të gjithë historinë dhe ardhmërinë, dhe e cila e ka transformuar pushtetin në një korrupsion të organizuar.

Kryetari i AAK-së u shpreh pesimist për perspektivën e shtetit të Kosovës, me gjithë këta qytetarë të papunë dhe gjithnjë e më shumë të zhgënjyer.

“Shteti i Kosovës është shumë i ri, prandaj duhet të jemi të pjekur, të mençur dhe të guximshëm për ta ruajtur dhe për ta forcuar atë. Nuk mund të jemi ne mirë, nëse shteti i Kosovës është keq, nuk mund të jemi të qetë, nëse shteti i Kosovës nuk e ka të siguruar tërësinë e tij territoriale”, tha Haradinaj, citon KosovaLive.

Ndërkaq sa i përket paralajmërimit të serbëve se në këtë njëvjetor të shpalljes së pavarësisë do të mblidhen në Zveçan dhe se do të mundohen të bëjnë provokime, Haradinaj tha se për këtë gjë qeveria është dashur të mendojë më herët, e jo sot.

Sipas tij, edhe ky fakt tregon dështimin e qeverisë në punën e saj, sepse nuk po arrin të krijojë strategji paraprake për të qenë e gatshme në parandalimin e provokimeve serbe.

[prishtinase]

Ramushi si ramushi hahah ka qef me bo potera gjyna!!

[Dardanius]

Ramushi edhe atë çka ka bërë gjatë luftës gjithë atë trimëri e ka humbur për tetë vjet, dhe tashi nga shumë njerëz është i kthyer si njeri i urryer se ka vepruar 8 vjet gabim.

[beni33]

ramushi dhe thaqi jan te destinuar te deshtojn

[Flora82]

Rroftë Ramushi, qe po te vihet ne qeveri do ja u qoj Shkijeve te Mitrovicës nga 2000 €uro

100.000 Shkije x 2000 €uro = 200.000.000 €uro = Buxheti i Kosovës për një vit. Bravo Rramush kështu har(am)xhohet Buxheti i shtetit.

po po edhe nje pallate e maron me pare te qeveris , veq ndoket i ka la durte per qeveri .

[Dorontina]

Ramushi edhe atë çka ka bërë gjatë luftës gjithë atë trimëri e ka humbur për tetë vjet, dhe tashi nga shumë njerëz është i kthyer si njeri i urryer se ka vepruar 8 vjet gabim.

shum qudi pas lufte ma shum dulen te kqija se te mira e jo vetem per ramushin por pe rte gjith,e kjo ndodhi vetem se u styn per vend te parê e ata qe se muren vendin e par e shajn te parin e shaj ai e saj ky e akuzo , u ba sikur hakmarrja thash the dhe u zhyten te gjith...

te ndar i han ujku ma leht...........
kush po i ndan? ai qe ep vende te para pa pyet askend vetem qe i duhet atij...(atij)..".kan ardh me na ndihmu".......

[Milkway]

Nje gje jeni tu e harru kur kan kris plumbat mbi kryt e nenave , motrave , vellezerve , brohoritshim Ramushi , kush ka qen ne vijen e frontit Ramushi apo Thaqi . Une them Ramushi me mijera ushtar nen komanden e tij , Thaqi eshte shetitur anekend Evropes a Ramushi ka bart barren e luftes .
Por tasht masi kan kaluar 10 vjet edhe ne si bukpermbysa kem harru at qe ka bere Ramushi .

Une vetem nje gje e di qe sa ka qen Ramushi kryeminister per 3 muj dit une qdo minut kam pas energji elektrike ,edhe pse ateher skem pas shtet .
Po tasht me shum skem se qe kem.

A e dini qka ka premtu Thaqi : Rrym 24 ore
Pune per te gjith
Laboratore ne qdo shkoll te mesme edhe fillore
Nanoteknologji per fakulltetin e Prishtines
e shum e shum enderra qe ne Amerik mi premtu nuk te beson njeri e le mo ne Kosove .

Qka bere Thaqi perveq rrugeve qe tani kan filluar te prishen , shkollat qe kan filluar te pikojn , dhe ambulantat qe edhe keto e leshojn ujin .

Nuk jam simpatizant as i Thaqit e as i Ramushit po nese deshirojm te behemi real edhe te pranojm te verteten duhet pranuar se Thaqi eshte me poshte Ramushit