Folklor nga Çamërija

[_AuLoNa_]

Delvina me Çamërinë
përnjëherë në këmbë c'u ngrinë

Hajde moj kalaja ajdhonate
Moj ç'i bëre trimat që pate

Luftojnë me jataganë
Ore për liri e për vatanë

Delvino, Delvina, Delvina me Çamërinë

Hajde Delvina me Çamërinë
Përnjëherë në këmbë ç'u ngrinë

Përnjëherë në këmbë c'u ngrinë
tri taborë asqerë ç'i prinë

hajde moj kalaja ajdhonate
moj ç'i bëre trimat qe pate

luftojnë me jataganë
për liri e për vatanë!


(Delvina ne koherat e herta ka qene pjese e Çamerisë, me vone me kalimin e kohës u asimilua me lab.)

[toni007]

ULU MAL TE SHOHE KASTRINE( Motiv kenge Çame nga Namik Selmani)

Ulu mal te shohe Kastrine
se kam vite pa e pare
Erdha mbledhur me Citjane
tani jam një floke - bardhe
Ulu mal qe te shoh dene
Mos është thinjur duke pritur?
C'mu be dhromi kupe me helme
shteg me shteg me ferra stisur
Ulu mal , mos ma zer diellin
Se kam ftohte , jam çipllak
Njeqinde zjarre te me ndezin
Nuk ma ngohin një pikë gjak
Ulu mal ,qe te shohe varret
E t'ua puth barin e blerte
Tu rrefej për mijra halle
Qe me zune ne 50 vjet
Ulu mal te shohe Kastrine
E t'i them një amanet
Se Shqiponja zemerdlire
Pa e pare, kurrë s'vdes
Ulu mal se sot kam dasëm
Ndaj kam sjell 100 dhioli
Do ta zgjoj gjyshin nga varre
T'ia marr prapë si ne rini
Do ta zgjoj nga gjumi i gjatë
Boll me enderra me gogola
Çamëria , melhem plage
Hapur-o pa lloz te porta
Do ta zgjoj nga gjumi i thelle
Kroje , djepe dhe përralla
Qofte fjala monument
Ngritur -o për ditë te bardha
Ulu mal se dua qiell
Të shohe zogj ne fluturim
Do te mbledh një grusht me yje
Qe ta hedh mbi Camerine
E, ne vdes , te vdes mbi varre
Lare-o me drite hënë
Mal mbi to te benen lulet
Njomur-o me lote nene

[toni007]

JANINE VJESHTE
BILAL XHAFERRI

Liqeni i Janinës – luginë plot me ujë
Dergjet i përgjumur në mjegullën mëngjesore,
Shket krahu i pulëbardhës mbi nisinë si tumule,
Me fletët e rrepeve mbulon era shetitoret.
Xhamitë ekzotike, bija lindore të braktisura
U pozojnë të trishtuara turistëve nga perëndimi.
Matanë sinorit me tela vijën stërnipat e Pirros
Dhe kalojnë kryeulur nën rrepet buzë limanit

Vjeshta lakuriqe si "missis minifunde",
Fërkohet pas ledheve mjekrosh tërë myshk,
Atje ku Frosina iu shkëput Ali Pashait
Dhe në ujrat e ftohta të gjolit u zhyt.
Ashtu është Janina e vjetëruar mënjanuar
Dhe të duket sikur në gjol mengadalë do humbasë
Bashkë me lavdinë e dikurshme të harruar
Bashkë me buçimën e tambureve luftarakë.
Do humbasë në Janinën e re me neon,
Nën valët e veturave që shkasin asfalteve
Nën hotelet moderne "Ksenia", "Palladion".
Nën tingujt e kambanave dhe këngët e psallmeve...

Liqeni i Janinës – luginë plot me ujë
Përkundet i përgjumur në mjegullën mëngjesore.
Që tej sinorit me tela vijnë stërnipat e Pirros
Dhe kalojnë kryeulur nën rrepet e shetitoreve
Me një mendim të heshtur, me një brengë përvëlonjëse

[toni007]

SHKRUAN :ABEDIN RAKIPI

E morra xha Aliun dhe pasi ja putha doren
ju luta me ngutje : me fol per Çamerine.
I rrodhen lotet menjehere plakut flokebardhe
dhe duke i fshire me tha :
Barre te rende me ke lene o bir,
po une do te flas qe ti mos ta harrosh kurre Çamerine.
11 vjet i pata kur greket shkallmuan deren,
dhe babane e dy vellezerit i rrahen me kembe i
shkelen,
i lidhen burrat te kasollja pas shtepise,
pastaj motren e nenen i terhoqen zvarre mes avllise.
I leshuan qente e eger mbi to dhe ja grisen fustanet,
une qaja dhe ulerija per gjemen qe zuri vatanet,
pasi na lane ta gdhinim gjithe naten jashte ,
ne mengjes i vune zjarrin vatres tone te lashte.
Mua me rrahen dhe me thane te zhdukesha,
me lote dhe gjak u ngjita ne koder te fshihesha,
u fsheha mes shkurreve dhe shihja nenen e babane.
Motren e cnderuan pa meshire dhe nenen e vrane,
dhe pastaj si bisha shkuan te kasollja ku ishin te
lidhur vellezerit me babane.
Hidhnin thika nga larg me doren e djathte
dhe si shenjester merrnin kembet e babait tim,
shume thika kembet e babait i bene gjak me ngasherrim,
ulerinte i ngrati dhe i lutej ALLAHUT me ze te larte,
ja prene dhe gishtin dhe ja vodhen unazen e arte.
Baba, vellezer e moter,
i mbyllen te gjithe ne kasolle si rober,
dhe pasi e lyen kasollen ma vaj i vune zjarr,
dhe zjarri i kryqeve perpiu kasollen dhe te gjoret.
Klithnin, ulerinin, qanin therrisnin Zotin,
dhe fjala e fundit qe degjova ishte ska zot tjeter vec
zotit te vertete dhe i derguari i tij eshte robi i
vertete,
ndersa una s'shikoja dot me se lotet mi qeruan syte.
O zot o shpirt i perjetshem fali meshire,
ndersa greket rreth e rreth kasolles qeshnin dhe
therrisnin HELADHA, HELADHA, HELADHA, tha xha Aliu.
U mbyt nga lotet xha Aliu sa edhe une
ju luta zotit te me falte,
qe ja lendova kujtimet,
por fshehurazi edhe une u mbyta ne lote
dhe i premtova xha Aliut qe sdo ta harroja kurre
ÇAMËRINË

[toni007]

KËTA KRALËT EVROPIANË

Këta kralët evropianë,
Në male përmbi Sajadhë,
Vunë një nishan të bardhë,
Për të dhezur shamatanë,
Shqipëria me junanë,
Çamërinë e lanë mënjanë,
Dhe Kosovën me serbijanë,
Ti pse klanë moj Çamëri,
Ç'të mos klajë moj Shqipëri,
Gjithë huduti i Çamërisë,
I mbeti resto Greqisë,
Shqipëri tre viljeta
Në mes kraleve mbete,
Shqipëri,t'paça fal,
Të kam nënë e më ke djalë.

[toni007]

Mu te trapi trepe-trepe

Mu te trapi trepe-trepe
shkuan Salica* me djepe,
ca me djepe, ca pa djepe,
une e zeza ka do vete!
Shkuan camete rremuje,
s'kish njeri t'u ipi uje,
grate i mori lemeria,
po shkojne nga Shqiperia,
mbeti shkrete Cameria!

[toni007]

NE PESE-PUSE KALA


Ne Pese-Puse Kala
dolli palo Jorgua
Kostandini shkeli krijne
te ben pashken ne Janine
>Riza beu-tha-do ndroj dine
do bij bajram ne Athine
Janine, e zeza Janine
del e shih asqere qe vijne
Mahmut beu me dhjet mile
Moj Janine,o moj Janine
veqil keshe Sheh Aline
kajmekami me katine
radhazi telit i bijne
Mecove,e zeza Mecove
shume u mbajte,pra tu hodhe
shqipetaret perpara shkojne
me jatagane ne dore
Valle kush e beri fora?
Selam Hasani nga Vlora
pika gjak i kullon kordha.

[toni007]

JANINE MOTRA JANINE

Janine,motra Janine
dil e shih c'djelma qe vijne
Taborret e Vlores vijne,
per Bezhan e per Janine
dolli mileti i prine
nuk e mbanin dot gezimne
dridhej vendi ne Janine
ka muzikate qe bijne.



JANINE E ZEZA JANINE


Janine e zeza Janine,
Janin-o 1)
mire ta bene tertipne
Selim Qori me Uznine
ne Korfuz vane e te shitne
anapolona tre mile
Janine te mbite ngjoli
hapi site se te mori
Po e pe qe te te marre
veri xhepanese zjarre
me mire t'e djegesh vete
se ta marre Junani shkrrete.

[EDLIN]

Te rriti mamaja

Te rriti mamaja moj
Te beri manare
Nuse e bukur je bere moj
Shtatin si sorkadhe

Te mori babai moj
Te nxorri ne valle
Si s'i mbajte lotet moj
Per babane ti qave

Te mori vellai moj
Te nxorri ne valle
Si s'i mbajte lotet moj
Per vellane ti qave

Ika baba ika
Mbetsh o me shendet
Shendet patsh moj bije
Atje ku do te vesh

[EDLIN]

Ajde Delvina more me
ooo me Çamërinë

O menjëherë more në këmbë u ngrinë
more menjë--herë në këmbë u ngrinë

O menjëherë o në këmbë u ngrinë
ajde menjëherë o në këmbë u ngrinë

O c'humbën more mbi Janinë
ore ç'humbën mbi Janinë

O moj kalaja
oh moj me bedenë
ajde moj kalajaa
oh moj me bedenë

O djeltë tanë moj atje mbenë
moj djeltë ta--në atje mbenë
o djeltë tanë oh moj atje mbenë
ajde djelte tane oh moj atje mbenë

O me jata--gane ç'u prenë
more me jata--gane ç'u prenë

o Tahir Çapa--O-pari me shokë
hajde Tahir Çapa--o-pari me shokë
o me Gjo(n)lekën more ç'u bë tokë
o more me Gjo(n)lekën ç'u bë tokë.