“Krushqit”, vënë në pranga tre trafikantë klandestinësh

[new-man]

Nga klandestinët e shoqëruar 6 prej tyre ishin fëmijë të moshës nën 10 vjeç

Trafiku i klandestinëve ka çuar në pranga tre persona, mëngjesin e sotëm. Burime zyrtare nga Policia e Korçës, thanë: tre burrat e arrestuar janë vënë në pranga për akuzën e “dhënies së ndihmës për kalimin e paligjshëm të kufirit”.

Ishin efektivët e sektorit antitrafik në Policinë e Korçës që me anë operacionit të koduar “Krushqit”, kanë vënë në pranga tre personat që dyshohen se kanë ndihmuar disa të tjerë të kalojnë kufirin.

Në pranga kanë rënë Tomor e Haxhi Malo nga Erseka dhe Altin Lifo, po nga Erseka.

Policia tha se, ka sekuestruar gjithashtu në cilësinë e provave materiale dhe pesë telefona celulare dhe një furgon me targa ER 005 A.

Ndërkaq që, gjatë aksionit uniformat blu kanë, shoqëruar edhe 20 klandestinë, që u gjendën në fugonin e sekuestruar.

Nga klandestinët e shoqëruar 6 prej tyre ishin fëmijë të moshës nën 10 vjeç, që dyshohet se, ishin duke u trafikuar.