Jozefina Topalli shkarkon Aleksandër Biberaj

[Duaje Siveten]

lexojeni si me poshte, dhe do te vijoni te mesoni (per te nje mijten here) taktiken skuthisto-pabesiste te salis ... autor i prapaskenave menxyriale ndaj Shqiperise...

PANORAMA 25/01/2009

Shkarkimi
Biberaj: Uroj që Berisha të mos e dinte

Deputeti i PD-së, Aleksandër Biberaj, hedh poshtë akuzat e Kryetares së Kuvendit lidhur me abuzimet financiare për sa i përket disa udhëtimeve jashtë shtetit. “Çështja e biletave është një shpifje e ulët. Unë për çdo takim e kam informuar zonjën Topalli, i kam dërguar kërkesë, por nuk kam marrë përgjigje. Unë kam marrë pjesë në ato takime dhe kam përfaqësuar Shqipërinë, por Parlamenti nuk më ka rimbursuar asnjë nga ato shpenzime, unë i kam përballuar nga shpenzimet e mia. Kjo nuk është fare normale. Unë do kërkoj një komision hetimor për të verifikuar të gjitha shpenzimet si të miat dhe të Jozefina Topallit”, tha dje Biberaj.

Në një intervistë në “Ora News”, ai thotë se pas kërkesës për shkarkimin e tij si kryetar i delegacionit të Shqipërisë në Asamblenë e Përgjithshme të KE-së, marrëdhëniet me kryeparlamentaren tashmë janë të krisura. “Pas kësaj që ka ndodhur krijohet një krisje e marrëdhënieve me zonjën Topalli. Kurse me zotin Berisha kemi pasur dhe kemi marrëdhënie të mira. Uroj që zoti Berisha të mos ketë pasur dijeni për këtë lëvizje që është bërë”, shprehet Biberaj.

Deputeti demokrat tha se, pasi mori vesh lajmin se një letër ka mbërritur në Strasburg për shkarkimin e tij, është përpjekur të flasë me Kryeministrin, por nuk ka mundur, ndërsa sipas tij Topalli e Patozi nuk i kanë kthyer përgjigje. “Jam përpjekur që të kontaktoj me Kryeministrin Berisha, por nuk kam arritur. I kam dërguar një mesazh zonjës Topalli dhe zotit Patozi për të marrë një konfirmim zyrtar dhe s’kam pasur përgjigje. Më pas jam lidhur me Strasburgun, nga ku jam informuar se para disa ditësh është dërguar një shkresë, e cila kërkon zëvendësimin tim si kryetar, por jo si anëtar dhe si zëvendësues në delegacioN”.

[Brari]

kush mundet te na sjelle te rejat me te fundit me te sakta per ceshtjen biber-topalli..
kuptohet.. nga dy kumonat..pra si nga krahu bybero biberist.. ashtu dhe nga krahu topallo-berishian..

e te gjykojme me qetsi..

[MaDaBeR]

Strazburg, KE "ngrin" votën e delegacionit shqiptar

• Asambleja e Përgjithshme Parlamentare ngrin kredencialet e delegacionit shqiptar . Vendimi u propozua nga kryetari i grupit parlamentar. Lajmi u konfirmuar për NEWS24 nga deputeti socialist Kastriot Islami, njëkohësisht anëtar i delegacionit shqiptar në Strazburg.

STRAZBURG-Asambleja e Përgjithshme Parlamentare ngrin kredencialet e delegacionit shqiptar , cka do të thotë që delegacioni shqiptar nuk ka të drejtë vote, deri në një vendim tjetër.

Vendimi erdhi pas letrës që kryetarja e Kuvendit të Shqipërisë Jozefina Topalli I dërgoi Asamblesë së Përgjithshme të Këshillit Europian ku kërkon shkarkimin e Aleksandër Biberajt nga posti i kryetarit të delegacionit shqiptar në këtë organizëm

"BalkanWeb"

[Duaje Siveten]

u krijua nje situate tjeter mediatike, me permasa europianike ...

sipas ndonjerit ketu, qenkan dy kampe, byberiste nga njera ane, dhe topall-saliste nga ana tjeter ...

sado te sillni materiale (prisni zografisjen e fahrise), salija ka te drejte perhere (il Duce ha raggione, sempre raggione) ...

do hidhet shume mjergull, do te behet zhurme e madhe mbase, deri sa shpifet nga zombizmi sigurimso-punist nje tjater situate per tia dhene ne dore salis apo jozit per ta vene ne jete ...

edhe biberaj do te hiqet i bindur se salija edhe un nuk dijm gja, e ka ba jozi me koke te vete ... do ti propozohet nje vend tjeter sa per ta mikluar ...

djalka i çajp rusmalles do te zere ate vendin, se i ka sherby me devotshmeri salis, sipas mesimeve te partis dhe trashigimise te te jatit ...

[^SHIU^]

Evropa: Shqiperise mund t'i heqim te drejten e vetos

Kryetari i Komitetit Politik në Këshillin e Europës, Goran Lindblad theksoi dje se do të diskutohet kërkesa e kryetares së Parlamentit shqiptar për shkarkimin e Biberajt. Por ai shton se Biberaj është sjellë përherë në mënyrë korrekte dhe nëse ai shkarkohet, atëherë kjo përbën një shkelje të ligjit shqiptar, gjithashtu është edhe shkelje e kritereve që Shqipëria ka pranuar kur i është bashkuar Asamblesë Parlamentare të KE-së. Ai shpreson që Topalli të mos e ketë marrë një vendim të tillë si presion nga ndonjë vend i Europës Lindore, pasi Biberaj është kryetar i Komisionit hetimor për krimet kundër njerëzimit në Ukrainë. Biberaj do të nxjerrë përgjegjësit për vdekjen nga uria të rreth 2 milionë ukrainasve në kohën e Stalinit. Ndërkohë që thekson se mund të shfuqizohet e drejta e votës së shqiptarëve, ose do të rishikohen mandatet e tyre. Reagimi i Lindblad vjen menjëherë pas debatit të hapur mes Topallit dhe Biberajt për udhëtimet e tij drejt KE-së, ku sipas kryetares së parlamentit, ai nuk ka paguar 2800 eurot për biletat.
Si e gjykoni vendimin e Kuvendit për të shkarkuar zotin Biberaj nga posti i kreut të Komisionit të Këshillit të Europës për Shqipërinë?
Në qoftë se kreu i delegacionit, zoti Biberaj është sjellë në mënyrë korrekte dhe unë besoj se ai është sjellë në mënyrë korrekte, atëherë shkarkimi i tij është shkelje e ligjit shqiptar, është gjithashtu shkelje e kritereve që Shqipëria ka pranuar kur i është bashkuar Asamblesë Parlamentare të Këshillit të Europës.
Sa e dëmton imazhin e Shqipërisë një përplasje e tillë brenda së njëjtës forcë politike?
Përveç imazhit të partisë, kjo dëmton edhe imazhin e vetë Shqipërisë, nëse bëhet fjalë për një konflikt të brendshëm. Ajo që unë shpresoj, është që të mos jetë ndonjë vend tjetër që i bën presion kryetares së Parlamentit, sepse zoti Biberaj është raportues për krimet e komunizmit në Ukrainë.
Cila do të ishte zgjidhja që ju do të propozonit në një situatë të tillë?
Do ta diskutojmë mes kolegëve në Parlamentin Europian. Një opsion është që të shfuqizojmë të drejtën e votës për delegacionin shqiptar, ose të mos pranojmë kredencialet e tyre.

Gazeta Shqiptare

[^SHIU^]

Delegacioni shqiptar do të jetë me dy kryetarë në hapjen e sesionit të ri të asamblesë parlamentare të Këshillit të Evropës. Kjo ngjarje e paprecedent ndodh pasi dje, nga aeroporti i Rinasit janë nisur si Aleksandër Biberaj, për të cilin është kërkuar shkarkimi nga ky post, ashtu edhe Ilir Rusmali, i cili është propozuar të marrë postin e mbetur vakant. Biberaj që mbante postin e kreut të delegacionit shqiptar në asamblenë parlamentare të KE-së që nga viti 2005 u zëvendësua në këtë post, pasi u akuzua për abuzime financiare për disa udhëtime jashtë vendit, biletat e të cilave ishin marrë në emër të Kuvendit. Rreth një javë më parë Topalli ka njoftuar pikërisht sekretariatin e Këshillit të Evropës se delegacioni shqiptar do të ketë për kryetar Ilir Rusmalin, njëherësh edhe kryetar i Komisionit të Ligjeve në Kuvend. Vetë Biberaj ka reaguar ndaj akuzave të Kuvendit, duke u shprehur se kryeparlamentarja në disa raste është bërë pengesë për kryerjen e detyrimeve që vijnë nga postet që ai mban. Ndërkohë dje së bashku me dy kryetarët e këtij delegacioni janë nisur edhe deputetja tjetër e Partisë Demokratike, Lajla Përnaska si dhe deputetja rezervë e këtij delegacioni, Arenca Trashani. Ndërkohë deputeti i Partisë Socialiste, Kastriot Islami është nisur veç grupit të deputetëve të maxhorancës drejt Strasburgut, kurse anëtari tjetër i këtij delegacioni, Paskal Milo nuk ka udhëtuar.
Mbledhja
Sesioni i ri i Asamblesë Parlamentare të Këshillit të Evropës do të hapen paraditen e sotme me fjalën e presidentit të KE-së Luis Maria De Puik. Ndërkohë çështja e delegacionit shqiptar pritet të diskutohet që në pikën e dytë të rendit të ditës së sotme. Kjo për shkak se pas fjalës së Presidentit të KE-së, do të zhvillohen zgjedhjet për Presidentin dhe zv.presidentët e Asamblesë. Aleksandër Biberaj mban aktualisht postin e zv.presidentit të këtij organizmi. Ndërkohë që edhe pika e tretë e rendit të ditës prek sërish delegacionin shqiptar. Në këtë mbledhje do të diskutohet progres raporti i byrosë së asamblesë së Këshillit të Evropës ku do të verifikohen edhe mandatet. Në ndryshim nga viti i kaluar, delegacioni shqiptar do të kryesohet nga Ilir Rusmali, çka do të diskutohet edhe në mbledhjen e Asamblesë. Dita e sotme e punimeve do të mbyllet me fjalën e mbajtur nga sekretari i përgjithshëm i Këshillit të Evropës Terry Davis. Si për ironi të fatit, ish-kreu i delegacionit shqiptar në KE, Aleksandër Biberaj do të flasë ditën e martë në pikën e katërt të rendit të ditës, kur do të flitet për krimet në Ukrainë gjatë periudhës së Stalinit. Komiteti Politik i KE-së miratoi pak kohë më parë propozimin e Grupit Parlamentar të PPE-së, që deputeti i PD-së, Aleksandër Biberaj, njëkohësisht kryetari i delegacionit shqiptar në Asamblenë Parlamentare të KE-së të jetë përfaqësues i KE-së, për të zbardhur se çfarë ka ndodhur realisht në Ukrainë dhe në ish-republikat e tjera të Bashkimit Sovjetik, gjatë viteve 1932-1933. Më pas mbledhjet e ditës së mërkurë, të enjte dhe të premte do të kenë të bëjnë me diskutimin e përfundimit të luftës mes Rusisë dhe Gjeorgjisë; debat mbi situatën në Gaza, si dhe diskutim për demokracinë elektronike dhe problemet e emigracionit.

Axhenda

Delegacioni shqiptar që do të marrë pjesë në asamblenë e përgjithshme të Këshillit të Evropës pritet të qëndrojnë atje deri të premten, kur është edhe dita e fundit e mbledhjes. Por kjo javë pritet të jetë e rëndësishme në parlament, pasi kuvendi do të votojë shtatë anëtarët e rinj të komisionit qendror të zgjedhjeve. Në delegacionin që ka udhëtuar drejt Strasburgut bëjnë pjesë katër deputetë të Partisë Demokratike dhe një i Partisë Socialiste, çka mund të verë në vështirësi dy partitë e mëdha për të kaluar me konsensus emrat e rinj të KQZ-së. Një gjë e tillë bëhet edhe më e vështirë po të kihet parasysh se dy nga anëtarët e delegacionit, Rusmali e Trashani janë edhe anëtarë të Komisionit të Ligjeve, ku do të kalojnë fillimisht emrat e KQZ-së.


Sot, sesioni i ri i Asamblesë së Përgjithshme të KE-së

Sot në Strasburg nis sesioni i ri i Asamblesë së Përgjithshme të Këshillit të Evropës. Asambleja mblidhet katër herë në vit, në janar, prill, qershor dhe tetor. Në sesionin e janarit, bëhet dhe konfigurimi i delegacioneve, komisioneve dhe grupeve përfaqësuese. Në rendin e ditës së këtij sesioni do të debatohet për konfliktin e armatosur Rusi –Gjeorgji, por dhe krizën e gazit të shkaktuar nga mosmarrëveshjet mes Rusisë dhe Ukrahinës. Por në debatin e këtij sesioni pritet të diskutohet dhe për konfliktin e armatosur në rripin e Gazës, mes Izraelit dhe Palestinës. Pritet që sesioni i Asamblesë së Përgjithshme të Këshillit të Evropës, të mos i shpëtojë kontradiktave mes kryetarit të delegacionit shqiptar në këtë asamble dhe Kryetares së Kuvendit të Shqipërisë, Jozefina Topalli, e cila ka kërkuar dhe shkarkimin dhe zëvendësimin e tij nga Ilir Rusmali, përmes një letre të dërguar pak ditë më parë. Pritet të jetë vetë Biberaj që do të kërkojë në këtë Asamble respektimin e procedurave parlamentare për largimin e tij, duke pretenduar se parlamenti shqiptar nuk ka asnjë dijeni për të. Gjatë 4-5 ditëve të zhvillimeve të Asamblesë së Përgjithshme, deputetët të zhvillojnë aktivitetin e tyre në komisionet respektive ku bëjnë pjesë, ndërsa ky sesion do të mbyllet me një darkë mirëseardhje dhe nisje të një viti të ri pune.

Trashani në vend të Nishanit në Strasburg

Deputetja e Partisë Demokratike, Arenca Trashani zëvendëson Ministrin e Brendshëm Bujar Nishani, dikur anëtar i delegacionit të parlamentit shqiptar në Asamblenë e Përgjithshme të KE-së. Trashani njihet si mbështetësja e hapur e Kryetares së Parlamentit shqiptar Topalli. Në delegacionin e sotëm që ndodhet në Strasburg, mungon dhe ish-ministri i Jashtëm, kryetari i PDS-së, Paskal Milo, i cili mësohet se kishte obligime në Shqipëri gjatë këtyre ditëve të sesionit të ri të Asamblesë. Por në Stransburg nuk ka shkuar as Diana Çuli, e cila është zëvendësuese e Milos në këtë delegacion, ndoshta për shkak se Kryetarja e Kuvendit ka firmosur shumë vonë mbulimin e shpenzimeve të anëtarëve të delegacionit.

Biberaj: Unë kreu i delegacionit shqiptar në asamblenë e KE-së

ADI SHKEMBI

Ndryshe nga letra e kryeparlamentares Topalli, e cila njoftonte se Ilir Rusmali do të jetë kreu i ri i delegacionit shqiptar në KE, Aleksandër Biberaj ka udhëtuar dje drejt Strasburgut, pikërisht si kryetar i këtij delegacioni. Në një prononcim për mediat ai tha se mandatet që ai ka, ku përfshihet edhe ai i zv/presidentit të Asamblesë Parlamentare të KE-së, janë në fuqi dhe me këto mandate do të zhvillojë takimet e parashikuara. "Unë kryesoj delegacionin e Asamblesë Parlamentare, kam mandatin e zv/presidentit të Asamblesë, të zv/presidentit të PPE-së dhe zv/presidenti i mandateve. Normalisht këto mandate hyjnë në funksion që në seancën e parë nëse janë ligjore dhe juridike që në mandatin e parë. Dhe unë do të marr pjesë në to dhe do të realizoj takime. Pastaj normalisht, që për vendimin e marrë nga kryetarja e Kuvendit do të vendoset një sesioni i këshillit. Por unë mendoj se është një kërkesë joligjore dhe si e tillë nuk do të merret parasysh nga institucioni i KE-së", u shpreh dje Biberaj. Pak para udhëtimit drejt Strasburgut, ku do të marrë pjesë në seancën e parë të asamblesë parlamentare të Këshillit të Evropës, Biberaj tha se delegacioni shqiptar është duke u përballur me një situatë jo normale, e cila do të dëmtojë imazhin e vendit. Sipas deputetit të Partisë Demokratike, hipoteza se ai është shkarkuar pasi nuk ka mbrojtur siç duhet ligjin e Dosjeve, nuk qëndron, pasi ky ligj nuk është diskutuar në asnjë moment në Strasburg. "Delegacioni shqiptar përballon një situatë jo normale e cila absolutisht dëmton imazhin e Shqipërisë. Informalisht ka qarkulluar ideja se nuk e kam mbrojtur si duhet ligjin e Dosjeve në Strasburg, ndërkohë që nuk është diskutuar fare ky ligj. Nesër mund të nxjerrin ndonjë version tjetër. Këto janë të gjitha përpjekje për të mbrojtur veprimin e tyre, i cili është një veprim i shëmtuar, një veprim i ulët dhe që më kujton kohët e vjetra. Është një skemë e pastër e modelit të sigurimit të shtetit", vijoi më tej Biberaj. Zv/presidenti i Asamblesë Parlamentare të KE-së tha se shpenzimet financiare të këtij udhëtimi do t'i përballojë privatisht, duke rrëzuar në të njëjtën kohë akuzat e Kuvendit, sipas të cilave ai ka kryer abuzime financiare me disa udhëtime jashtë vendit. "U dërgua një kërkesë një javë para hapjes së asamblesë, të mos jepet asnjë informacion publik, të mbahet top sekret dhe informimi zyrtar ka qenë që delegacioni të mos shkonte këtë javë, pra presupozohej që ne të mos merrnim vesh asgjë, ndërkohë që shkresa e Topallit të futej në fuqi", vijoi më tej Biberaj.


Islami: U nisa pa vendimin e Kryetares së Kuvendit

Anëtari socialist i delegacionit shqiptar në Asamblenë e Përgjithshme të Këshillit të Evropës, Kastriot Islami, tha dje se udhëtonte i vetëm drejt Strasburgut dhe me shpenzimet e tij. Gjatë një bisede telefonike, Islami konfirmoi se ishte në një aeroport transit evropian drejt Strasburgut, ndërsa anëtarë të tjerë të këtij delegacioni kanë udhëtuar me linja të tjera. Sipas tij, kuvendi nuk kishte marrë asnjë masë për organizimin e lëvizjes së deputetëve të tij për ta përfaqësuar atë në Këshillin e Evropës. Madje Islami tha se “i vendosur për të mos munguar në sesionin e janarit të Asamblesë së Përgjithshme të Këshillit të Evropës, ai ishte nisur me shpenzimet e veta, pasi nga Kuvendi nuk kishte asnjë miratim të një procedure që ndodh çdo fillim viti dhe sa herë që ka sesione të kësaj asambleje”. Por deputeti socialist tha se gjatë udhëtimit është njoftuar se Kryetarja e Kuvendit, Jozefina Topalli ka firmosur shërbimin e deputetëve që do të shkojnë në Strasburg. Deputeti socialist paralajmëroi për një seancë debati në Asamblenë e Përgjithshme të KE-së, për shkak të letrës së zonjës Topalli dhe zëvendësimin e kryetarit të këtij delegacioni Aleksandër Biberaj.

Gazeta Panorama

[rachi]

Mir mo vlla se spo marr vesh une, a ka abuzuar me te vertete me biletat e avionit ky zoteria, nese po i takon te iki, por duke zbatu rregulloren, ceshte ky shkarkim keshtu se kadri hasbija njehere e njekohe.....primitiv.
Pasaj Luli me Salcen i q.. rropt milijonave, qeka bo nami per dy bileta avioni.

[Duaje Siveten]

merua thot se sales po i rreshqet situata nga dora ...

merua i di gjojnat, se ka qene i perbrendshem ke salis kur gezonte favorat e nishit ...

le te kuptoje se eshte edhe i qmendur ...

- - - - - - - - -

TemA

Përse Berisha s’ka fuqi të kthejë mbrapsht vendimin e Topallit
Nga Mero Baze

Debati rreth përjashtimit flagrant të deputetit Biberaj nga kreu i delegacionit shqiptar në KE do të marrë të enjten një përgjigje përfundimtare në Strasburg, por efekti i tij real nuk është atje. Megjithëse shumë politikanë po përpiqen t’i mëshojnë idesë se kjo prish imazhin e Shqipërisë në Strasburg, realisht ky rast prish maskën false të paqes brenda PD dhe fillimin e luftës së bërrylave për t’u shtyrë drejt listës së re të deputetëve. Është shumë e qartë se gjesti është bërë pa lejen formale të Berishës. Kjo u pa qartë nga mënyra se si kryetarja Topalli nxori ca shkresa agjencish turistike për të justifikuar veprimin. Nëse do të ishte konsultuar më parë me të, do të ishte aq arrogante, sa dhe shkresa që nuk thonë asgjë, nuk do të nxirrte.

Por është po aq e vërtetë se veprimi është qartësisht i certifikuar nga kryeministri Berisha, pasi është brenda logjikës së tij politike. Edhe pse ka vepruar me iniciativë për “t’i bërë dhuratë kryetarit” kokën e Biberajt, në këtë rast, një deputet i identifikuar larg sofrës së pushtetit, Topalli e ka llogaritur se Berisha nuk bënte dot hap mbrapa. Pikërisht duke njohur këtë logjikë politike të Berishës, ajo ka ndezur fitilat e një lufte, e cila do të sjellë ndoshta zhvillime të reja brenda PD para zgjedhjeve.

Berisha nuk është i lirë të kthejë mbrapsht vendimin e Topallit, pasi së pari nuk do të tregojë te mbështetësit e vet apo opinion publik se dikush brenda partisë vepron dhe pa e pyetur atë. Edhe pse në këtë rast veprimi është një shenjë e fortë servilizmi dhe nënshtrimi politik, sërish ai nuk e do këtë dhuratë. Ideja që një vartës i tij ka bërë një gjest pa e pyetur atë, e mundon më shumë sesa efekti shkatërrues që ka për imazhin e Shqipërisë ky veprim.

Berisha nuk është i lirë të kthejë mbrapsht vendimin e Topallit dhe për një arsye tjetër. Nëse do t’ia bënte këtë, autoriteti i saj do të shfryhej si një tullumbace dhe nuk ishte çudi që ajo të shkarkohej para zgjedhjeve nga vota e deputetëve të PD. I zënë ngushtë nga veprimi i shpejtë i Topallit, ai me siguri është mjaftuar me një ulërimë për Topallin që s’e ka dëgjuar askush tjetër veç atyre të dyerve të mbyllura në një zyrë, dhe është qetësuar.

Por mbi të gjitha, Berisha nuk është i lirë ta kthejë mbrapsht vendimin e Topallit, se një njeri që shkel një rregull, nuk mund të jetë i lirë. Ai ka hyrë në spiralen e shkeljes së ligjit në çdo segment të pushtetit të tij. Ka shkelur Kushtetutën, ka shkelur kompetencat e kryeministrit, ka shkelur vendimet e qeverisë, ka shkelur ligjet e thjeshta, ka kapur shtetin, ka hedhur poshtë vendime gjykatash, pra ka një histori të tërë me shkelje ligji. Duke pasur këtë histori, ai nuk është i lirë të rikthejë autoritetin e së drejtës dhe ligjit. Pasi, nëse do ta bënte këtë për Biberajn, do t’i duheshin ditë të tëra të rikthente gjithçka që ka bërë keq këto katër vjet. Do t’i duhej të rikthente VKM për rrugën Rrëshen- Kalimash, vendimet për Gërdecin, tenderët e Fazlliçit, do t’i duhej të zbatonte vendimin e gjykatës për gazetën “TemA”, madje do t’i duhej të dënonte me dhimbje dhe ata që hodhën në erë makinën time.

Nuk i bën dot këto gjëra. Nuk i rikthehet më historisë së ligjit, nuk e përballon dot tërheqjen nga një padrejtësi, pasi është futur në spiralen e tyre. Ndaj dhe nuk mund ta hedhë poshtë vendimin e Topallit për Biberajn. Është i pafuqishëm të rikthejë ligjin dhe drejtësinë në këtë vend. Mbi të sundon epshi i pushtetit dhe krenaria e burrit që nuk tërhiqet, dhe kur është duke shkuar drejt greminës. Kostoja ndërkombëtare që merr nga një idiotësi e Jozefina Topallit është kolosale, por ai s’do t’ia dijë. Mjafton që dikush në botë të thotë, qenka burrë, nuk u tërhoq. Kostoja që po merr nga bllokimi me policë i gazetës “TemA” është kolosale. Nuk do t’ia dijë, mjafton që dikush në shtëpi t’i thotë mirë ua bërë atyre gazetarëve që i kanë dhënë shumë gojës.

Kostoja ndërkombëtare që po merr nga konfrontimi me institucionet e drejtësisë në Shqipëri është e pallogaritshme, por nuk tërhiqet, mjafton që dikush t’i thotë, ti je mbi të gjithë. Këto epshe pushteti sundojnë sot mendjen e tij dhe e bëjnë atë një kryeministër qesharak, që në përpjekje për të mbuluar mungesën e autoritetit të tij brenda partisë, është gati t’i vërë flakën imazhit të Shqipërisë dhe vetë pushtetit të tij.

[Brari]

a ishe ne inagurim te obames e pyeti gazetari kte biberin..
isha tha..
po dhe topallli ishte..tha gazetari..
po tha ishte po un nuk jam pa e takue me topallin atje ne obam.. tha biberi..

pra shqipot kan shku ne ato gurgulete me obame sejcili delegacion ne vehte..a thue jemi ne bashkimi i republikave mongolo kirgizo mancuro turkmeno zimbabviane..

pra diku ktu fle ljepuri me duket..
qe biberi ka mendue se asht kok me vehte e ska dike mbi krye..
e o burra sejcili vec vec.. e ne fakt do duhej te ishin bashk..

po uroj te kaloj kjo carje lehte se nuk eshte mire..
pd duhet te mos humbe asnjerin nga figurat e veta..
per hir te atyre votuesve brekgrisur por te ndershem..


..

[MaDaBeR]

Atehere Braro, Bamir Topi duhet te shkarkoje edhe Salen edhe Xhosin, se kur beri viziten Presidenti yne ne Itali nuk u shoqerua as nga Sala as nga Xhosi e as nga Luli, kur nderkohe ne protokoll eshte e detyrueshme qe kur Presidenti ben nje vizite zyrtare me homologe te vendeve te tjera patjeter qe duhet te jete i shoqeruar ose nga Kryeministri i vendin, ose nga Kryetari i Parlamentit ose nga Ministri i Jashtem.

Pak a shume e njejta situate. Xhosi ka mare nje vendim shume te gabuar, çka e provoi sot edhe mbledhja e KE, ku Shqiperise iu pezullua e drejta e votes. Gjithashtu ajo prishi disi per te mos thene shume edhe imazhin e Shqiperise ne nje vit elektoral, ku te gjithe presin nga ne nje sjellje te maturuar te politikaneve. Ky eshte nje minus per neve.

Ne Shqiperi do dergohen eksperte nga KE per te shikuar nese kerkesa e Xhosit eshte ne perputhje me ligjet e vendit tone apo jo, dhe vetem pasi te behet ky verifikim KE do te dale me nje vendim perfundimtar per kete çeshtje. Une shpresoj qe Biberaj do te vazhdoje te jete ne ate detyre sepse deri me tani e ka kryer shume shume mire dhe deshiroj qe te vazhdoje deri ne fund mandatin e tij, pasi eshte nje nga te paktet politikane ne Shqiperi qe mund te quhet me plot kuptimin e fjales "Politikan"