AAK në përgatitje të padisë ndaj presidentit Sejdiu

[Llapi]

Me një intervistë të Bujar Dugollit, hapet sot gazeta “Epoka e Re”, e cila si titull kryesor në ballinën e saj ka “Dugolli: E di se ka pasur marrëveshje.”. Duke iu referuar mbajtjes së zgjedhjeve të nëntorit të vitit 2007, Dugolli ka deklaruar se për ekzistimin e kësaj marrëveshje duhet pyetur ish kryeministrin Agim Ceku, nënkryetarin Ahmet Isufi dhe zyrtarin tjetër të lartë të AAK-së Ardian Gjini. Sipas tij, zgjedhjet në atë kohë janë mbajtur sipas Kornizës Kushtetuese dhe kanë mandat të plotë. Deri më tash, Bujar Dugolli është i vetmi politikan nga radhët e AAK-së i cili e pranon se ka pasur marrëveshje nga të gjitha palët për t’u mbajtur zgjedhjet e vitit 2007.

[Llapi]

Po, ka pasur marrëveshje në 2007!

Nga Express më 23.01.2009 në ora 10:16
Kryetari i Kuvendit të Kosovë, Jakup Krasniqi, ka dhënë detajet e para, në lidhje me një marrëveshje, mbi bazën e së cilës u vendos që zgjedhjet të mbahen me mandat të plot, me 17 nëntor 2007.

Sipas, Jakup Krasniqit, AAK-ja dhe Fatmir Sejdiu kanë pasur fjalën kryesore atëbotë, dhe se zgjedhjet janë mbajtur pas marrëveshjes në mes të anëtareve të Grupit të Unitetit.
“Zgjedhjet janë mbajtur duke u bazuar në propozimin gjithëpërfshirës të Dokumentit të Ahtisarit, edhe pse nuk kishte kaluar në KS të OKB-së”, ka thënë për gazetën “Epoka e Re”, Kryetari i Kuvendit të Kosovës, Jakup Krasniqi.

Sipas tij, kjo marrëveshje ishte arritur mbi bazën e një marrëveshje ndërmjet anëtarëve të Grupit Politik, e cila ishte përkrahur edhet nga Grupi i Unitetit, ish-shefi i UNMIK-ut, Joachim Rucker, i cili kishte nxjerr rregulloren për zgjedhjet 2007, “ku është vendosur që Kuvendi të këtë mandat katër vjeçar, presidenti pesë dhe kuvendet komunale dy”.

“Zgjedhjet e 17 nëntorit janë mbajtur me mandat të plotë”, ka thënë Kransiqi.
Ndërkaq, për marrëveshjen sipas “Epokës...”, kishte folur edhe një ditë më parë edhe analisti politik, Ramush Tahiri, i cili kishte paralajmëruar për këtë marrëveshje. “Ka qenë AAK-ja dhe Fatmir Sejdiu që kanë vendosur ta shtyjnë mandatin dhe t’i mbajnë zgjedhjet. Në zgjedhjet e kaluara kanë thënë se po hyjnë për mandat të plotë dhe tani AAK-ja le ta shikojë atë marrëveshje që e ka bërë me Rykerin, që të mund të reflektojnë”, ka thënë analisti Tahir.

Nga partia opozitare, AAK, e cila ka qenë më e zëshmja dhe ka paralajmëruar padi kundër Presidentit Sejdiu, nuk kanë qenë në gjendje që të flasin shumë për gazetën në lidhje më këtë marrëveshje.

Nënkryetari i parë i AAK-së, Ahmet Isufi, ka thënë se ai nuk ka nënshkruar asgjë në emër të AAK-së. “Unë asnjë marrëveshje nuk e kam nënshkruar në emër të AAK-së dhe nuk besoj as që ekziston ndonjë e tillë. Lirisht shkruaje”, i ka thënë gazetarit të “Epokës se Re”, nënkryetari i parë i AAK-së, Ahmet Isufi.

Por, anëtari i tjetër i AAK-së, Ardian Gjini, i cili ka qenë ish-anëtar i Grupit Politik dhe Strategjik, nuk ka dashur të flet për këtë temë me gazetarin e Epokës se Re.
Megjithatë, burime brenda AAK-së, në kushte anonimiteti i kanë thënë gazetës se “Dikush nga partia e ka pirë duhanin tinëz”.

“Pa u pajtuar të gjithë nuk besoj se ish-shefi i UNMIK-ut, Joachim Rucker, do të ndryshonte Kornizën Kushtetuese”, ka thënë i njëjti burim.

[Llapi]

TINA PËRKRAH VENDIMIN
E PRESIDENTIT PËR ZGJEDHJE
R I S H T I N Ë , 2 8 J A N A R
Ambasadorja amerikane në Kosovë thotë
se vendimi për zgjedhje është në pajtim me
Kushtetutën dhe Planin Ahtisari
Përzgjedhja për FSK, sipas saj, ka shkuar
sipas kritereve të NATO-s, dhe porosit që këtë
të mos e shfrytëzoni për interesa politike
Bën thirrje që Kuvendi të mos e miratojë Rezolutën
kundër komunizmit
Diplomatja amerikane ka thënë
po ashtu se është mjaft e
kënaqur me punën që po bën EULEX
gazeta infopress

[Brari]

llap.. ki permend "sovranin" aty ma nalt..

me sovran ne kohen e sotme kuptohet votuesi..pra populli i lire qe voton nje parti politike apo nje kanddat te nji force politike..

pdk e ka hup te drejten me permend "sovranin" or llap e ti e din ma mir se un ket cashtje..

le ta kthejm oren disa vite prapa..

sovrani ka dal me votue.. pra populli i kosoves po voton per kandidatet e partive politike ne kosove..
ne nji zone votimi jan disa kandidat.. per tu votuar nga sovrani..pra nga populli..
ne mesin e tyre njeri quhet Uk Bytyqi.. ish luftar i shquar i uck-se e i mirnjohur ne popull si atdhetar i mire..
sovrani ne ate zone me shumice voton Uken..
Uka kandidonte per LDK-ne..
Cohet militanti juaj pra militanti enverist i pdk-se.. dhe merr kallashin dhe e vret Uken ne mes te dites per diell..

mbas ketij akti te ulet e mbas shum te tjerave si keto qe juve i kini ba me shumice.. ju si pdk e kini humb shancin me e quajt voten qe merrni ne te ardhmen si vot sovrani.. sepse dhe bulli dhe qent e katundeve ..se njerzit po e po tash e kan te kjart se ..po nuk ja dhe voten pdk-se te pret kallashi i ningjave te sali veselit.. se po fole mir per ldk.. perseri te pret kallashi i pdk-s.. se po kundershtove privatizimin e pasurive te kosoves.. prej militantave te pdk-s perseri te pret kallashi i pdk-se se xhabirave e keshtu me radh..

pra as vota nuk asht ma sovrane ne kosove sepse e kini perdhunue ju me kallash.. po as media nuk eshte ma e lire se perseri ju duke vra bardhyla e duke fut ne burg bajrush morina i keni tregue dhambet fjales se lire.. guxo e fol se..ta bajm si bardhylit.. guxo e kandido se ta bajm si Ukes..guxo e trego te verteten per luften se ta bajm si Drinit Ekrem e kshu me radh..
pra ju kini kallashin sovran.. or llap..
ai far kallashi pra qe kunder arkanit nuk u ndje kur ai barbar perdhunonte shqiptaret.. sepse ju duhej me e perdor ne tiran me vra ahmeta.. ose ne kuks me kercenue ata burra trima qe mujten me i shpetue shum gra e fmi pi terrorit serb e me i prue gjall ne shqipni.. e qe ju atyre i treguat kallash..
ai kallash te cilin nuk ishit ne gjendje me e perdor me shpetue femijet e familjes se komandantit qe ju e tallni me nickun legjendar.. ka kercit vec neper prita te pabesa me vra sabaheta e ilir selima e Mergima konushevca..

prandaj po ju vjen Luma e Dugolli.. e plot tjer sikurse ju erdh gjergj deda qe e rrahet ne llapushnik e tash qindra deg te aak-s se thojn.. ti rujm guzicat.. se ramushi spo ruan dot vehten e fmijet e jo ma ne militantave te vet.. e ju bahen juve peshqesh..

po as kjo shtese nuk ju ban juve.. me vot sovrani..

sorry po kshu jan punet or llap..

ne tv te zatriqave.. ( qe ju po i thoni udb-ash) kush mundet po del e ban hajgare me ramush e me berish e rugov..
pse..sepse kallashi juaj.. po e ban punen..

hajt e gzofshi kallashin or llap..

..

[Dorontina]

sorry po kshu jan punet or llap..


hajt e gzofshi kallashin or llap..

..

..................

[Llapi]

Brari sa per informim sipas nji sontazhi qe ende nuk ka dal publik po qe se do te mbaheshin zgjedhjet so PDK do te fitonte 55% heeeee mos prap thua o i mjer kallashi
kallashat i kemi palue e dorzue me 1999 kur e perzum shkaun

[new-man]

As ndërhyrja e Ambasadores Tina Kaidanow për të sqaruar se interpretimi për mbajtjen e zgjedhjeve dhe procesi i përzgjedhjes në FSK kanë qenë në rregull, nuk ua ka ndryshuar mendjen zyrtareve të AAK’së. Ahmeti Isufi thotë se Ambasada e SHBA’së ka traditë të mbështetjes së institucioneve. Por, sipas tij, kjo nuk do të thotë se aktualisht kemi institucionet më të mira.

Zyrtarë të Aleancës për Ardhmërinë e Kosovës vazhdojnë të shfaqen të bindur se interpretimi i Presidentit të Kosovës rreth mbajtjes së zgjedhjeve në vend dhe procesi i përzgjedhjes në Forcën e Sigurisë së Kosovës, kanë qenë dy zhvillime të gabuara politike.

Ata këtë qëndrim e mbajnë edhe pas prononcimit të ambasadores së Shteteve të Bashkuara Tina Kaidanow, e cila në një intervistë për Televizionin Publik të Kosovës morri në mbrojtje vendimet për këto dy procese me peshë.

Aleanca për Ardhmërinë e Kosovës ka qenë kundërshtarja më e fuqishme e këtyre dy vendimeve përderisa me një diskurs të rreptë ka akuzuar Qeverinë për gjendjen që është duke mbretëruar në pjesën veriore të vendit.

Por Kaidanow, në mënyrë indirekte ka kritikuar këto sjellje duke inkurajuar një debat brenda institucional.
“Çdo diskutim apo debat tjetër që njerëzit duan të kenë lidhur me zgjedhjet, përsëri brenda institucioneve të Kosovës, kjo është plotësisht në rregull. Çfarëdo tjetër, jashtë sferës të tyre (institucioneve të Kosovës) apo në ndonjë mënyrë problematike -- kjo është punë tjetër”, ka thënë Kaidanow.

[new-man]

Nga qeverisja e koalicionit LDK-AAK, Ramush Haradinaj vazhdon të veçojë 100 ditët e tij në Kryeministri. Pas kësaj periudhe, sipas tij, qeverisja kishte degraduar. Por Agim Çeku dhe Lutfi Haziri nuk pajtohen me këtë distancim të Haradinajt. Pasuesi i Haradinajt në postin e Kryeministrit Bajram Kosumi nuk komenton deklaratat e liderit të AAK-së


Ramush Haradinaj vazhdon t’i përmendë 100 ditët në krye të Qeverisë së Kosovës, si ditë të arta të udhëheqjes me vendin.
Për liderin e AAK’së, pas largimit nga posti i shefit të ekzekutivit më 2005, për shkak të aktakuzës nga Tribunali i Hagës, qeverisja në Kosovë kishte filluar të degradonte.
Këto deklarata, Haradinaj i ka bërë, të martën, në një intervistë për Radiotelevizionin e Kosovës duke dashur të bëjë edhe një distancim nga puna e koalicionit LDK-AAK, i cili bazuar në shumë raporte të institucioneve të ndryshme kishte udhëhequr shpesh në mënyrë skandaloze.

Një distancim i tillë Haradinajt i nevojitet shumë, tashmë kur është zhytur në polemika të ashpra politike me rivalin kryesor Hashim Thaçin duke u përpjekur që të paraqitet si alternativa kryesore e tij.
Por si i komentojnë pohimet e Haradinajt njerëzit që vazhduan të udhëheqin me vendin pas shkuarjes së tij në Hagë? A kanë të bëjnë deklaratat e tij me përmirësimin e imazhit të keq të AAK’së, që kjo parti kishte krijuar gjatë qeverisjes së kaluar?

Ish-Kryeministri Bajram Kosumi i cili kishte marrë timonin për udhëheqjen e Qeverisë pas dorëheqjes së Haradinajt nuk ka dashur të komentojë deklaratat e shefit të tij.
“Nuk dua të komentojë rreth kësaj”, ka thënë Kosumi, të mërkurën, për Express.

Bajram Kosumi kishte dhënë dorëheqje nga posti i Kryeministrit pa qëndruar një vit të plotë në këtë post. Ai ishte menduar se u rehabilitua në parti kur iu dha edhe një herë posti i Nënkryetarit në dhjetor.
Më pas, këtë detyrë e kishte marrë Agim Çeku deri atëherë shef i TMK’së, cili nuk pajtohet me komentet e Haradinajt.
“Unë nuk mund të them ashtu”, ka thënë Çeku, të mërkurën, për Express.

“Kosova në vazhdimësi ka shkuar duke ndërtuar kapacitetet e veta. Nuk mendoj se ka ndodhur degradimi, por është mbindërtuar ajo që e ka lënë Ramushi kështu që nuk po shoh në çfarë drejtimi është degraduar”.

Pas përfundimit të mandatit si Kryeministër i Kosovës, Çeku në një konferencë për media kishte deklaruar se dy partitë në koalicion ia kishin lidhur duart sa i përket mundësisë së shkarkimit të ndonjërit nga ministrat që përfliteshin në opinion për keqpërdorime dhe keqmenaxhime nëpër ministri.

Në opinion atë botë flitej se Haradinaj kishte arritur që të ushtronte ndikimin edhe nga Haga kur është fjala për partinë e tij dhe koalicionin.
“Nuk kisha thënë se e ka kontrolluar Qeverinë, por ka kontrolluar ministrat e vet”, thotë Çeku ,duke folur për një kontroll të ngjashëm edhe nga ana e LDK’së.
Sido që të jetë, ish-Kryeministri i jep kreditin Haradinajt duke thënë se për 100 ditë, megjithatë, është e mundur të bëhet mjaftë punë në Qeveri.

“Mund të vendoset dinamika, mund të vendosen rregullat, mund të vendosen drejtimet, mund të bëhen planet, programet e qarta. Nuk mund të arrihet shumë, por të vendosen bazat, të definohet programi, strategjitë, rregullat e punës dhe dinamika...Mund të shihet se kah po shkon Qeveria”, thotë Çeku, i cili e përshkruan Haradinajn si lider energjik.
“Besoj se ende e ka një energji të tillë në të dhe shpresoj se do ta shfrytëzojë në shërbim të vendit”, thotë ai.

Edhe ish-Zëvendëskryeministri Lutfi Haziri nuk pajtohet me deklaratat e Haradinajt, por pajtohet synimi i liderit të AAK’së ka të bëjë me distancimin e tij nga e kaluara partiake.
“Është çështje e vlerësimit të Kryetarit të AAK’së (deklaratat për degradim). Unë më shumë do ta quaja diferencim të periudhave të qeverisjes se sa dicka tjetër”, ka thënë Haziri të mërkurën për Express.
Haziri, si pjesë e koalicionit LDK-AAK, thotë se për dobësitë apo rezultatet gjatë qeverisjes duhen bërë vlerësime veç e veç.

“Sa i përket qeverisjes së brendshme, ajo është dicka tjetër. Secili ministër, institucion, secili organ, e ka pasur përgjegjësinë për rezultate pozitive apo për dobësi. Mund të vlerësohen individualisht apo kabineti qeveritar në tërësi”.

Por ai flet, megjithatë, për suksese gjatë qeverisjes së koalicionit duke mos kursyer lëvdata as për Haradinajn.
“z.Haradainaj e ka bërë agjendën për status, z. Kosumi e ka arritur qëllimin që raporti i Kai Eides në KS të jetë pozitiv ndërsa z. Ceku që negociatat për status t’i përmbyll si Kryetar i Qeverisë në mënyrën më të suksesshme”, thotë ai.

Por një hendikep i Qeverisë së kaluar, sipas tij, ka qenë Ekipi i Unitetit.
“Delegacioni i Unitetit, në veçanti si organ suprem i cili ka marrë mbi vete agjendën ndërkombëtare, Qeverinë e ka lënë në plan të dytë dhe shpeshherë përshtypja ka qenë që se Qeveria është organ apo mekanizëm teknik i delegacionit të unitetit ku roli i opozitës ka qenë më i fuqishëm se i vet Kryeministrit”, ka thënë Haziri.
Haziri nuk mendon se barra për keqqeverisje mund t’i bije edhe vet Haradinajt për shkak të mosprezencës së tij në vend.

“Kur njeriu ka qenë në distancë edhe fizikisht edhe gjeografikisht, ka qenë e pamundur me pas ndikimin. Ka mundur të çojë mesazhe, porosi, ka mundur ta shprehë vullnetin e vet. Por nuk mund të them se ka pasur ndikim të madh. Por mbështetjen ndaj kabinetit dhe tek njerëzit që kanë punuar e ka dhënë gjithmonë në kuptimin pozitiv”, është shprehur Haziri.

[Llapi]

Ata qe duan pushtetin, duhet respektojnë Kushtetutën-duhet pritur vitin 2011…!

8 Shkurt 2009
Ata qe duan pushtetin, duhet respektojnë Kushtetutën-duhet pritur vitin 2011…!

Ragip Gjoshi

Gjendja depresive ne të cilen ndodhet një pjesë e opozitës dhe madiat e tyre,në këtë dimër,po reflektohet si ” e nxehtë” agresive dhe në disa raste paranoiake !Do të ishte e udhës qe retorika propagandistike e tyre të zëvendësohej me platformën e tyre te së ardhmes…Do të ishte një mënyrë e ndershme dhe e sinqertë, një trajtë vetëkritike e çlirët, për dhënien llogari për përiudhën që kjo pjesë e opozitës ishte në krye të qeverisjës së vendit,qe nuk e bënë kurrë.Kerkesa e kryeministrit Thaçi për të hedhur dritë mbi mënyrën e menagjimit të 20 miljon eurove për “rastin e Hades” apo më mirë thënë për “rastin e A.Gjinit”,këtë vlersim timin e ilustron qartazi. Në të vërtetë, për shkak të disa problemeve të brendëshme,sidomos në strukturat drejtuese të AAK-së dhe të LDD-së , në vijën e tyre të “strukturimit’ të brendshëm, tani së fundi, hetohet shkoqur, në mënyrë të diferencuar se atë atmosferë që kanë përbrenda dëshirojnë ta hedhin në një fushë tjetër ,përjashta zyreve të tyre partiake. Qytetarët e Kosovës së lodhur për disa vite të keqqeverisjës së pasluftës,kanë çjerrur propagandën e pakripë dhe të ulëriturat, në trajtë “ triumfaliste”, se me gjoja me ardhjen e këtyre zërave në krye të vendit do të” ndryshojë gjendja” ! Qytetarët e Kosovës e kanë “pirë qorbën” e këtij tarafi për shumë vite të qeverisjës së kësaj kaste njerëzish që ngritën pallate ku nuk dëgjohet zëri i lypësve dhe jetimëve e as zëri i bashkëluftëtarëve!Dhe kështu vërehet ashiqare, si kurdoherë, se gjithë kjo shamatë mediale dhe gjithë kjo “temperaturë” e “pluhur” vjen si një dëshirë ogurzezë e opozitës sonë nihiliste!Kosova jonë e lodhur me këta zëra,tashti është duke u drejtuar nga qeveria e suksesshme e H.Thaçit,qe kudo ka shënuar hapa të rëndësishëm,sidomos në infrastrukturën rrugore,në arsim,mirëqenie sociale,por pse jo edhe në marrëdhëniet me jashtë, në energjetikë e shëndetësi.Qeverisja e kryeministrit Thaçi dhe kabinetit të tij me punën e tyre njëvjeqare kudo në të gjitha sferat e jetës shprehet dallueshëm puna në raport me qeverisjet e mëparshme.E gjithë zhurma e kësaj pjese të opozitës del blof dhe në rrafshin e dialogut politik vjen si një përpjekje e instalimit të një atmosfere ndjellakeqe me tone një dashakeqësie!Kjo zhurmë mediale madje Kosovës sonë pa nevojë mund t’i zbehë e ndoshta dhe humbasë edhe shanset fatlume të njohjeve të reja si shtet i pavarur dhe i investimeve të reja ndërkombëtare për të cilat aq shumë ka nevoje!Është kjo një zhurmë e kundërefektshme edhe për qytetarët e Kosovës dhe të ardhmën e saj sepse kjo “piskamë” bëhet vetëm e vetëm që Qeveria e Kosovës mos të paraqitet e suksesshme e t’i mbesin nën hijë punët aq kolosale që bëri për një vit të punës.Kjo lloj çasje e kësaj pjese të opozitë,në mënyrë të paargumentuar ,vetëm e vetëm qe të fitojë ndonjë pikë te ndonjë qytetari të painformuar e të pakënaqur, në ambicien e tyre për pushtet,nuk e qajnë fare kokën se sa dëmtohet e pritmja e vendit tonë për njohje ndërkombëtare,e rëndësishme është vetëm ata ta marrin pushtetin e të ngrisin palate e të fitojnë “ujemin “ e tenderave! Janë të kuptueshme ambieciet për pushtet,por asnjëherë dhe në asnjë rast këto formacione politike nuk e kanë thënë se ç’u duhet ky pushtet dhe ç’farë do të bëjnë më mirë se Qeveria Thaçi…?! Për të marrë pushtetin dhe për të vazhduar të pasuruarit ,yshtja drejt kupolës qeverisëse nuk po zgjedh mjete e metoda. Që të rikthehet një qeverisje nga e cila qytetarit të kosovës i vjen neverisje ,athua nuk u dashkan marrë në analizë, për dështimet e plota ekonomike të qeverisjeve të mëparshme?Në Kosovë,ku është edhe bashkësia ndërkombëtare,duhet harruar qe dikush mund të merr pushtetin në mënyrë të dhunshme!Qytetari i Kosovës e ka “notuar” me votën e tij qeverisjën e mëparshme rrënimtare.Pra ,një gjë duhet ditur se ka perenduar koha kur qe me këto përpjekje që kanë veq efekte aktoreske vetëm në një auditor injorantësh, apo këpëdashqëësh e kursesi te votuesit.Une,mendoj se qytetarët me “kokrrën” e tyre “matën” mirë e mirë në peshorën e tyre se kush duhet të qeverisë vendin dhe sollën vendimin se këta zhurmagjinjë e keqqeverisës të Kosovës e kishin hak humbjen e pushtetit, për atë qeverisje mizerabël, për atë korrupsion të paparë, për atë trafik të pandalueshëm të drogës, të qenieve njerëzore.... Andaj është tepër heret të kerkohet risjellëja në pushtet! Këta zhurmagjinjë të hershëm sikur harrojnë se një qeverisje e tyre “është denuar” me votën e qytetarit si të dështuar,e vallë kur u përmirësua për një vit ky i njëjtiti formacion politik…?! Pra qeverisja obstruksioniste e kallëpit të njerëzve të shthurur, arrogantë e cipëplasur e të korruptuar para një viti mori përgjegjen,andaj qytetarët me të drejtë thonë :”-Ngadalë ,or burra!Pritni edhe pak…Jo më shumë se 20011!” Së koti është marrë në dorë një altoparlant me.Në këtë rrëmujë llafesh ,ku as kjo pjesë e opozitës nuk dëgjon i pari të dytin, duhet dhënë përgjigje një herë e mirë për keqperdorimin e taksës së tatimpaguesëve,të japin përgjegje për mënyrën e dhënies së licencave të ndërtimeve fitimprurëse e të tjera,për aferat e ndryshme korruptive,etj. Që të mos zgjatemi, le të mjaftohemi me gjendjet e këtyre formacioneve politike brendapërbrenda…Këta zëra duhet të dijnë se edhe gjatë viteve të tyre të qeverisjës taksapaguesit kanë paguar për ato rrugë, të cilat u lanë në mëshirën e shiut, të baltës e të pluhurit e për nnjë vit u asfaltuanm mbi 600 km rrugë të reja:duhet të dijnë se kanë paguar edhe për shkollat,por ato mbaheshin në kantonjerë e tash kanë lëshuar shtat shkollat e reja .Me këto tone ,me këto akuza nëë dukje edhe një të dukurie kapadaillëku,nuk mund të arrihet në maje të piramidës së pushtetit.Fillimisht ,do ta lypte rendi të hedhet dritë mbi për kohen jot ë largët të qeverisjes se keqe për mungesë transparence.Në këtë mësymje kundër qeverisjes Thaçi,do të ishte burrëri të përmendeshin së paku bëmat e dukshme të kësaj qeverisjeje,e madje AAK me ortakët e vet të pakët , të kerkojnë nga qytetarët që të “ndërrojnë” mendjen! Sahati i kësaj pjese të opozitës duket se ka mbetur “allaturka” ose është ndalur diku në nëntorin e 2007-tës,sepse orët e tyre sikur tregojne e numerojnë ndryshe! Do të ishte mirë qe këtë energji AAK ta shfrytëzonte në drejtiim të forcimit të rradhëve të veta ,sepse sikur ka nisur elektorati të ikën nga ky subject “çobani një ditë do të mbetet pa kope”!Në vend të nxitjës së fjalorit fyes e urrejtës që kjo pjesë e opozitës duket ta ketë në majë të gjuhës do të ishte e udhës të ndodhin riparimet e mbrendëshme ku duket të jetë instaluar diktatura!Pse nga kjo pjesë e opozitës nuk vërehet asnjë pjesë rruge, që nuk matet veq me kilometra,anjë shkollë e re ,transparenca e punës së qeverisë…? Fatkeqësisht Kosovës ,me të vertetë i mungon një opozitë e mirëfilltë e konstruktive ,sepse kjo që duket medialisht vërehet se është pjesë e opozitës qe është veq e llafeve, e akrobacioneve për të mbuluar defektet e vetvetes e shkallën marramendëse të korrupcionit gjatë qeverisjës së tyre dhe i nihilizmit të punëve të saj të mëparshme!Prandaj,jam shumë i bindur se është iluzore dhe utopike që kjo pjesë e opozitës,tashmë kur edhe Presidenti ka bërë të qartë kohën e mbajtjës së zgjedhjeve të kërkon të marrë pushtetin, pa asnjë platformë konkrete dhe në kundërshtim me Kushtetutën e vendit! A mund t’i besohet një kerkese të tillë? Qytetarët e Kosovës , përkundër halleve të mëdha të trashëguara,hetohet kudo se bindshëm mbështesin këtë qeverisje,sepse elektorati nuk mund të marrë përsipër një aventurë të tillë, siç kërkon me pompozitet e zhurme një pjesë e opozitës! Andaj krejt ne fund do te konstatoja se Kosova ka politikanë të papërgjegjshëm dhe të paditur, që disa prej tyre,fatkeqësisht, po na përpiqen të instalojnë në formën më të vrazhdë të mundshme, arrogancë dhe atmosfërë pasigurie e tërsisht në kundërshtim me parimet e Kushtetutës së vendit .

[Llapi]

AAK-ja var shpresat tek Gjykata Kushtetuese

Fejt-Haradinajt: ‘S’ka zgjedhje’
Shefi i Zyrës Civile, Fejt, nuk ka lëvizur nga vendimi për procesin zgjedhor. Haradinaj ka reflektuar qëndrim të kundërt dhe ka theksuar se ky proces ka një status-kuo dhe mosmbajtja e zgjedhjeve parlamentare sivjet shkon në dëm të proceseve në Kosovë 26 Shkurt, 2009
“Nuk ka asnjë ndryshim në vendimin e shtyrjes së zgjedhjeve parlamentare në Kosovë”. Kjo u tha pas takimit që përfaqësuesi civil ndërkombëtar, Piter Fejt, zhvilloi me kreun e AAK-së, Ramush Haradinaj, dy ditë para takimit të Grupit Drejtues Ndërkombëtar në Vjenë, që do të diskutojë rreth progresit në Kosovë gjatë vitit të parë si shtet. Teksa Haradinaj dhe Fejt mbi një orë kanë diskutuar kokë me kokë, pas takimit ky i fundit nuk ka preferuar t’i drejtohet medieve. Ai është larguar nga selia e AAK-së teksa në sallën e konferencave një numër i madh i medieve prisnin deklarimet e dy bashkëbiseduesve lidhur me përmbajtjen e takimit. Derisa Haradinaj kishte hedhur hapat në brendi të sallës së konferencave, bashkëbiseduesi i tij, z. Fejt, prapa tij ka marrë drejtim të kundërt. Mirëpo, Haradinaj, pas përcjelljes së mysafirit, ka dalë para medieve dhe ka njoftuar për përmbajtjen e takimit, i cili kishte të bënte me çështjen e zgjedhjeve dhe gjendjen në pjesën veriore të vendit. Shefi i Zyrës Civile, Fejt, nuk ka lëvizur nga vendimi për procesin zgjedhor. Haradinaj ka reflektuar qëndrim të kundërt dhe ka theksuar se ky proces ka një status-kuo dhe mosmbajtja e zgjedhjeve shkon në dëm të proceseve në Kosovë.

Vendim i dëmshëm
sipas kreut të AAK-së
Haradinaj tha se me z. Fejt ka raporte pune, kolegiale dhe korrekte, ndonëse kanë mospajtime rreth zgjedhjeve parlamentare. Por, kreu i AAK-së, Haradinaj, i ka transmetuar Përfaqësuesit Civil Ndërkombëtar, Fejt, qëndrimin e tij se shtyrja e zgjedhjeve parlamentare është në dëm të proceseve nëpër të cilat po kalon Kosova. “Shefit të ICO-s i dhashë disa shpjegime se vendimi për shtyrje të zgjedhjeve është i dëmshëm për Kosovën, për proceset në vend, qëndrim i cili normalisht vetëm sa do të thellojë krizën qeveritare, e cila edhe ashtu është e rëndë”, tha Haradinaj, duke theksuar se nuk ka hapësirë për t’u pajtuar me një vendim të tillë. Ai edhe këtë herë nuk ka kursyer kritikat për partnerët e koalicionit për, siç tha, vonesat në ndërtimin e infrastrukturës zgjedhore, duke konsideruar se ato janë pjesë e agjendës për shtyrjen e zgjedhjeve parlamentare. “Ky vendim për shtyrjen e zgjedhjeve është i dëmshëm për Kosovë, për proceset në vend, që vetëm sa do të thellojë trendët negative që po ndodhin me qeverisjen”, tha Haradinaj. Ai përmendi korrupsionin dhe gjendjen shumë të keqe në pjesën veriore të vendit, duke vlerësuar se këto të dyja e kanë mungesën e zotësive qeverisëse. “Një zotësi që nuk përputhet me kërkesat e Kosovës. Të njëjtën kohë kam hetuar tendencën e Qeverisë disa herë të sjellë tema që me zhvendos vëmendjen”, tha ai. Ai më tej vuri theksin në rrezikun për kalendarin e zgjedhjeve lokale. “Vonesat nuk kanë të bëjnë me zgjedhjet lokale, por pikërisht për të shtuar argumente se nuk mund të kthehet vendimi për mbajtjen e zgjedhjeve parlamentare këtij vit”, tha ai.

Ndërmjetësimi në Ugandë
Ish-kryeministri Haradinaj, i cili është përfshirë në ndërmjetësimin e zgjidhjes së konfliktit në Ugandë, tha se angazhimi i tij nuk do të zbehë aktivitetet e tij në vend. Ai tha se ky angazhim do të zhvillohej në Evropë, ku ai do të takonte palët e interesuara, duke ofruar kontributin e tij si ndërmjetës. Haradinaj tha se nuk e sheh veten si palë dhe nuk e di se çfarë do të mendonin Kombet e Bashkuara lidhur me angazhimin e tij, duke sqaruar se ka gjashtë muaj që ai angazhohet rreth paqes në Uganda dhe atë në koordinim me faktorë relevantë ndërkombëtarë. “Është një nga temat e cila nuk kërkon nga unë zhvendosjen fizike larg kontinentit tonë. Unë nuk jam palë, jam ndihmesë. Edhe deri tani jam munduar të ndihmoj, por për çështjet vendosin palët, ata që i preokupon kjo temë më shumë. Deri tani, me pjesëmarrjen e mekanizmave ndërkombëtarë, është realizuar angazhimi im i deritashëm dhe nuk e di se çfarë statusi tjetër mund t’i jepet kësaj ndihme, por unë deri tash e kam dhënë në mënyrë të caktuar ndihmën time”, tha ai.
Ai tha se angazhimi tij në arritjen e paqes në Ugandë nuk do ta zhvendosë vëmendjen nga zhvillimet e brendshme, sikurse në kërkesën për mbajtjen e zgjedhjeve, problemi i veriut dhe qeverisja në vend, çështje këto të cilat, siç tha, i ka shprehur gjatë turit nëpër qendra të ndryshme të vendit dhe që do t’i vazhdojë edhe më tej.
I. KRASNIQI