Vrasjet trondisin Tiranen

[white-knight]

Ne me pak se dy jave ne kryeqytet jane shenuar gjashte viktima te ngjarjeve kriminale ku dy vrasjet me te fundit keto 24 ore futen ne listen e te vdekurve nje grabites te paidentifikuar qe u qellua per vdekje ne mesnate nga pronari i kompleksit Llanaj, ndersa tjetra per nje krim ne familje ku 83-vjecarja Dile Prendi ne fshatin Prush mbeti e vrare nga nje bresheri automatiku nga dora e te birit Valter Prendi.

Por pervec tyre ne faqet e kronikes se zese eshte regjistruar si me e renda ajo e vrasjes me plumb dhe me pas djegien e kufomes te taksistit, Ramazan Hyka, por duket se zbardhja e ketij egzekutimi ka ende jo pak pista qe pritet te sqarohen nga sektori i vrasjeve ne drejtorine e Tiranes, mes te cilave nuk perjashtohet edhe ajo e hakmarrjes.

Mirepo si nje ngjarje qe nuk ka marre akoma pergjigjje dhe qe mbetet pa autor eshte edhe vrasja e dyfishte ne mes te dites e Elton Eliut dhe te emes Flutura Deliu, te cilet u egzkutuan me silenciator ne shtepine e tyre, pavaresisht kamerave survejuese ne apartament dhe mbrojtjes qe gezonin.

Deliu njihej ne kartelat e policise si person problematik jo vetem per dyshimet se ishte i implikuar ne ceshtje droge, por edhe per perplasjet me kundershtareve. Edhe pse policia ngriti edhe dyshime per larje hesapesh mes grupeve kriminale autoret mbeten te paidentifikuar.

Por ndersa per ngjarjen e mesiperme duket se policise i duhet te hetoje gjate, viktima e nje krimi tjeter makaber taksisti Ramazan Hyka, nuk njihej si person me precedente kriminale e megjithate edhe per te s'ka ende nje deklarate zyrtare se cfare po ndodh pervec njoftimit paraprak te vrasjes.

Nderkaq pervec ngjarjeve me permasa te tilla duket se policia e kryeqytetit po perballet edhe me krimin ne familje, i cili paraqitet i veshtire per t'u parandaluar.

Pas arrestimit te nje shtetasi se kishte shtyre bashkeshorten ne vetevrasje, prangat ju hodhen per memevrasje edhe Valter Prendit, qe rezultoi se ishte ne gjendje te dehur . Pas rrokades se ndryshimeve ne rang shefash e drejtoresh ne Tirane, mesa duket nje nga sfidat e te sapoemeruarve do te jete jo vetem zbardhja e ngjarjeve kriminale, por parandalimi i tyre.

T-CH

[goldian]

e tmerrshme
sdi cte them ma shume

[EDLIN]

Por pervec tyre ne faqet e kronikes se zese eshte regjistruar si me e renda 
ajo e vrasjes me plumb dhe me pas djegien e kufomes te taksistit, Ramazan Hyka,
 por duket se zbardhja e ketij egzekutimi ka ende jo pak pista qe pritet te 
sqarohen nga sektori i vrasjeve ne drejtorine e Tiranes, mes te cilave nuk
 perjashtohet edhe ajo e hakmarrjes.

Vrasja e taksistit. Misteri i telefonatës me të shoqen

(Dërguar më: 10/01/09) Zbardhja e tabulateve telefonike do te zbuloje misterin e pakos që taksisti do dërgonte në Farkë para se të zhdukej dhe të gjendej i ekzekutuar me 6 plumba dhe më pas i djegur me gjithë makinë brenda bagazhit të mjetit. Policia e Tiranës ka nisur hetimet për të zbuluar klientët e taksistit, dhe llojet e "porosive" që ai transportonte.

TIRANE- Taksisti Ramazan Hyka, i ekzekutuar me 6 plumba në kokë dhe më pas i djegur me gjithë makinë brenda bagazhit të mjetit, në orën 20:00 të së mërkurës ishte nisur për të dërguar një pako në Farkë. Kështu kanë dëshmuar familjarët e viktimës për “Gazeta Shqiptare”, të cilët i referoheshin bisedës së fundit që ai kishte bërë në telefon me të shoqen.

Misteri i pakos ka shtuar dyshimet e policisë së kryeqytetit, të cilët kanë kërkuar zbardhjen e tabulateve telefonike të viktimës, për të mësuar kontaktet e fundit të kryera prej tij. Ramazan Hyka u gjet brenda bagazhit të automjetit të tij 'Benz' 190, i cili ishte djegur plotësisht, rreth orës 16:30 të pasdites së të enjtes nga banorët e Farkës, pranë bregut të liqenit. Autorët e kishin ekzekutuar më parë dhe duke dashur ta hidhnin me makinë në liqen, u kishte ngecur mjeti në baltë në rrugën dytësore. Duke mos mundur ta lëviznin, aty e kishin djegur.

"Njeri punëtor, ditën punonte në ndërtim dhe në darkë dilte me makinën si taksi", - e kanë përshkruar Ramazan Hykën, të afërmit e shumtë që ndodheshin në shtëpinë dykatëshe në rrugën "Mihal Grameno", ku dje mbahej morti. Sipas taksistëve të tjerë, Hyka punonte më tepër me "porosi" që i merrte në telefon dhe klientët ishin shpesh të njohur të tij. Policia mësohet se ka nisur hetimet për të zbuluar klientët e taksistit, dhe llojet e "porosive" që ai transportonte.

(s.g/GSH/BalkanWeb)

[Inteligjentja]

Sa tmerr. Filluan edhe krimet ne Shqiperi me mistere.

Po per ate plaken 83 vjece e di kush motivin e vrasjes? Te vraseshh nenen tende ...se kuptoj.

[OPARI]

tani te flasim kote por per keta qe mbahen si gango ajo i pretdhe taksisti po pe punen tate shume rralle te bien me qafe aqe me keqe qe nuk ishte grabitje dicka luante atje , por te vjen gjynaf per ate plaken se pi cuni dy gota dhe nuk di cfare ben

[Brari]

Grabitjet me maska tronditin kryeqytetin, vritet Petrit Pjetri

SONILA MESAREJA





Dy persona të armatosur tentuan grabitjen e kompleksit “Llanaj”



Identifikohet një nga autorët, në kërkim bashkëpunëtori





Maskat tronditin kryeqytetin dhe rrethinat e tij. Banorët kryeqytetas, por edhe ata që jetojnë rreth tij, ndihen të pasigurt pas disa ngjarjeve që kanë ndodhur në 24 orët e fundit. Grabitja e orëve të mesnatës duke u gdhirë dita e djeshme ka shënuar edhe viktima, ndërkohë që ajo e ndodhur në Laknas ka pasur vetëm dëme ekonomike. Ngjarja e parë e rëndë ka ndodhur në Unazën e Re në kryeqytet. Dy persona të maskuar dhe të armatosur kanë hyrë në kompleksin “Llanaj” për të grabitur, por janë pikasur në kohë nga pronari i kompleksit, i cili një kat të ndërtesës e shfrytëzonte për banim. Pas përleshjes me njërin nga grabitësit e maskuar, pronari Feim Llanaj ka qëlluar me pistoletë mbi të, duke e plagosur rëndë dhe që pas disa minutash, rrugës për në spital, i riu me maskën në fytyrë ka humbur jetën. Policia ka shoqëruar për në komisariat pronarin e kompleksit për të sqaruar rrethanat e ngjarjes, ndërkohë që vetëm pasditen e djeshme ka mundur të identifikojë grabitësin e vrarë. Bëhet fjalë për 28-vjeçarin, Petrit Pjetri nga Puka dhe banor prej disa vitesh disa metra larg kompleksit “Llanaj”. Policia është duke punuar për të identifikuar autorin e dytë të grabitjes, personin që kishte në pronësi edhe pistoletën me të cilën u krye krimi.



Ngjarja



Ngjarja ka ndodhur në orët e mesnatës duke u gdhirë dita e djeshme, përkatësisht rreth orës 02:30, kur dy persona të maskuar kanë hyrë në ambientet e ndërtesës 5-katëshe të kompleksit “Llanaj” në Unazën e Re. Sipas policisë së kryeqytetit, bilanci i kësaj grabitjeje ka shënuar edhe një viktimë, i cili është ekzekutuar nga pronari i kompleksit, Feim Llanaj. Njëri prej grabitësve ka mundur të largohet në kohë nga banesa, pasi është konstatuar nga pronari i kompleksit, ndërsa tjetri mësohet të jetë përleshur me këtë të fundit, duke mbetur i plagosur rëndë dhe ka ndërruar jetë rrugës për në Spitalin Ushtarak. Policia, e cila ishte njoftuar për grabitjen nga pronari i kompleksit, ka mbërritur në ndërtesë, por kur ishte shënuar një viktimë, 28-vjeçari Petrit Pjetri, me origjinë nga Puka. Ekspertët e mjekësisë ligjore dhe ata të kriminalistikës mbërritën në vendngjarje për të sqaruar shkencërisht ngjarjen e djeshme. Viktima është identifikuar në orët e pasdites së djeshme, ndërkohë që policia vijoi për disa orë duke marrë në pyetje shtetasin Feim Llanaj. Gjatë shpjegimeve të tij para oficerëve të policisë gjyqësore, Llanaj ka dhënë versionin e tij të ngjarjes, ndërkohë që ekspertët janë duke shqyrtuar provat e fiksuara për të dhënë ndihmën e tyre në sqarimin e plotë të ngjarjes. Policia e kryeqytetit është duke punuar për kapjen e bashkëpunëtorit të Pjetrit, i cili mundi të largohej pas përplasjes së parë me pronarin e servisit të makinave.



Dëshmia



Pronari i kompleksit “Llanaj” në Tiranë ka qëlluar për vdekje me pistoletë njërin nga dy personat me maskë, të cilët pak pas mesnatës së të premtes kishin hyrë për të grabitur në pronën e tij private. Sipas dëshmisë së tij, dhënë para oficerëve të policisë gjyqësore pas shoqërimit në komisariat, dy grabitësit kishin hyrë me maska për të vjedhur në godinën 5-katëshe, pronë e Feim Llanajt. Godina ndodhet në rrugën “Teodor Keko” pranë Unazës së Re në Tiranë. “Isha duke fjetur kur kam dëgjuar zhurmë. Zbrita poshtë. Në fillim jam përplasur me njërin prej grabitësve, të cilin e kam shtyrë dhe ka rënë. Atij i ra arma dhe iku me vrap. U ngjita lart për tek zyra në katin e 2-të. Pashë se dera ishte shqyer. Vazhdova të kontrolloja dhe aty jam përballur me grabitësin tjetër me maskë. Ai më shau dhe m’u sul me levë të më godiste, ndërkohë mbaj mend që e kam shkrehur pistoletën. Ne atë moment erdhi policia që e kisha njoftuar me telefon dhe e kanë marrë e dërguar në spital të plagosurin, ndërsa mua më kanë sjellë në komisariat”, - ka rrëfyer biznesmeni Llanaj në ambientet e policisë versionin e tij të ngjarjes. Sipas pretendimeve të biznesmenit, viktimat kishin si qëllim grabitjen dhe se ai kishte qëlluar për t'u vetëmbrojtur. Kompleksi “Llanaj” ndodhet në rrugën "Teodor Keko” pranë Unazës së Re në kryeqytet dhe përbëhej nga një godinë 5-katëshe. Në këtë kompleks ishte në funksion një servis makinash, një servis gomash, një parukeri dhe shtëpia e banimit e familjes se biznesmenit Feim Llanaj.



Detaje



2 kanë qenë personat me maska dhe të armatosur që hynë në kompleksin “Llanaj” për të grabitur



2 e 30 ka qenë ora kur ka ndodhur ngjarja në Unazën e Re, ku mbeti i vrarë Petrit Pjetri



28 vjeç ishte njëri nga autorët e grabitjes me maska në godinën 5-katëshe të shtetasit Feim Llanaj


11/01/2009


standart

.............



te lumte pushka o Feim..
ta marrin vesh hajnat se ka zot..djersa e tjetrit..
boll ma..

[ardis]

kur ben vrasje per vetembrojtje per mua nuk quhet krim gjithesecili mund te behet vrases

[Linda5]

E tmerrshme se cfar po ndodh ne Shqiperi me kto vrasjet

A do ket ndonje dit pa vrasje ne Shqiperi?????????????????????

[Apollyon]

Kudo ka vrasje, pse mendoni se shqiperia duhet te jete vendi ku fluturojne pellumbat e paqes? Ai taksisti kushedi ca transportonte, edhe ato qe kan prit porosine per te zhdukur gjurmet kan bere ate qe duhet bere. Keq me vjen po ske ci ben.

[Albo]

Shqetesuese per mua nuk jane vrasjet qe ndodhin, pasi vrasje ndodhin kudo, shqetesuese per mua eshte koha qe i duhet policise dhe prokurorise qe te zbardhi krimin dhe te nxjerri autoret e krimeve perpara drejtesise.

Sa me e shpejte dhe e forte goditja e ligjit, aq me pak vrasje e krime kane per te ndodhur ne Shqiperi.

Albo