Imer Selmani kandidat për president

[strong_07]

Voten time e ka te sigurte

gjithashtu dhe timen

[arjeta3]

Une personalisht do u jap nga nje X te madhe edhe Imer Selmanovskit edhe kandidateve te tjere.

Une as qe do ta mar mundimin tu jap X-in, duhet te bej 100 m. rruge

[RaPSouL]

Veshka e kandidatit për president

Sikur të vlente parimi i divorcit edhe në gjirin partiak, a thua, çfarë do të duhej të kthente Imer Selmani me tajfën e vet në partinë prej nga tradhëtoi dhe dezertoi! A i ka njohur ndokush renegatët para se të hynin në PDSH! Për t’u bërë dikushi u desht që partia, në fakt, njerëzit e partisë, kreu i saj, të investojë shumë! Sa i ka kushtuar, bie fjala, Imer Selmani PDSH-së



Nga Avni Halimi



Këto ditë opinioni botëror u trondit nga një storie televizive që u emetua përmes tv kanaleve më të fuqishme në botë. Një burrë, me një pamje të ashpër, me një fizik prej billderi, i veshur shik, si të ishte bërë gati për sfilatë mode, këmbënguli se nuk do t’ia japë divorcin gruas përderisa kjo nuk do t’ia paguaj dëmshpërblimin prej një milion e gjysëm dollarë. Jo pse po ia dridhte me një burrë të huaj, jo pse ajo paskësh shprehur dëshirë që të martohet me atë burrë, por, sepse, dy vite më parë, në çastin e vdekjes së gruas, burri i ligjshëm ia kishte donuar veshkën. Sot, gruaja ishte si molla, madje, me burrë rezervë! Ose kthe veshkën ose një milion e gjysëm dollarë! Ultimatum që shpërthente me plot inat para dhjetra gazetarëve e reporterëve. Është një situatë kur tradhëtia bëhet hallall, me kusht që të kthehet veshka!



* * *



Në kohë lufte tradhëtia dhe dezertimi nuk falen, shpaguhen me dënime drakonike e fatale.

Po në politikë, edhe atë ekskluzivisht në sistemin plural, tradhëtari, dezertori apo renegati, si mund të falet! Lehtë, sepse këtë “akrobacion mortal” ia garanton sistemi. Megjithatë, kjo mund të ndodhë vetëm në ato demokracira të brishta, në ato vende ku lojrat politike akoma janë pa kurrfarë standardesh që do të duhej të ngriteshin mbi normat profesionale, etike, morale por, pse jo, edhe mbi ato kanunoro-etnike! Një gjerman vështirë se do të pranonte të bënte karrierë politike franceze në dëm të partisë së vet amë gjermane. Jo se e ka të vështirë apo, profesionalisht të paarritshme por, si t’i mbajë pastaj etiketat tradhëtar, dezertor politik apo renegat! Thonë se, vetëm bastardi në fund mund të të lë në baltë, sepse, e tërheq balta, vendi prej nga është marrur dhe është rritur e pjekur nën përkujdesje të sinqertë prindërore.

Sikur të vlente parimi i divorcit edhe në gjirin partiak, a thua, çfarë do të duhej të kthente Imer Selmani me tajfën e vet në partinë prej nga tradhëtoi dhe dezertoi! A i ka njohur ndokush renegatët para se të hynin në PDSH! Për t’u bërë dikushi u desht që partia, në fakt, njerëzit e partisë, kreu i saj, të investojë shumë! Sa i ka kushtuar, bie fjala, Imer Selmani PDSH-së! Shumë, tepër shumë! Po aq kushtuan edhe të tjerët që për higjienë goje nuk po ua përmend emrat! Materialisht kushtuan sa mijëra veshkë, moralisht kushtuan sa vrima e thikës pash shpine. Po të kishte grimë morali te këta neorenegatë të “neodemocratia” çfarë do të duhej të kthenin me qëllim që të mbeten me kredibilitet në jetën e mëtejme politike plurale! Do të duhej ta kthenin trurin, veshkët, zemrën, shpirtin, diplomën, karrierën, pjekurinë politike dhe, pa dyshim, mandatin. Atëherë do të kishim punë me cunga!



* * *

Por, a mund të ndodhë divorci, apo ikja, apo tradhëtia, pa një motiv të madhe! Pa dyshim që jo! Po pse nuk ndodhi tradhëtia e gruas para se t’ia merrte veshkën burrit me të cilin ishte në kurorë! Sepse, ishte buzë vdekjes. Në ndërdije ajo e kishte tradhëtinë, por ja që i duhej jetë, i duhej veshka e atij të cilin do ta tradhëtonte. Nuk mundet njeri të tradhëtojë rastësisht, nëse nuk ka gjen tradhëtari, apo nëse nuk është i bindur se një ditë duhet të tradhëtojë, të shkëpusë raporte të ndërsjella, bashkëjetesë e bashkëveprim. E keqja gjithmonë të bën të kujdesshëm, e mira gjithmonë të verbon! A kishte gjë më të mirë se sa platforma politike dhe kombëtare e PDSH-së! A kishtë gjë më të mirë se sa të luftohet tërë ajo makineri sllave që ia kishte mësyrë shkatërrimit të PDSH-së dhe programit të saj që ngrit çështje shqiptare dhe që ofron zgjidhje të tyre. A kishte gjë më të mirë se sa kjo platformë kombëtare, e vetmja e këtij lloji momentalisht në viset etnike shqiptare, të mbrohej duke qenë në pozicione të larta partiake por edhe në pozicionin e ministrit, delegatit etj. A kishte gjë më të mirë se sa t’i thuhet kundërshtarit politik se ti me mekanizmat e tua shtetërore më hodhe në opozitë por edhe nga kjo pozitë do të përkujdesemi për avansimin deri në maksimum të çshtjes shqiptare! Që nga pavarësia e Maqedonisë e deri më sot, asnjë parti maqedonase, asnjë pushtet nuk ka punuar për të mirën e Maqedonisë, nuk ka punuar për inkuadrimin e Maqedonisë në strukturat evroatlantike, por, të gjitha kanë punuar në dëm të shqiptarëve e në të mirë të rejtingjeve të tyre partiake e personale. Shërbimet sekrete nuk merren me luajalët, nuk merren me platformat politike të ngritura mbi koncepte qytetare integruese, nuk merren me politikanët kosmopolitë por, gjithësesi që merren me atë parti politike që ngrit shkollë politike kombëtare, që ka platformë dhe vizion të qartë, që ka plan afatgjatë për realizimin me përpikshmëri të asaj platforme, që jep poste ministrore për një ligj në favor të kombit, që prish koalicione e lëshon qeveri duke dashur t’i demontojë frerët e çështjeve shqiptare në vend. Pra, në Maqedoni nuk ka parti politike që është luftuar kaq shumë e kaq barbarisht siç është luftuar PDSH-ja! Goditja e fundit ishte përmes Imer Selmanit dhe renegatëve të tjerë të cilët dezertimin e arsyetuan se në PDSH nuk paska liri për shprehje të mendimit. E kush do të shpreh mendim! Ata që nuk kanë kurrfarë mendimi! Imer Selmani paska dashur të na thotë diçka?! Po pse këtë ankesë nuk e shprehën sa ishin ministra e në pushtet! E keqja dhe prangat e mendimit duhet të thehen brenda partisë, duke këmbëngulur në shpëtim të platformës kombëtare nga “të këqinjtë” e jo duke dezertuar!

Në mes të brengës kombëtare dhe të mirës materiale, ata të pakurrizë gjithnjë do të anonin nga e mira materiale që nuk do të thotë vetëm lekë por edhe post e karrierë të verbtë. Shtrohet një pyetje e sinqertë: në tërë karrierën e Imer Selmanit cila është ajo vlerë kombëtare, intelektuale e morale me të cilën do të shquhej! Kjo nuk vlenë përsa kohë që ishte në PDSH! I mori instrukcionet e Gruevskit dhe shkatërroi çdo gjë, thotë ish-lideri i tij, i cili më së miri i di lojërat e shërbimeve sekrete antishqiptare. Pra, këtij shërbimi nuk i interesonte Imer Selmani, e as krijimi i edhe një partie shqiptare por, mbi të gjitha, dëmtimi, copëtimi e shkatërrimi i PDSH-së! Po pse luftohet vetëm PDSH-ja? Po sikur Menduh Thaçi të kërkonte një akt patriotik nga Imer Selmani, a do ta kryente ky farë burri atë detyrë! Për shembull, të përcaktohej që ta dëmtojë e ta copëtojë VMRO-DPMNE-në! Jo po, zotëriu na paska detyrë tjetër para vetes: televizorë e makina në çdo shtëpi të qytetarëve, bashkëjetesë dhe mirëqenie për të gjithë qytetarët e Maqedonisë.



* * *

E mori mandatin me angazhim të tërë strukturës së PDSH-së, të mijëra aktivistëve dhe, tani, pa një dromcë turpi do të hidhet në gara zgjedhore! Votën e kujt e përfaqëson ky farë zotëriu! Atë të elektoratit të PDSH-së, ë! Kur do të hyshë në vallen e shërbimeve sekrete do të luash gjatë e gjatë. Hapja e dosjeve dëfton se bashkëpunëtorët të cilët i ka ngritur shërbimi sekret, kanë punuar me dekada, me dekada janë mbajtur dhe janë ruajtur nga shërbimi sekret. Pra, njëherë bashkëpunëtorë përjetë bashkëpunëtorë. Shërbimi sekret nuk të demaskon, por të ruan e të ngrit deri në faktor “të madh”, pavarësisht demagogjisë adoleshente.

Dhe tani kandidat për kryetar shteti! Do ta krahasojë veten me Barak Obaman! Për Selmanin në këtë rast shqiptarët janë afroamerikanët, ndërsa të bardhët janë maqedonasët! Shtatëdhjetë për qind e të bardhëve e votuan Obaman, afroamerikanin! Ofendim i madh edhe për Obaman edhe për shqiptarët e këtushëm. Selmani mund ta krahasojë veten me ndonjë kryeplak të katundeve mongoleze!

Megjithatë, diçka e mirë per Imer Selmanin do të ndodhë. Deri në fund Gruevski do t’i qëndrojë besnik. I dha isharet që të kandidohet për president të Maqedonisë. Fatkeqësisht, këto zgjedhje do të jenë fatlume vetëm për VMRO-DPMNE-në si dhe për Imer Selmanin

VMRO-DPMNE pret që kësaj radhe të arrijë pushtetin absolut në vend, të ketë edhe presidentin por edhe prefektët më të rëndësishëm të pushtetit lokal, gjithësesi, e ndihmuar nga partia e saj simotër, BDI-ja. Në planin politik do të tentojë të arrijë edhe një herë që t’i shpërfytyrojë shqiptarët në element destruktiv dhe destabilizues të vendit. Këtë do ta arrijë përmes vendosjes së mijëra vëzhguesve si dhe të mijëra policëve nëpër vendvotimet shqiptare. Kjo mbykëqyrje e hekurt pa dyshim se shkakton nervozë, shqetësim dhe, shumë lehtë mund të provokojë ndonjë ekces përmes të cilit pastaj, pas sanksionimit të Maqedonisë nga Perëndimi, fajtor kryesor në vend dhe jashtë do të trajtoheshin shqiptarët!

Imer Selmani pret që kësaj radhe të arrijë ta përjetojë ndihmesën absolute të VMRO-DPMNE-së, pra, kundërshpërblimin e dezertimit. Një numër i konsiderueshëm i shqiptarëve, për inat të kandidatëve maqedonasë do t’ia japin votën Imer Selmanit, pa llogaritur se me këtë dëmtohet rënd kauza kombëtare. Këta do të jenë nja dhjetë për qind e votave të përgjithshme që do t’i ketë Selmani, plus nja 20 për qind të votave maqedonase, plus nja 20 për qind të votave të VMRO-DPMNE-së dhe, pa dyshim, 50 për qind të votave që do t’ia sigurojë Gruevski, përkatësisht, mekanizmat e pushtetit aktual. Ja se si do të faktorizohet Imer Selmani i cili, në zgjedhjet parlamentare në katund të vet mezi i mori 300 e ca vota.

Po BDI-ja në ç’pozita do të jetë gjatë këtyre zgjedhjeve?! Që tani, madje nga vetë goja e liderit të saj, z. Ali Ahmetit, BDI-së i parashihet pozicioni i mashës së thyer! Pret vota maqedonase dhe maqedonëve do t’ju falë vota shqiptare! Është në gjendje t’i falë të gjitha votat shqiptare, vetëm të binden maqedonasit në lojalitetin e tyre që mbështetet në platformat integruese e asimiluese. Më vitin 2014 Maqedonia do të na bëhet me president shqiptar?! Kusht është që VMRO-DPMNE-ja me votat e shqiptarëve të BDI-së të ketë të garantuar e të siguruar pushtet absolut deri më vitin 2019. Po me nja 100 mij shqiptarë të PDSH-së çka do të bëhet?! Këta do të jenë shtylla prej shkëmbi që do ta mbajnë vertikalisht çështjen kombëtare shqiptare!

Gurra

[Progres]

Imer Selmani se shpejti do te nenshkruan nje koalicion me Rufi Osmanin,e pastaj e shohim sa do te flitni ju.
Menduh Thaci shkoi si qen u taku me Ali Ahmetin.
Imeri i ka fut ne gracke te dyte,nuk dijne ka tja mbajne. hahahahahah

[Tetova's boy]

Lexova ne disa postime ku thusheshte se ndoshta eshte nxitur nga dikush dhe jam plotesisht dakort me kete pasi mendoj se eshte nxitur nga ana e Gruevskit me perkrjahje te Ali Ahmetit ..

Duke marre parasysh se per presidentin cdo here votat decisive jane votat e shqiptareve..
Mendimi i Gruevskit sic kam lexuar diku eshte ky qe Imer Selmani te jete kanditati i vetem shqipar per president dhe duke qene keshtu ai te kalon raundin e pare te zgjedhjeve dhe ne te dytin te perballet me kanditatin maqedon nga partia e Gruevskit dhe ne kete menyre shkijet nuk mund te votojne per Selmanin i cili nuk ka shanse te fitoje ne te dytin se normalisht maqedonte jane shumice dhe automatikisht presidenti zgjighet nga vete maqedonasit ...

Nese kjo eshte e vertete atehere Imer Selmani verteton se eshte nje vegel e maqenasve te cilin Gruevski e sherben per qellimet e veta