Në udhët e dhimbjes jetoj

[riza2008]

Bukuri Malëshove


Bukuritë e botës, aspak s'më çudisin,
Bukuri të tilla,ka plotë vëndi im.
Nëse nga Këlcyra maloren do ngjisni,
Do t'u duket bota e tëra zhgënjim.

Do t'u duken Lugjet,si lumi Danubit,
Piramidë Egjypti,vargmalet përrethë.
Valëzat dhe Sjaduni,bukuri e fundit
Dhe Zasteni poshtëm, si hëna mbi ledh.

Do t'u duket Çuka, kulla Eifel,
Lumi i Kalasë,deti Marmara.
Dielli i mëngjesit në qafë sa po del,
Puthet më dërrasën,sikur bën shaka.

Dërasë e Çajupit,një pasqyrë e madhe,
Ku shikohet bukur një krahinë e tërë.
Bredhat e Gjonziut,sikur hedhin valle
Bisedojnë me yjet, si uji mbi rërë.

Do t'u duket Shpardhi,parku Arizona,
Lisat e Prodanit,si Palma e Artë.
Burrat edhe gratë,zotrinj edhe zonja,
Ky vënd i magjishëm fletë me Zotin lartë.

Bukuritë e botës, aspak s'më çudisin,
Bukuri Malëshove kërkon shpirti im.
Atje ku kam lindur,jam rritur me lisin
Edhe një fletë gjethe më sjell mallëngjim.

[Sorkadhe_Kelcyre]

Bukuri Malëshove


Bukuritë e botës, aspak s'më çudisin,
Bukuri të tilla,ka plotë vëndi im.
Nëse nga Këlcyra maloren do ngjisni,
Do t'u duket bota e tëra zhgënjim.

Do t'u duken Lugjet,si lumi Danubit,
Piramidë Egjypti,vargmalet përrethë.
Valëzat dhe Sjaduni,bukuri e fundit
Dhe Zasteni poshtëm, si hëna mbi ledh.

Do t'u duket Çuka, kulla Eifel,
Lumi i Kalasë,deti Marmara.
Dielli i mëngjesit në qafë sa po del,
Puthet më dërrasën,sikur bën shaka.

Dërasë e Çajupit,një pasqyrë e madhe,
Ku shikohet bukur një krahinë e tërë.
Bredhat e Gjonziut,sikur hedhin valle
Bisedojnë me yjet, si uji mbi rërë.

Do t'u duket Shpardhi,parku Arizona,
Lisat e Prodanit,si Palma e Artë.
Burrat edhe gratë,zotrinj edhe zonja,
Ky vënd i magjishëm fletë me Zotin lartë.

Bukuritë e botës, aspak s'më çudisin,
Bukuri Malëshove kërkon shpirti im.
Atje ku kam lindur,jam rritur me lisin
Edhe një fletë gjethe më sjell mallëngjim.

Faleminderit per kenaqesin qe me dhe me kete krijim, miku im!!

[riza2008]

Nënokja ime

Gjithmonë më priste tek pragu i derës,
Me sytë nga rruga ,mëndjen tek unë.
Ma niste mallin me flladin e erës,
Puthjet m'i falte natën në gjumë.

Gjumin e bënte në ëndërrat e mia.
Flinte dhe zgjohesh me mua në zemër.
Kur mungoja i dukesh bosh e gjithë shtëpia
Dhe në heshtje pëshpëriste këtë emër.

Këshillat e saj i mbaj mënd dhe sot,
Aromën e puthjeve e prekë çdo mëngjesë.
Kur unë do të shkoj në atë tjetrën botë,
Për shpirtin e saj qirinj prapë do ndesë.

Sorkadhe-Kelcyre ju falenderoj për pjesmarrje dhe komentin.Jam duke përfunduar një vëllim poetik për vëndlindjen ndaj dhe këto kohët e fundit kam shkrojtur shpesh për të.Ju uroj shëndet dhe krijimtari të mbarë dhe juve.Klm

[riza2008]

Ura e Kalasë

Dy krahët hapur, si shqiponjë,
Fole në shkëmb,këmbët e tua.
Skalitur guri, si një zonjë,
Mbi ty dhe deti,duket krua.

E heshtur mbi lumë të kalasë,
Me Zagorien në miqësi.
E bëre Bigën të gajasë,
I le Laksirat në habi.

Të qëndron pranë një Gur i gjatë,
Të dy nga guri kini lindur.
Ti ndave malin me sopatë,
Ai ushtari më i bindur.

Harkuar,si një vetull nuse,
Radhitur gurët si ushtarë,
Një thellësi sa njëqind puse,
Sa honet duken kokërr dardhë.

Në shekuj male mban mbi supe,
S'të tund tërmet dhe as cunam.
I thua vdekjes ik më tutje,
Mos rri pranë meje se le nam.

Në moshën tënde unë jam djalë,
Në moshën time,pemë e thinjur.
Kur shkoj mbi ty hipur në kalë,
Sikur vetë Zotin paskam lindur.

[riza2008]

Nuk ua them dot

Nuk ua then dot,përse trishtohem,
S'di si t'jua them,a më besoni.
Rreth syve rrathët po më shtohen,
Si rrathë uji, kur notoni.

Në mes të natës më del gjumi,
Lakuriq nate nëpër dhomë.
Jam kthyer rrjedha e një lumi
Që e mbytë veten, si ujkonjë.

Nuk më pëlqejnë këto fytyra,
As këta sy, që zgurdullojnë.
Puthjet e pista dhe të ndyra,
Erë kalbësirë kundërmojnë.

Me erërat puthem kur trazohen,
Si fletë ngrihem nëpër qiell.
Me cicërimat mirkuptohem,
Aspak s'më ngro ky palo diell.

Nuk ua them dot përse trishtohem,
Pse lot të kripur më nxjerr syri.
Mbi supe hallet po më shtohen,
U thava, si një lule prilli.

[riza2008]

Në vargje mallin sot e treta

Në vargje mallin sot e treta,
E ktheva lot mbi pllajat faqe,
Tek rrudhat brazdë,Malëshovën gjeta
Dhe miqësisht kërkuam paqe.

U puthëm si dy miq të vjetër,
Siç puthet malli në një zemër,
Në shpirt ditari si një letër,
Kur ëmbëlsisht ta sjell një femër.

Unë në Sogorë thith aromë bliri,
Aromë Malëshove lugina e tërë,
Jam ndezur si një kongjill hiri
Dhe lutem flaka të më zërë.

Të ndizet malli mbi bregore,
Aty ku këngën nis thëllëza,
Malëshovën ta rrëmbej përdore
Dhe bashkë me të të flë në rrëza.

Të pi dëborën e Gjonziut,
Si një kuçedër ta thaj lumin.
T'ja zbardh dhe faqen faqeziut,
Sa mallit tim unë ti gjëj fundin.

Në vargje mallin sot e treta
E ktheva këngë nëpër burime.
Malëshovën si një mal e gjeta,
Tek hidhte shtat në zemrën time.

[riza2008]

Këtu më njohin të gjithë

Këtu më njohin të gjithë,
Gurët,zallet,pemët dhe shpellat.
Fjala më lidh e më zgjidh
Dhe zemrës i këputen telat.

Këtu më njohin të gjithë,
Dielli,Hëna,yjet dhe nata.
Më njeh dhe shekullori lis
Më njeh dhe rruga nga çapat.

Këtu më njohin të gjithë
Dhe qarret në varre më njohin.
Më njeh dhe fleta në vidh
Dhe psherëtima që përshkon përroin.

Këtu më njohin të gjithë,
Buzat,rripat,malet.
Loti që faqet gudulis,
Supet përkukur nga hallet.

Këtu më njohin të gjithë,
Maloria,disheza,kthesa.
Limari ku piva sisë
Dhe bari i lagur nga vesa.

Këtu më njohin të gjithë,
Të gjallë dhe të vdekur.
Më njeh në ugar dhe një plis
Që më shikon me sy të mekur.

Këtu më njohin të gjithë,
Ashtu siç i njoh edhe unë.
Folenë e zogut bëj fis
Malëshovën një nënë më shumë.

[riza2008]

Tani për tani

Tani që vapa,m'i zbuloi të gjitha,
Ngela lakuriq e s'kam ç' tregoj më.
Edhe fjalët ikën nga s'e prisja
Dhe vetveten,vetia nuk m'a nxë.

Tani që dielli,më sjell perëndime,
Horizonti nuk më duket blu.
Si një zog,mbi tok mbledh thërrime
Edhe e ci e flas kuturu.

Tani që ditët duken egërsira,
Sytë i mbyll,kokën e mbuloj.
Pres dhe lutem të vijë errësira,
Ta bëj shokë me të të jetoj.

Tani për tani asnjë gjë s'ka vlerë,
Asnjë yll,asnjë buzëqeshje,
Erdhi fundi,do mbyllet kjo derë
Dhe i lumtur largohem në heshtje.

[riza2008]

Kam lindur në një fshat që e dua

Kam lindur mes malesh dhe rrëpirash,
Ku qielli ka formën e një zemre.
Ku vajzat të bukura si Lira,
Me buzët si dy gjysma hëne.

Kam lindur mes honesh të thella,
Në rrugët me dërrasa guri.
Atje ku me sapllak pihet vera
Dhe si lis të duket burri.

Kam lindur në një fshat që të deh,
Jo me raki mani,por me bukuri.
Dielli vjedhurazi të sheh
Dhe një zall të fal dashuri.

Kam lindur në një fshat që e dua,
Ku dërrasa është e mermertë.
Atje ku ndjej aromë grua,
Atje ku fjala është e mprehtë.

Kam lindur mes rrepesh rrungaje,
Ku gjinkalla këndon e kompozon.
Ku thëllëza shullepset asaj pllaje,
Ku bariu këndon si bariton.

Kam lindur mes malesh dhe rrëpirash,
Ku fjala vëndlindje të ngre në piedestal.
E quaj nga lindjet më të mira,
Atje dhe vdekjen në çengel e var.

[riza2008]

Ta dish vëndlindje

Ta dish vëndlindje pse qava mrëmë,
Po flija gjumë,më zgjove ti.
Sikur jetim më kishin lënë,
Tek bregu i Çatos pa njeri.

Sikur në qiell fluturonin,
Avionë lufte pa pilot
Dhe shpirtin tim e bombardonin,
Me grimca malli e me lot.

Sikur kjo natë më zinte frymën,
E fshente hënën në Kristofor.
Në Limar po e mbillte brymën
Dhe shpirtit tim i bënte zbor.

Sikur një hije më ndiqte prapa
Dhe ecte sipas ritmit tim.
Nga frika po më kallej data,
Se ngela zog në shtegëtim.

Sikur u bëra erë e marrë,
Në Limar shkova dhe qëndrova.
Një stuhi solla duke qarë,
Kur varret putha,përqafova.

Ta dish vëndlindje pse qava mbrëmë,
Ta dish sa mall kanë këta sy.
Me ëndrrën tënde,jo s'jam zënë,
Me të kam rënë në dashuri.