Partia Socialiste 91 ende nuk mund të quhet një subjekt politik.
Gjykata e Rrethit të Tiranës ka rrëzuar kërkesën e kryetarit tw Partisë Socialiste 91, Petro Koçit për regjistrimin e këtij subjekti në regjistrin e partive politike. Arsyeja e këtij vendimi qëndron në ngjashmërinë e emrit që ka ky subjekt politik me Partinë Socialiste. Vendimi i numër 11340, nga ana e gjyqtarit Artur Gaxhi, është marrë më 30 dhjetor të vitit të kaluar. Në vendimin e firmosur nga gjyqtari Artur Gaxhi theksohet se ka një përputhje emri ndërmjet subjektit të përfaqësuar nga Petro Koçi dhe Partisë Socialiste të Shqipërisë. “Nga dosja e regjistrimit të Partisë Socialiste të Shqipërisë, rezulton se ajo është krijuar në vitin 1991 dhe pikërisht vënia e shifrave ‘91 pas emrit të kërkuesit, jo vetëm që nuk e bën të dallueshëm qartë emërtimin e kësaj partie nga emërtimi i Partisë Socialiste të Shqipërisë, por e bën atë të njëjtë me të dhe konfuzon më tepër njerëzit e votuesit, duke krijuar përshtypjen që kemi të bëjmë me të njëjtën parti politike”, - cilësohet në vendimin e gjykatës.
Burimi
Përgjigju Duke Cituar
Krijoni Kontakt