Telefonat 'Mobile' - Teknologjia e fundit

[new-man]

Po me pelqeka me te verteet ky telefoni mobil qe qenka si ore dore...!!!

[YlliRiaN]

Celulari i ri i kompanisë Samsung me ekran të madh dhe tastierë në tërheqje ka nisur shitjen në Shtetet e Bashkuara të Amerikës.

Samsung Impression ka dalë në shitje nën ombrellën e AT&T, e kur do të paraqitet, dhe nëse do të paraqitet në tregun tonë, nuk e dimë. Mirëpo, ajo që na intereson është ekrani i tij AMOLED prej 3.2 inçësh. Rezolucionin e ka 400 x 240 piksela, e duket se edhe punon shkëlqyeshëm.

Nga karakteristikat tjera vlen të përmenden mbështetja për HSDPA e Bluetooth 2.0, 190 megabajt të memories interne me mundësi të zgjerimit me anë të kartelave të memories microSD dhe fotoaparati me rezolucion prej tre megapikselash.

[new-man]

Supozohet se Microsoft tashmë është duke punuar në versionin e paketës për zyre Office për platformën e versionit 3.0 të sistemit operativ për iPhone.

Kryetari i njësisë afariste të Microsoftit, Stephen Elop, në mënyrë indirekte ka pranuar zhvillimin e paketës Office për celularin iPhone nga Apple. Ky celular i mençur në mënyrë standarde mbështet shfletimin e dokumenteve Word e PowerPoint (zakonisht në bashkëngjitje të e-mailave), mirëpo edhe përpunimin e tyre.

Vet Microsoft është prodhuesi më i madh i softuerëve për platformën Mac, derisa versioni i paketës Office nga Mac po shënon rezultate të mira të shitjes.

Qysh në muajin mars të vitit të kaluar Tom Gibbons, zëvendëskryetar i Microsoftit për celularë dhe platforma mobile, ka njoftuar se kompania është duke eksperimentuar me platformën e iPhone dhe po hulumton funksionalitetin e saj të plotë.

[AjSi]

Shume te bukur po atje ne shqipri duan edhe nja 5 muaj te vijne lool

[YlliRiaN]

Nëse mund t’u besohet pohimeve të faqes suedeze të internetit “Mobil”, përfaqësuesi gjerman i Sony Ericsson ka konfirmuar se në tetor të këtij viti do të paraqitet në treg celulari jashtëzakonisht interesant – Idou.

Kjo faqe thekson se Sony Ericsson Idou në treg do të paraqitet në muajin tetor apo më së voni në nëntor dhe se do të paraqes modelin e parë të këtij prodhuesi në serinë e pajisjeve të cilat do të duhej t’u ofrojnë përdoruesve kënaqësi të pakufishme.

Sony Ericsson Idou publikut i është paraqitur për herë të parë në panairin “Mobile World Congress” në Barcelonë.

Celulari dallohet për fotoaparatin prej 12.1 megapikselash, sistemin operativ Symbian, ekranin 3.5 inçësh të ndjeshëm në prekje dhe karakteristika tjera që janë tipike për këtë lloj të pajisjeve.

[YlliRiaN]

Oferta e celularëve të cilët janë në gjendje të pranojnë dy SIM kartela aktive në të njëjtën kohë është më e pasur edhe me një pajisje nga punëtoria e kompanisë Samsung.

Samsung B5702 bie në kategorinë e pajisjeve quad-band, dhe si i tillë mund të punojë në të gjitha rrjetet mobile të mbarë botës. Kjo na gëzon edhe më shumë sepse një lloj i tillë i pajisjeve shumë lehtë do të mund të paraqitej edhe tek ne.

Kjo pajisje Dual SIM me llambën përkatëse LED tregon se në cilën kartelë është drejtuar thirrja telefonike, derisa përdoruesit mund t’ua përshtatin tërësisht pamjet secilës SIM kartelë.

Nga gjërat tjera theksojmë se Samsung B5702 përmban 50 MB hapësirë të dhënash e cila mund të zgjerohet edhe më me anë të kartelave të memories, ka ekran prej 2.4 inç (320 x 240 piksela), player multimedial, shfletues të dokumenteve, pranues të radiovalëve FM, fotoaparat prej tre megapikselash si dhe gjëra tjera të cilat janë tipike për këtë lloj të pajisjeve.

Samsung B5702 në treg do të mund të paraqitej gjatë muajit maj me çmim prej rreth 400 dollarësh.

[YlliRiaN]

Filiali amerikan i T-Mobile ka paralajmëruar konferencën për gazetarë, detajet nuk janë publikuar, por supozohet se është duke ardhur Androidi i dytë me radhë.

T-Mobile më 21 prill në New York do të mbaj konferencën të veçantë për gazetarë. Detajet nuk janë bërë të ditura, por thuhet se do të mund të bëhej paraqitja zyrtare e celularit të ri HTC Magic, i njohur nën emrin T-Mobile G2.

Konferencën e fundit të ngjashme T-Mobile e ka mbajtur gjatë muajit shtator të vitit të kaluar kur është paraqitur celulari i parë me sistemin operativ Android të kompanisë Google, ai HTC Dream.

Modeli i ri G2 do të jetë pa tastierë harduerike, derisa do të ketë ekran 3.2 inçësh, mirëpo në dimensione më të vogla të shtëpizës.

[YlliRiaN]

HTC ka njoftuar lansimin e Touch Diamond 2 në tregun aziatik deri në fund të këtij muaji.

Çmimi me të cilin do të shitet ky celular është afër 500 euro, ndërsa do të vijë bashkë me kartelën e memories prej 8 GB.

Nga specifikat e këtij celulari dallohet ekrani me diagonale prej 3.2 inçësh dhe me rezolucion 480 x 800 pikselë; kamera prej 5 megapikselësh me autofokus dhe “shirit” të veçantë për zumim nën ekran, të ndjeshëm në prekje.

Nga ana sofverike, aty është i vendosur versioni TouchFLO i faqes ndërmjetësuese. Për lidhjen në internet do të shfrytëzohet 3G dhe Wi-Fi, ndërsa HTC ka premtuar bateri shumë më të mirë sesa versioni i vjetër i telefonit celular.

Pas lansimit në tregun aziatik, Touch Diamond 2 do të arrijë edhe në Evropë.

[YlliRiaN]

Telefonat dalin në treg me llogon e Deceptiona, të cilët janë të dedikuar vetëm për adhuruesit e ‘djelmoshave të këqij”. Nga tiparet e telefoni duhet të veçojmë display’n LCD me 3 inç, kamerë 2 megapixel, tastierë virtuale QWERTY, mbështetje për të gjitha me teknologjitë e përparuara, muzikë dhe video fajlla.

E vetmja gjë që këtij telefoni i mungon, është mundësia reale e telefonit për transformimin e vërtetë në një robot. Por ndoshta LG do të na befasojë me zgjedhje të reja në ndonjë version të ardhshëm.

Çmimi i transformatorit LG 2 Verso është 200 dollarë amerikanë, dhe i njëjti del në shitje do të gjendet së bashku me vazhdimin e ardhshëm të transformatorit - Revenge of the Fallen, premiera e së cilit është në fund të qershorit 2009.

[YlliRiaN]

Gjatë muajve të kaluar ne kemi "marrë informacion, një grumbull fotosh dhe disa supozime për modelin E75 ... Së fundi, kompania Nokia lajmëroi që do të fillojë me shitjen e telefonit celular E75.

Ky rrëshqitës (slajder) kur hapet, paraqet një tastierë QWERTY plotësisht të hapur, dhe përmban ndërfaqen e përdoruesit nga Nokia. Interfejsi i këtij telefoni ka mbulim për Microsoft Exchange, dhe aty janë edhe N-Gage, funksionet për lojëra.

Specifikat tjera përfshijnë një kamerë me 3,2 mega-piksel, mbështetje për GPS, WiFi, FM radio dhe Bluetooth. Kur bëhet fjalë për mbështetjen e rrjetit, ky model posedon quadband Nokia E75 GSM dhe dualband (900/2100) HSDPA.

Të gjitha funksionet që janë kryer janë të shqyrtuara në ekranin e madhësisë 2,4 inç, e cila ofron imazhin në zgjidhjen e 240 x 320 piksels. Nga shërbimet janë të pranishme, Ovi Files dhe Nokia Maps.