Telefonat 'Mobile' - Teknologjia e fundit

[new-man]

Për shkak shkallës së lartë të kthimit të modelit C905 në Britani të Madhe, Sony Ericsson u kërkon falje blerësve, derisa operatorët kërkojnë dëmshpërblim.

Sipas faqes britanike të internetit Mobile Today, blerësit e pakënaqur të celularit C905 të kompanisë Sony Ericsson po e kthejnë me të madhe. Për shkak të shkallës së lartë të kthimit i cili në disa vende ka arritur edhe deri në 30 për qind, prodhuesi ka lëshuar një komunikatë në të cilën u kërkon falje blerësve, mirëpo operatorët mobil kërkojnë dëmshpërblim si kompensim për humbjet dhe dëmin e shkaktuar në imazhin e tyre.

Si arsye e pakënaqësisë me telefonin më së shpeshti përmendën “ngrirjet” e softuerit dhe problemet me zmadhuesit. Sipas deklaratës nga Sony Ericsson, është goditur dërgesa e parë e celularëve, derisa qysh në versionet e radhës lëshimet janë rregulluar.

Modeli C905 është celulari rrëshqitës me fotoaparat të rezolucionit prej tetë megapikselash.

[new-man]

Përfaqësuesi i HTC-së gjatë një interviste të dhënë ka konfirmuar se deri në fund të vitit do të lansohen edhe së paku tre celularë me Android.

Në një intervistë për gazetën prestigjioze amerikane Wall Street Journal, përfaqësuesi i HTC-së ka konfirmuar se kompania këtë vit ka në plan të paraqesë së paku edhe tre celularë me sistemin operativ të kompanisë Google - Android.
I pari me radhë është HTC Magic, trashëgimtar i modelit G1 të T-Mobile, i cili në treg vjen gjatë pranverës.

Gjatë vitit të parë HTC ka shitur mbi një milionë modele G1, ne të cilën gjë kanë tejkaluar qëllimin e përcaktuar fillimisht. Për specifikat e celularëve të rinj me Android nuk është bërë fjalë, derisa është e mundur që disa prej tyre mund të paraqiten vetëm në tregje të caktuara.

Këtë vit HTC më shumë do të orientohet në tregun kinez, derisa 20 telefona të mençur do të paraqiten.

[YlliRiaN]

Ngjarja e rëndësishme e organizuar nga kompania Apple është fokusuar në vetëm një gjë të vetme – në iPhone, dhe jo në anën hardverike të iPhone, por në atë të softuerit.

Më saktësisht është folur për versionin e ri të sistemit operativ për iPhone, i cili është emëruar iPhone 3.0.

Risitë që ky version i ri i sistemit operativ 3.0. do të sjell në treg është një listë e madhe e risive (ka më shumë se 100) të cilat do ta lehtësojnë punën, ndërsa ndërkohë do të ketë edhe opsione tjera për të përfituar nga aplikacionet për iPhone.

Për shembull, do të ketë një opsion parapagimi për një aplikacion, të cilin përdoruesi mund ta zgjasë në një periudhë të caktuar kohore.

[YlliRiaN]

Pajisja më e re telekomunikuese nga tabori i Lenovos na duket tërheqës që në shikim të parë, mirëpo assesi nuk po arrijmë të kuptojmë që gjatë paraqitjes së tij kanë vendosur ta emërojnë me X1. Me emrin e njëjtën, në fakt, paraqitet edhe një prej celularëve më të ri nga tabori i Sony Ericsson – Xperia X1.

Lenovo ja ka paraqitur publikut celularin e vet më të ri me shenjën X1. Pajisja përmban ekran të ndjeshëm në prekje WQVGA prej 3.2 inçësh, formë rrëshqitëse, GPS të integruar, qasje për kartelat e memories microSD, shumë mundësi multimediale dhe karakteristika tjera që përkasin me këtë lloj të pajisjeve.

Celularin Lenovo X1 e fut në funksion Touch Dream, softuer i cili është zhvilluar në taborin e kësaj kompanie kineze. Dimensionet e pajisjes i përbëjnë 115 x 55 x 12.5 milimetra, derisa çmimi tani për tani mbetet i panjohur.

Risia nga Lenovo fillimisht është paraqitur në tregun kinez, derisa në pjesën tjetër të botës do të duhej të paraqitej gjatë këtij viti.

[YlliRiaN]

Sipas të dhënave të fundit të kompanisë reklamuese AdMob, telefonat e mençur janë çdo ditë e më të popullarizuar në mesin e përdorueseve, gjë që ka rezultuar se pjesëmarrja e këtyre pajisjeve në numrin e përgjithshëm ka arritur deri në 30 për qind të numrit të përgjithshëm të celularëve.

Sipas të dhënave të AdMob, para një viti telefonat e mençur kanë përbërë 26 për qind të numrit të përgjithshëm të celularëve.

AdMob reklamon në rreth 6.000 faqe interneti në mbarë botën dhe pikërisht falë tyre e ka matur se me çfarë lloj pajisjesh njerëzit i qasen reklamave të caktuara.

Sa i përket pjesëmarrjes së prodhuesve, gjithmonë sipas të dhënave të AdMob, Apple iPhone ka grabitur 33 për qind të pjesëmarrjes, derisa përcillet nga Blackberry Curve, Blackberry Pearl, Palm Centro dhe HTC Dream (i njohur si G1).

Të dhënat e publikuara kanë të bëjnë me tregun e Shteteve të Bashkuara të Amerikës.

[klodj]

Kur themi teknologji e fundit ku qendron sekreti? Tek gjuha programuese apo cfare?

[YlliRiaN]

Kur themi teknologji e fundit ku qendron sekreti? Tek gjuha programuese apo cfare?

Kur themi Teknologji e fundit duhet te kemi per baze te dy gjerat qe kane te bejne me Telefonat Mobile si Gjuhen Programuese ashtu dhe sjelljen e nje produkti te ri
Pra perkufizime i thjeshte nje gje e re qe ka te beje me Telefonat Mobile

[new-man]

Një telefon jashtëzakonisht i pazakontë, së paku sipas dukjes së tij, është paraqitur nga kompania Ulysse Nardin.

Telefoni i mençur hibrid, me emrin Chairman, ka ekran me madhësi prej 2.8 inçësh, lexues për zhbllokim i cili reagon në shenjat e gishtërinjve, kamerë prej pesë megapikselash, mbështetje për WiFi dhe aplikacionet për shfletimin e internetit dhe leximin e postës elektronike.

Telefoni do të prodhohet vetëm në një numër të caktuar, nga të cilat theksohen Rose Gold, Rose Gold & Blue, Rose Gold & Steel, tërësisht të zi dhe i kaltër metalik.

Pajisja aktualisht është duke u paraqitur nëpër panaire të ndryshme, derisa nuk ka informata për çmimin dhe datën e paraqitjen e saj në treg.

[new-man]

Për shkak të ndryshimeve në kërkesat e tregjeve dhe dobësimit të ekonomisë botërore, LG do të vë më shumë theksin në prodhimin e celularëve.

Të parët në plan janë pajisjet me tastierë të plotë QWERTY dhe ato me ekran të ndjeshëm në prekje.

Deri në fund të vitit kompania planifikon të lansojë celularë në të cilët, mes tjerash, do të përpunojë dizajnin, derisa do të investojë edhe në komponentë (më shumë memorie dhe fotoaparate më të mira). Në anën tjetër, në ofertë do të janë edhe modelet me çmime më të ulëta.

Deri tek ky vendim ka ardhur sepse në LG këtë vit me gjasë e kanë mbivlerësuar tregun e netbookëve dhe laptopëve në përgjithësi.

[benseven11]

Një telefon jashtëzakonisht i pazakontë, së paku sipas dukjes së tij, është paraqitur nga kompania Ulysse Nardin.

Telefoni i mençur hibrid, me emrin Chairman, ka ekran me madhësi prej 2.8 inçësh, lexues për zhbllokim i cili reagon në shenjat e gishtërinjve, kamerë prej pesë megapikselash, mbështetje për WiFi dhe aplikacionet për shfletimin e internetit dhe leximin e postës elektronike.

Telefoni do të prodhohet vetëm në një numër të caktuar, nga të cilat theksohen Rose Gold, Rose Gold & Blue, Rose Gold & Steel, tërësisht të zi dhe i kaltër metalik.

Pajisja aktualisht është duke u paraqitur nëpër panaire të ndryshme, derisa nuk ka informata për çmimin dhe datën e paraqitjen e saj në treg.

Telefonat po behen si ne star trek enterprise....