Telefonat 'Mobile' - Teknologjia e fundit

[YlliRiaN]

Shumë prodhues po tentojnë “të vrasin” pajisjen iPhone, mirëpo kjo punë definitivisht nuk po u shkon për dore. I fundit në radhën e tyre, dhe ndoshta i vetmi i cili ndoshta do të mund të kishte sukses është prodhuesi legjendar i pajisjeve PDA (personal digital assistant), kompania Palm.

Në fotografi po shihni pajisjen e emëruar Palm Pre, në telefon i mençur (smartphone) rrëshqitës të pajisur me ekran prej 3.1 inçësh të ndjeshëm në prekje (320 x 480), me tastierë të plotë, kamerë prej tri megapikselash, 8GB hapësirë të dhënave, mbështetje për MMS, konektorin prej 3.5 milimetrash për dëgjuese, Bluetooth, GPS, mbështetje për HSDPA, qasjen microUSB, sensorin i cili e ndal dritën e pajisjes kur ta mbështetni për veshi dhe sensora tjerë të cilët rrisin ndriçimin e pajisjes së ekranit në kushtet e ndriçimit të dobët, mundësi multimediale dhe shumë shtojca tjera interesante.

Edhe një atu e Palm Pre është në Palm webOS, një platformë tërësisht të re e cila punën me këtë pajisje supozohet se e bën jashtëzakonisht të këndshme.

Pre do të duhej që në treg të paraqitet në verën e këtij viti me çmim tani për tani të panjohur, mirëpo disa burime të caktuara pohojnë se do duhej të sillej rreth 200 dollarë amerikanë.

Për të parë një demonstrim të shkurtër të kësaj pajisje, klikoni në videon e mëposhtme.



http://www.youtube.com/watch?v=JRnlzbuLRwM

Janë paraqitur thashethemet se pajisja Palm Pre është shtyrë përbrenda kompanisë, që do të mund të ndikojë në datën e paraqitjes së këtij telefoni të mençur.

Sipas raportimeve të portalit TinyComb, Palm brenda kompanisë ka shtyrë paraqitjen e telefonit Pre. Burim i thashethemeve gjoja është një i punësuar i kompanisë Pal, e nëse kjo do të reflektohet në datën e lansimit të këtij celulari të shumëpritur ende mbetet e panjohur. Ishte paraparë që Pre të paraqitet në mesin e këtij muaji, gjë që do të jetë shumë e vështirë nëse informacionet e fundit dëshmohen të janë të sakta.

Gjatë paraqitjes së parë të këtij celulari Palm kishte deklaruar se ai do të del në treg në pjesën e parë të këtij viti. Është interesante se në të gjitha paraqitjet e tij gazetarët nuk e kanë pasur rastin ta përdorin pajisjen me duart e tyre. Në vend të kësaj, mundësitë e celularit dhe sistemit të tij operativ i kanë demonstruar të punësuarit e kompanisë që është sinjal i mundshëm se ai ka qenë (është) në fazën e hershme të zhvillimit të tij.

Palm ka refuzuar të komentojë thashethemet dhe e vetmja gjë që porosisin është se zhvillimi i celularit po ecën sipas planit.

Ndryshe, Palm Pre është një telefon i mençur (smartphone) rrëshqitës i pajisur me ekran prej 3.1 inçësh të ndjeshëm në prekje (320 x 480 pikselsa), me tastierë të plotë, kamerë prej tri megapikselash, 8GB hapësirë të dhënave, mbështetje për MMS, konektorin prej 3.5 milimetrash për dëgjuese, Bluetooth, GPS, mbështetje për HSDPA, qasje microUSB, sensor i cili e ndal dritën e pajisjes kur ta mbështetni për veshi dhe sensora tjerë të cilët rrisin ndriçimin e pajisjes së ekranit në kushtet e ndriçimit të dobët, mundësi multimediale dhe shumë shtojca tjera interesante.

[YlliRiaN]

Tastiera QWERTY që sipas shumë ekspertëve konsiderohet ndër më mirat në treg, Windows Mobile 6.1, TouchFLO3D dhe internet shumë të shpejtë janë karakteristikat kryesore të Touch PRO, një PDA shumë të ngjashëm me Diamond, i cili ka dhe tastierë.Ka të gërshetuara shumë programe si p.sh Task Manager, i cili do të lehtësojë shumë punën me Multitasking. Më tej, përveç Internet Explorer ka të integruar edhe një shfletues tjetër, Opera mini 9.5 browser. Duke shtuar më tej Adobe Reader LE për dokumente PDF si dhe klientin YouTube për përdorim më të lehtë të shërbimit tashmë të popullarizuar në internet.

Dizajni është elegant, në një kasë me dimensione 102 x 51 x 18.1 milimetra dhe peshë 165 gram. Nën ekranin e ndjeshëm në prekje gjendet kursori me katër drejtime, ku rreth tij janë të vendosur katër butona që mund të vërehen vetëm kur shtypen. Rrethi që gjendet tek kursori katërdrejtimësh është gjithashtu i ndjeshëm në prekje. Nëpërmjet tij mund të bëhet zoom dhe scroll kur shikohen fotografitë apo shfletohet në internet.

Mbi ekran gjendet kamera VGA, e cila shërben për videoconferencë, dhe altoparlanti. Anash gjendet vetëm butonat për rregullimin e zërit dhe në pjesën e sipërme butoni për ndezje dhe fikje. Pjesa e sipërme e telefonit ka portin mini USB për karikimin e baterisë dhe përdorimin e kufjeve që ofron HTC.
Pjesa e poshtme e pajisjes strehon lapsin magnetik dhe afër tij gjendet butoni i vogël për soft reset për Windows Mobile.

Brenda pajisjes gjenden 288 MB RAM dhe 512 MB ROM, si dhe një procesor Qualcomm MSM7201A me frekuencë 528 Mhz. Përdoruesit mund të zgjerojnë hapësirën e memories me microSD (TransFlash).
PRO ka integruar një ekran më të përparuar se modelet e mëhershme, me madhësi 2.8 inch. Ka një rezolucion VGA 640x480 piksel, ku kjo rritje e piskelave vërehet më mirë gjatë navigimit në internet, apo përdorimit të GPS-së. Fotografia është e pastër si kristal, me ngjyra të gjalla dhe me kënd të madh shikimi. Një gjë me rëndësi të madhe është se mund të përdoret edhe në dritën e diellit, karakteristikë kjo e rrallë te telefonat celularë. Pa kurrfarë dyshimi mund të thuhet se seria e këtyre PDA ka ekranin më të mirë në treg.

Sa i përket lidhjeve, Touch Pro ka modulet Wifi dhe Bluetooth të gjeneratës së fundit, si dhe marrësin GPS. Bëhet fjalë për çipin gpsOne, i cili ndohet edhe te modelet e tjera të HTC, si TyTN II dhe Cruise. HTC Touch Pro përkrah edhe teknologjinë A-GPS, e cila ka si detyrë që të dhënat mbi satelitët të merren nëpërmjet WiFi ose rrjetit 2G/3G. Në këtë mënyrë mund t'i shmangeni pritjes disa minutëshe apo siç quhet në gjuhën e GPS-së "startit të ftohtë". Kualiteti i zërit gjatë telefonatave është në nivelin më të madh të mundshëm. Duhet përmendur edhe përkrahjen për rrjetin HSDPA 900/2100 që mundëson përdorimin e shpejtësisë maksimale të marrjes të të dhënave, me shpejtësi deri 7.2 Mbit/sek.

Për fat të keq, operatorët në Kosovë dhe Shqipëri ende nuk ofrojnë një shërbim të tillë. Pajisja ka një aparat me rezolucion 3.2 megapiksel, me autofokus dhe LED blic. Në dritën e diellit mund të thuhet se ka fotografi solide. Por funksioni primar i këtij aparati nuk është kamera. Ka bateri Litium-Hekur me kapacitet 1340 mAh, duke ofruar 406 orë në regjimin stand-by dhe 8 orë kohë bisede, pothuaj njëjtë me telefonat e tjerë nga HTC.
HTC ka bërë një hap shumë të madh sa i përket ekraneve të ndjeshëm në prekje. Funksionet 3D apo TouchFLo 3D mundësojnë lexim të shpejtë të SMS-ve dhe mesazheve e-mail. Kalendari dhe shënuesi mund të kontrollohen vetëm me një prekje të ekranit.

Në këtë mënyrë është zëvendësuar plotësisht sistemin operativ Windows Mobile. Në ekran, "Today" që në një mënyrë paraqet edhe "sipërfaqen punuese" është e ndarë në shumë tabe dhe në të janë vendosur funksionet që përdoren më shpesh, si ora
dixhitale, kalendari dhe kontaktet, SMS dhe MMS, e-mail, e deri tek ato që përdoren më pak, si audio/video player, kamera, fotografitë dhe moti. Me modifikim mund të shënohen të gjitha qytetet e vendit dhe me një update që bëhet nga serveri
accuweather.com, mund të paraqitet temperatura momentale dhe ajo për 5 ditët e ardhshme. TouchFlo3D mundëson të mos përdoret thuajse fare butoni

"Start", që gjendet në këndin e majtë lart. Kalimi nga një tab në tjetrin dhe lëvizja nëpër opsione bëhet me disa animacione. Edhe pse një pjesë të mirë HTC ka kopjuar iPhone, TouchFlo 3D paraqet një revolucion, kur bëhet fjalë për Windows Mobile, duke mundësuar në këtë mënyrë përdorimin e plotë të PDA pa stylus. TouchFlo 3D tashmë është bërë standard edhe tek modelet më të reja të prezantuara nga HTC, si ai HD dhe 4G.
Për HTC Touch Pro mund të thuhet se paraqet një pëesosje në botën e telefonave celularë.
Touch Pro apo iPhone? Do të ishte pyetja e çdokujt që do të lexojë këtë artikull. Zgjidhja është pak e vështirë. Deri sa autori i këtij teksti anon më shumë për Pocket PC, për shkak të përdorimit vetëm të prodhimeve nga HTC, dikujt më shumë do t'i pëlqente iPhone, por sido që të vendosni, një gjë është e sigurt, nuk do të pendoheni. Kushton rreth 500 euro.

[YlliRiaN]

Keni parasysh, nuk bëhet fjalë për celular, edhe pse Sony NWZ-X1000 në shikim të parë duket si i tillë. Bëhet fjalë për audio playerin me ekran OLED dhe 30 GB hapësirë për ruajtje të dhënave.

Sony NWZ-X1000 mbështet audio formatet MP3, WMA e AAC, si dhe video formatet MPEG-4, H.264 e WMV, të cilat do të mund t’i shihni në ekranin OLED me rezolucion prej 432 x 240 pikselash, mirëpo, për fat të keq, vet video materialet do të mund të shihen në rezolucionin 320 x 240 piksela, që do të thotë se ekrani do të mbetet bukur i papërdorur.

Tridhjetë GB hapësirë për ruajtje të dhënave tingëllon bukur mirë, mos të themi mbresëlënëse, derisa bateria do të mund të zgjas 33 orë solide në dëgjimin e muzikës dhe nëntë orë në shikimin e video materialeve. Nga gjërat tjera interesante vlen të veçohet radiomarrësi FM, mbështetja për WiFi dhe shfletuesi i integruar i uebit me mbështetje për YouTube.

NWZ-X1000 në treg do të paraqitet së shpejti me çmim tani për tani të panjohur për ne.

[new-man]

Kompania për hulumtim të tregjeve Informa prognozon sukses për platformat e hapura të celularëve. Posaçërisht, parashihet se deri në vitin 2012 shitja e celularëve me sistemin operativ Android nga Google do të tejkalojë shitjen e të popullarizuarit iPhone.

Kohëve të fundit po bëhet çdo ditë e më e qartë se lufta e prodhuesve të telefonave të mençur po bëhet në lidhje me platformat që ata përdorin.

Duke marrë parasysh se fokusi është larguar nga hardueri drejt softuerit, analitikët parashohin se qasja e burimit të hapur nga Google do të korrë më shumë sukses. Gjithashtu, do të mund të përfitonte edhe Symbian, derisa ndikimi i Windows Mobile në treg do të binte edhe më shumë.

Rëndësinë e softuerëve në celularëve në Informa e ilustrojnë me shembullin e Nokias. Prodhuesi finlandez në vitin 2007 mbante 65% të tregjeve të telefonave të mençur, mirëpo me paraqitjen e pajisjeve të orientuara kah softueri (fillimisht iPhone e BlackBerry), pas një viti pjesëmarrja e Nokias në treg ka rënë në 49%.

[new-man]

Njerëzit nga kompania Gresso padyshim që jetojnë në një botë tjetër, për shkak se prodhimi i saj është ende i bazuar në telefona të shtrenjtë dhe luksoz, ndërsa shumica e njerëzve në planetin shtrëngojnë rripin e tyre për shkak të krizës ekonomike globale.

Në linjën më të fundit, kompania Gresso ka lansuar është Lady Diamond, i cili me sa duket është i projektuar ekskluzivisht vetëm për zonjat. Dhe për një zonjë të tillë e cila mund të ndajë 5500 dollarë për blerjen e këtij telefoni (me kusht që ato nuk kanë një zotëri prapa, pos veten e tyre për blerjen e telefonit).

Kur jemi tek pamja e telefonit, Lady Diamond është ndërtuar me qeramikë të lartë, të purpurt në ngjyrën Magnet Diamond, i pajisur me 18 karat ari, dhe ka katër diamante të bardhë në tastierat e navigimit.

Pas të gjitha gjërave që u thanë më lart, specifikat e telefonit bien disi në plan të dytë, mirëpo është e rëndësishme të përmendet se telefoni ka kamerë me dy megapixel, 2GB memorie të brendshme, GSM/GPRS dhe Bluetooth lidhje, dhe funksionon me sistemin operativ Windows Mobile 6,0 Standard.

[YlliRiaN]

Kompania e Koresë Jugore Samsung ka paraqitur një telefon super të hollë prej gjithsej 11.9 milimetrash.

Samsung S5230 përmban edhe shumë gjëra tjera si: fotoaparat prej 3 megapiksela (me opsion për video incizim) dhe ekran të ndjeshëm në prekje WQVGA prej tre inç - 240 x 400 piksela.

Teknologjia speciale TouchWiz, e cila është vepër e kompanisë Samsung, mundëson manipulimin e lehtë me mundësitë e tij dhe ekranin fillestar, i cili edhe ashtu është shumë i lehtë për navigim.

Nga funksionet tjera vlen të veçohen shërbimet Google Search e Google Gmail, mbështetja për Bluetooth 2.1, mbështetja për GSM (850/900/1800/1900MHz) si dhe qasja për kartelat microSD.

Tani për tani nuk ka të dhëna për çmimin, por dihet se Samsung S5230 do të paraqitet në treg gjatë muajit prill të këtij viti.

[YlliRiaN]

Nokia ka paralajmëruar dy telefona të ri mobil MusicXpress, modelet 5330 e 5730, si dhe një model të celularit XpressRadio – 5030.

Model XpressRadio 5030 është telefon celular me veçori telekomunikuese dhe funksion të radios FM. Çmimi i tij i rekomanduar pa tatime do të duhej të jetë 40 euro, derisa në shitje do të del në tremujorin e dytë të këtij viti.

Nokia 5330 MusicXpress është celular larg më i avancuar. Është një pajisje rrëshqitëse e gjeneratës së tretë e cilat padyshim do të tërheqë vëmendjen me dizajnin e vet të cilin e përshkojnë linjat e mprehta, që nuk është tipike për prodhuesin finlandez.
Sikur të gjitha modelet tjera MusicXpress, edhe ky ka qasje për dëgjuese prej 3.5 milimetrash, pranues të radiovalëve stereo RDS dhe memorie të mjaftueshme për ruajtje të dosjeve muzikore. Në shitje do të paraqitet në tremujorin e dytë të vitit 2009 dhe atë me çmim të rekomanduar prej 160 euro me shtojca të tatimit.

Telefoni më i pajisur i paraqitur është ai 5730 MusicXpress. Modeli 5730 është telefon i mençur i bazuar në sistemin operativ Symbian, derisa është i pajisur me tastierë të plotë QWERTY e cila me rrëshqitje tërhiqet anash. Kur nuk është i hapur, telefoni duket si secili celular i dizajnit klasik. Mundësitë e tij komunikuese të gjeneratës së tretë janë plotësuar me adapterin WiFi dhe pranuesin A-GPS. Çmimi i tij i rekomanduar është 280 euro para se t’i shtohen tatimet, derisa koha e daljes së tij në treg është tremujori i tretë i këtij viti.

[new-man]

Përkundër faktit që prodhuesit si Apple e Research In Motion kanë arritur të grabisin nga Nokia një pjesë të tregjeve, gjiganti finlandez i telekomunikacionit megjithatë gjatë vitit 2008 ka shitur numrin më të madh të pajisjeve - smartphone.

Sipas raportit të analistëve nga Gartner, Nokia gjatë vitit të kaluar ka shitur gjithsej 60.9 milionë telefona të mençur që i ka sjellë pjesëmarrje në treg prej 43.7 për qind. Në vendin e dytë të kësaj liste është gjendur kompania Research In Motion me pjesëmarrje prej 16.6 për qind, derisa në vendin e tretë Apple me 8.2 për qind të pjesëmarrjes.

Edhe pse Nokia ka ruajtur vendin e parë të kësaj liste, ajo megjithatë ka humbur një pjesë të pjesëmarrjes e cila në fund të vitit 2007 ka qenë 49.4 për qind.

Fitueset më të mëdha gjatë vitit të kaluar kanë qenë Research In Motion, që ka paraqitur BlackBerry Bold e BlackBerry Storm, si dhe Apple, e cila pjesëmarrjen prej 8.2 për qind e ka grabitur me paraqitjen e shumë të popullarizuarit iPhone në versionin 3G.

[new-man]

Apple ka ftuar gazetarët në paraqitjen e versionit të ri të softuerit për shumë të popullarizuarin iPhone, e cila do të mbahet më 17 mars të këtij viti.

Paraqitjen e softuerit kompania Apple e ka organizuar në zyrat e saja qendrore në Cupertino të Kalifornisë. Gazetarët do të mund të shohin versionin 3.0 në vepër, derisa Apple planifikon të shfaqë edhe paketën e re softuerike të dedikuar për programuesit të cilët përpunojnë programe për iPhone. Nuk përmendet koha e daljes zyrtare e versionit të ri në treg, derisa Apple ka lënë të kuptojë se ajo që gazetarët do të shohin është versioni në fazën zhvilluese dhe ende të papërfunduar.

Apple e ka paraqitur iPhone 3G verën e kaluar. Gjatë vitit 2008 janë shitur gjithsej 12.7 milionë iPhone që ka qenë më shumë se parashikimet dhe planet e kompanisë Apple se do të shes 10 milionë njësi.

Momenti vendimtar për popullarizim e iPhone ka qenë atëherë kur programuesve u është dhënë mundësia që të krijojnë aplikacione për të. Pikërisht numri i madh i aplikacioneve të llojllojshme të cilat mund të shkarkohen pa pagesë apo me një pagesë simbolike e bëjnë celularin iPhone aq funksional dhe të adhuruar.

[YlliRiaN]

Llojet e veçantë të pajisjeve smartphone të cilët zakonisht i thërrasim edhe PDA telefonë, sipas formës ngjajnë shumë me asistentët personal digjital (PDA), mirëpo në brendi të tyre kanë edhe funksionin për bisedë telefonike.

Karakteristikat e tyre të rëndësishme janë shpejtësia dhe fuqia e procesorit, dhe këndi prej të cilit duhet vështruar një smartphone.

Asus P552ë është njëri ndër këto pajisjet me procesor shumë të shpejtë, dimensione të vogla, GPS të integruar dhe pajisjen për përcjellje. / ms / foto: ms / 13 mars 2009 /

Disa nga karakteristikat e Asus P552W

1. Rrjeti: tri-band GSM, 3G
2. Sistemi operativ: Windows Mobile 6.1 Professional
3. Procesori: Marvell Tavor 624 MHz
4. Memoria: 256 MB ROM, 128 MB RAM, microSD
5. Ekrani: 2,8 inç, 240x320 pikselë
6. Koneksion: USB, Bluetooth, WiFi
7. Të tjera: kamera – 2 Mpx, GPS
8. Bateria: 1100 mAh
9. Dimensionet: 102x60x14 mm, 105