Telefonat 'Mobile' - Teknologjia e fundit

[YlliRiaN]

Kompania kineze Huawei në përfundim të MWC i cili është mbajtur nga 16 deri më 19 shkurt në Barcelonë, ka prezantuar smartphone e saj të parë të bazuar në platformën Android.

Në këtë formë kompania Huawei i është bashkëngjitur kompanisë nga Tajvani, High Tech Computer (HTC) për përkrahje me sistemin operativ Android. Plane të ngjashme kanë edhe kompanitë si Motorola dhe Kogan të cilat kanë paralajmëruar pajisje të cilat do të punojnë me sistemin operativ nga Google.

Detajet për specifikat e këtij telefoni nuk janë bërë publike, mirëpo merret vesh se Huawei do të udhëheq për kah stili dhe dizajni i telefonit, bashkë me interfejsin super-aktiv i cili do të jetë shumë i lehtë për tu përdorur, duke iu përshtatur kërkesave të telefonive mobile në botë.

Sikur edhe shumë pajisje tjera, edhe telefoni i prezantuar nga Huawei do ti përngjajë shumë smartphonit nga Apple, iPhone.

Telefoni do të paraqitet në treg në çerekun e fundit të vitit 2009.

[new-man]

Në një intervistë të cilën njeriu i parë i kompanisë Nokia, Olli-Pekka Kallasvuo, i ka dhënë televizionit kombëtar finlandez YLE është thënë se Nokia është duke marrë parasysh hyrjen në tregun e laptopëve.

Në Nokia theksojnë se qysh tani po shembet kufiri në mes pajisjeve të cilat fillimisht i vlerësojmë telefona dhe laptopëve, prandaj në kompani shumë aktivisht janë duke vlerësuar mundësinë e prodhimit të laptopëve “të vërtetë”.

Thashethemet për hyrjen e mundshme të Nokias në tregun e laptopëve janë të pranishme që prej fundit të vitit të kaluar, mirëpo ky është konfirmimi i parë i aktiviteteve të tilla.

Sipas vlerësimeve të analistëve të pavarur hyrja e Nokias në tregun e laptopëve është një veprim logjik duke marrë parasysh se të gjithë operatorët kryesorë të telefonisë mobile në ofertë kanë edhe laptopë të pajisur me kartela për të dhëna

[new-man]

Një iPhone krejtësisht i zakonshëm i dekoruar me një sasi të caktuar të arit dhe gurëve të çmuar është bërë një prej telefonave më të shtrenjtë në botë.

Argjendari australian Peter Aloisson është i njohur për dekorimin e telefonave celularë dhe pajisjeve tjera elektronike me zbukurime të shtrenjta. Vepra e tij e fundit është iPhone e emëruar King's Button. Bëhet fjalë për dekorimin më të shtrenjtë të Aloissonit deri më tani.

Telefoni celular i kompanisë Apple është dekoruar me ari ngjyrë të verdhë, të bardhë dhe rozë prej 18 karatësh dhe me 138 brilante. Tasti kryesor i iPhone është dekoruar me diamant 6.6 karatësh.

Shpenzimi i përgjithshëm i këtij dekorimi është 2.517.345 dollarë amerikanë. Nuk e dimë nëse në këtë çmim është përfshirë edhe ai i vet telefonit, por është e qartë se ajo nuk ka edhe aq vlerë në tërë këtë shumë.

[YlliRiaN]

http://business.samsungmobile.com/cd...&cp=1_4001_0__

[YlliRiaN]

Kompania Asus çdo ditë e me më shumë seriozisht po përfshihet në garën për prodhimin e telefonit të mençur (smartphone) më të mirë dhe më të pajisur. Modeli i tyre i fundit, Asus P835, para së gjithash dallohet për ekranin e tij të madh.

Asus P835 është i bazuar në sistemin operativ Windows Mobile 6.1, që sigurisht edhe është e meta më e madhe tij, kur merret parasysh se edhe mbështetësit më të mëdhenj të Windows Mobile me padurim janë në pritje të versionit të paralajmëruar 6.5.

Sa i përket lidhjeve, në të gjenden GPRS, EDGE, UMTS i HSDPA si dhe Bluetooth e WiFi, e për ruajtjen e të dhënave përkujdesen 4 GB të integruara si dhe qasja për kartelat e memories MicroSDHC.

Sa i përket ekranit të ndjeshëm në prekje, diagonalja e tij është 3.5 inç e rezolucioni hiq më pak se 800x480 piksela, që shkojnë shumë mirë me kamerën e integruar me rezolucion prej 5 megapikselash.

Çmimi dhe paraqitja e tij në treg tani për tani nuk janë të njohura.

[YlliRiaN]

Ne tashmë jemi mësuar që një pajisjet e reja mobile të na befasojnë me funksionalitetin e vet dhe karakteristikat e ndryshme, por duket se LG është një kompani që arriti që këtë cilësi ta çojë në nivel edhe më të lartë.

LG modeli më i ri telefonik, quhet Versa dhe kombinon dy gjëra që duhet të ketë çdo telefon – mundësinë e shkëlqyeshme për manipulim me tekstin dhe të hyrat në të, dhe përvojën unike në "prekjen" e ekranit.

E gjithë kjo në një modul çudibërës shkencor, me sistemin operativ të avancuar dhe një grafikë tërheqëse.

Shtesë interesante është edhe aplikacioni i postës vizuale me zë. Tani është e mundur që dikush të ju dërgojë një porosi të regjistruar me një mesazh zanor, e në fakt ju ta shihni personin në video.

Nëse kësaj ja shtoni dhe një numër të madh të karakteristikave, të tilla si ekran prej 3 inç, e 2,0 megapixel kamera me zoom automatik, muzikë, video, mbështetja për Flash, microSD card me opsionin deri në 16 GB hapësirë.

LG Versa lejon komunikim të vazhdueshëm të për 290 minuta para se të bateria të harxhohet, ose 430 ore në modulin e gatishmërisë (stand-by).

Verso LG model në treg do të jetë prej datës 1 Mars, me një kosto prej 200 dollarësh amerikanë.

[new-man]

Kompania LG ka vendosur që për çdo rast të tërheq nga tregu amerikan 30.000 celularët e saj LG 830 Spyder për gjoja kualitetin e dobët të zërit gjatë thirrjeve të numrave të shërbimeve emergjente.

Duket se LG kësaj herë ka bërë një gjë që shumë pak prodhues tjerë të celularëve do ta kishin bërë – ka tërhequr 30.000 celularëve përnjëherë si rrjedhojë e një ankese të vetme që kualiteti ishte i dobët gjatë thirrjes së numrit 911.

Supozohet se me këtë “sëmundje” janë prekur pajisjet me softuerin e versionit T83LGV03 e T83LGV04.

[new-man]

Kompania SoftBank Mobile, operatori i tretë për nga madhësia në Japoni, që nga fillimi i kësaj jave, ka lansuar fushatën nën emrin "iPhone për të gjithë" në të cilën të gjithë abonentëve të cilët hyjnë në një vit kontratë, do të marrin falas telefonin mobil iPhone me flash disk prej 8 GB.

Përveç kësaj, kompania SoftBank Mobile do të ulë çmimin për iPhone me flash disk prej 16 GB nga 350 dollarë në 117 dollarë.
Ndryshe nga SHBA, ulja e çmimeve të iPhone në Japoni përcillet edhe nga ulja e çmimeve për abonim.

Sa për të kujtuar, kompania Apple në shtator të 2007, pati ulur çmimin e iPhone, versionit origjinal i në tregun amerikan nga 599 dollarë në 399 dollarë, por çmimi për abonimin mujor në AT&T, ku shitet iPhone, ka mbetur i pandryshuar.

Në Japoni, megjithatë, çmimi për abonim mujor është reduktuar nga 62 dollarë në 46 dollarë.

Disa analistë besojnë se shitjet e iPhone në Japoni janë shumë dobët. Sipas disa të dhënave, shitja e iPhone në vitin e parë nuk do të arrijë as edhe në gjysmën e planifikuar që është, një milion copë.

[YlliRiaN]

Qysh në muajin janar kompania RIM ua ka hapur dyert e veta programuesve zhvillues të cilët dëshirojnë të përpunojnë aplikacione për BlackBerry. Tani dyqani online bëhet edhe me emërtimin e vet zyrtar - BlackBerry App World.

Sikur që kanë bërë edhe lojtarët tjerë në këtë pjesë të industrisë si Apple e Google, kështu edhe RIM ka vendosur të hap dyert e veta për programuesit të cilët dëshirojnë të përpunojnë aplikacione për pajisjet BlackBerry.

Tani, pasi që është përcaktuar edhe emërtimi zyrtar BlackBerry App World, ky shërbim është i gatshëm për punë dhe do të duhej që, sipas paralajmërimeve, të realizohet gjatë këtij muaji.

Pronarët aktual të pajisjeve BlackBerry do të munden që në to të shkarkojnë aplikacionin për qasje në BlackBerry App World, derisa pajisjet e ardhshme do të shiten automatikisht me të. RIM planifikon të paraqes edhe versionin e shërbimit BlackBerry App World për desktopë, mirëpo tani për tani do të ofrojë vetëm atë për pajisjet mobile.

Data e saktë e fillimit të punës se BlackBerry App World do të bëhet publike në këtë adresë.

[new-man]

Përdorimi i telefonave celularë është rritur dukshëm gjatë shtatë viteve të fundit, derisa numri i parapaguesve në botë ka kërcyer nga një miliard në vitin 2002 në 4.1 miliardë në fund të vitit të kaluar, thuhet në një raport të lëshuar nga Kombet e Bashkuara.

Vala befasuese e përdorimit të telefonave celularë është shënuar në shtetet në zhvillim, ku tani celularët janë pajisje më të adhuruara në mesin e botës së varfër. Në Afrikë, për shembull, 28 për qind e popullatës aktualisht posedojnë celularë, derisa para nëntë vitesh kjo shifër ka qenë vetëm dy për qind. Në anën tjetër, shtetet në zhvillim përbëjnë madje dy të tretat e përdoruesve të telefonave celularë.

Besohet se arsyeja kryesore e blerjes së madhe të celularëve është paraqitja e shërbimit për transferim të parave i cili u mundëson njerëzve që pa shkuar në bankë t’i dërgojnë dikujt para me anë të porosive SMS.

Në raportin e organizatës së Kombeve të Bashkuara po ashtu theksohet se përdorimi i internetit është dyfishuar, derisa të dhënat e fundit flasin se një nga pesë përdorues apo 23 për qind e popullatës së botës kanë qasje në internet. Megjithatë, vendet e varfra edhe më tutje mbesin prapa kur interneti është në pyetje.

Suedia është shteti më i avancuar kur bëhet fjalë për përdorimin e teknologjive komunikuese dhe të informacionit. Pasojnë Koreja e Jugut, Danimarka, Britania e Madhe, Shtetet e Bashkuara të Amerikës, Franca, Gjermania dhe Japonia.

Në Birmani është shënuar trendi më i madh i rritjes së përdorimit të internetit. Megjithatë, qeveria ushtarake e Birmanisë ka ndaluar përdorimin e internetit të cilin shpesh e përdorin grupet disidente, derisa blogerët i ka dërguar në burg.

Në anën tjetër, e ashtuquajtura “ndarja digjitale” në mes të varfërve dhe të pasurve ka mbetur e pandryshuar në periudhën prej vitit 2002 deri në 2007.

Ekspertët e KB-së parashohin se recesioni global do të ndikojë edhe në zhvillimin e teknologjive telekomunikuese në mbarë botën.