Telefonat 'Mobile' - Teknologjia e fundit

[YlliRiaN]

nformacionet mbi qëllimin e kompanisë Dell që gjatë muajit shkurt do të paralajmërojë fillimin e zhvillimit dhe prodhimit të telefonave të mençur kanë vërshuar portalet e shumta të internetit.

Supozimet për angazhimin e Dell-it në prodhimin e telefonave të mençur (smartphones) po bëhen çdo ditë e më të zëshme dhe me gjasë të bazuara në informatat të cilat qëllimisht janë lëshuar qëllimisht apo rastësisht kanë rrjedhur pikërisht nga kompania Dell. Peshë të shtuar të informacionit jep edhe fakti se atë e kanë publikuar dy mediumet e shquara botërore Reuters dhe Wall Street Journal.

Qëndrimi zyrtar i kompanisë është se nuk dëshiron të komentojë thashethemet. Përvoja na tregon se një koment i tillë gjithmonë ka qenë hyrje në atë për të cilën ka bërë fjalë edhe ajo thashetheme.

Gjatë muajit shkurt do të organizohet ngjarja “GSM World Congress” në Barcelonë, që vlerësohet si rast ideal për kompaninë Dell të publikoj qëllimin e vet të mundshëm. Do të duhej të kishte më shumë telefona të mençur në pyetje, gjersa informatat thonë se disa modele do të janë të bazuar në sistemin operativ Android nga kompania Google, derisa tjerët në atë Windows Mobile.

Microsoft zyrtarisht ka paralajmëruar se në kongresin GSM do të jap një njoftim të rëndësishëm në lidhje me platformën Windows Mobile, prandaj shumë supozojnë se ky njoftim do të ketë lidhje me telefonat e mençur nga Dell.

[YlliRiaN]

Edhe përkundër faktit se kompania para pak kohësh pati demantuar se është duke punuar në versionin iPhone Nano, dhe se në një të ardhme të afërt mund të pritet edhe lansimi i tij, tashmë kanë rrjedhur informatat se kompania Apple, po përgatit një version të ri të iPhone 3G’së.

Sipas MacRumors, firmware i fundit 2.2.1 është i dedikuar për iPhone 2.1, që është versioni i këtij telefoni që ende nuk është prezantuar. Versioni i parë i iPhone ishte 1.1 ndërsa emërtimi për iPhone 3G është 1.2.

MacRumors, e cila zakonisht jep lajme të sakta sa i përket këtyre thashethemeve, beson se gatishmëria e Apple për ta azhuruar këtë numër, do të thotë që kompania është duke planifikuar të nxjerr model të ri të iPhone.

Mirëpo, në anën tjetër të gjithë e dijnë që Apple do të nxjerr në treg një smartphone më së largu deri në muajin qershor të këtij viti.

Versioni i ri do të duhej që të ishte shumë më shumë se sa vetëm ndryshime kozmetike.

Po flitet se iPhone i ri do të ketë grafikë më të mirë, dhe ARM procesor dhe çip më të avancuar të cilët do të mundësonin bartje më të shpejtë të të dhënave.

[Ardi_Pg_ID]

Une personalisht nuk ble asnjegje qe ka emertimin DELL sado I mire te jete produkti. Kjo per arsye se dell perdor pjese shume te rendomta. Deri tani jam I kenaqur me SideKick nga Sharp. Telefoni tjeter I preferuar eshte blackberry edhe gjithashtu larg paisjeve te HTC.

Che guvara iphone ne usa po ta blesh ne dyqanin apple eshte 250$ por ama ka nje hile se duhet te lidhesh nje kontrate 2 vjecare me kompanine AT&T direkt ne dyqan gje qe u shtua ne kusht pas cbllokimeve te shumta ne versjonin e pare. Nese e anullon kontraten detyrohesh nje vlefte prej 175$ + gjate hapjes se kontrates te kerkohet nje depozite qe varjon nga 175$ deri ne 750$ po ta blesh ne treg te zi e gjen per 550$-650$.

Ardi

[che_guevara86]

Njelloj si ne europe dmth . Ne Itali kushton te 600 euro dhe ka dhe lidhjen me internet brenda ketij cmimi me duket .Ne treg te zi qeka me lire se ketu eshte ne treg te bardhe :P...
Rrofsh Ardi .
Shnet plako .

[NBAlbania]

Edhe pse ende nuk ka detaje konkrete, janë paraqitur fotografitë e para të celularit të Samsung ana më e fortë e të cilit është fotoaparati jashtëzakonisht i mirë.
A na nevojitet fotoaparati prej 12 megapikselash në celular? Kush po mërzitet: nëse ashtu e ka menduar Samsung, ashtu edhe do të jetë, e ne nuk po ankohemi.
Të dhënat tjera për këtë pajisje, i cili sigurisht do të paraqitet në Kongresin Mobile Ëorld në Barcelonë, ende nuk dihen, mirëpo supozohet se do të ketë GPS të integruar dhe mundësi të incizimit të video materialeve në formatin DivX.
Për detajet tjera dhe çmimin na duhet të durojmë edhe dy javë.

[YlliRiaN]

Sipas informatave të cilat i kanë në dispozicion në Motorola, Windows Mobile 7 nuk do të jetë i gatshëm para vitit 2010.

Këtë e ka deklaruar Sanjay Jha (një nga shefat e Motorolas) në një konferencë me rastin e komentimit të rezultateve afariste të kompanisë.

I pyetur për kalimin e Motorolas në sistemin operativ Android, zyrtari i kompanisë ka deklaruar se Motorola është besnike ndaj Windows Mobile, mirëpo duke marrë parasysh se versioni i radhës i sistemit operativ të Microsoftit nuk do të del para vitit 2010, fokusi është drejtuar kah Android. Ai ka shtuar edhe se Android këtë vit është “thjesht më konkurrues".

Një pjesë e interesimit të Motorolas për Android qëndron në mundësinë e përshtatjes të tij. Kompania ka paralajmëruar se do të modifikojë sistemin operativ të Googlet, derisa në celularët e saj më shumë do të orientohet në rrjetet shoqërore.

[YlliRiaN]

Sipas burimeve nga të cilat vijnë fotografitë (jo aq kualitative) dhe specifikat, Samsung Acme nuk do të jetë edhe aq i lirë.

Kompania Samsung pas modelit Omnia do të tentojë të ofrojë alternativë për të popullarizuarin iPhone me modelin Acme i8910. Sipas fotografive jozyrtare dhe specifikave, celulari duket bukur premtues.

Pos ekranit të ndjeshëm në prekje do të ketë edhe një tast fizik për të bërë thirrje, kamerë me rezolucion prej tetë megapiksela dhe mundësinë e incizimit të video materialeve në formatin high definition (HD) dhe dalje HDMI. Nga teknologjitë pa tela të pranishme do të janë Wi-Fi, 3G e GPS, video do të mund të ndahen me pajisjet kompatibile me DLNA, derisa vet pajisja do të vjen me kapacitet prej 8 e 16 GB.
Çmimi i celularit nuk është i njohur, mirëpo pritet që zyrtarisht të paraqitet në kongresin “Mobile World Congress” i cili fillon më 17 shkurt.

[new-man]

Në kongresin e sivjetmë “Mobile World Congress” na presin paraqitjet e një vargu të gjerë të modeleve të reja të celularëve.

Për një kohë të gjatë nëpër internet po paraqiten thashethemet e nxitura nga fotografitë e telefonit të ri të mençur të kompanisë LG. Prodhuesi ka vendosur tu jap fund duke konfirmuar ekzistencën e celularit.

Specifikat e modelit i cili do të bart emrin Arena KM900 njihen edhe nga më herët. Ai ka ekran të ndjeshëm në prekje prej tre inçësh me rezolucion prej 800 x 480 piksela, fotoaparat me rezolucion pesë megapikselash, GPS, FM radio, Wi-Fi e TV tuner. Video materialet në të do të mund të incizohet në kualitetin DVD. Trashësia e shtëpizës së celularit është 12 milimetra.

Celulari fillimisht do të paraqitet në ofertën e operatorit gjerman T-Mobile. Për çmimin ende nuk dihet asgjë, derisa paraqitja zyrtare e tij do të jetë në kongresin “Mobile World Congress” i cili fillon në mesin e këtij muaji.

[YlliRiaN]

Google ka përgatitur versionin e ri të katalogut të vet të dedikuar për pajisjen e popullarizuar iPhone.

Me këtë veprim u është mundësuar përdoruesve të iPhone dhe iPod Touch të shfletojnë 1.5 milionë libra (për përdoruesit nga Shtetet e Bashkuara të Amerikës) apo 500.000 për përdoruesit ndërkombëtarë, ku biem edhe ne.

Google ka shfrytëzuar njohjen automatike të teksteve në mënyrë që të jetë në gjendje të shndërrojë librat në formatin i cili është i përshtatshëm për lexim në ekrane të vogla.

Disa tekste të cilat janë në formatin i cili është i vështirë për tu skanuar ende nuk janë në dispozicion, por do të duhej të paraqiteshin pasi që ata të avancojnë teknologjinë.

[YlliRiaN]

Motorola ka prodhuar një motel të ri të celularëve. Mbulesa plastike e modelit të ri Moto W233 është bërë nga riciklimi i shisheve plastike të ujit, bëhet e ditur nga vet kompania. Gjithashtu kompania bën të ditur se aparati është celulari i parë në botë që është ndërtuar me karbon neutral.
Përdorimi i materialeve recikluese për të prodhuar celularë është një fillim i mbarë, por ka edhe mënyra të tjera që prodhuesit t’i bëjnë celularët më ekologjikë.
Përdorimi i materialeve plastike recikluese për pamjen e jashtme është mjaft i ndershëm. Përveç përdorimit të materialeve plastike recikluese dhe krijimit të celularit me karbon neutral, Motorola e ka zvogëluar ambalazhin e celularit për 22 përqind. Të gjitha materialet brenda janë të shtypura 100 përqind në letër të ricikluar. Këta celularë do të jenë në dispozicion gjatë çerekut të parë të vitit fillimisht në T-Mobile të Shteteve të Bashkuara të Amerikës.