Telefonat 'Mobile' - Teknologjia e fundit

[YlliRiaN]

Kompania Samsung ka prezantuar telefonin e ri 3G, të quajtur T919 Behold.

Telefoni përmban një ekran të madh touchscreen (3,1 inç) me rezolucion të mjaftueshëm prej 240 x 400 piksela, dhe kamerë prej 5 megapiksel.

T919 veçohet për dizajnin unik, ndërsa në pjesën e përparme dominon ekrani me pjesën e poshtme e cila ka vetëm disa butona, shumë funksional.

Aty gjenden butonët për thirrje, dhe anulimin e thirrjes dhe disa sensor për kamerë në pjesën e sipërme.

Kur jemi tek kamera duhet të përmendim që e njëjta bën shumë fotografi të mira, me një ndriçim optimal. Drita e kamerës punon mirë edhe në kushte të errësirës, ndërsa opsioni me autofokus është një shtesë atraktive.

[YlliRiaN]

Për ata patriotë, të cilët gjithmonë mundohen të tregojnë krenarinë se janë amerikanë vjen OPhone – një telefon i cili është krijuar pikërisht për ta.

E shume ne lidhje me OPhone
Kompania mi-Phone, e cila e ka prodhuar këtë telefon, nuk është munduar shumë për performansat prandaj oPhone është bukur i lirë dhe ofron funksionet themelore.

Nga pjesa e prapme e telefonit gjendet logoja e madhe e Obamas, derisa një theks tjetër është vënë në shkronjën e madhe "O" në tastierën kryesor.

Nga karakteristikat kryesore mund të ve?ohet ekrani prej 1.47 in?ësh, GSM 900/7800 dhe FM radioja e integruar.

Telefoni aktualisht mund të blihet në Keni, por së shpejti do të duhej të gjendej edhe në ofertën e eBay. Kur kjo të ndodhë, gjithsesi do të jetë hit i vërtetë tek amerikanët.

[Slimshaddy]

Varet o vella se mos te bjen me pagu edhe posten qe e sjell..!!
Ndersa per ate Kings-Button i papar fare. Desha me dit vetem me porosi behen dmth ska seri a??

[che_guevara86]

Pyetja ime ne faqen 1.....Aman se e kam me shume merak .
Shnet .

[YlliRiaN]

Një nga ankesat më të mëdha për të pajisjen e popullarizuar iPhone vazhdon të jetë mungesa e profileve Bluetooth.

Bluetooth në iPhone mund të përdoret vetëm për të pranuar thirrje, derisa përdoruesit madje as nuk mund të dëgjojnë muzikë me anë të lidhjes Bluetooth.

Edhe pse nga kompania Apple nuk do të ketë një aplikacion i cili së shpejti do tu mundësojë përdoruesve të iPhone të përdorin këto profile, iBluetooth, një aplikacion i zhvilluar nga ekipi i iSpazio, së shpejti do të jetë në dispozicion nëpërmes menaxhuesit të instalimeve Cydia.

Mbetet të kuptohet nëse aplikacioni mbështet jo vetëm transferimin e dosjeve apo edhe profileve tjera! Aplikacioni ende nuk është komplet, prandaj na duhet të presim për të parë të gjitha tiparet e plota.

Më poshtë mund të shihni një video e cila paraqet transferimin e një dosje me anë të lidhjes Bluetooth.

[Slimshaddy]

Che guevara lexo postimin me lart vella.
We we une se dijsha qe Iphone ishte pa bluetooth.

[YlliRiaN]

Kompania pak e njohur për ne, General Mobile, ka për synim që në panairin e tretë GSM në Barcelonë të paraqes vizionin e vet të telefonit të mençur të bazuar në sistemin operativ Android nga Google.

Emërtimi zyrtar i pajisjes është DSTL1, e pasi që kompania General Mobile kryesisht prodhon celularë me nga dy kartela SIM, ashtu edhe ky celular do ta ketë këtë mundësi.

Në të gjendet edhe ekrani i ndjeshëm në prekje me diagonale prej tre inçësh dhe rezolucion 400x240 piksela si dhe kamera me rezolucion prej pesë megapikselash dhe blicin LED.

Nga mundësitë tjera vlen të veçohen 4 GB hapësirë për ruajtje të dhënave, lidhja WiFi si dhe procesori Marvell i cili punon në taktin 624 MHz.

[che_guevara86]

Slimshady e lexova po jo ate qe doja te merrja vesh .
Gjithsesi po i futem nje here Googl-it.
Tung.

[NBAlbania]

Nokia ka paralajmëruar modelet 2700 classic, 6303 classic dhe 6700 classic. Nuk bëhet fjalë për telefona inovativ, por për modelet e reja të dizajnit dhe formulës klasike.

Modeli 2700 classic është i përballueshëm nga pikëpamja e çmimit, me funksione jo edhe aq të thjeshta. Ekranet e rezolucionit prej 240 x 320 pikselave kanë arritur edhe në këtë klasë të pajisjeve, mirëpo format e komunikimit ende i janë në kategorinë e gjeneratës 2.5. Kjo nënkupton se të dhënat do të barten me protokollin EDGE.
Telefoni ka radio, MP3 player dhe video player, derisa çmimi i rekomanduar është 65 euro para se t’i shtohen tatimet.

Një nga modelet më jetëgjatë në ofertën e Nokias është është 6300. Ai është në shitje nga viti 2006 dhe ende paraqet një zgjidhje kualitative për ata që nga pajisja fillimisht kërkojnë një mjet komunikimi. Formulës i është mbajtur edhe Nokia, prandaj modeli 6303 në krahasim me 6300 ka vetëm fotoaparat më të mirë me rezolucion prej 3.15 megapikselash. Specifikat tjera janë identike me modelin e vjetër 6300.
Çmimi i rekomanduar është 135 euro pa tatime.

Nokia 6700 classic është paramenduar për ata përdorues të cilët e kanë dashur modelin 6300, por që tani do të donin diç më të avancuar. Dizajni i këtij telefoni celular është shumë i ngjashëm me atë nga 6303, por në këtë model përdoruesit do të mund të gjejnë një pajise të plotë 3G me bartje të dhënave nëpërmes HSDPA-së.
Kamera digjitale është përforcuar në pesë megapiksela si dhe është shtuar pranuesi A-GPS. Çmimi i rekomanduar i këtij modeli pa tatime është 235 euro.

[NBAlbania]

Kompania Sony Ericsson ka paraqitur në tregun e Japonisë telefonin celular i cili posedon në kuptimin e plotë të fjalës krejt ato çfarë mund të dëshironi nga një pajisje e këtillë.
Telefoni ka ekran të madh AMOLED prej 3.3 inçësh, i cili ofron fotografi në rezolucionin prej 480 x 854 pikselash, që është për tu respektuar.
I pranishëm është edhe fotoaparati prej 8.1 megapikselash, me autofokus, blic dhe detektim të buzëqeshjes, më pas është mundësuar edhe qasja në televizionin mobil si dhe opsioni GPS.
Nga lidhjet janë të pranishme GSM/CDMA, Bluetooth, kështu që në teori, telefoni do të punojë edhe jashtë territorit të Japonisë.
Pritet që modeli S001 të paraqitet edhe në tregjet e Evropës dhe Amerikës, derisa ai do të shitet në tri ngjyra të ndryshme – të zezë, rozë dhe të gjelbrën me korniza të arta.