Poezi 2009

[salamanda]

HARMONI...

I burgosur ne vete stis djallezi...
Mund t'lirohem vete me lehtesi
se celesin e kam ne gji,
madje dryrin ndryshk
ai shi acidik marrezish...
Jashte s'paska njeri!
Dyndem ne nje salle lavdish
dhe shoh ekuilibrin simetrik te paqes
si balerine ne maje te shpates
Brohorasin jane c'jane
pa fe,
pa kufinj,
pa atdhe...

[salamanda]

Me rastin e festave,pershendes te gjithe lexuesit e mi, me nje poezi te shkeputur nga permbledhja poetike me te njejtin titull:

DOLLI

Gëzuar, lexues!
E meritoni një ponç poezish.
Dëgjoni
zhaurimën e lumit të fjalëve,
shikoni
spektakël stinësh,
prekni
gërsheta ndjenjash,
shijoni
fruta shthurjesh,
nuhatni
gonxhet e botës së re.
Gëzuar, lexues!
Nga sharapolli i shpirtit
kundroj dhimbjet.
Me amulli fjalësh
tharmoj ankthet...
Pikojnë në gotë poezish.
Gëzuar, lexues!
Kur të buisin bletët e kritikës
nga zgavrat e analizës,
do bëhem bohçe luledielli
Ej!...
Kujt i thoni:
"...a ke shkrujt’, robo..."
"...hup, bre..."
"...çne, o derbardhë..."
Nejse.
Lashë koqen e namit!

[salamanda]

GEZUAR VITIN E RI!!!!!!!

DHURATA

Me dhuruan... nje makine llogaritese
kete fundvit
C'te llogaris me pare:
mallkimet qe mbushen korite...?

Po ia nis me poezite e pashkruara,
kilometrat e pavrapuara,
udhetimet neper bote,
clodhjet e merituara,
grevat e trurit,
gafat e lemuara,
kulmet e shakave,
thashethemet e qytetit,
skandalet skandinave,
ankthet e Hamletit,
eliten shqiptare,
popullaten e gjelave te detit...

[salamanda]

Shkeputur nga libri "Dolli"

SHIU PRANVEROR

Bie nga qielli,
kacavirret nëpër mustaqet e maces
që ngrohet mbi pullaz,
pastaj pëlltuq
në sternë!
Fantazma e tij ngjitet prapë
në qiell.