Filmat Amerikanë

[prizrenasi_30]

SHBA-të njihen si vend demokratik në botë dhe që ju garantojnë banorëve të saj të gjitha të drejtat dhe liritë e njeriut.
Gjithashtu banorët e kanë edhe të drejtën e praktikimit të bindjes apo besimit të tyre fetar. Prandaj në SHBA përveq feve të tjera të njohura në botë ka edhe shumë sekte të ndryshme të përhapura në të gjithë vendin të hapta ose të fshehta.
Një ndër sektet më të rrezikshme është ai i satanistëve të cilët bile e kanë themeluar edhe vend-takimin apo vend-adhurimin e tyre të quajtur “Kisha e Satanit”.
Këta njerëz, pjesëtarë të këtyre sekteve, në shumë raste gëzojnë edhe pozita të rëndësishme në shoqëri dhe kanë biznese të tyre të shumta.
Një ndër këto biznese është edhe media e sidomos kinematografia.
Në shumë filma amerikanë shfaqen imazhe të ndryshme erotike provokuese që nxisin epshet e njeriut dhe ky edhe është qëllimi i këtyre filmave, që të prekin sa më shumë ndjenjat e njerëzve dhe të fitojnë sa më shumë shikueshmëri.
Në shumicën e këtyre filmave imoraliteti apo marrëdhëniet jashtë martesës shfaqet si një dukuri normale dhe pjesë e jetës së njerëzve.
Kjo nuk është aspak e vërtetë në jetën normale me sa kam pas rastin të dëgjoj nga disa ish kolegë amerikanë, por njerëzit injorantë i besojnë këtyre gjërave.
Prandaj me shikimin e këtyre filmave një i ri i painformuar me ligjet e Zotit nuk do të mendojë se imoraliteti është një gjë e ndaluar.
Kurse imoraliteti është i ndaluar qartë në të gjithë librat e shenjtë që Zoti ia ka zbritur njeriut.
Thotë Allahu xh.sh. për imoralitetin në Kur’an:

17:32. Dhe mos iu afroni imoralitetit (zinasë), sepse vërtet ai është vepër e shëmtuar dhe është një rrugë shumë e keqe.

Pra, këta filma apo më saktë prodhuesit e tyre dëshirojnë ta përhapin imoralitetin ndër njerëz duke ia mjegulluar atyre gjykimin, dhe duke i shtyrë ata të mendojnë se ky nuk është mëkat.
Këtë politikë po e ndjekin edhe shtete të tjera përveç SHBA-ve.
Më pat treguar një shok Jordanez që këtë e bën edhe Izraeli duke transmetuar kanale televizive me përmbajtje erotike 24 orëshe tek shtetet fqinje Arabe, pra duke u munduar kështu që t’ia prishin moralin vëllezërve tanë Muslimanë atje.
Por ata nuk do të kenë sukses dhe do të dënohen për këtë siç shkruan në Kur’an:

24:19. Ata, të cilët dëshirojnë që te besimtarët të përhapet imoraliteti, ata i pret dënimi i dhembshëm në këtë dhe në botën tjetër. All-llahu di (të fshehtat) e ju nuk i dini.

Prandaj vëllezër të dashur, është mirë që të mos shikojmë apo blejmë asnjë nga filmat amerikanë sepse shumica kanë pak përmbajtje provokuese erotike, përderisa kemi shumë filma apo dokumentarë me karakter islam që janë përkthyer edhe në shqip e që po transmetohen shpesh në televizionet tona lokale dhe të cilët filma njëkohësisht ta kënaqin shpirtin kur i shikon.
Duhet ti këshillojmë edhe të tjerët të veprojnë kështu dhe t’ua shpjegojmë që të ruhen dhe të ndalen nga epshet e tyre dhe me këtë të fitojnë shpërblimin e Zotit siç thuhet në Kur’an:

79:40. E kush iu frikësua paraqitjes para Zotit të vet dhe ndaloi veten prej epsheve,
79:41. Xhenneti është vendi i tij.

Paqja dhe mëshira e Zotit qoftë gjithmonë me ju!

Autor: Sefedin Muçaj, Prizren, Kosovë.

Referenca: Kur’ani – përkthim i Sherif Ahmetit