Gjatë 2009-tës, lëvizjet e qytetarëve Kosovë-Shqipëri, pa pasaporta

[RaPSouL]

Si asnjëherë më parë, dy presidentit janë emocionuar nga nderimet e Gardës së Republikës së Kosovës dhe intonimet e dy himneve tona shtetërore, derisa përballë tyre ka qëndruar flamuri kuq e zi dhe flamuri i shtetit të Kosovës.
Presidenti Topi ka shkelur përherë të parë në qilimin e kuq të shtetit të Kosovës, dhe bashkë me Presidentin Sejdiu, një vit pas shpalljes së pavarësisë, kanë paralajmëruar një marrëveshje që do t'iu mundësoi qytetarëve të të dyja vendeve që të lëvizin pa pasaporta në të dy anët e kufirit gjatë gjithë vitit.
"I dashur president, ju falënderoj për këtë mikpritje vëllazërore. Viti shkon mbarë kur fillon me Kosovën. Nuk mund ta filloja vitin 2009 më bukur sesa me këtë vizitë", deklaroi Bamir Topi, President i Shqipërisë.
"Është tepër e nevojshme që të japim një shembull të veçantë, të një bashkëpunimi të ngushtë të vendeve të rajonit. Ne mendojmë se do të startojmë në këtë mënyrë të realizimit të lirë të qytetarëve, pa pjesën e formaliteteve që mund të jenë pjesë e pengesave administrative sikur kanë qenë, p.sh çështja e pasaportave. Dhe kjo të jetë një shembull në komunikim dhe me vendet tjera të rajonit me Malin e Zi dhe Maqedoninë, për çka do të ketë nevojë të proceseve përgatitore. Një mini-shengen i Evropës Juglindore", tha Fatmir Sejdiu, President i Kosovës.
Presidenti shqiptar ka dënuar incidentet në veri të Mitrovicës, të cilat ia tha se kanë bekraund ultranacionalistë dhe dihet nga vijnë. "Incidentet që ndodhin në veriun e Kosovës kanë një bekraund ultranacionalist, është e dukshme se nga vijnë dhe në këtë periudhë admirohet shumë mënyra shumë civile e sjelljes së institicioneve të Kosovës, e popullsisë shqiptare dhe besoj që është shumë e rëndësishme që gjërat të hetohen...", shtoi Topi.
Presidenti Topi dhe homologu i tij kosovar Sejdiu kërkuan nga Serbia që të respektojë të drejtat e shqiptarëve në Luginën e Preshevës.


Alsat

[stella_senza_cielo]

Kjo po qe eshte gje e mire....po ne fakt kam nje pyetje Rapsoul...pa pasaporta dmth pa paguar asgje ose ku di une cfare??? ma shpjego pak...se po mos kene pasaporten qe tregon se je vertet shqiptar ose kosovar ku do merret vesh...nuk behet pak kaos???

[YlliRiaN]

Kjo po qe eshte gje e mire....po ne fakt kam nje pyetje Rapsoul...pa pasaporta dmth pa paguar asgje ose ku di une cfare??? ma shpjego pak...se po mos kene pasaporten qe tregon se je vertet shqiptar ose kosovar ku do merret vesh...nuk behet pak kaos???

Jo fjala eshte udhetimi te realizohet pa pasporta kjo nuk do thote se sdo te behen pagesat e sigurimeve apo ndonje pages shtese.Kete nuk e besoje qe ka dashte te thote kryetari Fatmir Sejdiu te mos kete edhe kontroll por nje udhetim me i thjeshte vetme me nje dokument(psh leternjoftim apo patent shoferi apo ndonje dokument tjetere valide )por si do qe te jete do jete nje gje e mire per te dy shtetet shqiptare.Kur kesaj i shtohet edhe autostrada qe do te hapet gjate kesaj vere kjo do te thote se nese jo ne menyre juridike ne nje menyre do arrihet nje lloje bashkimi i Kosoves me Shqiperine.Gjeja me e mire qe mund ti ndodhe shqiptareve qe prej 1912 tani te udhetojne pa pasaporta kete gje te gjithe e kemi enderruar kahere sidomos ne shqiptaret e Kosoves
Ne rregull pyetja ke per Rapsoul por u mundova qe ti jap nje pergjgje ne nje menyre

[stella_senza_cielo]

shum faleminderit per pergjigjen....edhe mua me pelqeu kjo inicative po se kuptova mire ne fillim prandaj...eshte nje bashkim i enderruar mire e the...dhe uroj qe ky bashkim te jete ne te mire te SHQIPERISE e KOSOVES....

[sulioti]

Nisme e shkelqyer .Un jam i mendimit se shqiptaret ne cilin do shtet ne ballkan duhet te livizin lirshem ndermjet tyre:kjo eshte krejt normale.

[strange]

sulloti, ashtu e ka ne plan Fatmir Sejdiu, te bej me Malin e zi, me Maqedonin, si dhe me Shqiperin veq u be pa pasaporta

[Llapi]

Menduh Thaçi : Ideja për minishengen ballkanik - qesharake

Nga Express më 09.01.2009 në ora 18:22

Ideja e presidentit të Kosovës, Fatmir Sejdiu, për krijimin e një zone minishengeni mes Shqipërisë, Kosovës, Maqedonisë dhe Malit të Zi është qesharake. Kështu është shprehur kryetari i Partisë Demokratike Shqiptare (PDSH), Menduh Thaçi, lidhur me idenë e shtruar një ditë më parë në Prishtinë.

“Le ta bëjë ai në Mitrovicën veriore shengen zonë, mos të merret me kësi… Ato janë çështje qesharake. Ka enklavat e serbëve në Kosovë. Mendoj se ishte një deklaratë mos ta quaj fëmijërore, po qesharake. Absolutisht nuk ka të bëjë me të vërtetën”, ka thënë Thaçi, për gazetarët në Shkup.

Ndërsa krejt ndryshe kanë reaguar BDI-ja, sipas së cilës dy presidentët kanë dëshmuar se Shqipëria dhe Kosova kanë kapacitetet për të integruar rajonin. “Ide interesante gjithçka që është në funksion të integrimeve duke filluar nga ato rajonale dhe integrimeve evropiane është ide e pranueshme, ide për të cilën duhet menduar dhe ide për të cilën ja vlen të bisedohet”, tha Xhevat Ademi, Anëtar i Kryesisë së BDI-së, transmeton Alsat.

Presidenti i Kosovës, Sejdiu dhe ai i Shqipërisë, Topi gjatë takimit në Prishtinë kanë paralajmëruar një marrëveshje që do t'iu mundësojë qytetarëve të të dyja vendeve që të lëvizin pa pasaporta në të dy anët e kufirit gjatë gjithë vitit.

[strange]

O ky kopuku, ben si thot aj qeni madh i maqedonis hiqnju keti magari po kshyrmi punen ton, se edhe ne maqedoni jan ni nom shqiptar mu pastrua.

[Llapi]

BDSH mbështet idenë për një "minishengen"

Shkup, 12 janar - Bashkimi Demokratik Shqiptar, mbështet idenë e presidentëve, të Shqipërisë dhe Kosovës Bamir Topi dhe Fatmir Sejdiu, për një "mishengen" në mes shteteve të rajonit. Në një letër dërguar presidentit Topi dhe atij Sejdiu, BDSH konsideron se "ideja për krijimin e një zone të lirë në këtë pjesë të Ballkanit është në frymën e rekomandimeve të institucioneve euro atlantike ku bashkëpunimi rajonal përbën njërën nga shtyllat kryesore mbi të cilën mbështeten vlerat euro amerikane". Por në anën tjetër partia tjetër shqiptare, PDSH e hedh poshtë këtë ide.

[YlliRiaN]

sulloti, ashtu e ka ne plan Fatmir Sejdiu, te bej me Malin e zi, me Maqedonin, si dhe me Shqiperin veq u be pa pasaporta

pse te mos ndodhe edhe me Malin e Zi dhe Maqedonin kjo do te thote edhe nje bashkim nje udhetim neper Shqiperine etnike pa pasaporta