Një vendim i qeverisë për rritjen e pagave 10 % të punëtorëve të administratës publike, ka shkuar edhe në favor të krerëve të lartë politikë. Nga vendimi i 23 janarit kanë përfituar të gjithë të paguarit nga buxheti i Kosovës, me disa përjashtime.
Pagat u janë rritur edhe kryeministrit e ministrave të qeverisë. Në këtë mënyrë, paga e kryeministrit Hashim Thaçi nga 1312 euro ka shkuar në 1442. Ministrat që e kishin pagën 1150 euro tashmë e kanë 1265 euro. Rroga i është rritur edhe kryeparlamentarit Jakup Krasniqi, që i ka shkuar nga 2200 euro në 2420 euro.
Sekretaria e Kuvendit ka konfirmuar se rritja e rrogës vlen edhe për deputetët. Ligjvënësit as nuk e kanë idenë që prej 1shkurtit marrin 10 % më shumë rrogën. I vetmi që e ka vërejtur ndryshimin ka qenë Ismet Beqiri, pasi që thotë se jeton prej saj. Në këtë mënyre rroga e deputetëve nga 980 ka shkuar në 1078.
Për ta bërë real ndryshimin është përkujdesur edhe Presidenti i Kosovës. Paga e Fatmir Sejdiu tashmë ka mbërritur në 2873 euro, dhe ai vazhdon të mbetet presidenti më i paguar i rajonit.
Fatmir Sejdiu – President i Kosovës - 2873
Traian Basescu – President i Rumanisë - 2500
Bamir Topi – President i Shqipërisë – 2100
Boris Tadiq – President i Serbisë – 1900
George Ivanov - President i Maqedonisë – 1200
Ministri i Shërbimeve Publike, Arsim Bajrami, thotë se është në përfundim ligji për pagat e zyrtarëve të lartë politikë, që do ta ndalë praktikën e caktimit të rrogave nga vetë institucionet. Pagat e zyrtarëve të lartë janë bërë shpesh objekt diskutimi publik. Presidenti Sejdiu propozoi që ta ketë rrogën prej 3100 eurosh vitin e kaluar, por u tërhoq pas presionit medial. Ligji për presidentin thotë se ai duhet ta ketë pagën më të lartë se kryeparlamentari Krasniqi për së paku 25%, gjë që nuk ndodh aktualisht.
Përgjigju Duke Cituar
Postuar më parë nga Brari
Krijoni Kontakt