Hyrja ne Tirane, me pagese per automjetet

[Qyfyre]

Me makinë në Tiranë? Do paguash

Hyrja në kryeqytet është planifikuar që të bëhet me pagesë për pjesën më të madhe të automjeteve. Përjashtim do të bëjnë mjetet e transportit publik të udhëtarëve dhe disa kategori të tjera.

"Ky program, sqarojnë përfaqësuesit bashkiakë, konsiston në përmirësimin e menaxhimit të trafikut në Tiranë dhe ofrimin e një infrastrukture sipas standardeve bashkëkohore, të shtrirë në të gjitha pikat hyrëse të qytetit". Sipas tyre, kjo do të mundësojë përfitimin e fondeve për ndërtimin edhe mirëmbajtjen e rrugëve, si dhe do të kufizojë trafikun e automjeteve me tonazh të lartë. Sistemi i hyrjes në Tiranë me pagesë parashikohet të realizohet brenda një periudhe trevjeçare, duke nisur nga 2009 për të përfunduar në 2011. Ai është pjesë e programit të transportit publik dhe lëvizshmërisë i përgatitur nga Bashkia e Tiranës.

Sistemi Tolls

Është ky emri i projektit, faza e parë e të cilit pritet të startojë gjatë këtij viti, pas miratimit të buxhetit bashkiak. Ndërkohë që përfaqësuesit e bashkisë bëjnë të ditur se për realizimin e tij është e domosdoshme edhe marrja e një kredie, proces ky i nisur tashmë dhe ku bashkia është në fazën e negociatave. Faza e parë e këtij programi parashikon ngritjen e sistemeve të kontrollit dhe menaxhimit të tarifës për hyrjen me pagesë Tolls. Kjo nënkupton që kategori të caktuara mjetesh paguajnë për përdorimin e rrugëve urbane një tarifë shtesë. Bëhet e ditur se vendosja e këtij sistemi kërkon një pozicion të favorshëm gjeografik, që lidhet me rrugët hyrëse kryesore në qytetin e Tiranës, me karakteristikat teknike të këtyre akseve, fluksin që përballojnë, ashtu edhe me vetë karakteristikat teknike të këtij sistemi. Ky projekt përmban ndërtimin e sistemeve të kontrollit dhe menaxhimit për pagesën e tarifës shtesë, për përdorimin e rrugëve urbane, për një kategori të caktuar mjetesh, në të gjitha pikat hyrëse të qytetit. Përfaqësuesit bashkiakë sqarojnë se është i domosdoshëm operimi i sistemit me faza. Pritet të përcaktohet bllokimi vetëm i mjeteve që kanë detyrim për pagesë, por njëkohësisht të lejohet lëvizja e lirë e automjeteve që nuk do të jenë të detyruara të paguajnë. Këtu do të përfshihet edhe transporti publik. Projekti parashikon menaxhimin e lëvizjes në stacionin e pagesës së tarifës, sinjalizimin e nevojshëm dhe në largësinë e duhur për një menaxhim të mirë. Ndërsa një pikë e rëndësishme është financimi për ndërtimin e kapaciteteve të nevojshme për përballimin e flukseve, si dhe teknologjia e nevojshme në operimin e sistemit.

Zbatimi

Për të gjitha këto, përfaqësuesit e bashkisë kanë menduar që në vitin 2009 të planifikojnë vetëm realizimin e punimeve në dy pika të para. Ato lidhen me punimet civile për ndërtimin e sistemit, me vendosjen e barrierave bllokuese automatike dhe manuale. Gjithashtu, është menduar edhe për vendosjen e sinjalizimit rrugor dhe konstruksioneve shoqëruese, pajisjen me sensorë (loop) në rrjetin rrugor. Ato që nuk do të mungojnë, por do të jenë syri vëzhgues i bashkisë, për të gjithë ata që do të duan t‘i shmangen detyrimit, janë kamerat, videoregjistratorët, sistemi kompjuterik dhe aparatet e printimit për faturat e pagesës. Njëkohësisht, do të përdoret edhe një sistem manual për kryerjen e pagesës.

Në 2010-ën

Gjatë këtij viti në buxhetin bashkiak respektiv pritet të realizohen kompletimi i punimeve në dy pikat e para të vendosjes së këtij sistemi. I pari në listë është vendosja e sistemit elektronik të pagesës. Por do të instalohen edhe sisteme për kryerjen e pagesave me credit card dhe monedha. Paralelisht me këto do të vendosen edhe sistemet teknologjike të klasifikimit të mjeteve. Gjithashtu, mësohet se po këtë vit do të fillojë puna edhe në tri pika të tjera ndër elementët përbërës të të cilave do të jenë: punimet civile për ndërtimin e sistemit, vendosja e barrierave bllokuese automatike apo manuale, ashtu sikundër janë edhe modelet ndërkombëtare. Përveç këtyre do të kryhet vendosja e sinjalizimit rrugor dhe konstruksioneve shoqëruese, si dhe sensorët (loop) në rrjetin rrugor. Në këtë fazë punimesh sikundër edhe në dy pikat e para nuk do të mungojnë as instalimi i kamerave, videoregjistratorëve, sistemit kompjuterik dhe aparateve të printimit të faturës, si dhe vendosja e sistemit manual të pagesës.

2011

Në vitin e fundit të përfundimit të këtij projekti, përfaqësuesit e Bashkisë së Tiranës kanë menduar që të kryhet kompletimi i të gjithë sistemit. Por më e rëndësishmja do të jetë ngritja e Qendrës së Kontrollit të Sistemit.

Lidhur me transportin publik në buxhetin e saj për vitin 2009, Bashkia e Tiranës ka vënë në dispozicion nga të ardhurat e saj një fond investimesh në shumën 169 milionë lekë ose 2.7 herë më shumë se viti 2008. Këto investime të reja pritet të marrin edhe miratimin e anëtarëve të Këshillit Bashkiak. Ndërkohë që projektbuxheti i 2009-ës për Tiranën duhej të ishte miratuar brenda dhjetorit 2008, aktualisht nuk ka ende një datë të përcaktuar për mbajtjen e mbledhjes që do të lejojë derdhjen e fondeve për objekte publike.

Shqip

[Alienated]

Ide e mire per te fituar para, por a do i sigurojne vendparkim qytetarit apo vizitorit?!

Ne nje rast, jam sorrollatur per me shume se 30 minuta per te gjetur nje vend per te parkuar makinen, dhe mezi gjeta nje ne ate parkingun afer ETC-se.

Beni vendparkimet njehere, pastaj vini ligje. Shtepia ndertohet nga themeli, jo nga kulmi.

[Davius]

Mirë është kjo, në Maqedoni në të gjithë autostradat e vendit ka nga 2 PIKA PAGESE PËR RRUGË, një në hyrje - një në dalje. Në Shqipëri, me sa mbaj mend apo sa kam vërejtur nuk ka gjëra të tilla! Kjo do t'i ndihmoj shumë shtetit, posaçërisht FONDIT PËR MIRËMBAJTJEN E RRUGËVE që të siguroj buxhet të konsiderueshëm, për përmirësimin e rrjetit të rrugëve anembanë vendit.

Një kuriozitet: Kur isha para ca viteve në Turqi, në hyrje të Stambollit kishte pagesë për hyrje në qytet dhe kjo më la përshtypje, se nuk bëhej fjalë për ndonjë rrugë të standardeve të larta si autostradë apo diçka tjetër, por thjesht rrugë të themi e ''dorës së dytë''.

Suksese!

[Qyfyre]

Mua me pelqen si ide. Jo vetem do sjelle te ardhura per bashkine por mbase mund te ule dhe trafikun ne Tirane, pasi rruget jane dhe trafiku eshte i pashmangshem.

Per parkim mund te jete e veshtire dhe besoj se duhet te behen disa pika parkimi, por prap jam i sigurte se asnjehere nuk mund te krijosh aq vende parkimi sa duhen. Njerezit duhet ta marrin parasysh se parkim nuk ka dhe te parkojne sa me larg qendres dhe te ecin pak. Edhe ketu ne New York esht shume e veshtire ne disa zona per parkim. Shume njerez shkojne deri ne nje pike me makine dhe pastaj marrin trenin.

[Alienated]

Kjo si ne Londer - kur futesh ne qender te Londres me makine duhet te paguash, dhe kjo eshte bere per te hequr ngarkesen e panevojshme ne rruget rreth monumenteve te rendesishme...

[MaDaBeR]

Mire do ja bejne! Madje duhet te aplikojne edhe sistemin e Vizave per ata qe hyjne ne Tirane

[Qyfyre]

Duhen vene dhe rregulla te forta parkimi ne qender apo pika te tjera qe kane shume trafik. Se kjo pagesa thjesht mund te ule numrin e makinave qe vjne nga jashte qytetit, por besoj se pjesa me e madhe e trafikut behet nga vete banoret e Tiranes. Kur isha atje dhe te afermit e mi merrnin makinen per nje rruge qe behej per 10 minuta ne kembe.

Nese parkimi behet me i veshtire ose me i shtrenjte, mbase ben qe me shume njerez te ecin ose te marrin autobuz. ose te marrin bicikleta

[Conquistador]

Problemin e trafikut te mbingarkuar ne Tirane nuk e zgjidh, venia e taksave per hyrje apo per dalje. Rrjeti i transportit publik te kryeqytetit eshte i planifikuar jo mire. Ka ardhur koha qe autobuzet nuk e mbajne dot te gjithe peshen e transportit publik te qytetareve te kryeqytetit. Ka zona ne Tirane qe jane totalisht jashte lidhjes me transportin publik.
Ka ardhur koha per mjete te tjera per transportin publik ne Tirane siç jane p.sh. trenat brenda qytetit, trenat nentoksore, etj. mjete pra qe mos kene lidhje me rruget automobilistike dhe qe do te mund ta shpejtojne levizjen e qytetareve brenda qytetit. Kjo do sjelli edhe nje ulje te qarkullimit me automjete ne rruget e Tiranes. Keto projekte idjote qe ben Bashkia jane thjeshte nje menyre per te shperdoruar fondet publike dhe per te perfituar sa me shume prej tyre, pasi po afron edhe fushata elektorale. Nuk eshte akoma koha per hyrjen me pagese ne Tirane, pasi se pari nuk ka menyre tjeter hyrjeje, sepse trenat jane jashte funksionit. Aeroporte nuk ka çdo qytet qe te vijne njerezit per 40km me aeroplan
Ka shume njerez qe udhetojne çdo dite ne Tirane dhe kosto do jete e madhe tek ata. Gjithashtu edhe hyrja ne Tirane do te jete nje ferr i vertete pasi i gjithe trafiku do te perqendrohet atje.

Pra mendoj se ky projekt i Bashkise eshte nje vrime ne uje.

[white-knight]

Ah ti mer cun qe sheh endrra me trena nentoksore dhe mbitoksore.Tirana duhet bere nga fillimi fare sepse infrastuktura dhe planimetria le shume per te deshiruar.Nuk ka shpetim nga trafiku se do vendosen taksa per rruget,kjo ka lidhje me tjeter gje.

p.s Mos ec shume per te kerkuar vend parkimi sepse do hash ndonje gjobe per rryp sigurimi.Dhe jo te gjithe i grisin gjobat.Se kane ate guxim si "dikushi"

[Conquistador]

Nuk ka trimri me shtetin mer çun.....