Kino-ditari 2009!

[PINK]

"Inglorious basterds"- thene shkurt e qarte ,nje total zhgenjim. Boring movie.

[autori]

Kush nuk u beson mrekullive, duhet te filloje te nderroje mendje : regjizori portugez Manoel de Oliveira, vjet ne dhjetor ka mbushur plot 100 vjeç, dhe ne keto vitet e fundit, jo vetem qe s'ka rreshtur së bëri filma, por keto dy-tre vitet e fundit ka bere nga dy ne vit !! Keshtu qe, ai qe nuk beson ne mrekullitë e natyres, te reflekoje e te filloje te nderroje mendje !


Me ka ardhur keq qe ne fillim te 2009-es nuk arrita te shoh "Pasqyren magjike" (Espelho magico), filmin e tij dy oresh e qe thuhet se eshte i hatashem. "Singularidades De Uma Rapariga Loira" ("Veçantitë e nje bjondeje") eshte filmi i dyte brenda vitit 2009 i Oliveirës dhe ne fakt eshte nje mrekulli, nje xhevahir kinematografik qe zgjat veçse 1 ore e 3 minuta, por qe te mbetet ne mendje per dite te tera. Perveçse respektit dhe mrekullimit perpara artit te Oliveires, nuk di me teper se ç'mund te them...

[autori]

"Kur s'ke pulën, do hash sorrën !"

Kjo eshte shprehja qe te vjen ne mendje, kur lexon lavdet e shtypit per kete komedi amerikane, qe ka korrur goxha sukses tek publiku. Dhe publiku, kur s'ka pulën (komeditë vertet te mira, sot jane te rralla !), do haje sorrën ("The Hangover").

Ne fakt, "The Hangover" nuk ka ndonje humor kushedi ç'fare te guximshem sa thuhet (me demek, filmi ka qyfyre me gjoja "llafe turpi" dhe "gallate të degjenerume"). Asgje nga keto, nuk ka në të vertete. Filmi eshte shume e shume here më sqimatar (ne kuptimin e keq) se sa duket ne pamje te parë. Perkundrazi, humori mbetet i nivelit mediokër, personazhet nuk jane fare margjinalë (te veçante) sikunder pretendohet : jane veçse ca çuna xhentilë, pak leshko, e që sigurisht, me nje nivel te tille, publiku i gjërë (siç eshte bere zakon te thuhet !), e ka kollaj te idnetifikohet !! (ndaj dhe filmi ka pas sukses - identikisht si dhe komedia franceze banale "Bienvenue chez les ch'tis").

[autori]

Edhe pse nuk jam ndonje i apasionuar i thekur pas historise se nje filmi (i mbetem besnik mendimit se ajo ç'ka mesoj nga filmat, nuk eshte historia e tyre, por diçka tjeter më e rendesishme se historitë!), ky film i parë i regjizorit te ri izraelit Haim Tabakman eshte nje shembull par excellence se si mund te shkohet dëm nje skenar fort fort interesant, kur mungon mizaskena, pikeshikimi regjizorial. Ose me sakt, kur mendohet se mjafton te kesh nje skenar origjinal, nje operator qe di te beje "kuadro te bukur", dhe filmi nuk mund te jete veçse i arritur.

Ah sikur te ish aq "kollaj"...

Siç them më lart, historia eshte fort interesante, shume origjinale : "Einaym Pkuhot" (Eyes Wide Open) rrefen mardheniet homoseksuale, ne nje mjedis tejet te veshtire, siç eshte ai i ekstremisteve fetarë çifutë, ne Jeruzalem. Por sigurisht, kjo eshte e pamjaftueshme per te bere nje film te mire (biles, per mua, filmi ishte nje tmerr i vertete : nuk di si ndenja deri ne fund ne salle te kinemase, e pse nuk dola qe ne çerek te filmit ... !).

[autori]

Peter Jackson, regjizori neo-zelandez i "The Lord of the Rings" na qenka impresionuar aq shume nga projekti filmik i regjizorit te ri jug-afrikan Neill Blomkamp, sa dhe e ka financuar filmin e ketij te fundit "District 9". Thene shkurt, producent i "District 9", film i nje regjizori te ri jug-afrikan krejt te panjohur deri me sot ( e te quajtur Neill Blomkamp) nuk eshte kerkush tjeter veçse i famshmi Peter Jackson.

Dmth, ndalu Beg se ka hendek ! Me demek, jo vetem qe filmi ka korrur jo pak sukses ne USA (e tani edhe ne Europe), por dhe shtypi e levdon me te madhe punen e ketij regjizori te ri. Me demek, e kisha per "detyre shtepie" me shku me e pa kete film, kaq te perfolur (me se shumti, per mire !).

Rezultati eshte (per mendimin tim)... comme-ci, comme-ça... Me nje fjale, ç'ka...
Sikur ka më shume zhurme se sa do te meritonte ky film. Mua, personazhi kryesor më duket antipatik, dhe forma pseudo-dokumentareske e filmit s'ka asgje te veçante e origjinale, perkundrazi, shpesh duket si skeç televiziv. 45 minutat e fundit te filmit jane puro "film me lufte", zhanër per te cilet nuk kam ndonje afeksion te veçante... (edhe pse jam koshient i meritave teknike, ne realizimin e skenave te veshtira "me lufte"...).

Historia e filmit : jashte-tokësorët qe prej 28 vitesh kane mberritur ne planetin tone dhe jane vendosur mbi qiellin e Johansburgut, kryeqytetit te Afrikes se Jugut. MNU (Multi-National United), nje firmë private, merret me menaxhimin e jashte-tokesoreve, rreth 2 miljon prej tyre ndodhen ne nje kamp qe quhet "DISTRICT 9".

[autori]

Nje grup iranian ish-shokesh te Fakultetit Juridik, nisen per te kaluar disa dite pushimesh ne buze te detit Kaspik. Sefideja, qe merret me organizimin e week-end-it, ka ftuar edhe Elly-n, duke u perpjekur qe ta lidhë me Ahmadin, nje shok te sajin, i ftuar dhe ai per weekend.

Te nesermen e mberritjes ne buze te detit, Elly... zhduket !

I ndertuar ne formen e nje thrilleri suspens, "E quanin Elly" (About Elly) ka per teme ate te emancipimit te gruas ne Iran. Por pa rene ne sociologjizem.
"E quanin Elly" Eshte film qe meriton vertet te shihet, edhe pse menyra se si filmi na shfaqet para syve, eshte nga ata qe mua me japin dhimbje koke (forma tejet suspens e filmit, me imazhe qe bejne sfilatë marramendese e nderrohen çdo 1 a dy sekonda!). Gjithsesi, permbajtja vertet interesante e filmit e justifikon deri diku kete forme, formë per te cilen vertet nuk jam idhtar...

web-site i filmit : http://www.aproposdelly-lefilm.com/

[autori]

"Léger tremblement du paysage" ("Tronditje e lehte e pejzazhit") eshte nga ata filma qe nuk kane kushtuar me teper se 10 a 20 mije € (a mund te behet nje film me kaq pak parà ??), nga ata filma ku regjizori eshte edhe skenarist, edhe montazhier, edhe kompozitor : Shkurt, film artizanal e shkuar artizanalit ! Dhe në kësi rastesh, pergjithesisht rezultati ose i ngjan diçkaje amatoreske e qesharake, ose... diçkaje te paparë e qe meriton ti kushtohet vemendje.

Ne fakt, "Tronditje e lehte e peisazhit" (A FAINT TREMBLING OF THE LANDSCAPE) nuk ka asgje te hatashme apo te paparë, por megjithate meriton plotesisht te shihet ne kinema, edhe pse filmi ka dale me pikatore ne veçse 3-4 kinema franceze dhe kaq. Kjo nuk do te thote se zanatalinjte e artit te shtate nuk kane ditur ta vleresojne kete objet te çuditshem te nje regjizori qe punon e jeton ne jug-perendim te Frances (qoshka ku jeton edhe autori i ketyre rradheve...) : filmi eshte prezantuar ne mbi 10 festivale nderkombetare, nga Franca deri ne Kore te Jugut (festivali i filmit ne Pusan).

Historia e filmit: Nje fshat i vogel modern, pa emer, me forma gjeometrike dhe gjerberim po aq gjeometrik. Nje komunitet i vogel njerezish qe jetojne aty qetesisht, shuuume qetesisht. Edhe pse koha eshte e ajo pushtimit te hapsires kozmike, gje qe ushqen fantazi nga me te guximshmet e banoreve.

Ne pamje te pare, asgje te re nuk "shpik" ky film. Dhe as pretendon te shpike. As per nga forma (regjizori duket fans i filmave te Jean-Luc Godard-it, perderi sa dhe filmi i tij, per nga forma, ne pamje te pare eshte abrakadabresk) po aq sa dhe filmat e Godard-it, dhe as per nga permbajtja (perderisa tema e tij, bizarre, nuk eshte hera e pare qe e shikojme te trajtuar ne kinema).
E megjithate, edhe pse film i çuditshem, ekscentrik mund te thone disa, prap se prap ça le fait, pra filmi funskionon, magjia kinematografike ndodh. Se deri ne ç'mase, kjo eshte e diskutueshme (fundja, te ralle jane filmat qe na pelqejne nga fillimi ne fund !). Megjithate, nuk eshte pak per nje film kaq artizanal, kaq te veçante.


web-site i filmit : http://philfern.free.fr/Leger_trembl...du_paysage.htm

[autori]

Filmi amerikan "Xhenierët" (The Hurt Locker) tregon historine e nje skuadre te ushtrise amerikane ne Irak, qe ka per mision çminimin dhe çaktivizimin e bombave qe shperthejne çdo dite ne ate vend.

Kur ne 1998, ne ekranet e kinemase pat dalë "Saving Private Ryan" (Te shpetohet ushtari Ryan) i Spielberg-ut, e pyeten Godard-in se ç'mendonte per 40-50 minutat e para te filmit (qe jane fort te njohura per suspensin dhe tensionin vizual). Dhe Godard u pergjigj : "Me duket se ne ato 50 minuta ka nje farë talenti, po jo ndonje talent kushedi se ç'farë !" (Il y a un certain talent mais pas un talent certain).

Me erdhi kjo frazë e Godard-it ne mendje, pergjate gjithe filmit, i cili te kujton 50 minutat e para te Ushtarit Rayan : suspens, suspens, suspens. Ne kete film, suspensi zgjat dy ore : Sigurisht, qe realizimi i suspensit (do shpertheje ? nuk do shertheje boma; do shpetheje ? nuk do shpertheje) eshte interesant, regjizorja amerikane Kathryn Bigelow ka nje farë talenti, por kurrsesi ndonje talent kushedi ç'farë !

Dolem ne fakt se "ç'quhet talent", e ne rastin konkret, ç'quhet talent i nje regjizori. Une jam dakort qe salla e kinemase nuk pipëtiu qofte dhe nje sekonde te vetme pergjate dy oresh (duhet para pa duhet besuar : filmi ka nje suspens te prerë me thikë, jam plotesisht dakort !), por a teknika, realizimi, qellim ne vetvete ne nje film ??

Do te me thone : po ky nuk eshte qellimi i vetem i regjizores, ajo ka per mesazh te na tregoje qe lufta, ne thelb, eshte si droga. Ok, dakort, po une s'kam nevoje ta mesoj kete gje as permes nje tabele qe shfaqet qe ne fillim te filmit ( dhe qe citon nje shkrimtar, psikolog a ku di une, qe na paskësh thene qe lufta eshte si puna a droges per shkak te adrenalines... bla bla bla), as permes nje skenari çalaman, ku xhenieri (çminuesi) kryesor, pasi na mban me gjak te ngrire 2 ore (plasi mina, s'plasi mina...!), kthehet ne USA prane gruas dhe femijes se tij dhe... meqe lufta i eshte bere si droga, vendos ne fund te filmit te kthehet prap ne Irak.

Lum si regjizorja e filmit : e realizoi planin.

Pfff...

[kino]

Lum si regjizorja e filmit : e realizoi planin.

Pfff...

kam pershtypjen se e ka tejkaluar!

[autori]

kam pershtypjen se e ka tejkaluar!

E di ? Nganjehere, kur shikoj ndonje film qe ka skenar interesant (autentik, te themi), por menyra se si ekziston filmi (regjia, mizaskena) nuk me pelqejne, atehere them me vete: si do ta kish realizuar nje skenar te tille, filan apo fistek regjizor (qe me pelqen) ?
E mendoja kete gje javen qe shkoi, kur pashe filmin iranian "E quanin Elly" ( http://forumishqiptar.com/showpost.p...&postcount=218 ). E le pastaj ate izralit...

Ke festivalin e filmit te te drejtave te njeriut aktualisht; nuk di ku mund te jete programi, te sugjeroja ndonje...