Patriotizmi i tepruar

[prizrenasi_30]

Islami na mëson ta duam atdheun dhe kombin dhe të luftojmë e të vdesim për të kur është nevoja!

Dhe ai që bie deshmor duke luftuar për mbrojtjen e atdheut ka shpërblim të madh te Zoti sic thuhet në Kur'an:

3:169. Kurrsesi të mos mendoni se janë të vdekur ata që ranë dëshmorë në rrugën e All-llahut. Përkundrazi, ata janë të gjallë duke u ushqyer te Zoti i tyre.

Por kombin duhet ta mbrojmë vetëm kur paraqitet nevoja e rreziku e jo të bëhemi nacionalistë në kohë paqeje e të provokojmë kombet tjera apo të nisim luftëra kundër tyre.

Thotë Allahu xh.sh. në Kur'an:

2:190. Dhe luftoni në rrugën e All-llahut kundër atyre që ju sulmojnë e mos e teproni se All-llahu nuk i do ata që e teprojnë (e fillojnë luftën).

Shumë popuj e konsiderojnë veten patriotë por disa nga ata kanë kolonizuar shumë popuj të tjerë padrejtësisht ose me dhunë.

Prandaj patriotizmi nuk është mirë të shfaqet në kohë paqeje e ta duash vetëm vendin tënd e ta urresh fqiun apo ndonjë vend tjetër më të largët.

Kemi shumë shembuj kur një shtet në kohë paqeje ka sulmuar padrejtësisht shtetin fqinj por në fund ka dështuar dhe atij shteti i kanë ndalë në ndihmë shtete tjera më të fuqishme.

Kjo është një mënyrë e padukshme se si Allahu xh.sh. i ndihmon popujve të shtypur!

Autor: Sefedin Muqaj

Referenca: Kur’ani – Përkthim i Sherif Ahmetit