a eshte haram pirja e duhanit???

[ramazan_it]

FJALA PËRMBYLLËSE PËR DUHANIN

Motra, vëllezër të dashur, të rinj e të moshuar, djalosh e vajzë dhe ti
vogëlush, nëna dhe baballarë të nderuar!

Kjo që u cek më lartë le të jetë mësim për ju që e pini duhanin, që të shpëtoni
nga kjo shprehi e rrezikshme, përbuzni dhe flakni këtë dukuri të dëmshme
individuale dhe kombëtare.

Ajo që është e dëmshme ajo që shkatërron shëndetin, pasurinë tuaj e bashkë me
këtë edhe fatin tuaj, nuk mund të jetë as moderne, as kulturë e as civilizim.

Përkujtoni vazhdimisht fjalët e Zotit të dashur: "Mos e mbytni veten tuaj . .
.", Mos hidhni veten në rrezik ...", si dhe fjalët e të Dërguarit të Tij:
"Askujt (as vetes dhe as tjetrit) s'guxohet t'i bëhet dëm!"

I drejtohemi Zotit Hirmadh me fjalë të sinqerta:

"O Zot i madh dhe i vërtetë largoji besimtarët shqiptarë nga ky kob, shkatërrues
i vërtetë i cili dëmton shëndetin pasurinë dhe ndot ambientin. Vetëm kështu duke
mos pirë duhan bëhemi të shëndetshëm, të përparuar dhe të kulturuar!"

Esselamun alejkum we rahmetullahi we berekatuhu.

[ramazan_it]

DËMET E PIRJES SË DUHANIT

1. Shtimi i rrahjeve të zemrës si dhe rudhja e arterieve ku gjinden edhe arteriet e zemrës.

2. Infsima: Sëmundje e cila prishë ndërtimin e mushkërive.

3. Kanceri: Sëmundje shumë e keqe, formohet si rezultat i shtimit të qelizave.

4. Ndikon në të menduar, kujtesë dhe njëkohësisht zvogëlon zellin.

5. Dhimbja e kokës, marramendja dhe dobësimi i nervave.

6. Shumicën e kohës duhangjiu ndjen nervozë, brengë dhe arrakatje (mendime të hallakatura).

7. Goditja nga iluzionet, vesveset dhe mendimet shqetësuese.

8. Vdekshmëria shtohet me rritjen e numrit të cigareve, të cilat i thithë duhangjiu për çdo ditë.

9. Një cigare e vetme mjafton për mbytjen e njeriut nëse ajo i ipet përmes gjilpëres në venë.

10. Pirja e një cigareje shkurton nga jeta e duhangjiut pesë minuta e gjysmë… kohë të cilën zakonishtë duhanxhiu e kalon gjatë pirjes së saj.



SHKAQET E PIRJES SË DUHANIT

• Pasimi i prindërve dhe shoqërisë së keqe.

• Përcjellja e dobët e familjes dhe çrregullimi i saj.

• Shtypjet e ndryshme shpirtërore.

• Mos interesimi për shkaqet e pirjes së duhanit.

• Mundësia e lehtë për të arritur deri te cigarja, si dhe në anën tjetër mundësia e lehtë për ta bartur dhe fshehur atë.



SHKAQET E VAZHDIMIT NË PIRJEN E DUHANIT

• Argumentimi i vazhdueshëm me dëshirë të dobët.

• Shmangija e vazhdueshme nga tema për dëmet e tij.

• Mosqortimi ndaj konsumuesit të duhanit.

• Ekzistimi i disa "shëmbelltyrave" në shoqëri, të cilat nxisin në thithjen e duhanit si p.sh. mjeku, baba etj.

• Justifikimi me atë se gjinden persona në moshë me të madhe se ai, të cilët ishin konsumues të duhanit, por qëndrojnë me shëndet të mirë.



RAPORT ME RENDËSI

Në një raport nga revista "Shkencat mjekësore", thuhet: "Lënia e terësishme e pirjes së duhanit dhe atë në formë përfundimtare është më e mirë se zvoglimi i numrit të cigareve". Më tej, në raport thuhet: "Fazat më të rënda të vuajtjes nga lënia e duhanit vijnë në dy javët e para". Kurse në një raport tjetër qëndron: "Ata të cilët e lanë duhanin në mënyrë të menjëherëshme, shkalla e vuajtjes tek ta ishte me e vogël dhe këtë gjatë ditëve të pakta, të cilat pasuan lënien e duhanit... kjo formë nxit që të lihet në mënyrë të prerë ".

Siç thuhet në këtë raport se: "Lënesi i duhanit në ditët e tij të para ndjen një humbje esenciale në stabilizim, dhe se ai është shumë i ndjeshëm për kthim tek duhani gjatë ditëve të para".




HAPAT E LARGIMIT NGA DUHANI

• Ç’lodhja e mirë sidomos gjatë ditëve të para të lënies së duhanit.

• Shtimi i ngrënies së pemëve dhe perimeve të fresketa si dhe mosngrënia e ushqimeve yndyrore.

• Pirja e një sasie të madhe të ujit, këtë për të pastruar trupin nga nikotina dhe lëndet e dëmshme. Njëkohsishtë zvoglimi i sasisë së çajit dhe kafes veçanerishtë në pesë ditët e para.

• Përpiqu të largohesh nga duhangjinjtë dhe nga ambientet e ndikuara nga duhani.

• Largohu nga të menduarit në rikthim tek ai në kohën kur ndjen lakmi për të... përkujto dëmet e tij dhe duro, angazhoje vetën me diç prej ëmbësirave dhe qumështit.

• Ushtroje vetën ta përdoresh misvakun.

• Ha çdo ditë pas mëngjesit një sasi të limoneve apo portokalleve ngase kjo e zvoglon dëshiren për duhan.

• Vizito klinikën më të afërtë për luftimin e duhanit.



BISEDË ME DUHANXHIUN

Vëllai im për hirë të Allahut,

A e përmend emrin e Allahut ( a thua bismilah) kur të pish duhan?

A thua elhamdulilah kur të përfundosh prej tij?

A gjindet ndonjë ushqim ose pije përpos duhanit, të cilin ti e shtyp me këmbët tua pasi të përfundosh prej tij?

A të vjen mirë të shohësh vajzën apo djalin tënd duke pirë duhan?

A është prej syneti që ta fillosh iftarin me cigare në Ramazan?

Nëse kërkohet prej teje që t`i klasifikosh të gjitha ushqimet në të mira ose të këqija, ku do ta vendosesh duhanin?

A konsiderohet dhurimi i njeriut vllait të tij një cigare përbrenda fjalës së Pejgamberit a.s: "Dhuroni që të duheni"?

A ekziston ndonjë ushqim apo pije përpos duhanit në të cilin shkruan se është i dëmshem për shëndetin?

A ke angazhuar ndonjëherë vetën me kërkim për datën e skadimit të afatit të cigares? Dhe pse?

Ti polemizon dhe thua se ai nuk është haram porse është mekruh (i urrejtur). Ne të themi: Prej nga ai është mekruh atëherë? A ka të mençur, i cili këmbëngul se ai është mekruh nga ana e Allahut dhe e dërguarit të Tij alejhis salatu ve selam?

A ke përgatitur përgjigje kur të pyet Zoti i botërave për mosjapje të lemoshës të varfërve, jetimeve dhe nevojtarëve?

A do të jetë përgjigjeja yte: Se unë kam shpenzuar për blerjën e duhanit me atë çka ka tepruar nga nevoja ime?

A nuk ke përceptuar mirë fjalën e Allahut të Lartësuar:

" u lejon ushqimet e këndshme dhe u ndalon ato të pakëndshmet" (el Araf 157), dhe " e mos hidhni vetën në rrezik" (el Bekare 195)



DISPOZITA LIGJORE ISLAME (SHERIATI) MBI DUHANIN

Thotë: Shejh Abdullah Mushd, Antarë i akademisë së hulumtimeve islame si dhe kryetar i komisionit të fetvave në al- Az`har:

"Fakti që pirja e duhanit dhe konsumimi i drogave helmuese me unanimitetin e mjekëve specialistë është i dëmshem për vet personin, mendjen, pasurinë si dhe çon në dëmtim dhe agresion ndaj tyre... dhe këtë me prishjen dhe dobësimin e prodhimit të tyre qoftë në sasi apo kualitet, kjo na obligon të nxjerrim vendimin e sheriatit islam për ndalim (Haram) të konsumimit të tyre (duhanit, drogat etj). Poashtu, caktimin e një dënimi frikësues për ata që nxisin në të, tregtojnë me të si dhe e konsumojnë; qoftë kjo që konsumojnë pakicë apo shumicë."

Thotë: Komisioni i përhershëm i fetvave me qendër në Mbretërinë e Arabisë Saudite

"Pirja e duhanit është haram, poashtu mbjellja e tij, tregtia me të, kjo për shkak të dëmit që përmban". Në hadith thuhet:

"Nuk i bëhet dëm vetvetës e as të tjerëve"



Vëllau im!

Mos e mashtro vetën, mos u bë mendjemadh në pranimin e të vërtetës, e as mos u mundo të ikësh nga realiteti i hidhur. Mbështetu në Allahun e Lartësuar e tërhiqu nga këto gjëra të këqija para se të të befasoj shkatrruesi i kënaqësive (vdekja) kur pendimi më nuk vlen.

Së fundi, pas gjithë kësaj, që të përfitosh edhe ti një shpërblim të mirë mundohu që së paku ta këshillosh një vëlla, kjo për të fituar një të mirë rrjedhëse. Allahu na shpëbleftë neve dhe juve me shpërblimin më të mirë.

[Endless]

''Ndikon në të menduar, kujtesë dhe njëkohësisht zvogëlon zellin''


lolol....

[Jackie]

gjithe kto artikuj qe ka sjelle ky djali sikur mos kishin permbajtje feje do ishin shume te dobishem per t'gjithe ne qe e pime. artikuj si te luftojme duhanin vetem te mira sjellin ,por kur fut dhe allahun ne mes bohet nje mish mash i papam. njerzit se njohin friken deri sa perballen me vdekjen ,kshu qe termat allahu kshu allahu ashu dhe ndeshkimet e tij per piresit e duhanit nuk trembin askend. Ndersa kur me tregon mushkerite e dikujt qe i ka shkaktuar duhani ,dhembet qe i ka prishur nje tjetri, dhe zemren te tej ngarkuar nga pirja tepert atehere njerzit do jene me te kuptueshem per lenien e duhanit. Kshu edhe luftohet ,por jo me cfare lexova me siper.

[Flora82]

uu harami ty ta zaft frymin ( jarabi) hahahaaaaa qka nuk ktu bre as ne deti nuk gjen gjallresa me shum se ktu .