Miniatura Poetike - Ferit Ramadani

[gjakushi]

1. ( prelud)




Në damarët e jetës më rrjedh verdhësi
Muzgu më mbulon me ngujim!
Në heshtje përbijë të Rrufesë shëmti
Dhe mbjell n’ugarin e jetës - Blerim!

[gjakushi]

2. (sirenat e pikëllimit)





Sirenat e pikëllimit kandila dhembjesh ndozën
Cilën këngë ta nis në konak?
Dritëhije takimesh në peng dashurie mbesin
Akullnajë që më shprish e më vë në lak!

[gjakushi]

3. (fjala qëndresë )




Rruga e gëzimit tim nuk ka adresë
Lotët ujisin lulet e vetmisë
Ç’domethënie paska fjala qëndresë
Kur flet për Kujtimet e Dashurisë!


(Tri miniaturave në Takimet Poetike të Karadakut “97,
u takoi shpërblimi i dytë .
U botuan në Flaka, 8 maj 1997).

[gjakushi]

4.(Baladë për takimet )




Në pikën e goditjeve priten e vriten takimet
Muza e gjakosur varet në hark!
Në zemër të pranverës zjarr për blerimet
Baladë për kujtimet që hyjnë në varg!

[gjakushi]

5. (meditim)



Në këngët e mia statuja e territ
Gurra vreri derdh klithma e vetmi
Mërgojnë gëzimet nga tufani i ferrit
Si kandila zjarri në stuhi!

[gjakushi]

6. (në sfond )






Në sfond rrëzoma mbërthen gjymtyrët
Përmasa e rrëfimit gulon në damar
Vaj e lot për Sirenat e pikëllimit
Për dashuri - Kosovën time të vrarë!

[gjakushi]

7.(shfrim )






Unë det vetmie nga jeta në jetë rropatem
Një botë kujtimesh më hap vrragë!
Ju - ortekë që më sillni rrëmbime
Dhe mbeteni plagë mbi plagë !

[gjakushi]

8. (soditje)






Përplasje si dallgët e detit ndjejë
Bullar’ i shpirtit tim shpërthen!
Çaste që ikën ndër biseda kohe
Vala e mallit me lot i rrëmben!

[gjakushi]

9. (në pritje)






Në thellësi vargjesh lexova universin
Damarët e jetës kam vënë në pritë!
Statujë që frymon - terri i robërisë!
Dhe ti ! Shpresa ime Lindditë !

[gjakushi]

Vullkan Pa Fund