Kriza energjitike shqiptare

[krokodili_73]

kriza zgjidhjet me investime, reforma qe te behen pagesat fiks, per energjine ashtu si deh per kartat e celularit, privatizimin e njesise shperndarese.
Ajo sigurisht nuk zjidhet me veprime populiste, sic jane veprimet e shkodranve apo kuksianeve, per te mos shkuar me larg.
ok

[shkodra13]

E cilat jane veprimet e shkodraneve e kuksianeve?
Kriza zgjidhet me investime, po, por edhe tue mos e shite energjine jashte per me marre dollare qi duhen per me pague udhtimet e "sheikeve" shqiptare.
KESH me qellim nuk ban cka asht elementare ne raportin me qytetaret, raportin kontraktual me individet. Sigurisht se dojne me e fute gjithcka ne nji rreth vicioz. Kur s'paguhet s'ka drita e kur s'respektohet kontrata e s'ka drita per 20 ore ne dite s'ka se si me u pague.
Pse nji individ qi paguen duhet me ndeje ne terr se nuk paguen dikush tjeter? Ku jane pergjegjesite e te drejtat individuale, abc e demokracise?
Pse edhe nji qi paguen duhet me ndeje ne terr e me u detyrue me u ndie i vjedhun kur paguen? A s'bahet me qellim?
Pse tane e paguejne telefonin? Se tue mos pase se si me u shite impulset jashte si energjija, asht ba nji kontrate me perdoruesit, cka tentohet deri ne fund mos me u ba per energjine elektrike.
Mandej ku jane investimet? E rrenat per burimet alternative?
Thuej ma mire o krokodil se Sqipnija asht xhungel.

Me qi shkodranet veprokan gabim, me thuej ti Krokodil cka do te ndodhte sikur energjija elektrike te prodhohej ne Terbac e te ishte burim i pasunise natyrore te asaj zone a kishte pase te njajtin reagim e durim si ky i shkodraneve? Shkodranet ala s'e kane djege Shqipnine as per ate cka kane te drejte e jo ma per me e vjedhe.

[Agim Doçi]

Krokodil73.
Ti që je injorant në enegjegjetikë nuk na prish punë! Por që ke urrejtje toskërane dhe mllef ndaj shkodranëve dhe kuksianëve, tregon vehten dhe justifikon NICK-un që ke. Mos i fryj atij qulli krokodilso! Se asht ajo toskëni me ata udhëheqsa toskë që e kanë lanë në mjerim Veriun. Janë ata që e shkatrruan sistemin energjetik dhe kunorën mbi Drin. Por nëse banorët e veriut nuk kanë rrymë elektrike prej vitesh, ti mos fol "nëna e Zeqos në majë të thanës!..." Mos harro që edhe Zeqo toskë ka qënë.
Futu me mend në këtë temë dhe do shohësh se unë e kam dhënë zgjidhjen me studimin e dorzuar në vitin 1994 dhe tok me mua bashkëpropozues Dr. Virgjil Stambolla dhe Docent Agim Çiftja. Ndaj ti mos u përziej si pordha nepër brekët!
Agim Doçi

[dodoni]

Energjetika

Florian Papadhimitri - 22/04/2004

Doda: Në 2007, 24 orë energji

Në një takim të bërë dje me përfaqësues të FMN-së Doda ka bërë një analizë të ministrisë që drejton


Zhvillimi i sektorit energjetik, industria e naftës, industria minerare dhe ajo joushqimore kanë qenë në qendër të bisedës së djeshme mes shefit të misionit të FMN-së dhe ministrit të Industrisë dhe Energjetikës. Julio Escolano, i cili ishte i shoqëruar në këtë takim nga përfaqësuesi i misionit të Fondit Monetar Ndërkombëtar në Shqipëri Jan-Peter Olters është shprehur në takimin me Viktor Dodën
se shenjat janë që ky vit të jetë i kënaqshëm. Sipas tij, sektori energjetik gjatë këtyre dy viteve ka shënuar një progres të dukshëm falë rezervave ujore që janë të mira. Kështu me këtë ecuri mund të arrihet që në vitin 2007 popullsia të furnizohet 24 orë pa ndërprerje me energji elektrike. Ministri Doda është shprehur se qeveria shqiptare për sektorin energjetik ka operuar në bazë të tri dokumenteve bazë: Plani i Veprimit që është detyrë vjetore, i realizuar nga Ministria dhe KESH, Politika Energjetike që përmban disa detyra si privatizimi i sektorit të shpërndarjes dhe prodhimit të energjisë, si dhe Strategjia Kombëtare e Energjisë.
Ministri Doda është shprehur se ristrukturimi i KESH-it dhe ndarja sipas aktiviteteve, proces që përfundon brenda këtij viti, përbën edhe hapin e parë drejt procesit të privatizimit të këtij sektori. Si një element tjetër të rëndësishëm ministri Doda ka nënvizuar reformën tarifore që është bërë dhe që po zbatohet gjatë këtij viti, ku çmimet janë vendosur nga institucioni i pavarur ERRE. Për sa i përket prodhimit të energjisë, Doda është shprehur se rritja e burimeve gjeneruese të energjisë i shërben procesit të fuqizimit të sistemit energjetik shqiptar. Sipas Dodës, është në proces tashmë TEC-i i Vlorës, si dhe janë në proces afrimi investitorë në burimet hidrike, ku HEC i Kalivaçit tashmë ka filluar nga ndërtimi dhe po negociohet për ndërtimin e HEC-eve të tjera në formë koncesionare. Para përfaqësuesve të FMN-së Doda kë bërë të ditur se tashmë në tregun e energjisë janë futur operatorët vendas, për HEC të vogla. Në përfundim për këtë sektor Doda kë deklaruar se brenda vitit 2007 Shqipëria do të përmbushë të gjitha nevojat për energji elektrike. Më tej Doda ka informuar Escolano dhe Olters për ecurinë e sektorëve të industrisë minerare dhe atë joushqimore.

[Albo]

Kryeministri Berisha merr pjesë në inagurimin e hidrocentralit të Gjançit, në Korçë

13/4/2007

Sot, Kryeministri Berisha mori pjesë në ceremoninë e inagurimit të Hidrocentralit të Gjançit, i cili ndodhet 15 km në jug të Korçës. Ky hidrocentral ka një kapacitet prej 3 megavat, me një prodhim vjetor prej 6 deri në 8 milion kW/h. Hidrocentrali është vepër e dhënë me koncension të formës ROT (Rehabilitim, Operim dhe Transferim, me vlerë investimi prej 1 milion e 21 mijë euro.

Në takimin me drejtuesit, Kryeministri Berisha vlerësoi teknologjinë e lartë të sjellë nga investitorët në rehabilitimin e kësaj vepre, duke bërë të mundur shfrytëzimin optimal të burimeve hidrike.

Kryeministri u shpreh se qeveria do të inkurajojë dhe mbështesë investitorët për ndërtimin e hidrocentraleve të vegjël dhe të mesëm, por edhe të dhjetra HEC-ve të mëdha, nëpërmjet zbatimit sa më të favorshëm të kuadrit ligjor për ta.

Ndër të tjera, Kryeministri u shpreh:

“Është një kënaqësi e vecantë për mua që të inagurojmë së bashku Hidrocentralin e Gjançit, me të cilin investitori sjell tekonologjinë më të mirë, për të realizuar shfrytëzimin më optimal të burimeve. Me rehabilitimin e ketij HEC, prodhimit të energjisë në Shqipëri i shtohen edhe 3 megavat te tjerë. Me këtë vepër spikat, së pari, suksesi i parteneritetit publik privat dhe ky sukses është garanci për suksese të tjera të hidrocentraleve të këtij kalibri. Vetem hidrocentralet nën 10 megavat, të marra së bashku, shumë shpejt me kompletimin e tyre, në mbarë vendin do të mund të prodhojnë energji sa njëri prej HEC më të mëdhenj të vendit.

Me këtë dua të theksoj se qeveria do të inkurajojë dhe mbështesë ndërtimin e qindra e qindra HEC-ve të vegjël dhe të mesem, por edhe dhjetra hidrocentrale të mëdha në mbarë vendin. Dua të garantoj zotin Spahiu dhe investitorët e tjerë se KESH dhe Ministria e Ekonomisë dhe Energjitikës do të krijojnë dhe do të zbatojnë kuadrin më të favorshëm për koncesionarin.

ERE (Enti Rregullator i Sektorit të Energjisë Elektrike) do të tregojë përkujdesje të vecantë për ju si koncesionarë, si dhe për të gjithë kolegët tuaj. Energjia që ju prodhoni kuotohet në bursën evropiane me pothuaj dyfishin e cmimit të energjisë ndaj edhe ne do të bëjmë cdo përpjekje që nëpërmjet importeve tu krijojmë mundësi që mallin tuaj ta shisni me çmimin më të leverdisshëm. Në këtë mënyrë, investimi do të mund tu kthehet më shpejt. Inkurajojmë investitorët që të ndërrmarrin nisma për të ndërtuar kudo HEC të vogla, të mesme dhe të mëdha.

Edhe njëherë uroj kompanine koncesionare, inxhinierët, teknikët, si dhe punonjësit e talentuar që kanë bërë të mundur këtë rehabilitim të mrekullueshëm.

Në përfundim, Kryeministri Berisha shtypi në mënyrë simbolike butonin e startimit të punës për hidrocentralin e Gjançit.

[Albo]

Kryeministri Berisha merr pjesë në konferencën për zhvillimin e burimeve energjitike të vendit

12/4/2007

Të enjten paradite, kryeministri Berisha ishte i pranishëm në konferencën e organizuar nga Ministria e Ekonomisë, Tregtisë dhe Energjitikës me temë “Zhvillimi i burimeve energjitike në Shqipëri faktor kyç për zhvillimin ekonomik të vendit”. Në takim morën pjesë Ministri i Ekonomisë dhe Energjitikës, Genc Ruli, Drejtori i KESH, Zoti Gjergj i Bojaxhi, përfaqësues të Instituteve kërkimore-shkencore në vend, përfaqësues të shoqatave të prodhuesve të energjisë elektrike, të shoqatës së ndërtuesve si dhe specialistë të fushës nga ministritë përkatëse.
Takimi u organizua në formën e një bashkëbisedimi me qëllim shkëmbimin e ideve ndërmjet pjesëmarrësve mbi problematikën e burimeve hidrike.

Kryeministri Berisha, duke marrë fjalën në konferencë, theksoi se qeveria do të mbështesë me të gjithë potencialin e saj, projektet e studiuesve vendas dhe të huaj për shfrytëzimin sa më optimal të burimeve hidrike në dobi të konsumatorëve.

Kryeministri garantoi se adaptimi i një qëndrimi të ri, aktiv, ndaj shfrytëzimit dhe përdorimit të ujrave, do të përbëjë një nga përparësitë më madhore të qeverisë.

Duke vlerësuar veçanërisht ekspertizën e grupeve të specialistëve vendas, Kryeministri u shpreh se qeveria është e vendosur të mbështesë dhe të financojë për kompletimin e mëtejshëm të studimeve të bëra në këtë drejtim.

Më tej, në fjalën e tij, Kryeministri u shpreh:

“Së pari deshiroj tu përshëndes shumë përzemërsisht, për pjesëmarrjen tuaj në këtë takim, si dhe të shpreh vlerësimin tim më të madh për projeket tuaja dhe tu siguroj se qeveria do të mbështesë me të gjithë potencialin e saj, përpjekjet tuaja, projektet tuaja, në mënyrë që ujin ta shndërrojmë në një pasuri kryesore kombëtare. Shqipëria është vendi i pasurive të mëdha të fjetura, për të mos thënë i pasurive të cilat nuk çlirojnë kapital dhe në këtë faktor qëndron dhe shkaku më madhor më themelor se pse ne jemi një vend i varfër duke patur pasuri të jashtëzakonshme , masive të tëra mineralesh që sot ruajnë kuotat më të mira në treguesit ndërkombëtare. Brigjet më të bukura, duke patur Alpet, me pasuritë e tyre të mëdha natyrore, por në të gjitha këto pasuri unë kam qenë dhe mbetem i bindur se pasuria më e madhe natyrore e shqiptarëve janë ujrat e Shqipërisë. Ujrat e këtij vendi përbëjne pasurinë më të madhe , më të cmuar, përbëjnë pasurinë e cila mund të ndikojë më shumë se të gjitha të tjerat në të ardhmen e këtij vendi, të këtij kombi. Ndaj dhe ne duhet të rivendosim, të përshtasim , të adaptojmë një qëndrim të ri aktiv, ndaj ujrave, shfrytëzimit, përdorimit të tyre dhe kjo, dua tu grantoj se përbën një përparësi madhore, absolute të qeverisë sonë.

Kjo pasuri e madhe të cilën unë sërish e konsideroj të parën është injoruar vecanërisht 25 vitet e fundit në mënyrën më të pafalshme. Në rast se këto vite të cerekshekulli, fokusi mbi ujërat do të kishte qenë ai që meriton, me bindjen time më të thellë po u them se Shqipëri do të ishte 2 apo 3 herë më e mëkëmbur se sa sot. Nisur nga kjo, ne kemi vendosur të përqëndrohemi fuqimisht tek ujërat, në studimet e tyre më moderne, duke theksuar se studimet e bëra janë studimet më serioze të bazuara në metoda të kohës, por që janë të vlefshme edhe sot. Cfarëdo që nevojitet për kompletimin e tyre qeveria është e vendosur të investojë, të mbështesë, të financojë. Në këtë kontekst të gjitha përpjekjet janë bërë, po bëhen disa riorganizime, në mënyrën që ekspertiza e akumuluar tejet e cmuar të mos e marrë e lumi dhe të përfundojë bashkë me lumin në letra, por të shndërrohet një ekspertizë të cmuar për shoqërinë , për vendin, për kombin. Ndaj dhe thirrëm këtë takim si një stad, një zhvillim në drejtim të një qëndrimi krejtësisht të ri ndaj kësaj pasurie të parën e vendit, burimeve, basenave . Ne vijmë në këtë moment pasi kemi përgatitur një kuadër ligjor, ende jo të plotë por të përshtatshëm, për të ndërmarrë projekte të të gjitha kalibrave nga më të vegjlit deri tek më të mëdhenjtë. Në këtë kontekst, ligji i partneritet publik privat është një mundësi e madhe. Ky ligj ka korrigjuar defektet e ligjit të vjetër posaçërisht për fushën e ujërave dhe të energjisë. Ne do inkurajojmë dhe do të bëjmë çdo përpjekje që 18 apo 20 miliard kilovat orë potencial hidrik i vendit të shndërrohen në energji dhe e shpallim këtë përparësi absolute të qeverisë që unë kryesoj. Ne do të bëjmë çdo përpjekje që çdo metër kub të shfrytëzohet në mënyrë optimale. Ne do të bëjmë çdo përpjekje që kapitali vendas dhe ai ndërkombëtar të angazhohet në ndërtimin e këtyre veprave hidrike të një rëndësie jetike për Shqipërinë. Ne do të bëjnë çdo investim për të rifreskuar dhe ripërtërirë studimet për ujërat dhe ujin në tërësi. Sikundër mendoj se pranë universitetit të funksionojë një grup specialistësh të shquar të kësaj fushe, grup i cili t’i sjellë qeverisë skemën më të mirë të mundshme të veprave hidroenergjetike dhe që të jetë një lloj masterplani kushtëzues për qeverinë në të gjithë veprimtarinë e saj. Tashmë ekziston një fillim, janë hedhur ose hidhen këto ditë në treg rreth 50 hidrocentrale të vegjël, të tjerë projektues po punojnë për hidrocentrale të kalibrave të tjerë nga të vegjël deri të mëdhenj. Është ende fillimi, sepse nuk mund të fshehim stadin fillestar në të cilën ne ndodhemi dhe kur them këtë dua të theksoj se duhet të jemi shumë aktivë të guximshëm, në mënyrë që këtë përparësi ta konkretizojmë dhe këtë pasuri të madhe kombëtare, që ushqen tenderat e kripura, ta shndërrojnë në energji, në drita dhe në përdorim të qytetarëve shqiptarë.

Qeveria ka ndjekur dhe ndjek me masa konkrete dhe hapa të veçantë një politikë të qartë në mbështetje të biznesit dhe të investimeve. Është shumë normale që në një shoqëri të lirë të ketë diskutime të ndryshme, por unë nuk mund të mos theksoj një moment. Në filozofinë fiskale botërore janë dy rryma: rryma marksiste e taksës progresive dhe e kundërta e saj, rryma e taksës së sheshtë. E para godet të pasurin dhe synon goditjen e tyre. E dyta bazohet në konceptin se një shoqëri nuk mund të pasurohet kurrë duke goditur të pasurit, e kundërta ndodh, ndaj dhe është e taksës së sheshet, e taksës së ulët dhe jo e taksës progresive. Kjo është e kthjelltë sa ç’është uji i Semanit, Bistricës apo Valbonës. Vetëm ai që noton në ujëra të turbullta nuk e ka të qartë se këto dy filozofi janë krejtësisht të kundërta. Ndaj ju siguroj ju, projektuese dhe investitorëve, se qeveria do t’i përmbahet filozofisë së saj të taksave të ulëta, se Enti Energjetik Shqiptar, sot publik, nesër i privatizuar dhe disa funksione do t’i transferohen qeverisë, do të nënshkruajë me ju marrëveshjen e blerjes afatgjatë të energjisë me kushtet e tregut të lirë. Një nga porositë më të prera që i kam përcjellë drejtorit të ri të KESH-it është ndershmëria ndaj jush, kontrata të rregullta me ju, jo injorim. Përkundrazi, i kam kërkuar drejtorit të KESH-it që, në këtë nismë të madhe që ne ndërmarrim, duhet të jemi shembull. Ata që kanë ndërtuar, ata që menaxhojnë duhet të shohin tek ne jo borxhlinjtë, por partnerin, i cili i paguan me çmimin e tregut dhe me korrektesën më të madhe.
Ju do të shprehni këtu mendimet si të shfrytëzohen më mirë edhe HEC-et ekzistuese, të cilat edhe ato në një mënyrë janë braktisur, janë bërë disa ndërhyrje në turbina, por a kanë pasur ato menaxhim modern. Ne nisim sot dialogun me ju, në mënyrë që kjo pasuri e madhe, e fjetur, që shkon në det, të shndërrohet në vlerë dhe kapitalin më të çmuar për Shqipërinë e shqiptarët”.

Kryeministria