Xheladin Hamza

[riza2008]

Shikimet i hodha në ardhmëri
u ngrite mbi majën e ylberit
ngrohtë e puthi dhe mbeti aty
e unë në shpresë për sytë e mi

Dhe sot kur dënesa pamëshirshëm
më dërmoji shpirtin
në mijra copëza të imta si atomi
të lutem mbi mua mos shkel

Edhe njëherë kokën kah unë kthej
derisa akoma frymoj
dhe në sytë e mi të verbër shiko
si rrokullisen e vdesin lotët veç për ty

Ma sjellë esencën e diellit
të ma ngrohë shpirtin e ngrirë
si të një varfanjaku të braktisur
e orkideja le të çelë edhe njëherë
për mua e për ty

[Agim Metbala]

Shikimet i hodha në ardhmëri
u ngrite mbi majën e ylberit
ngrohtë e puthi dhe mbeti aty
e unë në shpresë për sytë e mi

Dhe sot kur dënesa pamëshirshëm
më dërmoji shpirtin
në mijra copëza të imta si atomi
të lutem mbi mua mos shkel

Edhe njëherë kokën kah unë kthej
derisa akoma frymoj
dhe në sytë e mi të verbër shiko
si rrokullisen e vdesin lotët veç për ty

Ma sjellë esencën e diellit
të ma ngrohë shpirtin e ngrirë
si të një varfanjaku të braktisur
e orkideja le të çelë edhe njëherë
për mua e për ty

I nderuar poet - mik Riza Çato, jeni i palodhur, përplot me energji pozitive... duke kontribuar në shumë drejtime...
Ju përgëzoj mik i nderuar!

[riza2008]

I nderuar poet - mik Riza Çato, jeni i palodhur, përplot me energji pozitive... duke kontribuar në shumë drejtime...
Ju përgëzoj mik i nderuar!

Faleminderit Agim,por poetet rahoveciare e meritojne nje sherbim te tille sebashku me ta dhe zoti Xheladin.Kete sherbim e kryej me kenaqesi te madhe.Respekte miku im

[riza2008]

Shpirti më është shndërruar në flutur
krahët e së cilës humbasin drejtpeshimin
e shkëlqimi nga sytë e tu,akoma më josh

Në errësirën e natës së heshtur
të fshehur kohë më parë
takova nostalgjinë time
tek endej me shkop të bardhë

Vala e fundit e fuqisë sime
u derdh në liqenin e pikëllimit
ku engjëjt ruanin
shkëndijat e lodhura të shpirtit

Aty ku shkëlqimi i syrit tënd
akoma më josh
e shpirti im gjen prehje

[riza2008]

Ankthi si fëmijë të vogël për dore më mban
Livadheve të stolisura me mbulesa lulesh
kurorë


Ti ikje nga dhëmbët e gjarpërit plot helm
Retë filluan të shëmbëllenin spektra pa trajtë
ngjyrash


Desha të të mbaj fshehur nën shtratin e ëndrrës
Por pa gjumë humbe thellësive të pa dukshme
shtigjesh


Unë putha lulen kur fletët e saja filluan të dridhen
Ti mbete fjetur n' përqafim-yllëza ëndrrave
t'mia


Ah,sikur të zgjohesh, të të puthja lehtësisht dhe
TANI

[xheladin]

I nderuari mik Riza Çato, nga zemra të falënderoj për punë të palodhshme që bënë në prezantimin e librit tim NGJYRAT E SHKËLQIMIT në këtë forum. Përshëndes përzermësisht edhe miqtë e mi të tjerë të këtij forumi, Suzana Zisi, Agim Doçin, Dianën, Lenoard Seitin, Alma Papamihalin, Gjakushin, Mondin, të panjohurën, Pëllumb Sykun, Indritin, Kujtim Camin, Black Eagle, Adem Berishën, Agim Metbalën dhe të gjithë krijuesit letrar dhe lexuesit të tjerët që nuk i kam përmendur. Në vazhdim po e postoj edhe një poezi.

Miku i Juaj
Xheladin Hamza


MENDIME TË PASHKRUARA

Mendimet e mija
Që mbetën të pashkruara
Do të vdesin një ditë
...s’bashku me mua...

Shpirti do ti bartë
Si xhevahir të rrallë
Të pazbuluar kurrë
Qoftë në xhenet apo xhehenem?!

Trupin mbi supet e tyre
Do ta bartë xhemati
.......vetëm deri në varr...

Mishi do të kalbet
Kockat do të mbesin
Të flasin me gjuhën e tyre
Që dikur ka jetuar një njeri...

[riza2008]

Atëhere kur kënga
dhe duar të huaja
të thërrasin në përqafim
unë ndjej dridhje të rrëmbyeshme

Nga ëndrra e ëndrrës
zgjohem krah hapur
si zog i shfrenuar
në fluturimin e fundit mistik

Në errësirën e qetë të kësaj nate
më takojnë erërat e së kaluarës
aty ku i kërkoj
ndjenjat e dashurisë së tretur

Hedh sytë i përhumbur tej
shoh në vallzim
peisazhe magjepse të së kaluarës
si dikur në shatërvanin e rinisë

Loti si pikë-malli rrëshqiti mollëzës
ndonse në vjeshtën e vonuar

[riza2008]

Sonte dëshiroj të jem
vaji i qiriut të djegur
që shkëmbëllen ngjyra dashurie

Sonte dëshiroj
të ndriçoj si margaritar
medaljon mbi kraharorin tënd

Dëshiroj sonte të jem
aromë më e këndshme
e luleve te bukura për Ty

Sonte dëshiroj të ngopem
me freskinë e trupit tënd
deri në agun e parë.

[riza2008]

Kur të bëhem vetëm kënga
e erërave të shkretëtirës
dhe bëhem vetëm pluhuri i saj
apo një pikë në kohën oqeanike
edhe atëhere do të kujtoj
Vogëlushja ime

M'i fale vetëm dy ditë lumturie
njërën për kohën e tanishme
tjetrën për kohën e tanishme
tjetrën për botën në amshim
që të dyja për shpirtin tim
janë pëjetësi e të gjitha kohërave
e imja Vogëlushe.

[riza2008]

Në ëndrrën e natës që iku pa kthim
Ti nëna ime,mendimet m'i përkëdhele

Kujtimi për Ty
më rrëshqiti qerpikëve

Portën e zemrës së mallit e hapa
mbi varrin tënd u përkula

Shpirti mu forcua nga fuqi e Zotit
Elhamin zëshëm ta këndova

Aty me lule mbuluar dhembja ishte
Ku ti rehatshëm flije,nëna ime!