Oda ( sofra ) Drenicake

[projekti21_dk]

Shumë i nderuari "salihaj" ( Çaushit i qoftë hallall që ta hoqi petën )

Për t'u bluar gruri shkon një procedurë bukru e gjatë. Së pari duhet të jetë lumi, pastaj të hapet kanali ( jazi ), butija, cifuni, qëkërrku ( rrotëza që sillet nga fuqia e ujit), boshti që e përcjell rrotullimin, guri ( i poshtmi dhe i sipërmi ), çakalla, uja, sanduku i drithit. Cilado nga këto elemente që mungon- gruri mbetet pa u bluar.

Ku vret kjo "mesele":

Që të kemi një shtet të fortë, të gjithë duhet të angazhohemi me sinqeritetin më të madh aty ku jemi të kualifikuar. Duhet t'i harrojmë do gjëra që i kemi të ngulitura në kokë se " me e vjedhë shtetin nuk asht gjynah se ai ka boll". Shteti është një familje e madhe. Dhe ajo shtëpi që vidhet nga anëtarët e saj kurrë " behride" nuk bën.

Edhe unë jam optimist për atë që thua, por fatkeqësisht, sipas meje, ndoshta e përjetojnë nipat e mi ( që ende nuk më kanë lindur ).

[projekti21_dk]

E di që je zgjuar.
Unë sapo pashë filmin "Flutura në kabinën time". Pasi u ktheva nga shëtitja e përfundova së përkthyeri një libër nga gjuha daneze "Vetmia". Së shpejti do ta postoj në forum te rubrika: "Shkruaj një fjalë të mirë për fëmijën e diasporës".
Besoj edhe ti të kesh pasur një ditë të mirë.

[prishtinase]

E ti e zonja shtëpisë “prishtinase”, nëse donë mi rrethuar meshkujt, ata që janë të martuar gjeju punë, e ata që nuk janë të martuar – martoj, se për ndryshe nuk të rrinë rehat.

me vjen keq salihaj sa per at problem do mbeteni pa asnjeren se smirrem un me ato

[salihaj]

Mirëmëngjesi të gjithëve që keni ngrënë mëngjes, ose së paku qe keni pirë kafe. Në mënyrë të veçantë “prishtinasen!”. Nuk do ti këndoi këngë të kapuçave, por dua me ja thanë dy fjalë që gjenden diku në tregimet e mia: “një podvallë me dy mazgallë, kollaj me hi e zor me dalë”. Je “shukatë” diç krejt, mos i keni rënë “pishman” që je hy në këtë lojë. Thonë kur donë me bërë një punë “tri herë mat e një herë prej” edhe këtë e respektoi. Por, më shumë respektoi strategjinë dhe konspiracionin, sa duket je duke na pritë diku në pritë (prita është e rrezikshme) me na bombarduar. Nëse është ashtu hallall! Unë qysh se nga viti 2000 kur e kam blerë kompjuterin 1500 DM. Edhe as një fjalë nuk e kam qitë publikisht. Arsyeja. Baba im me ka thënë: “Menjëherë pas lufte mos bërë gabime për tu kyçë në ndonjë veprimtari e sidomos politike, sepse euforia dhe emocionet e bëjnë të vetën”. Edhe pse kam pasur kërkesa të mjaftuara për kyçje në parti të ndryshme, Kaqusha Jasharit në restorantin e Zllakuqanit në vitin 2003 i thash: “Zonja Kaqusha, pas çdo vërshimi, ndyrësirat dalin në sipërfaqe të ujit”. Ajo është prekë dhe më tha: “ti lidhje me kokë e as me politikë nuk ke, edhe ti nuk vjen në konsideratë që të kyçesh në partinë time. Unë qesha dhe ju falënderova. Por, ja thash edhe atë që e meriton si konotacion pozitiv. E vetmja, edhe e vetmja je ti që ke pasur guxim ti thuash Sllobodan Millosheviqit: “ne femrat jemi p..., mirëpo mashkullit si ty nuk i ka hije të jesh p...” Përshëndes të gjithë, e në veçanti dihet...

[salihaj]

Mirë që jamë "koritë" paraprakisht, po tani edhe më fortë u "korita". Nga "korite në korit, unë një send e kam ditë". E kam ditë që je duke pritur dikun në istikam, për veti jam duke thënë: "kush ngutët përmutët" Vetëm sa i përketë ati obligimi për mashkujt tonë, na paske marrë në qafë, po dojshe me ja zgjatë ymrin EULEKS-sit. Nëse mashkujt tonë nuk i kthehen familjës së vet, edhe beqarët mos na u martofshin me bijat e fisit, ELEKS-i ka me thënë: "zgjate Zot kësi moti!"

[Yllëza*]

Jungjatejeta burra e pleqnare. Desha te ju pershendes, pasi qe nuk kam kalur moti kendej pari (por ju kam lexuar rregullishte). Jeni te mrekullueshem!!!

p.s. E di se tash do te pyesni veten se cfare po lyp kjo femer ne ode te burrave, por vetem desha te shoh se a keni nevoje per ndonje sherbim.

[salihaj]

Edhe ky fëmijë është segment më peshë të madhe për popullin tonë shqiptar. Mendova se ke hapë temë të re, kërkova por nuk hasa në këtë temë. Unë kamë hapë temën time me këtë titull: “NJERIU, EDUKATA DHE SEKSI NGA LINDJA DERI NË VDEKJE”. Do shkruaj shumë material interesant për këtë temë, mirëpo, po hezitoi edhe ndonjë ditë. Tema në fjalë do përqendrohet vetëm e vetëm në bazë psikologjike. Psikologjia është baza fundamentale për edukatën e njeriut e sidomos fëmijës nga lindja deri të kaloi fazën adoleshente. Materiali është marrë nga: përvoja ime personale të cilën e kam fisnikëruar me libra psikologjike e të ngjashme si dhe nga provokimet e drejtpërdrejta apo spontane të fëmijëve dhe prezenca ime në lojëra të ndryshme me fëmijë. Kam shumë mesa dhe nipa në diasporë, të vëllazërive, motrave dhe gocave të mia. Kam mjaft shembuj konkret të cilët do ilustrojnë dhe argumentojnë sjelljet e këtyre fëmijëve. Kaq për sot, Ju përshëndes.

[projekti21_dk]

I nderuari, z. salihaj
Ja pra tufëza e temës që kam hapur në këtë forum:

Shkruaj një fjalë të bukur për fëmijën e diasporës

http://www.forumishqiptar.com/search...3&pp=30&page=3

Të them të drejtën, si temë e hapur është një nga temat më të lexuara. Sepse unë lexueshmërinë e mat duke klikuar numrin e klikimeve me numrin e postimeve, kështu, deri para dy tri ditësh kishte lexueshmërinë 60, por kur shtova edhe një shkrim, kjo e zvogëloi në 30.

Kjo edhe më jep zemër se njerëzit janë të ineteresuar për fëmijët e tyre, por e keqja është se nuk bashkëpunojnë. Ky fat, fatkeqësisht më ka ndjekur shpesh në jetë - më është dashur të përballem me gjëra që edhe më kanë lodhur.

Vetëm të bashkuar jemi më të fortë dhe bëjmë punë të mëdha!

[salihaj]

Sa desha ti shkruaj “prishtinases” një pleqëri të gruas, hasa në shkrimin e Juaj i nderuari “ademgashi”. Pa hyrje do shkoi drejtë në tregim. Bëhet fjalë për fëmijë të diasporës. Nipi im katër vjeçar i lindur në Austri, në shtëpinë time në Pejë kapet për televizor dhe televizori rrëzohet, del nga korniza e vet, por jo far dëmi i madh. Po edhe si të ishte dëmtuar tërësisht unë isha sjellë në po të njëjtën mënyrë. Djalit ju kishte kërcënuar nëna e vet, goca ime si dhe gjyshja e vet gruaja ime, se “kur vjen gjyshi do të rrah dhe do ta këputë kokën”. Unë si zakonisht , pas përfundimit të punës, blejë diç për gjashtë fëmijët e mi dhe fëmijët tjerë që i kisha në shtëpi. Kur shkova në shtëpi, Burimi që kishte bërë sherr ishte strukur në një këndë, ndërsa të tjerët vrapuan të më përqafojnë dhe për të marrë “sihariq” për Burimin që kishte thye televizorin. Unë të gjithë i përqafova, u ndaj dhuratat, ndërkohë u përkula afër Burimit e përqafova ja i dhashë edhe ati një çokolatë duke i thënë: “jo bre “bimi” i gjyshit, gjyshi menjëherë e blenë televizorin , por “bimin” e gjyshit kurrë nuk mund ta blejë. Gjyshi më së shumti e donë “bimin!” . Beoni! Se nga ajo ditë kurrë nuk e harron këtë fjali, edhe pse sot i ka mbushë 16 vjet, Burimi ma përmend atë gjest të tillë.
Kjo është sa për fillim. Përshëndes temën e re.

[salihaj]

Bajraktari i Suharekës shkoi me marrë gruan e vet s’pari. I kishte marrë dy kuaj, një me shalë e një me samr. Nejti, sa nejti aty e, kur erdh vakti mu çue, njerëzit e shtëpisë, në vend që me hypë nusën në kali që kishte samar, e kishin hypë në kali të shalës. Bajraktari u idhnu që ja kishin lanë kalin e samarit dhe deshti me vra të shoqën në sye të tyne. E qiti dorën në allti po e la apet. Hypi vet në kali të samarit, gruaja në kali të shalës e filluen me shku prej shpije. Kur mrrinë te nji livadh, kali i shalës ish msue me lodrue edhe i curroi veshët. Bajraktari e dike qi po kish qef me lodrue edhe i piskati: “Hop Balosh!”. Kali i bani jelë e bisht bashk, dhe tu ba kokërr fushës. Bajraktari me njet të keq për të myet kali gruen. Morëpo gruaja ish kanë bingji. E ladroi kalin sa mujti rreth e rreth fushës tri her. I ranë shamiat e avlijat e i dukalen flokët në hava (si flokët e gruas së Davudit-salihaj). Kali dikur u ngi tuj ladrue edhe erdh e u nal para bajraktarit. Qather gruaja i tha të shoqit:
- O bajraktar!
- Hoja!
- Për shka e banë atë allti? Pse se hoqe mem ra dhet herë, po me bane këtë te zezë?
- He more fisnike e kam pas men me te ra allti, po tash e rrova menën se e pash qi përnime ishe për bajraktar.
Edhe e majti gruan aty e mas rrnuen mirë bashë. Andaj “prishtinase: “ti me 368 postime e unë me dyqind, ja pashë hairin bajraktarllakut”.” Djemtë e Osës kush i ngucë e din ti...” Ju përshëndes