Energjitika: Inagurohet Hidrocentrali i Ashtës

[ganoid]

Klodian Tomorri - 16/12/2004



Të gjithë ata biznesmenë që kanë guxur të investojnë në hidrocentrale pritet të kenë një kthim të madh nga investimi i tyre. Rreth 31 hidrocentrale shqiptare të dhëna me koncesion, megjithëse të vegjël në kontributin që japin për energjinë në vend, rezultojnë me fitime tepër të larta


Investimi në hidrocentrale në Shqipëri mund të të sjellë shumë fitime. Këtë gjë e konfirmojnë shifrat, të cilat paraqiten në marrëveshjet koncesionare që investitorë të ndryshëm privatë kanë nënshkruar me qeverinë shqiptare. Në Shqipëri ekzistojnë rreth 81 hidrocentrale të vegjël. Aktualisht rezulton se 31 prej tyre janë përfshirë në marrëveshje koncesionare ndërmjet qeverisë shqiptare dhe subjekteve të ndryshme private. Në marrëveshjet e nënshkruara parashikohet blerja e energjisë së prodhuar nga këto hidrocentrale nga KESH sh.a., e cila autorizohet ta blejë këtë energji me një çmim të aprovuar nga Enti Rregullator i Energjisë (ERE). Megjithëse të gjithë këta hidrocentrale kanë një peshë specifike fare të vogël në prodhimin e energjisë në vend, ato janë një investim mjaft fitimprurës për kompanitë private. Investitorët privatë që kanë marrë guximin të investojnë të parët në këtë fushë besojnë se do të marrin një normë kthimi të lartë nga investimet e tyre.


Hidrocentrali i Ternovës dhe i Zall-Bulqizës, 1,15 milionë dollarë fitime vjetore
Kështu Teodori sh.p.k., kompania e cila ka marrë me koncesion ndërtimin e hidrocentraleve në Ternovë dhe në Zall-Bulqizë, ka parashikuar një investim prej 3,44 milionë eurosh për ndërtimin e tyre. Nga hidrocentralet që do të ndërtohen pritet të merret një prodhim vjetor prej 28,77 milionë kilovat/orë, që e kthyer në vlerë do të thotë rreth 1,15 milonë dollarë fitime vjetore.
Hidrocentrali i Gjançit, 260 mijë dollarë në vit fitime
Spahiu sh.p.k. është një tjetër kompani e cila ka marrë me koncesion të formës ROT (rehabilitim, shfrytëzim, transferim shtetit) për 30 vjet hidrocentralin e Gjançit në Korçë. Shuma e parashikuar në investim është rreth 1 milon euro. Pas fazës së rehabilitimit parashikohet një prodhim rreth 6,5 milionë kilovat/orë në vit që do të thotë afro 260 mijë dollarë në vit.
Hidrocentrali i Bogovës, 270 mijë dollarë fitime vjetore
Për hidrocentralin e Bogovës është nënshkruar një marrëveshje koncesionare 30-vjeçare e tipit ROT, ndërmjet Ministrisë së Industrisë dhe Energjetikës dhe kompanisë Wonder sh.a. Kontrata parashikon një investim rreth 940 mijë euro. Prodhimi i parashikuar pas fazës së rehabilitimit është rreth 6,8 milionë kilovat/orë në vit, që do të thotë rreth 270 mijë dollarë fitime vjetore.


Hidrocentralet Lenie, Çorovodë, Tuçep, 225 mijë dollarë të ardhura në vit
Për hidrocentralet vendore në Lenie, Corovodë, Tuçep, të cilët janë marrë me koncesion nga shoqëria Emikel sh.p.k., parashikohet një investim rreth 53,2 milionë lekë. Këtë hidrocentrale mendohet se pas rehabilitimit do të japin një prodhim prej rreth 5,6 milion kilovat/orë në vit që do të thotë rreth 225 mijë dollarë të ardhura në vit.


Hidrocentrali i Gizaveshit, 220 mijë dollarë të ardhura në vit
Gjithashtu, Dardania Energji sh.p.k. ka marrë me koncesion ndërtimin e hidrocentralit të Gizaveshit në rrethin e Librazhdit. Hidrocentrali, i cili parashikohet të ndërtohet në fshatin Gizavesh, rreth 7 km në verilindje të qytetit të Librazhdit, kërkon një investim rreth 81,3 milionë lekë dhe do të ketë një prodhim mesatar vjetor të energjisë prej 5,5 milionë kilovat/orë në vit. Ky prodhim mendohet se do të sjellë rreth 220 mijë dollarë të ardhura në vit.


Hidrocentrali i Xhyrës, 86.5 mijë dollarë të ardhurat në vit
Shoqëria Amal sh.p.k. ka marrë me koncesion hidrocentralin vendor në Xhyrë të rrethit të Librazhdit. Investimi i parashikuar për rehabilitimin e këtij hidrocentrali parashikohet të jetë rreth 5,45 milion lekë. Pas fazës së rehabilitmit parashikohet një prodhim prej 2,16 milionë kilovat/orë në vit. Të ardhurat që priten prej këtij investimi shkojnë rreth 86,5 mijë dollarë në vit.
Hidrocentrali i Helmësit, 68 mijë dollarë fitimi vjetor
Gjithashtu, një tjetër kompani që ka investuar në fushën e energjitikës është dhe shoqëria Pinderi sh.p.k., e cila ka marrë me koncesion hidrocentralin e Helmesit në rrethin e Kolonjës. Kjo kompani ka investuar rreth 72 milionë lekë në këtë hidrocentral dhe parashikon një prodhim vjetor prej 1,7 milionë kilovat/orë. Të ardhurat e pritura prej këtij investimi shkojnë rreth 68 mijë dollarë në vit.
Një tjetër kontratë e rëndësishme është ajo e nënshkruar ndërmjet Ministrisë së Industrisë dhe Energjetikës dhe Ministrisë së Ekonomisë nga njëra anë dhe shoqërisë italiane ESSEGEI për rehabilitimin e disa hidrocentraleve. Investimi prej 8 milionë dollarësh që do të bëhet nga shoqëria italiane pritet të sigurojë një prodhim vjetor prej 38 milionë kilovat/orë që, e shprehur në vlerë, është e barabartë me rreth 1,5 milionë dollarë.
Disa nga kompanitë, të cilat kanë investuar në këtë fushë, do të përfitojnë edhe lehtësira. Kështu, të gjitha kompanitë, të cilat do të ndërtojnë hidrocentrale me fuqi të instaluar, jo më pak se 5 kw për objekt, përjashtohen nga taksat doganore për makineritë, pajisjet dhe materialet që shërbejnë për ndërtimin dhe dhe vënien në punë të këtyre objekteve. Gjithashtu, këto kompani përjashtohen edhe nga taksat doganore për lëndët djegëse të ngurta e të lëngëta që do të përdoren nga hidrocentralet për prodhimin e energjisë elektrike.

[Qerim]

HIDROCENTRALI I SKAVICES, DO SHPRONESOHEN60 KM KATRORE

Kompania italiane TGK qe do te ndertoje dhe marre me koncension hidrocentralin ne Skavice te Kukesit, do te shpronesojne 60 kilometer katrore, me nje vlere prej 45 milione euro. Hidrocentrali i Skavices do te nise nga puna vitin e ardhshem dhe do te perfundoje pas 7 vjtesh. Hidrocentrali i Skavices do te ndertohet mbi lumin Drin dhe parashikohet te jete nje nga hidrocentralet me te medhenj ne vend, me nje kapacitet prodhues prej 1.4 miliard kilovat ore energji ne vit. Me ndertimin e kesaj vepre, qe ofron burim energjie te rinovueshem Shqiperia parashikon te plotesoje nevojat e saj dhe te tregut te huaj.

[DYDRINAS]

Qerim,

Deri tash me fjale kane filluar te gjitha rruget,autostradat,hidrocentralet,hekurudhat ne jug e veri etj;por ne vepra ende s'ka drite,s'ka uje,s'ka rruge etj.
Ka te pakten 6 vite qe flitet e trumbetohet se po ndertohet autostrada Durres-Prishtine por ajo eshte vetem nje iluzion.
Fjale e vetem fjale.
Ne vitin 1991 kur priteshin te beheshin zgjedhjet e para te lira dilte ne TVSH ambasadori i sotem i Shqiperise ne Athine dhe intervistonte "biznesmene" gjermane se do te benin hatane etj.
Eshte prag fushate dhe se genjeshtra te tilla duhen per marketing politik.
Eshte nje situate ku populli ende marroset per nje km asfalt,per nje livadh me bar apo per fasada te ngjyera e nuk arrin dot te shikoje tej fasades.
Shikoje TVSH cdo nate se cfare reklame i ben atyre qe do te kandidojne per PS nen etiketen e disa emisioneve per gruan e ku di une.A nuk i sheh ata qe jane deputete apo qe duan te behen se si buzeqeshin kur shtrohet pak asfalt mbi nje dhe apo kur hapet nje kanal?
A nuk e sheh kryeministrin qe nuk le tryeze pa shfrytezuar te sulmoje kundershtarin me fjalor te ulet?
Ndoshta Skavica mund te behet por deri athere Drini ndoshta do te kete nderruar shtratin e rrjedhjes e ndoshta do te jetojme ne nje millenium te ri.
Tek ne cdo gje eshte me ndoshta sepse projekte te tilla nuk jane vetem ne doren e shtetit shqiptar por duan dhe miratimin e Bankes Boterore ashtu sic u pyet kjo banke dhe per dhenjen me koncension te autostrades Durres-Kukes.
Pastaj kriza energjitike per mendimin tim nuk vjen se nuk ka energji por se energjia ekzistuese nuk perdoret me eficence apo per me keq shperdorohet.
Shperdorimi vjen nga menaxhimi i keq i KESH ne vite (ndonese ka nje permiresim),nga teknologjia e vjeter e sistemit dhe nga fuqia e ulet paguese e konsumatorit shqiptar.
Pra dhe po te ndertohet Skavica do te shtohet prodhimi i energjise,do te shtohet eksporti por konsumatori perseri do te jete ai i meparshmi i cili nuk do te kete para te paguaje faturen e saj.
Megjithate te shpresojme se ndoshta nuk do te jete genjeshtra e radhes.

[Qerim]

Jam shume dakort me Ju z.Qazim ..

Ashtu eshte.

Une per kete hidrocentral kam pak shpresa sepse do ta ndertojne italianet.
Une mendoj se ky hidrocentral eshte pjese e korridorit te 8. Pra italianeve ju intereson qe ne Shqiperi te prodhohet energji nga hidrocentralet , pasi keshtu mund te eksportojne nga Shqiperia gjate periudhes vjeshte-dimer-pranvere dhe te kursejne lenden djegese per termocentralet e tyre.

[Brari]

lol..

bukur ke fol qazim..

shoku Bashkim i Zenelajve.. nashti do ket blere gershere per shokun e tij Nano se i duhen para votimeve..

megjithse naaa i jan bere mullaqet nuk perton te levize kudo ku ka shirita inagurimi..
Dhe spyet fare cfar inaguron..ec bab se i ujdis Zheji ne Tv pastaj kusurin..

nuk ben dot hidrocentra e as termo centrale nje qejflli Dubajesh e Selaniqesh..pik..

po nejse ai ka miljarda tani dhe do i blej te tere..

kush nuku bindet tritol shalve e hec..

u pa kjo pun tani..

[ALBA]

“Nis puna për rilidhjen e turbinave, me qëllim kthimin e energjisë në tre rrethet e Veriut, që ndodhen në errësirë”

Laura Dashi

TIRANË- Hidrocentrali i Vaut të Dejës, një nga HEC-et më të mëdhenj në vend, që ushqen me energji elektrike një pjesë të madhe të territorit shqiptar, është gdhirë dje në flakë. Në mëngjesin e djeshëm, në orën 6.40, është dëgjuar një shpërthim tek izolatorët dalës të transformatorit nr.2, e cila është shoqëruar me flakë intensive. Janë dashur më shumë se katër orë për të shuar të gjitha flakët e përhapura në dhomat e hidrocentralit, duke eliminuar përhapjen e tij. Drejtori i Përgjithshëm i Korporatës Elektroenergjetike Shqiptare, Fatmir Hoxha deklaroi dje se situata është tashmë nën kontroll dhe ka nisur menjëherë puna për rehabilitimin e transformatorit. “Ka nisur menjëherë puna, për rivënien në punë të turbinave të tjera në HEC-in e Vaut të Dejës, rilidhjen me qendrën dispeçer, me nënstacionin elektrik të Vaut të Dejës, me qëllim rifillimin e furnizimit me energji elektrike për Shkodrën, Lezhën dhe Malësinë e Madhe, brenda pak orësh",- tha Hoxha. Ndërkohë, është garantuar se zjarri nuk do të ndikojë në furnizimin me energji të vendit, pasi rezervë është 30 për qind e energjisë së prodhuar nga hidrocentralet tona.

Ngjarja

Personeli i gatishmërisë, personeli operativ, së bashku me ekipin e zjarrëfikësve të Shkodrës, filluan lokalizimin e zjarrit. Meqënëse flaka ishte e madhe, sepse në transformator ishin rreth 20 ton vaj, qëllimi kryesor ishte të lokalizohej zjarri, në mënyrë që të mos rrezikoheshin transformatorët nr.1 e nr.3, që gjendeshin në të dy anët e tij. Në sajë të përpjekjeve të personelit dhe ekipit zjarrfikës, të ardhur jo vetëm nga Shkodra, por edhe Durrësi, Lezha, Tirana, u arrit që zjarri të lokalizohej në orën 8.20, por, fatkeqësisht, për shkak të sasisë së madhe të vajit, flaka arriti të hyjë në kanalet e kabllove dhe nëpërmjet tyre, në sallën e makinerive dhe të turbinave. Aktualisht, falë dhe gjendjes shumë të mirë të mjeteve zjarrfikëse, që kishte vetë hidrocentrali i Vaut të Dejës dhe ai i Komanit, u arrit që me fikëset me shkumë dhe fikëset portative, zjarri të shuhej jo vetëm në vajin e transformatorit, por edhe në kanalin e kabllove. Edhe vatra e vetme e zjarrit poshtë në sallën e turbinave, që pati edhe flakët më të shumta, u arrit të shuhej. Aty u punua në kushte mjaft të vështira, sepse tuneli është shumë i ngushtë. Kishte një tym të jashtëzakonshëm dhe zjarrëfikësit u futën një nga një me kundragaz së bashku me ekipin special të Ministrisë së Mbrojtjes.

Masat

Rreziku tani nuk është i madh, por problemi është se po zgjatet koha për të rivendosur gjendjen normale. Nga KESH-i po ndiqet nga afër situata. Atje tani ndodhet drejtori i Divizionit të Prodhimit dhe gjithë ekipi i riparimit të avarive, personeli i Fierzës, i Komanit, që presin të rikthejnë gjithçka në gjendjen normale. “Tani ne kërkojmë që të vëmë në efiçencë nevojat vetjake të centralit, në mënyrë që të vëmë në punë nënstacionin, për të lidhur zonat e Veriut nga Laçi, pra, me prodhimin e Fierzës dhe Komanit, që punojnë me kapacitet të plotë dhe gradualisht të fillojmë të vëmë në punë dhe agregatët e hidrocentralit të Vaut të Dejës, sidomos agregatin nr. 5, që duket i paprekur”,- tha drejtori Hoxha. Agregati i dytë që lidhet me tranformatorin nr.2, sigurisht që nuk mund të vihet në punë për disa ditë; agregati nr.1 dhe nr.2 nuk kanë probleme, megjithatë, nga shuarja e zjarrit, nga flaka, nga shkuma, nga uji, duhet patjetër punë rehabilituese. Agregati nr. 4 është në rehabilitim. Rënia e zjarrit ishte një situatë e jashtëzakonshme, e cila duhej të përballohej me mjete të jashtëzakonshme. Në rastin konkret, tashmë të gjitha rezervat janë konsumuar dhe janë dhënë rezerva nga Komani. Një sasi tjetër nga sektori i naftës është dërguar me helikopter në Shkodër, në Vaun e Dejës dhe ka pasur bashkëpunim me Ministrinë e Pushtetit Lokal, me Ministrinë e Rendit dhe me Ministrinë e Industrisë dhe Energjetikës. Drejtuesit e KESH-it deklaruan se do të nisë nga puna menjëherë instalimi i transformatorit të ri.

Dita

[Dick Johnson]

Une degjova se gjendja eshte nen kontroll dhe se do te rregullohet brenda disa ditesh.

[Albo]

Nënshkruhet kontrata 110 milionë euro për Kalivaçin

Nga Ergys Mertiri

Ka përfunduar dje nënshkrimi i kontratës koncesionare prej 110 milionë eurosh, për ndërtimin e hidrocentralit të Kalivaçit ndërmjet Ministrisë së Ekonomisë dhe Ministrisë së Transporteve me “Deutche Bank” e “BEG SpA”. Nënshkrimi i kontratës u bë i mundur pas një negocimi të gjatë, të bërë me këto dy kompani, për amendimin e kontratës ekzistuese. Kontrata e parë për ndërtimin e këtij hidrocentrali është miratuar në maj të vitit 1997, por megjithatë ndërtimi i hidrocentralit ka mbetur pezull, si pasojë e mungesës së legjislacionit të duhur, problemeve me pronësinë në vendin ku do të ndërtohet ky hidrocentral, si dhe për shkak të mungesës së garancisë financiare nga kompanitë koncesionare. Ministria e Ekonomisë e shikon si mjaft të favorshme kontratën e re, e cila do të bëjë të mundur fillimin e menjëhershëm të punimeve për ndërtimin e këtij hidrocentrali. Amendimet e bëra, sipas saj, janë mjaft të favorshme dhe krijojnë garanci për ndërtimin e kësaj vepre të rëndësishme për sektorin energjitik në vend. Kontrata koncesionare për ndërtimin e këtij HEC-i është e formës BOT (Build Operate Transfer) dhe është bërë e mundur pas përfshirjes në të të “Deutche Bank”.

Fillimi i punimeve

Pas një zvarritjeje dhjetëvjeçare punimet për ndërtimin e hidrocentralit të Kalivaçit pritet të rifillojnë së shpjeti. Është parashikuar që punimet të rifillojnë 30 dite nga marrja e lejes së ndërtimit dhe në kushtet e kontratës është përcaktuar që, në rast se kompanitë koncesionare nuk fillojnë punimet brenda një afati gjashtëmujor që nga lidhja e kontratës, atëherë kontrata zgjidhet. Kjo pikë do të shmangë mundësinë e zvarritjes së punimeve, siç është bërë deri më tani.

Përsa i përket fillimit të koncesionit, grupi negociator vendosi që data e tij të përcaktohet data 30 nëntor 2003. Që nga kjo datë do të llogaritet fillimi i koncesionit, data e fillimit të punimeve fillon tek afati i koncesionit. Ndërkohë, u arrit që për këtë, koncesionari të shtojë me 0,5% “concession fee” për 3 vitet e para të fillimit të punimeve. Kjo pikë e kontratës do të bëjë të mundur përfitimin e një sasie prej 5 mijë MW/h energji elektrike më shumë.

Grafiku i punimeve

Përveç datës së fillimit të punimeve, grupi negociator ka vendosur disa kushte, lidhur me grafikun e punimeve që do të kërkohet përgjatë fazave të ndërtimit të hidrocentralit. Ky grafik u përcaktua në bazë të projektit përfundimtar të ndërtimit, i cili u kërkua prej kompanive koncesionare përpara nënshkrimit të kontratës. Mbi bazën e këtij projekti, në kontratë u sanksionua që grafiku i punimeve të përfundojë 36 muaj nga marrja e lejes së ndërtimit. Ky grafik punimesh është i rëndësishëm për palet, pasi me të do të lidhen penalitetet e kontratës, gjë që krijon një garanci më të madhe për ndërtimin e hidrocentralit.

Garancitë e kontratës

Sipas kontratës së re, të nënshkruar dje, kompanitë koncesionare obligohen të dorëzojnë një garanci prej 4 milionë eurosh për ekzekutimin e kontratës. Kjo shumë do të plotësohet për 3 vitet e punimeve nga shuma e TVSH-së që koncesionari duhet të marrë nga organet tatimore, si pasojë e rimbursimit të TVSH-së. Grupi negociator ka vendosur edhe një sërë penalitetesh në rast shkeljesh të pikave të kontratave. Kjo u bë, duke qenë se në kontratën e mëparshme nuk ishte parashikuar asnjë penalitet për mosrespektimin e kontratës dhe kjo solli edhe mosndërtim të hidrocentralit për një kohë mjaft të gjatë dhe pamundësinë e marrjes së masave nga ana e shtetit. Për mosrespektimin e kushteve të kontratës janë parashikuar penalitete që kanë të bëjnë me gjoba në vlerë financiare, si dhe me përqindje në energji elektrike, për periudha të mëvonshme të ndërtimit. Sipas ministrisë, këto penalitete e vënë përpara përgjegjësisë ndërtuesin, duke e detyruar të respektojë kontratën. Sipas saj, kontrata e re do të bëjë të mundur detyrimin e kompanive ndërtuese për të respektuar kontratën.

Detyrimet financiare të kompanive

Kontrata e re ka përcaktuar një sërë kushtesh financiare të cilat duhet t’i plotësojnë kompanitë koncesionare. Këto kushte janë venë si pasojë e faktit që kontrata e vjetër ka pasur si një prej shkaqeve të dështimit, paaftësinë financiare të realizuesit të projektit. Kështu, sipas kontratës së re është parashikuar që kompanitë “BEG SpA” dhe “Deutsche Bank”, brenda 160 ditësh, të formojnë një kompani së cilës do t’i transferohet koncesioni. Aksionet e DB-së apo dhe te BEG SpA, nuk mund të trasferohen pa miratimin me shkrim të OSHA-s, deri në ditën e vënies në operim të HEC-it. Edhe në rast mosmarrëveshje për mosdhënien e miratimit, përsëri aksionet nuk mund të transferohen deri në ditën e dhënies së vendimit të gjykatës së arbitrazhit. Po kështu, kontrata përcakton që brenda 1 viti nga krijimi i saj, koncesionari duhet të demostrojë sigurimin e financimit për të gjithë koncesionin, në të kundërt ai është në shkelje të rëndë të kontratës me pasojë, përfundimin e saj. Brenda 10 muajve nga krijimi i kësaj kompanie, koncesionari duhet të zgjedhë një kompani me reputacion në fushën e ndërtimit të HEC-eve dhe t’i besojë asaj punën për ndërtimin e HEC-eve.

Tema

[Albo]

“Nuk do të ketë më humbje në rrjet dhe shpërndarja do të jetë mjaft racionale mes fshatarëve”


“Dritat në Korçë, duhen 18 hidrocentrale”

Inxhinieri Janko: Ja ku mund të ndërtohen, është fare e thjeshtë


KORÇE/ Jorgjeta Gjançi
Natyra i ka falur Qarkut të Korçës burime të shumta hidrike, të cilat përbëjnë një rezervë shumë të madhe për prodhimin e energjisë elektrike.

Por fatkeqësisht këtij aspekti gjatë 15 viteve të fundit nuk i është kushtuar vëmendja e duhur. Ky është mendimi i inxhinierit hidrik Andrea Janko, i cili, gjatë përvojës së tij 30-vjeçare dhe studimeve të shumta që ka kryer ka dhënë mendime e sugjerime të avancuara e progresive për shfrytëzimin e burimeve hidrike në shërbim të komunitetit në zonën juglindore të vendit. Ai tashmë punon specialist hidrik në Këshillin e Qarkut të Korçës.
Inxhinieri Janko duke diskutuar për këtë problem të mprehtë të ekonomisë shqiptare nënvizon faktin se burimet hidrike të Qarkut të Korçës, përveç drejtimeve të tjera, duhet të shfrytëzohen më mirë se deri tani edhe për prodhimin e energjisë elektrike. Kjo, sipas tij, arrihet nëpërmjet ndërtimit të hidrocentraleve të mëdhenj, të mesëm dhe të vegjël. “Në Qarkun e Korçës ekzistojnë mundësitë reale për ndërtimin e hidrocentraleve të mesëm dhe të vegjël, shprehet Janko. Këtë e dëshmojnë ekzistenca në këtë qark e 21 hidrocentraleve, prej të cilëve 11 në rrethin e Korçës, 5 në rrethin e Devollit, 5 në rrethin e Kolonjës. Të gjithë së bashku kanë një fuqi të instaluar prej 7175 kv, me një prodhim të energjisë vjetore prej 28570 milionë kv/h.
Mësohet se 15 vjet më parë një grup pune i përbërë nga inxhinierët hidrikë Andon Bërxhiku, Andrea Janko, Jani Mandra, Ilir Deti etj., kryen një studim rreth shfrytëzimit të rezervave ujore të Qarkut të Korçës dhe arritën në konkluzionin se ekzistojnë mundësi reale që këto rezerva ujore të shfrytëzohen me sukses për prodhimin e energjisë elektrike. Duke iu referuar çdo burimi ujor dhe terrenit konkret konkluduan gjithashtu se në këtë qark mund të ndërtohen edhe 18 hidrocentrale të tjerë të mesëm dhe të vegjël. Për të qenë bindës në këtë studim avancuan duke bërë një analizë të thellë ekonomike e financiare dhe duke llogaritur aftësinë fitimprurëse të tyre. Përfundimi i studimit: ndërtimi edhe i 18 hidrocentraleve të tjerë do ta rritë fuqinë e instaluar edhe me 4.450 kv dhe prodhimin vjetor me 16290 milionë kv/h.
Rivënia në punë e atyre hidrocentraleve që ende vazhdojnë të jenë të abandonuar dhe ndërtimi i 18 hidrocentraleve të rinj është me shumë interes për ekonominë e vendit tonë. Janko duke u ndalur në këtë aspekt shprehet se “leverdia qëndron në faktin se këto hidrocentrale janë shumë afër komunitetit dhe administrohen më mirë në interes të tij, mundësojnë një shpërndarje racionale të shfrytëzimit të energjisë elektrike me kriter, duke zvogëluar mjaft humbjet në rrjet, japin siguri maksimale në prodhimin e energjisë elektrike dhe një eliminim të shpejtë të avarive e defekteve në rrjet. Prodhimi i energjisë nga këto hidrocentrale ka kosto të ulët, çka bën të mundur që çdo investim të shlyhet brenda një kohe maksimale prej 5 vjetësh. Njëherësh ndikojnë në stabilizimin e gryerjeve dhe në shpejtësinë e rrjedhjes së përrenjve e lumenjve. Realizimin e këtij synimi e favorizon tereni malor dhe kushtet e vështira të motit në këtë rajon me shumë reshje në pranverë e vjeshtë dhe dëborë në stinën e dimrit” sqaron ai. Inxhinieri Janko nënvizon se projektideja e ndërtimit të 18 hidrocentraleve të rinj e rivënia në punë e atyre që ende vazhdojnë të jenë të abandonuar, vazhdon të mbetet një skemë reale. Kjo kërkon që të kalohet në studime e projekte konkrete në mbështetje të projektidesë. Eshtë kjo arsyeja që Janko propozon ngritjen e një grupi projektimi, në përbërje të të cilit të ketë specialistë të aftë, që e njohin thellë këtë fushë.



18 hidrocentrale
mund të ngrihen në rrethin e Korçës dhe të Devollit, duke rritur në mënyrë të konsiderueshme prodhimin, por edhe duke siguruar mirëmbajtjen e tyre duke qenë pranë konsumatorit
16290 milione
kilovat/orë gjatë vitit do të arrihet të prodhohet më shumë, nëse në Qarkun e Korçës ndërtohen edhe 18 hidrocentralë të vegjël, pranë burimeve hidrike që nuk mungojnë


Hidrocentralet që mund të ngrihen


Në rrethin e Korçës
HC në Verbe 600 kv fuqi e instaluar 400.000 kv/h në vit
HC në Mesmal 450 kv fuqi e instaluar 1.700.000 kv/h në vit
HC në Strelcë 140 kv fuqi e instaluar 420.000 kv/h në vit
HC në Lubonjë 180 kv fuqi e instaluar 400.000 kv/h në vit
HC në Çemericë 260 kv fuqi e instaluar 700.000 kv/h në vit
HC në Rehovë 170 kv fuqi e instaluar 500.000 kv/h në vit
HC në Vithkuq 270 kv fuqi e instaluar 1.400.000 kv/h në vit
HC në Zerec 500 kv fuqi e instaluar 2.400.000 kv/h në vit
HC në Rosover 200 kv fuqi e instaluar 500.000 kv/h në vit

Në rrethin e Devollit
HC në Proger 170 kv fuqi e instaluar 700.000 kv/h në vit
HC në Hoçisht 110 kv fuqi e instaluar 380.000 kv/h në vit
HC në Verlen 140 kv fuqi e instaluar 350.000 kv/h në vit
HC në Grapsh 140 kv fuqi e instaluar 350.000 kv/h në vit
HC në Braçanj 160 kv fuqi e instaluar 580.000 kv/h në vit
HC në Qytezë 450 kv fuqi e instaluar 1.800.000 kv/h në vit
HC në Sinicë 140 kv fuqi e instaluar 450.000 kv/h në vit
HC në Kuç – Poloskë 200 kv fuqi e instaluar 600.000 kv/h në vit
HC në Menkulas 170 kv fuqi e instaluar 600.000 kv/h në vit

Panorama

[Albo]

Vatech Hydro dhe Pöyren Energy, prezantojnë tek kryeministri Berisha projektin për hidorcentalin e Bushatit

3/7/2007

Kryeministri Berisha, ka pritur sot pasdite në zyrën e tij përfaqësues të kompanive të mëdha Vatech Hydro dhe Pöyren Energy. Në takim, drejtuesit e dy kompanive i shprehën Kryeministrit shqiptar interesin e tyre për një investim në hidrocentralin e Bushatit, me kapacitet prej 30 megavat dhe me vlerë prej 44 milionë euro. Koha e ndërtimit mendohet të zgjasë jo më shumë se 18 muaj. Përfaqësuesit kanë bërë me dije Kryeministrin Berisha se ky projekt konsiston në përdorimin e një teknologjie që siguron një novacion nga konceptet tradicionale të ndërtimit të hidrocentraleve.

Kryeministria