INSIG del serrisht ne shitje

[Albo]

Amerikanet blejne "INSIG"-un 41 milione euro

E Merkure, 10 Dhjetor 2008

Kompania amerikane "American Reserve Life Insurance" shpallet fituese ne perfundim te procesit te privatizimit te kompanise shqiptare te sigurimeve "INSIG", ne te cilen shteti shqiptar eshte pronar i paketes kontrolluese te aksioneve. Amerikanet e blene shoqerine e vetme shteterore te sigurimeve "INSIG", per shumen totale prej 41 milione eurosh.

Ne Ministrine e Financave, komiteti i privatizimit te kompanise se vetme shteterore te sigurimeve "INSIG", i autorizuar nga ministri i Financave, perfundoi dje me sukses procesin e gares per privatizimin e "INSIG"-ut, ku 61 per qind te aksioneve i ka shteti shqiptar.

Procesi filloi ne janar te vitit 2007 dhe kaloi ne disa faza, ku paraqiten interes dhe moren pjese 10 kompani te huaja, si investitore strategjike per privatizimin e "INSIG"-ut. Ne marreveshje me BERZH-in dhe IFC-ne, procesi u konsultua nga "BNP Paribas", ndersa me tender te hapur nderkombetar u perzgjodh kompania nderkombetare "KPMG" per vleresimin e cmimit, qe ofrohej per shitje kompania "INSIG" .

Ne fund te procesit, oferten fituese e siguroi kompania amerikane "American Reserve Life Insurance", e cila ofroi nje cmim per kompanine prej 41 milione euro ne total, ku 25 milione euro jane per pjesen e aksioneve qe ka ne pronesi qeveria shqiptare.

Kjo vlere eshte dy milione euro mbi cmimin maksimal te vleresuar nga KPMG ose 3.5 milione euro nga cmimi qe kishte percaktuar qeveria.

"INSIG" ka qene kompania e pare e sigurimeve ne Shqiperi, por me liberalizimin e tregut, ajo vitet e fundit humbi disa pozicione ne kete treg.

Fund negociatash

Ky privatizim konsiderohet shume i suksesshem per qeverine. Ministria e Ekonomise tha dje se privatizimi i "INSIG"-ut perben nje konfirmim te ri te besimit per ekonomine shqiptare, ne kushtet kur ne tregun financiar nderkombetar ekziston nje krize ekonomike. Perfundimi i procesit te privatizimit te "INSIG"-ut eshte ne negociatat e fundit teknike me kompanine fituese "American Reserve Life Insurance".

Koha Jone

[Albo]

Privatizimi, shteti "heq dore" nga pronesia

E Enjte, 23 Tetor 2008

Qeveria vendosi dje qe te privatizoje ne menyre transparente, te gjithe aksionet qe ka ne sipermarrje e kompani te ndryshme. E kete, do e nise me shitjen e aksioneve shteterore ne kompanine e telefonise celulare AMC. Kreu i qeverise, Sali Berisha beri te ditur dje se ne kuader te vijimit te politikave te privatizimit, u vendos te heq dore nga pronesite qe ka ne AMC. "Kjo do te shoqerohet me shitjen ne menyre transparente te aksioneve ne te gjitha sipermarrjet ku ne jemi aksionere", tha Berisha. Duke e vleresuar te suksesshem procesin e privatizimit, kryeministri Berisha tha se ketij procesi do t'i nenshtrohen edhe aksionet qe qeveria ka ne kompani dhe sipermarrje te ndryshme pas privatizimit te tyre, duke permbushur ne kete menyre zotimin per realizimin e nje procesi transparent te privatizimit te sipermarrjeve publike. "Ne realizojme me sukses te plote nje prej premtimeve me madhore ne fushen ekonomike, premtimin e privatizimit transparent te sipermarrjeve publike", theksoi ai. Sipas Berishes, privatizimet, kane qene plotesisht te suksesshme dhe madje, kane tejkaluar parashikimet ne suksesin e tyre. "Shpresojme qe edhe INSIG-u, per te cilin eshte hapur tenderi nderkombetar dhe kane treguar interes te vecante 8 - 12 kompani, do te privatizohet brenda vitit dhe po keshtu aksionet e AMC-se, me pas aksionet e Telekomit e te ARMO-s", tha kryeministri. Sipas tij, qeveria qe ai drejton nuk deshiron te jete aksionere. Ajo ka misione e detyra te tjera.

Koha Jone

[Albo]

Pronat, si do shiten e privatizohen

Fatjona Mejdini
E Enjte, 18 Dhjetor 2008

Qeveria miratoi dje edhe vendimin, i cili parashikon ne menyre te qarte se si do te privatizohen pronat nen administrimin e shtetit. Keshtu ne vendimin e ri te qeverise theksohet ne menyre te qarte se asnje prone ose objekt, nuk do te privatizohet pa marre me pare edhe konfirmimin e Agjencise se Kthimit dhe Kompensimit te Pronave, nese trualli ne te cilen ndodhet objekti ka pronare te njohur me vendim te komisionit. Sipas vendimit, ne rast se objekti ndodhet ne truallin e subjekteve te shpronesuara, shitja behet pa ankand. Ne kete moment subjektet e shpronesuara kane te drejten te parablejne objektin me vleren e tij fillestare. Ne rastet e tjera procesi i privatizimit do te behet nepermjet procedurave te ankandit. Por sipas vendimit, ne ankandet per shitjen e pasurive te shoqerive ne likuidim e siper nuk zbatohet e drejta e parablerjes per ish-pronaret e truallit dhe ata marrin pjese ne ankand si te gjithe te tjeret. Drafti i ri i qeverise shpjegon ne menyre te detajuar se si do te procedohet me ankandin e per shitjen e objekteve ende nen administrimin dhe pronesine e shtetit. Keshtu vleresimi i objekteve behet nga komisioni i vleresimit, ne perputhje me vleren reale te tregut, ne zbatim te legjislacionit ne fuqi, duke perdorur metodat e vleresimit te tregut. "Vlera e fillimit te ankandit llogaritet nga mbledhja e mjeteve kryesore plus mjeteve te xhiros plus vlera e truallit. Ankandi zhvillohet vetem per vleren e mjeteve kryesore plus vleren e truallit dhe vlera e mjeteve te xhiros shtohet sipas inventarit fizik, ne castin e dorezimit te objektit", theksohet ne draft ne lidhje me vleren fillestare te ankandit. "Brenda 30 diteve nga data e zhvillimit te ankandit, bleresi eshte i detyruar te beje pagesen ne letra me vlere dhe bono privatizimi te pjeses se mbetur te cmimit te arritur ne ankand te objektit, ndersa vlera e truallit do te paguhet vetem me leke", thuhet ne ligj. Sipas tij, ish- pronaret e truallit, brenda 30 diteve nga data e leshimit te autorizimit per kalim pronesie, jane te detyruar te bejne pagesen e vleres se mbetur te objektit, me letra me vlere dhe bono privatizimi. Institucionet qendrore dhe organet e njesive te qeverisjes vendore, per pasurite e ndermarrjeve apo institucioneve, qe kane ne varesi administrative apo ne pronesi, dergojne mendimin e tyre per privatizimin e ketyre pasurive ne Ministrine pergjegjese per ekonomine. Me pas eshte ministri i Ekonomise ai qe i mbeshtetur ne mendimin e nje komisioni te posacem ai qe vendos per berjen ose jo te privatizimit per nje objekt te caktuar. Po keshtu, miratimi per perfshirjen ne procesin e privatizimit te pasurise se luajtshme, si elemente te vecanta, behet nga institucioni perkates i varesise administrative. Pas nxjerrjes se miratimit te privatizimit, ky institucion ngre komisionin e vleresimit, per vleresimin e pasurise.

Koha Jone

[Albo]

PROCEDURA E SHITJES SË PRONËS

E Enjte, 18 Dhjetor 2008

1. Drejtoria e Administrimit dhe Shitjes se Pronave Publike, ne Ministrine e Financave, 7 dite pas dates se marrjes se dokumentacionit te vleresimit nga Ministria e Ekonomise, Tregtise dhe Energjetikes, i kerkon Agjencise se Kthimit dhe Kompensimit te Pronave dhe zyrave rajonale ne qarqe konfirmimin, nese ka vendime te komisionit te kthimit dhe kompensimit te pronave, per truallin perkates.

2. Agjencia e Kthimit dhe Kompensimit te Pronave dhe zyrat rajonale ne qarqe, brenda 10 diteve nga data e marrjes se kerkeses, i dergojne konfirmimin Drejtorise se Administrimit dhe Shitjes se Pronave Publike, ne Ministrine e Financave, bashke me vendimet perkatese, te shoqeruara edhe me planvendosjen e prones.

3. Shitja e objektit behet, si me poshte vijon:

a) Per rastet kur konfirmohet se objekti ndodhet ne truallin e subjekteve te shpronesuara, shitja behet pa ankand dhe subjektet e shpronesuara te truallit, ne zbatim te ligjit nr.9235, date 29.7.2004, "Per kthimin dhe kompensimin e prones", te ndryshuar, kane te drejten e parablerjes se objektit me vleren fillestare.

b) Ne rastet kur subjektet e shpronesuara te truallit, pas njoftimit te bere nga Ministria e Financave (Drejtoria e Administrimit dhe Shitjes se Pronave Publike), nuk kane paraqitur dokumentet e pronesise, deri ne afatin e percaktuar ne njoftim, behet nje njoftim i dyte, ne dy gazeta me qarkullim kombetar dhe njoftohet pronari, duke i lene nje afat te ri, prej 30 ditesh nga data e njoftimit te pare. Nese edhe ne kete afat te dyte pronari nuk paraqitet, atehere kryhet shitja e objektit dhe e truallit me ankand, sipas procedurave te percaktuara ne kete vendim. Vlera e truallit, e percaktuar sipas hartes se vleres, i shkon drejtperdrejt pronarit per kompensim.

c) Ne rastet kur konfirmohet se objekti, qe privatizohet, nuk ndodhet ne truallin e subjekteve te shpronesuara, ai i nenshtrohet ankandit, sipas procedurave te ketij vendimi. Kur ne daten e zhvillimit te ankandit paraqitet subjekti i shpronesuar i truallit me dokumentacionin ligjor, qe verteton pronesine e truallit te objektit, atehere subjekti i shpronesuar gezon te drejten e parablerjes, me vleren fillestare te objektit.

4. Ne ankandet per shitjen e pasurive te shoqerive ne likuidim e siper nuk zbatohet e drejta e parablerjes per ish-pronaret e truallit. Ata marrin pjese ne ankand si te gjithe te tjeret. Ne rastet e shpalljes fitues, ish-pronareve u zbritet vlera e truallit, e njohur apo e kthyer, me vendim te komisionit te kthimit dhe kompensimit te pronave, e vleresuar me cmimet e hartes se vleres se truallit, miratuar nga Keshilli i Ministrave.

5. Procedurat e publikimit fillojne pasi te jene dorezuar, ne Drejtorine e Administrimit dhe Shitjes se Pronave Publike, ne Ministrine e Financave, dokumentet e vleresimit te objektit.

6. Drejtoria e Administrimit dhe Shitjes se Pronave Publike, ne Ministrine e Financave, e pranon dosjen e objektit, nese per kete objekt ka dokumentacion te rregullt, i cili u ka kaluar strukturave perkatese, te percaktuara ne kete vendim. Ne te kundert kerkohet plotesimi i dokumentacionit.

7. Vlera e fillimit te ankandit eshte VAM-i, i percaktuar sipas kreut II, te ketij vendimi, (mjete kryesore + mjete xhiroje + vlera e truallit). Ankandi zhvillohet vetem per vleren e mjeteve kryesore + vleren e truallit dhe vlera e mjeteve te xhiros shtohet sipas inventarit fizik, ne castin e dorezimit te objektit.

8. Drejtoria e Administrimit dhe Shitjes se Pronave Publike, ne Ministrine e Financave, pasi ka pranuar dokumentet e vleresimit te objektit, ndermerr hapat perkatese per publikimin e tij per privatizim, si me poshte vijon:

a) Periudha e botimit zgjat 21 dite nga data e botimit te pare dhe behet ne cdo botim te Buletinit te Njoftimeve Publike, brenda ketij afati. Dita e pare e botimit eshte data e percaktuar ne njoftimin, qe Drejtoria e Administrimit dhe Shitjes se Pronave Publike, ne Ministrine e Financave, dergon per botim. Brenda ketij afati, ky njoftim botohet edhe ne nje gazete, me qarkullim kombetar.

Koha Jone

[Albo]

Privatizimet, qeveria, tender për licencën “3G” dhe “INSIG”

Valës së privatizimeve iu shtua dje në mënyrë të befasishme edhe licenca e dytë “3G” për operatorët e telefonisë së lëvizshme.Ministra e Inovacionit njoftoi dje se i është dhënë autorizimi AKEP, për hapjen e tenderit dhe shitjen e kësaj të drejte. “Çmimi dysheme i kësaj gare është 12.5 milionë euro dhe kushtet ligjore e teknike janë po ato të garës për licencën e parë “3G”, që u hap në vjeshtë të vitit të kaluar”, thuhet në njoftimin e Ministrisë. Kur “Vodafone” bleu pak muaj më parë me një çmim rekord prej 31.4 milionë eurosh licencën e parë të shërbimit, “3G” u mendua se do të kalonte pak më shumë kohë deri në hapjen tenderit për licencën e dytë. Por qeveria dje e justifikoi me konkurrencën në treg, hapjen e tenderit kaq shpejt. Përdorimi i teknologjive të brezit të tretë nga kompanitë celulare sjell një kapacitet shumë më të lartë në transmetimin e të dhënave në telefonat e pajisjet celulare dhe rrit shumë herë shpejtësinë e internetit në këto aparate. Duke vlerësuar hapjen e garës nga ministri Pollo, kreu i qeverisë në mbledhjen e djeshme kërkoi që kompanitë të ulin çmimin e mesazheve në celularë. “Licenca tjetër “3G” do të ndikojë shumë pozitivisht në çmimet, në shërbimet dhe në shfrytëzimin e të gjitha potencialeve që ofron lundrimi në internet. Me kompanitë celulare, marrëdhëniet janë shumë të mira, por presim një qëndrim të ri ndaj sms-ve, sepse tarifat janë ende për t’u ulur me tutje”. Por, dje, qeveria ndryshoi ligjin për privatizimin e INSIG. Ndryshe nga më parë, kur privatizimi ishte kusht për një kompani të huaj, tani, me ndryshimin e ri mund të privatizohet edhe nga kompani vendëse. Në vendimin djeshëm, shprehja “…në tregun kombëtar dhe ndërkombëtar….” zëvendësohet me shprehjen “…në tregun kombëtar dhe/ose ndërkombëtar”. Pra ka shumë mundësi që INSIG të blihet nga një nga kompanitë që aktualisht janë në tregun vendas, pra kanë aktivitet sigurimesh ose të ngjashëm me të në tregun kombëtar ose ndërkombëtar. Privatizimi i INSIG ka vite që dështon. Herët e fundit të anulimit iu vu faji krizës financiare. Sidoqoftë, ndryshimi i ligjit ndodhi pasi ka sinjale pozitive për shitjen. Duhet thënë se të gjithë privatizimet po ngjeshen në një kohë shumë të shkurtër, për shkak se qeveria ka pranuar edhe zyrtarisht se të ardhurat në buxhet nuk po i përshtaten shpenzimeve. Pra, buxheti ka nevojë për para shtesë.

12.5 milione euro
është çmimi dysheme për dhënien e licencës “3G” kompanive celulare. Në tenderin e fundit, “Vodafone” ofroi 31.4 milionë euro

Mbyllet buxheti 2010, borxhi 380 milionë USD

Për të treguar që buxheti këtë vit është keq për para, mjafton të krahasosh shifrat e deficitit me vitin e kaluar. Dje, qeveria miratoi mbylljen përfundimtare të buxhetit të vitit të kaluar. Në vendim thuhet se deficit për të gjithë 2010, një vit jo elektoral, ishte 38 miliardë lekë ose 380 milionë USD. Këtë vit, vetëm për 4 muaj, qeveria raporton 15.9 ose rreth 160 milionë USD mungesë të ardhurash. Me një ritëm të tillë, deficit 12 mujor, duhet të jetë rreth 480 milionë USD. Kuptohet që, llogaria nuk bëhet në këtë mënyrë, pasi gjatë muajve deficit ndryshon me planin e të ardhurave dhe shpenzimeve. Kështu, vitin e kaluar, në 4 muaj deficiti ishte vetëm 120 milionë, ndërkohë që për 8 muajt e tjetër arriti në 380 milionë USD. Gazeta boton tabelën me shifrat si u financua ky deficit, pra nga u morën paratë.

Buxheti

Të ardhurat
366.893 milionë lekë

Shpenzimet
404.924 milionë lekë

Deficiti
38.031 milionë lekë
I brendshëm
27.819 milionë lekë
I jashtëm
10.212 milionë lekë

Panorama

[Albo]

NSIG ridel në shitje, por më lirë

INSIG do të ridalë në shitje për t’u privatizuar me një çmim më të lirë, pas një rivlerësimi që do t’i bëhet nga e para aseteve të tij.Në këtë pikë ka rënë poshtë çmimi dysheme prej 40 milionë eurosh, me të cilin qeveria synonte ta shiste këtë kompani. Me një pronësi 100 për qind shtetërore, duket se privatizimi i INSIG-ut ka mbetur në vend dhe situata e ofertave apo kompanive të interesuara mbetet e mjegullt. Komisioni i Ekonomisë miratoi dje dy ndryshime në ligjin “Për miratimin e formës dhe formulës së privatizimit të INSIG”, që siç duket synojnë të tërheqin investitorët që të hedhin sytë te ky privatizim. Saktësimi i parë që i është bërë ligjit qartëson faktin që në procesin e privatizimit mund të shprehin interes dhe oferta edhe kompanitë vendase, përveç atyre të huaja. Ndërkohë që ngërçi i vërtetë në mungesën e interesit duket se është te çmimi referent që ishte caktuar për privatizimin e INSIG. Përfaqësuesja e Ministrisë së Financave në Komisionin e Ekonomisë, Linda Rusmali, saktësoi dje se ndryshimet bëhen si kërkesë e kohës dhe për t’i hapur rrugë procesit. “Sot jemi tre vjet më vonë dhe vlerësimi i bërë në atë periudhë rezulton i pavërtetë, nuk i përshtatet më realitetit. Për më tepër, edhe konsulenti, i cili punon pranë Ministrisë së Financave dhe merret me këtë proces, ka këshilluar forcërisht që kjo referencë çmimi të hiqet duke i hapur rrugën një vlerësimi të ri që duhet t’i bëhet aseteve të INSIG-ut, përpara se ai të dalë për rishitje”, tha Rusmali. Komisioni i Ekonomisë miratoi amendimet e ligjit aktual dhe deputetët kanë shprehur bindjen se kjo do të lehtësojë procesin e privatizimit, i cili për hir të së vërtetës ka një histori të gjatë që fillon që nga viti 2007. Aksionet e shtetit në atë kohë ishin 61 për qind, kurse pjesën tjetër e zotëronin dy institucione ndërkombëtare financiare: Korporata Ndërkombëtare Financiare, IFC, dhe Banka Europiane për Rindërtim dhe Zhvillim, BERZH. Këto dy institucione rishitën aksionet e tyre dhe në fund të 2008-s kompania zotërohej 100 për qind nga shteti. Më vonë, një kompani e huaj bëri një kërkesë për të privatizuar një pjesë të aksioneve me vlerën e 25 milionë dollarëve, por kjo nuk u realizua për shkak të problemeve që kompania pati me fillimin e krizës financiare që e çoi në falimentim. Që nga ajo kohë, për INSIG-un nuk është bërë publike ndonjë ofertë tjetër nga ndonjë kompani. Pikërisht këtë në fakt e konfirmoi dje edhe përfaqësuesja e Ministrisë së Financave, e cila pyetjes së deputetit Uldedaj lidhur me mosprivatizimin e INSIG-ut, për shkak të mungesës së ofertave, i’u përgjigj shkurt: “Mbase dhe nuk ka pasur oferta”. Kryetari i Komisionit të Ekonomisë, Edmond Spahoi, argumentoi dje se rivlerësimi i aseteve dhe heqja e çmimit të referencës duhet të bëhet për shkak se edhe kushtet ekonomike nuk janë më ashtu siç ishin para krizës, duke lënë të nënkuptohet që duhet një çmim më atraktiv për investitorët, dhe jo një që i dekurajon.

Krijimi

INSIG si kompani është krijuar në vitin 1991 dhe operon në tregun e sigurimeve. Vit pas viti kjo kompani ka humbur terren karshi kompanive të tjera private, lidhur me pjesën e tregut që zë. Privatizimi vjen pikërisht në një moment jo dhe shumë të favorshëm për kompaninë, sa i përket pjesës së ndikimit që ka në treg.

40 milione euro
ishte çmimi minimal që kishte lënë qeveria për ofertat për privatizimin e INSIG. Asnjë kompani e interesuar për këtë proces nuk mund të ofronte nën këtë shifër

100 per qind e aksioneve
të kompanisë janë pronë e shtetit shqiptar. Më herët në këtë kompani kanë pasur aksione edhe IFC-ja dhe BERZH, të cilat i shitën më vonë aksionet shtetit

Privatizime strategjike në radhë

INSIG nuk është i vetmi privatizim i konsideruar si strategjik, i cili pritet që të shitet. Të tjera aksione të qeverisë në kompani të ndryshme që do të privatizohen, konsiderohen si strategjike. Kështu, një ndër to është edhe “Albpetroli”. Vitet e fundit qeveria ka realizuar një sërë privatizimesh strategjike si “Albtetecom”, ish-OSSH apo ARMO. Në një pjesë të mirë të tyre shteti vijon të ketë një pjesë aksionesh, por që nuk përbëjnë shumicën.


Panorama
NERTILA MAHO