Revista "ANASH - Approaching Science"

[Dita]

Revista "ANASH – Approaching Science" është një revistë e përgjithshme dhe gjithëpërfshirëse, botim i Institutit Alb-Shkenca. Ajo është menduar t’i shërbejë një auditori të gjerë intelektualësh e dashamirësish të shkencës në përgjithësi dhe të shkencës shqiptare në veçanti. Vitin e kaluar me rastin e përgatitjes së numrit të parë të revistës, anëtarët e Institutit vendosën ta quanin këtë revistë me emrin simbolik: ANASH–Approaching Science. Cili është kuptimi i këtij titulli? Shpjegimi gjendet në prologun për numrin e parë të revistës, Qershor 2006 (fq.2):

“Dikush mund të pyesë: Cili është kuptimi i akronimit ANASH? Ai është akronim i emrit “Analet e Alb-Shkencës” që është edhe emri zyrtar i kësaj reviste. Por fjala shqip “anash” merr një kuptim simbolik fare të veçantë kur vendoset përpara shprehjes në anglisht “Approaching Science”.
Fjala “anash” ka edhe një kuptim të dytë simbolik që reflekton të vërtetën, atë që diaspora intelektuale e shkencore shqiptare është lënë pakëz mënjanë nga vëmendja e politikëbërësve dhe pushtetarëve shqiptarë e ndoshta edhe është harruar për shkak të largësisë e kohës nga trojet e atdheut.
Por e vërteta është që edhe pse ndodhen larg, anash realitetit të përditshëm të shqiptarëve të Ballkanit, intelektualët shqiptarë që jetojnë dhe punojnë jashtë atdheut shërbejnë jo vetëm si ambasadorë të shkëlqyer por vëzhgojnë e ndjekin nga afër ecuritë në çdo fushë të jetës dhe shoqërisë shqiptare. Të organizuar tek Alb-Shkenca ata gjithmonë e më shumë po kërkojnë të marrin pjesë aktivisht dhe të ndihmojnë për një jetë më të mirë të shqiptarëve kudo që ndodhen. Botimi i revistës ANASH është shprehje e qartë e këtij angazhimi serioz të diasporës shkencore që po përpiqet përditë e më tepër të kontribuojë në zhvillimet jo vetëm të shkencës dhe arsimit por edhe të shoqërisë shqiptare në përgjithësi.“

Këshilli Botues i revistës ndërkohë po punon për të përgatitur numrin e katërt të saj, i cili parashikohet të dalë në qarkullim brenda muajit dhjetor 2007. Në një numër të posaçëm të revistës në fillim të vitit të ardhshëm do të publikohen punimet e konferencave të veçanta shkencore të shtatë seksioneve shkencore të Institutit Alb-Shkenca, mbajtur me rastin e takimit të dytë të institutit në datat 15 dhe 16 gusht 2007 në Prishtinë.
Së shpejti revista (përfshi numrat e parë që deri tani janë publikuar vetëm në internet) do të publikohet dhe në letër.

Në tre postimet që vijojnë do të sillen lidhjet që drejtojnë tek të tre këta numra të revistës, e cila është lirisht e shkarkueshme në internet për të gjithë të interesuarit.

Studiuesit e rinj dhe të afirmuar që rastisin të lexojnë këtë temë janë të mirëpritur të dergojnë punime të tyre për numrat e ardhshëm të revistës në adresën anash@alb-shkenca.org. Artikujt mund të formulohen në shqip ose në anglisht. Në secilin prej numrave të revistës paraqitet një udhëzues mbi llojin e artikujve që pranohen dhe mënyrën e formulimit të tyre, gjithashtu shpjegohet dhe mënyra sesi bëhet vlerësimi i materialeve të paraqitura.

[Dita]

ANASH – Approaching Science, Viti 1, Nr.1. Qershor 2006

http://www.alb-shkenca.org/component...SH01010606.pdf

ANASH – Approaching Science, Viti 1, Nr.2, Dhjetor 2006

http://www.alb-shkenca.org/component...SH01021206.pdf

ANASH – Approaching Science, Viti 2, Nr.3, Shtator 2007-11-17

http://www.alb-shkenca.org/component...SH02030907.pdf

[NEOLK]

Ju përgëzoj për ketë mundësim , për tu njohur me ketë reviste shkencore , ne te cilën dy numra i kam kaluar prej kohesh .Me ka pëlqyer shume nga niveli i saj i larte shkencor . Ju jepni dhe linkun per nr 3
flm. Neolk

[Dita]

Pershendetje NEOLK,

linkun qe te con direkt tek numri 3 i revistes, e gjen ne postimin tim te dates 17.11.2007. Eshte linku i trete qe jepet aty. Thjesht kliko aty dhe shkarkoje dokumentin. Ne ditet e ardhshme del numri 4 i revistes.

[agent_android]

Edhe une ju pergezoj. Jam shume entuziast per kete ide. Sa here qe te kesh mundesi, te lutem a mund te me dergosh vazhdimisht linket.
Tani e i hodha nje shikim te shpejte ketyre tre numrave. Tani dua ta lexoj vazhdimisht! Me pelqen. Kam pershtypjen kjo eshte dhe e vetmja reviste shkencore shqiptare?

[Dita]

nga Agent Android

Kam pershtypjen kjo eshte dhe e vetmja reviste shkencore shqiptare?

Ne natyren e vet ANASH eshte unike.
Publikohen dhe revista te tjera, por qe jane te specializuara ne fusha te ngushta.



Numri 4 i revistes doli ne qarkullim. Mund te lexohet e shkarkohet falas ne:

http://www.alb-shkenca.org/component...SH02041207.pdf

[Dita]

Para pak ditesh eshte publikuar numri 5 i revistes ANASH. Ai mund te lexohet e shkarkohet falas ne lidhjen e meposhtme:

http://www.alb-shkenca.org/component...0305122008.pdf