Si nepërkë e etur për ujë dhe zjarr

[M_u_Z_a]

Ajzberg, Shpirti_Blu, Riza2008, Roi, ju falenderoj qe humbisni kohen tuaj ketu!
Vleresoj cdo gje te thene edhe kritikat edhe vleresimet!



Klithma e vajzës – lojë...(2)



Jam trishtim
ulur pritshëm mbi sytë e tu të lagur…
Qëndroj pezull mbi kraharor
…………………………….dhe s’guxoj të të prek.
Pikoj prej syrit
përgjakshem mbi buzë.
Jam zjarr që shuhem para se të djeg…
Hije me ankth e padurim ferri.
Ulërimë
që të mbështjell duke të vjedhur pëshpërimën.
Parajsë,
…që të përpij si rrymë ajri,
e të marr frymën.
Je dheu im.
Ndihem e mbirë ne çdo milimetër,
…………………………………… si bar i njomë…

Jam ëndërr e nxehtë
në dimrin tënd me borë

Harromë…

[M_u_Z_a]

Pimë vetveten…



Dimrin, e fundos në një kupë verë…
Llokoçisin malet,
………………kalldrëmet,
…………………………çatitë.
Strehëzat pikërena në të kuqe tretur…
Klithmat e tua zhurmërojnë në erë.
Në një shpresë – të verbër,
……………………i varur ke mbetur.
Pi dhe ulëras oiiiiiiiii…oiiiiiiiiiiiiiiii…
Tis çmendurie në buzë-kupë më ra.
Mbytem në asgjë
………………..pa krye,
……………………….pa zgjim…
Ështe nata ime
Mbetesh peng i etur…
Mblidhem bëhem grusht…
Kulloj pikëllim…

[M_u_Z_a]

Luftë - dhimbje me “jetën”…



Dhemb gjithshka tek unë nga përplasja e djeshme...
Gjuri,
që “prehet” nën një mal me qepë e kripë
Bota,
që në sytë e mi u trand, u shkund…
Dora,
që copëza surealiste qelqesh nën lekurë “gris”,
Dhemb pamundësia “për të ikur” gjer në fund…

Dhemb edhe ti
strukur këtu, brenda…
Do vije me mua, e di të besoj.
Shko udhëve të tua,
Lerma mua vdekjen.
Të marr frymë prej teje?
Jo.
Joooooooooo…
Refuzoj!

Penën nuk e ngjeva në kupë hidhërimi.
Për ty,
kam veç jetë.
Me beso: Jetë…
Unin tim,
me “vete” helmoj…
Jam e tëra dhimbje.
Një dhimbje “e qetë”.


Dhemb gjithshka tek unë nga përplasja e djeshme.
Gjuri
që “prehet” nën një mal me qepë e kripë,
Bota,
që në sytë e mi u trand, u shkund…
Dora,
që copëza surealiste qelqesh nën lekurë “gris”,
Dhemb pamundësia “për të ikur” gjer në fund…

[M_u_Z_a]

. . .

Loti im i njelmët,
Pasi krijoi rrëkeza të kristalta kripe,
Rrodhi në kënetën tënde të ëmbël…

Diku në zemër…


. . .

U mbyta në vorbullat e nxehta - shpuzë…

Sërish mëngjesi më gjeti gjallë…
Me kënge në shpirt
E puthje mbi buzë…

[M_u_Z_a]

Grimca dashurie…


…

Je tretur pyjesh,
…………me fjolla nektari mbuluar?

Pikoj nga degët pishave
………..rrëshirë e ngrohtë nazike…
E sa të zhvishesh ti nga “turpi” i gjelbër,
Pres…

…
Je nderur mbi “akullnajën” time,
…………..i nxehtë dhe tundues si kurrë më parë?
Së largu për mua, ndrin…?
Jemi dënuar:
Unë akulli yt,
Ti i imi zjarr,
që pikë – pikë, më shkrin…

…
Je fshehur yjesh?
Më thith përhumbshëm
………………….si “vrimë e zezë”…
Më prek aty ku askush s’ka mundur,
Më tret, më ngjall, më puth, më vdes…

[PINK]

Më prek aty ku askush s’ka mundur,
Më tret, më ngjall, më puth, më vdes…

oh c'varg . beautiful

[GeoF]

Dhemb gjithshka tek unë nga përplasja e djeshme...
Gjuri,
që “prehet” nën një mal me qepë e kripë
Bota,
që në sytë e mi u trand, u shkund…
Dora,
që copëza surealiste qelqesh nën lekurë “gris”,
Dhemb pamundësia “për të ikur” gjer në fund…

Suzana Zisi


Mendoj se kjo poezi eshte e pasur dhe plot bote deri ketu.
Ka gjithcka qe i duhet nje vargu brilant dhe mendoj se te tjerat jane shtese qe i humbasin vleren ketyre perlave.
Ky eshte sugjerimi im per kete poezi, pa cenuar krijimin........
Me respekt per Ju dhe vargjet tuaja, Gentjan Banaj

[M_u_Z_a]

Dhemb gjithshka tek unë nga përplasja e djeshme...
Gjuri,
që “prehet” nën një mal me qepë e kripë
Bota,
që në sytë e mi u trand, u shkund…
Dora,
që copëza surealiste qelqesh nën lekurë “gris”,
Dhemb pamundësia “për të ikur” gjer në fund…

Suzana Zisi


Mendoj se kjo poezi eshte e pasur dhe plot bote deri ketu.
Ka gjithcka qe i duhet nje vargu brilant dhe mendoj se te tjerat jane shtese qe i humbasin vleren ketyre perlave.
Ky eshte sugjerimi im per kete poezi, pa cenuar krijimin........
Me respekt per Ju dhe vargjet tuaja, Gentjan Banaj

Ke te drejte Gent.
Eshte e shkruar me nje fryme...(e paredaktuar), te nesermen e nje aksidenti....
Pikerisht pjesa qe ke cituar ti, eshte poezia. Te tjerat jane "ujera".
Do u shkruaj PM moderatoreve qe ta rregullojne.

Te falenderoj qe me lexon me vemendje!!!

[M_u_Z_a]

oh c'varg . beautiful

Te falenderoj qe vazhdon te me lexosh Pink-ushe!

[Agim Metbala]

E respektuar Suzana, definitivisht jeni violinë e parë në orkestrin e filharmonisë, për të gjithë ata që "kanë veshë për muzikë"...

Jeni mishëruar totalisht me poezinë, apo ,ë[ mirë thënur, poeziaështë bërë frymëmarrja e Juaj!!!!

Përgëzime z. Suzana!