Prejardhja e Vitit të Ri

[Arpos]

Mexhid YVEJSI, Gjakovë

"…Përbehem në Zotin: mos jetoni sikurse jetojnë paganët me mendje të errërsuar, larg nga jeta e Hyut, për shkak të paditurisë që është ndër ta për arsye të trashamanisë së zemrës së tyre. Vetveten e kanë bërë të pandjeshëm, u dhanë mbas shfrenisë, në mënyrë, të shtyrë prej lakmisë, të bëjnë çdo poshtërsi." (Bibla, Efesianëve, 4:17-20)
"Pasha kohën! Njeriu me siguri është në humbje. Përveç atyre që besojnë, porosisin për drejtësi dhe këshillojnë njëri-tjetrin të jenë të durueshëm". (Kur'an-i, 103:1-3)

Pyetja më e shpeshtë që po bëhet këto ditë, në fund të muajit dhjetor, pra, në fund të vitit, është: Ku do ta pritni Vitin e Ri?

Shpesh ndodh që pyetja nuk çon te përgjigja, por te pyetjet tjera. Njëra nga pyetjet është edhe kjo: Nga e ka prejardhjen Viti i Ri?

Viti i Ri e ka prejardhjen në Babiloni, Azi…

Babilonasit paganë, 4000 vjet më parë, e festonin ndërrimin e viteve në ditën e Pranverës, kur Hëna ishte e plotë, kur nata e dita janë të barabarta, kur natyra rilindë mbas dimrit të gjatë…

[Arpos]

Prejardhja e Vitit të Ri në Evropë

Viti i Ri në Evropë, në gjithë hemisferën perëndimore edhe përtej Atlantikut, e ka prejardhjen nga Roma antike pagane, para 2000 vjetëve. Në vitin 274, Imperatori romak pagan, Aurelian, e shpalli ditën e 25 dhjetorit: Natalis Solis Invicti (Festa e Diellit të Pamposhtur). Kjo festë kremtohej në gjithë Perandorinë Romake pagane, e cila e ka prejardhjen nga hyu pagan i iranianëve të lashtë, i cili quhej Mithra.

Mithra, prej të cilit lindi religjioni: Mithraizmi, ishte hyu pagan iranian i dritës, që besohej se kishte lindur me 25 dhjetor! Kjo festë pagane kremtohej një javë, prej 25 dhjetorit deri me 1 janar. Kurse 1 Janari kremtohej për nder të hyjnisë Janus, hyu dyerve dhe hyrjeve, prej të cilit ka prejardhjen emri i muajit të parë të vitit-Janari, që është dera, hyerja në Vitin e Ri!

Pra, kjo festë e lashtë pagane, në Perandorinë Romake, zgjaste një javë. Një historian perëndimor, J.M. Wheeler, në librin e tij: "Paganism in the Christian Festivals", (Paganizmi në Festat Kristiane) ndër të tjera, shkruan: "Të gjithë festonin dhe gëzonin, puna dhe tregtia ishin pezulluar tërësisht. Shtëpitë ishin zbukuruar me bredha, pisha, me dafina dhe me bimë e pemë me blerim të përhershëm; midis miqëve shkëmbeheshin dhurata e vizita. Ishte një periudhë gëzimi dhe dashamirësie dhe populli jepej pas çdo lloj argëtimi…"

[Arpos]

Përse gëzimi dhe argëtimi?


Pse ndodhnin këto? Pse gëzoheshin, argëtoheshin…? Sepse popujt paganë evropianë besonin se kur ditët shkurtoheshin, e dita më e shkurtër bie me 21 ose me 22 dhjetor, ata besonin se Dielli-zoti i dritës ishte sëmurë dhe porsa dita fillon të zgjatej ata gëzoheshin dhe festonin, duke besuar se Dielli-zoti i tyre po shërohet, po forcohet dhe se pranvera, vera, po afrohet!

Ky besim i verbër pagan ishte i përhapur ndër popujt evropianë, por që ka prejardhje nga egjyptasit e lashtë paganë, të cilët e adhuronin hyun pagan Ra, hyu i agrikulturës, por që vjen nga besim pagan iranian i Mithras, hyu pagan kushtuar Diellit të pamposhtur…!

Kjo është arsyeja e paarsyeshme e pavetëdijshme, pse edhe sot e kësaj dite, në mijëvjeçarin e tretë, në shumë vende të botës, kjo festë kremtohet me madhështi, njerëzit argëtohen, gëzohen, tranohen…!

[Arpos]

Përse zbukurimi, dekorimi?


Për nder të kësaj feste pagane zbukurohen, dekorohen, shtëpitë, fshatrat, qytetet me bredha, pisha, me blerim të përhershëm, nga njerëzit e përkohshëm dhe populli, siç dihet, siç shihet, jepet pas çdo lloj argëtimi-deri te shfrenimi…!

Përse zbukurohen, dekorohen shtëpitë, fshatrat, qytetet, me bredha, pisha? Sepse popujt paganë të Evropës, para krishterimit, besonin se pemët e gjelbërta, siç janë bredhi, pisha, të cilat tërë vitin e ruajnë blerimin e tyre, ngjyrën e tyre, edhe në dimër, kanë diçka hyjnore.

Popujt paganë evropianë besonin në qëndresën e tyre, i adhuronin ato si krijesa hyjnore, që nuk do t'i lënë pasdore..!

Prandaj, porsa fillonte dimri i dekoronin, i zbukuronin, duke menduar, duke besuar se, meqë ato i qëndrojnë dimrit të ftohtë e të gjatë, do t'i ndihmojnë edhe atyre të mjerëve të qëndrojnë…!

A ka kuptim që popujt me besim monoteist, siç jemi edhe ne, shqiptarët, qofshin të krishterë apo muslimanë, të presim, të kremtojmë, të gëzohemi, të tranohemi për një festë pagane, siç është Viti i Ri? Këtë e gjykon Bibla, e gjykon Kur'ani, dy Librat Hyjnorë, më të lexuara, më të përhapura, më të nderuara, në rruzullin tokësor.



Shën Pali, në letrën dërguar Efesianëve, ndër të tjera, shkruan: "…Përbehem në Zotin: mos jetoni sikurse jetojnë paganët me mendje të errërsuar, larg nga jeta e Hyut, për shkak të paditurisë që është ndër ta për arsye të trashamanisë së zemrës së tyre. Vetveten e kanë bërë të pandjeshëm, u dhanë mbas shfrenisë, në mënyrë, të shtyrë prej lakmisë, të bëjnë çdo poshtërsi." (Bibla, Efesianëve, 4:17-20)

A keni menduar, si besimtarë, ndonjëherë rreth kësaj çështje? Nëse nuk keni menduar, atëherë shtrohet pyetja: Deri kur të pranojmë, pa menduar, çdo festë që të tjerët na kanë servuar - si një sofër e shtruar?!

Sidoqoftë, para nesh është Viti i Ri, por jo për ta pritur, se ai vjen vet, jo për ta kremtuar, jo për ta uruar, jo për t'u gëzuar, jo për t'u shfrenuar, por për të medituar!

Meditimi rreth Vitit të Ri do të na çon kah një kuptim më i thellë i jetës, i kohës. Koha, për të cilën betohet Krijuesi i Madhnueshëm në Kur'an, është gjëja më e çmueshme për krijesën-njeriun.

Njeriu i sotëm, modern, bashkohor, perëndimor, materialist, është i aftë për të drejtuar, për të kontrolluar fuqitë e ndryshme natyrore, por qe de, është i pa aftë për të frenuar epshet e veta shtazore…!

Mos frenimi i epsheve shtazore, duke qenë larg Zotit, duke mos përfillur udhëzimet e Tij, shumicën e njerëzve e ka tërhequr kotësia, marrëzia, shfrenia të shtyrë nga lakmia…

Në etapa të ndryshme kohore, miliona njerëz për shkak të mosdijes, lakmisë, grykësisë, padrejtësisë janë shkatërruar, janë asgjësuar. Po të kthehemi në histori, do të pyesim me habi: Ku janë gjithë ato perandori?! Perandori shekullore, të fuqishme, që dukeshin aq madhështore, por u shkrinë si me qenë fluska bore!

Sot, sikurse dje, njerëzit që nuk kanë besim në t'Madhin Zot-jetojnë kot! Ata e presin me pa durim Vitin e Ri, duke shpresuar, duke besuar se Viti i Ri ju sjellë begati!

Me kohë, bota e kapitalit, e tregtisë, e bisnisit, me reklama, me dredhi, joshje e mashtrime prej çdo lloj pisit, këtë e kanë kuptuar dhe përgatitjet për Vitin e Ri , që moti, ata i kanë filluar. I kanë filluar dhe do t'i përfundojnë përgatitjet të organizuara më bukur se çdo herë, sepse me fitime të mëdha, si asnjëherë, e shpërblejnë vetveten menjëherë…!

[titi-a]

Viti i RI - Zekerija Bajrami

[titi-a]

Realiteti i kremtimit te vitit te ri

[Arpos]

Nata e Vitit të Ri



Për natën e Vitit të Ri thuhet se është nata më e gjatë, nata më e mrekullueshme. Po, por këtë e thonë të gjithë ata që janë në gjëndje të trullueshme!

Në të vërtetë, jo vetëm që është nata më e trullueshme, duke pirë- pije alkoolike e narkotike, duke kënduar, duke vallëzuar, pa rend e vend, pa kurrfarë sjellje, duke hangër deri në vjellje, duke luejtur bixhoz, lotari duke bërë edhe ndonjë marrëzi…! Pra, nata e Vitit të Ri bëhet jo vetëm nata më e trubullueshme, ajo bëhet edhe nata më e mjerueshme, më e mallkueshme, më e dënueshme…! Pse? Sepse kjo është një festë pagane, e cila urohet pothuejse nga mbarë bota, por të gjitha urimet janë të kota ! Urojnë, urojnë, urojnë, derisa e teprojnë, derisa urinojnë dhe pse ata ashtu nuk mendojnë, nuk besojnë…!

Ka shumë që do të thonë, është e drejta jonë, jemi n'Evropë, jetojmë në liri, në demokraci dhe e gëzojmë të drejtën të kremtojmë, ta presim Vitin e Ri!

Po, me siguri, keni të drejtë ta pritni, të kremtoni , por një ditë do të vajtoni…! E drejta juaj nuk do të thotë se po veproni drejt. E drejta juaj, në këtë rast ju bën të huaj! Nëqoftëse dëshironi të jeni si të tjerët, atëherë kush do të jetë si ju?

Me pak fjalë, kjo është e Vërteta, e Vërteta: Pse pritja, kremtimi i Vitit të Ri – është kotësi, është marrëzi? E Vërteta, siç thoshte Shileri, nuk pëson nëse dikush nuk e beson.

E Vërteta është Zoti. Zoti është Krijues, Furnizues, Dhurues. Prandej, të gjithë kemi nevojë për Zotin. Zoti nuk ka nevojë për ne. Kush vepron mirë, shpreson mirësi

nga Mirësia e Tij, jo nga Viti i Ri. Kush vepron keq, por pendohet, shpreson se do të falet dhe qetësohet, rehatohet… I varfëri shpreson të pasurohet, i sëmuri të shërohet, i papuni të punësohet, i burgosuri të lirohet…

Zoti është i vetmi Krijues, i vetmi Furnizues dhe i vetmi Dhurues për gjithçka. Ai Krijon, Furnizon, Dhuron nga oqeani i pashtershëm i Mirësisë dhe Bujarisë së Tij, jo Viti i Ri.

Në Kur'an, All-llahu i Madhnueshëm urdhëron e thotë: " Kush nuk beson barrën e mosbesimit e ka kundra vetes" (30:40)

Pra, kush nuk beson, ai është kundër vetes. Ai që është kundër vetes e ka krijuar burgun e vet. Në burgun e vetë, vetvetja në këtë jetë i duket më e largët se çdo planetë…

[altruisti_ek84]

HUTBE : A LEJON ISLAMI KREMTIMIN E VITIT TË RI ?

Vëllezër e motra në Islam!

Hutben e sotme e kam titulluar: “A lejon Islami kremtimin e vitit të ri ? Këtë temë in sha- Allahu – do ta trajtojmë në bazë të ajeteve kur’anore dhe haditheve të Dërguarit savs, të cilat terthorazi e zgjidhin edhe këtë çështje. Jam i vetëdijshëm se kjo hutbe do të jetë objekt i kritikave pozitive dhe negative, kurse unë nuk dëshiroj asgjë tjetër, vetëm se që Allahu xh.sh. të jet i kënaqur dhe që në Ditën e gjykimit të mund të them, se kam tërhequr vërejtjen, sepse tërheqja e vërejtjes u bën bobi atyre që janë të pajisur me mendje
Krijuesi i botëve në pjesën e parë të ajetit 36 të sures et-Tevbe, duke folur për kohën thotë:

إِنَّ عِدَّةَ الشُّهُورِ عِندَ اللّهِ اثْنَا عَشَرَ شَهْراً فِي كِتَابِ اللّهِ يَوْمَ خَلَقَ السَّمَاوَات وَالأَرْضَ مِنْهَا أَرْبَعَةٌ حُرُمٌ ذَلِكَ الدِّينُ الْقَيِّمُ فَلاَ تَظْلِمُواْ فِيهِنَّ أَنفُسَكُمْ... (سورة التوبة: 36(

“Te Allahu numri i muajve është dymbëdhjetë (sipas hënës), ashtu si është në librin e Allahut prej ditës kur krijoi qiejt dhe tokën. Prej tyre katër janë të shenjtë. Kjo është fe e drejtë. Pra, mos e ngarkoni (me mëkat) veten tuaj në ata (katër muaj)... “.(Et-Tevbe, 36).

Sipas ajetit të cituar, dispozita e Allahut xh.sh. që nga dita e krijimit të qiejve dhe Tokës është që koha të llogaritet me dymbëdhjetë muaj, në mesin e të cilëve katër janë të shenjtë: dhul-ka’de, dhul-hixhxhe, muharrem dhe rexheb. Në ata katër muaj është e ndaluar lufta, përveç në vetëmbrojtje, në ta besimtarët duhet të kenë ibadet të shtuar dhe nuk guxojnë të gabojnë e ta nxisin zemërimin e Allahut xh.sh.
Në ajetin 189 të sures el-Bekare, Allahu xh.sh. thotë:

"يَسْأَلُونَكَ عَنِ الأهِلَّةِ قُلْ هِيَ مَوَاقِيتُ لِلنَّاسِ وَالْحَجِّ وَلَيْسَ الْبِرُّ بِأَنْ تَأْتُوْاْ الْبُيُوتَ مِن ظُهُورِهَا وَلَـكِنَّ الْبِرَّ مَنِ اتَّقَى وَأْتُواْ الْبُيُوتَ مِنْ أَبْوَابِهَا وَاتَّقُواْ اللّهَ لَعَلَّكُمْ تُفْلِحُونَ" (سورة البقرة: 189).

“Të pyesin ty për hënën e re (dhe fazat e saj) Thuaj: “Ato janë përcaktime të kohës për njerëz dhe për haxh. Nuk është mirësi të hyni nga mbrapa në shtëpitë por është mirësi kush ruhet (nga të këqijat). Në shtëpitë hyni kah dyert e tyre dhe kini frikë Allahun që ashtu të gjeni shpëtim.” (el-Bekare, 189).
Hënat e reja janë mënyra më e mirë e llogaritjes së kohës sepse ato japin konfirmimin vizuel të kohës dhe sipas tyre shënohet dalja prej muajit të vjetër në muajin e ri. Pamja e hënës së re në periudhat e mëhershme është bërë me sy të thjeshtë, ndërsa në kohën bashkëkohore, me përparimin e shkencës është e mundur të paracaktohet paraqitja e hënës së re dhe të përcillet me mjete të ndryshme. Për këtë arsye, çuditemi se si në disa vende ende e kemi praktikën që për konfirmimin e paraqitjes së hënës së re të priten deklaratat e individëve dhe sipas dëshmisë së tyre të caktohen dhe shpallen publikisht…
Vëllezër e motra! Njerëzit më të këqinj janë ata që Allahu i ka shpërblyer me jetë të gjatë, kurse ata në atë jetë të tyre bëjnë mëkate dhe nxisin zemërimin e Allahut xh.sh. Për të mos qenë edhe ne në atë kategori, ta kalojmë jetën tonë në nënshtrim të sinqertë ndaj Allahut xh.sh. dhe në përgatitje për Ditën e dhënies së llogarisë, duke i përmbushur obligimet tona ndaj: Allahut xh.sh., prindërve, vetvetes sonë, familjes, farefisit, mbarë muslimanëve, atdheut dhe ndaj të gjithë njerëzve. Veçanërisht të kemi kujdes ndaj pasardhësve tonë, sepse për ta do të pyetemi në Ditën e gjykimit! Kemi parasysh se pjesët e trupit të disa njerëzve në Ditën e gjykimit do të bëhen kundërshtarë të tyre dhe do të dëshmojnë kundër tyre, në Ditën kur goja do të jetë e mbyllur, ndërsa në vend të saj me deshirën e Allahut do të flasin pjesët e trupit.
Në shekullin e kaluar, muslimanët e Jugosllavisë Komuniste, krahas shumë festave joislame, e kanë kremtuar dhe tash edhe më shumë e kremtojnë Vitin e ri. Kremtimi i tij është imponuar nëpër shkolla, në organizata punuese dhe në të gjitha segmentet e shoqërisë. Në atë kohë kremtimi i bajramit ka qenë i ndaluar, përveç në kuadër të xhamive dhe shtëpive familjare. Muslimanët që në atë kohë punonin në organizata punuese kanë pasur telashe të mëdha, pse kanë prezantuar faljen e bajramit apo pse kanë therur kurban…
Falënderojmë Allahun xh.sh. ajo kohë tash është pas nesh, mirëpo nga ajo kohë kanë mbetur disa zakone joislame, të cilat janë bërë pjesë e jetës dhe të cilat një numër i madh i muslimanëve po i praktikon.
Vëllezër e motra! Nata e Vitit të ri në zhargonin popullor theksohet si nata më e çmendur dhe nata në të cilën shijoihen harame të ndryshme. Në atë natë shumë të rijnë e të reja për herë të parë në jetë bëjnë prostitucion (zina). Kjo është nata në të cilën përdoret sasi e madhe e mjeteve piroteknike, madje edhe e municionit të këmbësorisë. Në këtë natë disa qytetar tonë gjuajnë më tepër se ç’kanë gjuajtur në mbrojtje të atdheut. Në këtë natë janë përplotë restoranet dhe klubet e natës dhe në atë natë shejtani (djalli) mbretëron, fort i lumtur që e pasojnë apo edhe ia tejkalojnë djajt nga njerëzit…
Viti i ri në vend të parë është festë krishtere, por edhe internacionale të cilën në mënyrë të barabartë e shënojnë si jomuslimanët, ashtu edhe muslimanët në mbarë botën …
Ne muslimanët i kemi dy bajrama, si festa fetare të cilat mund t’i kremtojmë në kuadër të dispozitave islame. Për këtë flet tramsmetimi vijues:

عَنْ أَنَسٍ رَضِيَ اللَّهُ عَنْهُ: "قَدِمَ رَسُولُ اللَّهِ صَلَّي اللَّهُ عَلَيْهِ وَ سَلَّمَ الْمَدِينَةَ وَلَهُمْ يَوْمَانِ يَلْعَبُونَ فِيهِمَا. فَقَالَ: "مَا هَذَانِ الْيَوْمَانِ؟" قَالُوا: "كُنَّـا نَلْعَبُ فِيهِمَا فِي الْجَاهِلِيَّةِ." فَقَالَ رَسُـولُ اللَّهِ صَلَّي اللَّهُ عَلَيْهِ وَ سَلَّمَ: "إِنَّ اللَّهَ قَدْ أَبْدَلَكُمْ بِهِمَا خَيْرًا مِنْهُمَا: يَوْمَ الْأَضْحَى وَيَوْمَ الْفِطْرِ." (أبو داود).

Transmeton Enesi r.a.: “Kur erdhi i Dërguari i Allahut savs në Medine i gjeti as’habët duke u argëtuar në dy ditë, andaj i pyeti: “Cilat janë këto dy ditë?” Thanë: “Ne i kemi kremtuar këto dy ditë edhe në xhahilijet.” Andaj i Dërguari savs tha: “Allahu xh.sh. ua ka zëvendësuar me ditë më të mira se ato: me bajramin e kurbanit dhe bajramin e ramazanit.” (Ebu Davud).
Besimtarët për asnjë moment nuk guxojnë ta humbin lidhjen me Krijuesin e tyre dhe ata edhe kur gëzohen, këtë duhet ta bëjnë brenda kufijve të së lejuarës.
I Dërguari savs ka thotë:

‏‏عَنْ ‏ ‏ابْنِ عُمَرَ ‏رَضِيَ اللَّهُ عَنْهُ أَنَّ رَسُولُ اللَّهِ ‏ ‏صَلَّى اللَّهُ عَلَيْهِ وَسَلَّمَ ‏‏ فَالَ: "مَنْ تَشَبَّهَ بِقَوْمٍ فَهُوَ مِنْهُمْ." (أبو داود).

“Transmetohet nga Ibni Omeri se i Dërguari savs ka thënë: ”Kush e imiton dhe i përngjan një populli, ai atij i takon.” (Ebu Davud).
Abdullah ibn Amri r.a. thotë:

قَالَ عَبْد اللَّه بْن عَمْرو رَضِيَ اللَّهُ عَنْهُ: "مَنْ بَنَى بِأَرْضِ الْمُشْرِكِينَ وَصَنَعَ نَيْرُوزَهُمْ وَمِهْرَجَانَهمْ وَتَشَبَّهَ بِهِمْ حَتَّى يَمُوت حُشِرَ مَعَهُمْ يَوْم الْقِيَامَة."

“Kush e ndërton shtëpinë në një vend idhujtar (duke pasur edhe zgjidhje tjetër), kush i shënon festat e tyre, i kremton ato dhe i imiton ata deri në vdekje, do të ringjallet bashkë me ta në Ditën e gjykimit.”
Allahu xh.sh. dhe i Dërguari savs në Islam na e premtojnë krenarinë. Kurse Omer ibn el-Hattabi r.a. thotë: “Ne jemi një popull të cilin Allahu e ka lartësuar me Islam, dhe saherë që të kërkojmë krenari në diçka tjetër, Allahu xh.sh. do të na poshtëroj.”
Njëherë Hasan el-Basriu është pyetur për ajetin kur’anor:

"...وَ لِلَّهِ الْعِزَّةُ وَ لِرَسُولِهِ وَ لِلْمُؤْمِنِينَ..." (سورة المنافقون:8).

“…Ndërsa e tërë krenaria i takon Allahut, të dërguarit të Tij dhe besimtarëve…” (el-Munafikune, 8).
Muslimanët sot janë të poshtëruar, të pa të drejta dhe ju bëhet zullum, andaj ku është ajo krenari?” Ai përgjigjet: “Mos pyet ku është krenaria, por pyet ku janë besimtarët, ku janë mu’minët, sepse kur të ketë mu’min, Allahu do tu jep krenari!”
Vëllezër e motra! Mos të lejojmë që shejtani i mallkuar të na mashtrojë, pasi që kemi dëshmuar se jemi musliman! Mos ta kremtojmë Vitin e ri, por ta kuptojmë vetëm si mekanizëm të llogaritjes së kohës! Kështu të veprojmë: ne, familjet tona, farefisi, fqinjët dhe miqt tanë!
O Zot, ndihmoju të rrezikuarve që t’i realizojnë të drejtat e tyre, çliroje ummetin nga okupatori dhe nga sundimtarët e dhunshëm, mos na sprovo neve me atë që nuk mund ta përballojmë, mos lejo që neve asnjëherë të mos na poshtërojnë apo mposhtin pabesimtarët, dhe na shpërble në xhennet në shoqëri me: pejgamberët, shehidët dhe me njerëzit e mirë!

وَ السَّلَامُ عَلَيْكُمْ وَ رَحْمَةُ اللهِ!

Përkthim dhe përshtatje:
Miftar Ajdini





Burimi:
Hutba: Džamija «Kralj Fahd» Nezim Halilović Muderris , Sarajevo: 28. zu-l-ka'de 1426.h 30. decembar 2005.god.

[Milkway]

Nuk jam gjithaq i pajtimit me juve .
Perse niseni nga ajo se ne kete nate do te pijn alkool njerzit , do te bejn zina e shum gjera te tjera ? Ka shum familje ne at edhe e imja qe naten e vitit te ri e festojm pa alkool , askush nuk ben zina , e festojm si nje mbremje qe na tubon te gjitheve ne nje vend .
Edhe shkuarja ne resturant per te festuar qka te keqe nese sillet si njeri normal pra nuk konsumon alkool e gjera tjera?

Une nuk sho gje te keqe ne kete mbremje nese njeriu sillet normal ...sepse ju po harroni nje gje edhe naten e bajramit o te madh o te vogel shumica e te rinjeve dehen ma shum se ne qdo nat tjeter ?

[☆Angie☆]

Une kam ndermend te prenotoj nje bilete per te Allahua.b.c...y.z.zh ( nga shkronjat eshte e mundur te shihet dhe kuptohet se preferoj pjesen shqiptare, meqenese dij edhe gjuhen )

A me thote ndokush se cilen feste tjeter, nuk duhet te festoj me familjen time qe ta kem ne dore bileten?
Po nqs heq dore edhe nga festimi i ditelindjes, pushimet e veres, festen e flamurit ka ulje ne cmim?

Ah, udhetoj vet i pare tani per tani. Klasi s'eshte shume relevant, mjafton te shkoj tek Allahu a.b.c...y.z.zh