Transferimet e futbollistëve [THASHETHEME]

[Fittox]

Robinho: Do tё qëndroj nё Manchester City

Sulmuesi brazilian Robinho, ka rikonfirmuar besueshmёrinё pёr klubin ku aktivizohet, Manchester Cityn.
Chelsea dëshironte tё shfrytëzonte mosmarrëveshjet e lojtarit me trajnerin Mark Hughes, pёr tё transferuar brazilianin, por lojtari e ka mohuar kёtё.

“Kam kontratё me Cityn dhe do tё qëndroj kёtu. Dua tё triumfoj nё Angli dhe tё luftoj tё jem golashënuesi mё i mirё”, ka thёnё Robinho.

“E pёrsёris se nuk kam probleme me Hughes, as mё herët dhe as tash. Nuk kam ardhur kёtu vetëm pёr para, por pёr njё projekt tё shkёlqyeshёm sportiv, ku do tё kem njё rol tё rёndёsishёm”, ka shtuar braziliani.

[Fittox]

Saviola afër kalimit në PSV Eindhoven

Sulmuesi i Real Madridit, Javier Saviola, thotë se ai mund t’i bashkohet ekipit holandez PSV gjatë kësaj jave.
“PSV më ka ndjekur për një kohë të gjatë dhe kjo është një mundësi të cilën nuk mund ta lejoj të kalojë”, ka thënë Saviola.

Argjentinasi ka edhe dy vite kontratë me Realin dhe ka thënë se do të pranojë ulje të pagës së tij, vetëm e vetëm për të luajtur rregullisht.

[RaPSouL]

Hoffenheim huazon Sanogon nga Werder Bremen si zëvendësues të Ibiseviç.

[Sido*]

Ndonëse është i vendosur se do të qëndrojë përgjithmonë te Barcelona, Lionel Mesi, duket se i ka lënë të hapura dyert e transferimit në ndonjë klub tjetër, duke pohuar se nuk përjashtohet mundësia që klubi ta shtyjë atë të largohet .Nuk e kam ndërmend të ndërrojë mjedisin. Njerëzit e dinë çfarë mendoj unë, por asgjë nuk është e pamundur", ka theksuar Mesi për kanalin televiziv "TV3", duke shtuar: "Shihni se çfarë i ndodhi Ronaldinjos. Përkundër gjithë asaj që dha për Barcelonën, në fund u sollën keq me të dhe e shitën te Milani.Ndersa Interi eshte i gatshem qe ne afatin kalimtare te veres te paguaj 150 milion euro per Messin.

[Fittox]

Juve dhe Fiorentina nё kërkim tё Senturk

Dy klubet e Serie A, Juventusi dhe Fiorentina, janë duke ndjekur nga afёr sulmuesin e Fenerbahces, Semih Senturk.
Sulmuesi 26-vjeçar turk tashmё njё kohё ka tёrhjekur vëmendjen e Juventusit pёr aftёsitё e tij.

Sё fundi, agjenti i vetё lojtarit ka zbuluar se interesim pёr shërbimet e lojtarit ka shprehur edhe Fiorentina.

Raportohet se Fenerbahce kërkon 7 milionё funte pёr tё hequr dorё nga shërbimet e Senturk.

telegrafi sport

[Fittox]

Interi ofron Materazzin për Modric

Trajneri i Interit, Jose Mourinho, është në kërkim të mesfushorit të Tottenhamit, Luka Modric, dhe ka ofruar mbrojtësin italian Marco Materazzi në formë këmbimi për të siguruar shërbimet e kroatit para përfundimit të afatit dimëror, njofton "Mirror".
Trajneri i Spursave, Harry Redknapp, dëshiron ta përforcojë mbrojtjen e skuadrës së tij për shkak të problemeve të vazhdueshme me lëndim të kapitenit Ledley King, ndërsa Materazzi është njëri prej lojtarëve që konsiderohet për t’u transferuar.

Në kërkim të mesfushori kroat, i cili është transferuar nga Dinamo Zagrebi te Tottenhami për 16.6 milionë funte, është i interesuar edhe Juventusi, pasi që Modric konsiderohet si zëvendësues potencial për Pavel Nedved.

telegrafi sport

[Fittox]

Espanyol kërkon Emersonin

Klubi spanjoll Espanyol raportohet se ёshtё duke kërkuar shërbimet e mesfushorit brazilian tё Milanit, Emerson.
Trajneri i ri i Espanyolit, Mauricio Pochettino, ka hequr dorё nga kërkesa pёr sulmues dhe ёshtё i interesuar tё nënshkruajё me njё mesfushor.

Emerson, i cili nuk gjen vend nё formacionin e parё tё Milanit, mund tё arrijё tek Espanyol si huazim deri nё fund tё sezonit, dhe siç shkruajnë mediat spanjolle, bisedimet tashmё kanё filluar.

Ndёrkohё, sulmuesi i Interit, Hernan Crespo, ka refuzuar qё tё transferohet tek ky klub i Barcelonёs nё afatin kalimtar tё janarit.

telegrafi sport

[Slimshaddy]

Barcelona Kerkon Te Largoje Gudionsen Dhe Henry
Me duket se Barcelon e paska nda menjen ne merkaton e veres kerkon te largoj te dy keta lojtar nga skuadra dhe synon qe te rinovoi me talentin Etoo.Keto i ka thene trajnjeri i Barcelones.

[Fittox]

Keane kërkohet nga City dhe Tottenham

Sulmuesi i Liverpoolit, Robbie Keane, është pjesë e planeve të Manchester Cityt dhe Tottenhamit.
Mediat britanike njoftojnë se ‘pasanikët’ e Cityt dhe ish-skuadra e tij, Tottenham Hotspur, janë të gatshëm të ofrojnë para dhe lojtarë, për të fituar shërbimet e sulmuesit, i cili po gjen pak hapësira në skuadrën e Benitezit.

Përveç parave, Spursat ofrojnë Aaron Lennonin, ndërsa Manchester City ofron ‘plejmejkerin’ Elano.

Mirëpo, pavarësisht faktit se në ndeshjen e të mërkurës mbrëma kundër Wiganit, Keane luajti vetëm tetë minuta, Benitez është i vendosur të mos lejojë largimin e tij.

telegrafi sport

[Fittox]

Ribery dhe Lahm në agjendën e Barcelonës

Sipas medieve gjermane sekretari sportiv i Barcelonës, Txiki Begiristain, këtë muaj e ka vizituar Munihun për të tentuar transferimin për afatin kalimtar veror të dyshes së Bayernit, Philipp Lahm dhe Franck Ribery.
E përjavshmja gjermane “Sport Bild” njofton se vlera aktuale e mbrojtësit të krahut Philipp Lahm, i cili ka kontratë me bavarezët deri në vitin 2012, është 25 milionë euro, ndërsa Ribery vlen 35 milionë euro dhe është i lidhur me Bayernin deri në vitin 2011.

Edhe pse zyrtarët e Bayernit kanë njoftuar se kataluansit nuk kanë bërë ofertë formale për lojtarët e tyre, “El Mundo Deportivo” njofton se Barca planifikon përforcimin e skuadrës në afatin kalimtar veror, ndërsa Lahm dhe Ribery do të ishin zgjedhje e përsosur.

telegrafi sport