Shpërngulje e heshtur

[Faik]

Shpërngulje e heshtur

Hajrie AZEMI

Shkup, 21 nëntor - Manastiri dhe rajoni i Pellagonisë po pastrohet prej shqiptarëve. Ky është konstatimi i qytetarëve të këtyre rajoneve, të cilët të hidhëruar me politikat ditore të partive politike, theksojnë një shpërngulje të heshtur të shqiptarëve. Dhe kjo, siç thonë ata, jo prej qejfit për të lënë vendlindjen, por prej zorit e diskriminimet që u bëhen nga bashkëkombësit e tyre - maqedonasit. Megjithatë, këtë si duket po e ndihmojnë edhe partitë politike shqiptare. Në Manastir, aktualisht asnjë i ri shqiptarë nuk është i punësuar në ndonjë institucion shtetëror. Këtë të dhënë e jep Qenan Hasani, arsimtari në pension nga qyteti i Alfabetit shqip.

"Edhe pse qeveritarët deklarojnë se 95 për qind e Marrëveshjes së Ohrit është realizuar, në praktikë asgjë nuk është e vërtet. Si mund të realizohet Marrëveshja e Ohrit, ndërsa asnjë punësim të mos evidentohet. Besoj se përveç Manastirit, e njëjta situatë mbretëron në gjithë rajonin e Pellagonisë", thotë Hasani, duke shtuar se po vazhdon shpërngulja e shqiptarëve nga ky rajon. Mungesa e shkollimit të mesëm shqip, mungesa e punësimeve të drejta dhe diskriminimi në jetën e përditshme kanë bërë që shumë të rinj, të shpërngulen për në Tetovë dhe Shkup. "Kemi raste sivjet, ku katër të rinj prej Manastiri, pasi mbaruan shkollimin u martuan në Shkup. Është fjala për tre femra dhe një mashkull. Shkupi më shumë ofron mundësi për punë", thekson ai, duke përkujtuar se vitet e kaluara më shumë të rinj e manastirit janë shpërngulur në Australi. "Gjatë verës kishim nga 40 dasma që u bënë në Manastir, por që më pas çiftet u shpërngulën në Australi dhe vende tjera Perëndimore", thekson ai, duke akuzuar partitë shqiptarë si fajtor kryesor për shpërnguljet dhe lënien anash të Manastirit.

Përveç shpërnguljeve nga Manastiri, edhe Velesi dhe Prilepi po pastrohen nga shqiptarët. Rast i freskët është ajo e familjes Maksuti nga fshati Vranovc i Velesit.
Familja shtatë anëtarëshe tashmë jeton me qira në Shkup dhe po mbijeton larg vëmendjes së institucioneve dhe larg çdo përkujdesje sociale. "Nuk kemi mundur të ecim lirshëm, as të punojmë. Më është dashur fëmijët t'i dërgoj 40 kilometra në shkollë duke kaluar nëpër mesin e fshatrave maqedonas, të cilët për çdo ditë na pravokonin", thotë kryefamiljari Tasim Maksuti.

I gjithë udhëtimi i fëmijëve dhe qëndrimi i kësaj familje në këtë fshat të Velesit vazhdimisht iu është ekspozuar provokimeve të ndryshme nga ana e maqedonasve, që më në fund kishte rezultuar me braktisjen e fshatit të lindjes. Problem tjetër është se pasuria e Tasimit në fshat nuk mund të shitet. Deri sot asnjëri nga fqinjët e tij maqedonas nuk ka shprehur interes për të blerë të njëjtën. Shqiptarë më shumë në këtë rajon ka në fshatrat Jabollçishtë e Poshtme dhe e Epërme, ka jetojnë 5 mijë banorë shqiptarë, ndërkohë në fshatin Vranovc vetëm 230 shqiptarë, të cilët kohëve të fundit po shpërngulur në qytete tjera.

Mbi 80 për qind e fëmijëve shqiptarëve mësimin e ndërpresin në klasën e katërt, pasi shkollat ku mësohet cikli i dytë i ulët janë larg vendbanimeve - konkretisht në fshatrat maqedonas. Edhe në Prilep janë evidentuar raste të shpërnguljeve të familjeve shqiptare. Memet Rushiti, banor nga ky qytet informon se arsyeja e shpërnguljes janë kushtet e vështira sociale-ekonomike. Disa të rinj, thekson Memeti, pasi mbarojnë shkollimin po jetojnë dhe punojnë në Shkup.

[akodra]

bravo qe e hapni kete teme
Ae dini qe qiriazet sot jane maqedonas
Do te doja te dija sa eshte numri i shqiptareve ortodokse ne maqedoni

[Faik]

nu dihet numeri, ka disa fshatra afer dibres ne vendin e quajtur REKA, por thone se ka shume qe jane te asimiluar, nuk e di por duhet bere kerkime ne kete teme, po kush te merret me gjera kaq te rendesishme, lidereret tane vetem shikojne xhepin, nuk i intereson fare kjo qeshtje