Kosovë, KFOR: Bomba shpërtheu në një veturë-kurth

[Beqari002]

Kosovë, KFOR: Bomba shpërtheu në një veturë-kurth


Shperthim në Prishtinë


PRISHTINE (14 Dhjetor) - Shpërthimi i djeshëm i një bombe të vendosur në një veturë, në qendër të Prishtinës, shkaktoi rreth 30 të plagosur, pjesa më e madhe e të cilëve shqiptarë etnikë, duke dëmtuar njëkohësisht edhe disa dyqane dhe ndërtesa, njoftoi një funksionar i NATO-s. "Një veturë-kurth mori zjarr dhe më pas edhe shumë të tjera, që ndodheshin afër me të", shpjegoi funksionari i Forcës Shumëkobëshe të Paqes së NATO-s për Kosovën (KFOR). Zëdhënës i policisë së OKB-së, Berri Fleçer saktësoi se 32 vetë u shtruan për kurim në spitalin e Prishtinës. "Gjithsej janë shtruar 32 persona. Nëntë prej tyre janë të plagosur rëndë, por janë jashtë rrezikut për jetën", tha ai. Shpërthimi ndodhi pas orës 21:00 në një lagjen "Dardania", një nga lagjet më të populluara të mbrëmjes në Prishtinë. Asnjë e dhënë nuk është bërë e ditur mbi motivet e mundshme të atentatit, hetimet për të cilin filluan menjëherë. "Tani për tani nuk kemi asnjë të dyshuar apo fakt, por ne po punojmë në këtë drejtim. Ekspertiza mund të zgjasë edhe gjatë ditës së sotme", tha zëdhënësi i policies. dxh/mr (AFP/BalkanWeb
-----------------------------
--------------------------------


PRISHTINE, 13 dhjetor - Sot në mbrëmje, rresh orës 21.30 në lagjen Dardania në Prishtinë, ndodhi një shpërthim i fuqishëm. Shpërthimi ka ndodhur në afërsi të Restorant "Noti"-t, te sheshi "Bill Klinton". Sipas infomacioneve të para të RTV21, bëhet fjalë për shpërthimin e një autobombe. Me këtë rast janë lënduar mbi 30 persona. Ndërkaq nuk ka informacione për të vdekur. Në vendin e ngjarjes janë shkaktuar dëme të mëdha materiale. Janë shkatërruar dhjetëra vetura dhe disa kafene dhe restorante në afërsi të vendit të ngjarjes.
Nga 32 të lënduar, 7 prej tyre kanë mbetur të shtruar në Qendrën e Emergjencës në Prishtinë, ndërsa të tjerët, pas dhënies së ndihmës së parë janë lëshuar për në shtëpi. Nuk ka të vdekur. Të lënduarit nuk janë në rezik për jetën. RTV21 mori vesh se janë lënduar:
Ahmet Fllovia,
Naser Ramadani,
Sahit Rexha,
Valbon Krasniqi,
Xhevahire Xhemajli,
Ilirana Krasniqi,
Arjeta Kajtazi,
Idriz Rakovica,
Dren Bunjaku,
Berat Zekolli,
Xhevdet Peci,
Driton Emini,
Ekrem Leci,
Sali Sekiraça,
Atdhe Selimi,
Mahmut Maxhuni,
Nazmi Rexhepi,
Skënder Jashari,
Afrim Kalaja,
Mentor Sopa,
Bilall Selimi,
Skender Jashari,
Abaz Ismaili,
Ardi Selimi,
Gent Jashari, Nehbi Bica,
Basri Berisha,
Arben Hasani,
Jakup Xhema,
Shukri Maxhuni
dhe një person i paidentifikuar.
Pak pas shpërthimit, kryeministri i Kosovës Bajram Rexhepi shkoi në qendrën emergjente të kryeqytetit, ku u njoh me gjendjen e të lënduarve. Të lënduarit i vizitoi edhe kryetari i komunës së Prishtinës, Ismet Beqiri.
Ky incident ndodh pikërisht vetëm pak orë përpara se në Prishtinë të vijë një delegacion shumëantarësh me ambasadorë të Këshillit të Sigurimit të Organizatës së Kombeve të Bashkuara. Qëllimi i vizitës së tyre është që të njihen për së afërmi me gjendjen e tanishme në Kosovë, pasi që në bazë të Rezolutës 1244, Kosova administrohet nga OKB-ja.
------------------------------------
---------------------------------------


Rexhepi: Mund të imagjinohet se kush është i interesuar ta destabilizojë Kosovën


Prishtinë, 14 dhjetor (Kosovapress) Time: 11:14

Kryeministri i Kosovës, Bajram Rexhepi, i cili mbrëmë ka vizituar, në QKU, të lënduarit që kanë pësuar nga shpërthimi i mbrëmshëm në lagjen “Dardania” të Prishtinës, aktin e ka quajtur terrorist, pavarësisht se kush e ka kryer atë.
-------------------------
----------------------------
Oj sharki e lehte si era , ka ardhur ne Shqiperi pranvera?

[JONI 1]

Eshte tragjedi e rradhes kjo per Kosoven dhe domethenese ne momentin kur ne axhenden e Kosoves jane ngjarje te rendesishme (kujtoj rastet paraprake).Edhe nje bombe tjeter eshte ne rradhe sot kunder Kosoves,Coviq ne Tirane,shpresojme se do ta presin me "nderime" sikur Kryeministrin e Kosoves...

[Beqari002]

Shpërthimi në Prishtinë është akt terrorist, thotë Fleçer



Zëdhënësi i policisë së UNMIK-ut, Beri Fleçer tha për Radion Blue Sky se nuk dihen ende motivet e aktit të mbrëmshëm. “Ky është një akt terrorist, pasi që shkaktari e ka ditur se do të jenë të plagosur apo të vrarë një numër i madh i njerëzve. Ai ka vendosur bombën në sheshin ku ndodhen shumë shitore dhe restorante.”
Fleçer tha se policia është duke analizuar mbeturinat e automjetit për të identifikuar pronarin
------------------------------
-----------------------------------
Oj sharki e lehte si era , a ka ardhur ne Shqiperi pranvera?

[Beqari002]

Ende pak hollësi për sulmin në Prishtinë

Pjesëtarë të policisë ndërkombëtare në Prishtinë


Policia ndërkombëtare në Kosovë ende nuk ka dhënë ndonjë hollësi lidhur me shpërthimin e bombës në një lagje të Prishtinës dy ditë më parë, por thotë se po mbledh dëshmi nga dëshmitarët e rastit.

Një zëdhënës i policisë së UNMIK-ut thotë se pjesëtarë të saj po vazhdojnë ta ruajnë spitalin e Prishtinës, ku gjenden të shtruar ende edhe shtatë persona nga 31 që u lënduan nga shpërthimi, meqë dyshon se ndonjëri prej tyre mund të jetë shenjëstra e sulmit.

Arbër Vllahiu bisedoi me zëdhënësin e policisë së UNMIK-ut në Prishtinë

Barry Fletcher:

BBC: Cilat janë hollësitë e fundit për shërthimin?

Ne ende nuk kemi identifikuar të dyshuarit dhe as edhe motivet.


Barry Fletcher,
zëdhënës i policisë së UNMIK-ut


Zoti Fletcher: Ne ende po mbledhim dëshmi rreth rastit. Ne kemi marrë pjesët e shkatërruara të autobombës dhe po mbledhim prova në vendin e ngjasrjes. Gjithashtu po vazhdojmë të intervistojmë një numër të dëshmitarëve të cilët u gjenden në vendngjarje në kohën e shpërthimit dhe jemi të lumtur që njerëzit po vijnë të tregojnë se ndodheshin aty, kështu që mund të mbledhim më shumë informacione. Por, ne ende nuk kemi identifikuar të dyshuarit dhe as edhe motivet. Kjo ishte një bombë e fuqishme, e vendosur në një pjesë të qytetit dhe kur shpërtheu shkaktoi dëme të mëdha duke shkatërruar disa pjesë të ndërtesave përreth dhe duke lënduar 31 persona. Është mrekulli që asnjë njeri nuk u vra në këtë shpërthim.


BBC: Në përgjithësi ky shpërthim u dënua si një vepër terroriste. Jeni në dijeni se kush ishte në shënjestër të sulmit?

Zoti Fletcher: Jo, kjo është ende misterioze. Ne besojmë se kushdo që vendosi bombën e dinte se mund të lëndonte shumë njerëz. Ishte ora 21.30 minuta, kohë kjo kur restorantet ishin të mbushura dhe kishte shumë njerëz jashtë. Ne e dënuam këtë si akt terrorist megjithëse nuk është identifikuar shënjestra dhe shumë aspekte të sulmit janë misterioze.

BBC: Në këtë rrafsh policia ndërkombëtare vazhdon ta sigurojë spitalin e Prishtinës. Cilat janë arsyet?

Zoti Fletcher: Ne po e ruajmë spitalin sepse janë ende shtatë persona të shtruar atje me lëndime të rënda nga shpërthimi. Nuk jemi të sigurtë nëse ndonjëri prej tyre mund të ketë qenë shënjestra, por në rast se ka qenë nuk duam që kryesit e sulmit të marrin edhe një rast dhe kjo është arsyeja që policia ndërkombëtare po e siguron spitalin e Prishtinës.

BBC: Pra ju ende besoni se mund të ketë një sulm të dytë?

Zoti Fletcher: Jo domosdoshmërisht, por ne po e sigurojmë spitalin thjeshtë të mbrojmë viktimat që janë të shtruar atje.
-----------------------------
---------------------------------
Oj sharki e lehte si era , a ka ardhur ne shqiperi pranvera?

[Beqari002]

Edhe nje shperthim enigmatik ne Kosove por kesaj radhe me pasoja,nje i vdekur.

Shpërthim në Pejë, një vdes, një lëndohet


PEJE, 25 dhjetor - Një shpërthim ka ndodhur sonte në një autoveturë në qytetin e Pejës, si rezultat i të cilit ka vdekur një person dhe është plagosur një tjetër. Shpërthimi ndodhi rreth orës 18.00, në rrugën që shpie drejt spitalit të qytetit, në afërsi të ish-Ndihmës së Shpejtë. Sipas RTV21, gjatë kohës kur po e hapte derën e veturës së vet, nga shpërthimi i një bombe humbi jetën Adem Zekaj, 55 vjeç, nga fshati Raushiq, ndërsa u lëndua rëndë bashkëshortja e tij. Policia ka shkuar në vendin e ngjarjes dhe hetimet po vazhdojnë. Për momentin nuk dihen ende shkaqet e këtij shpërthimi
-------------------------
----------------------------
Oj sharki e lehte si era , a ka ardhur ne Shqiperi pranvera?

[JONI 1]

Tragjedi e re per Kosoven.Eshte e tmerreshme,akt terroriste i paskurpullt.Ngushllime familjareve te viktimave.Ka pasur vrasje e akte te dhunshme edhe me pare por diçka te tille nuk kane mundur as te paremendohen qe do te ndodhin ne Kosove.Si duket e 'keçja' e sjellur nga..................ne epruvete ka dale nga ajo dhe veshtire eshte ta ketheshe mbrenda.Me morbide eshte ajo se si lajmrone RTK thuajese kjo eshte nje gje e rendomet

[Brari]

LAJME PER KOSOVEN gjate kesaj Jave

------------------------


Komiteti për siguri dënon vrasjen e serbit në Cërnicë të Gjilanit

Gjilan, 26 dhjetor 2002 - Vrasjen e serbit Trajan Trifunoviq në fshatin Cërnicë e ka dënuar edhe Komiteti për siguri dhe emergjencs i komunss ss Gjilanit, në takimin e parë që ka mbajtur pas zgjedhjeve të dyta lokale dhe ku kanë marrë pjesë edhe përfaqësuesit e KFOR-it, SHPK-së, tri subjektet politike që kanë vende në asamble si dhe përfaqësuesi i minoriteteve.

Komiteti e ka vlerësuar sigurinë e përgjithshme në tremujorin e fundit, e cila deri në rastin e fundit në Cërnicë, ku në rrethana ende të pasqaruara, u vra një serb lokal i këtij vendbanimi të përzier, ishte mjaft stabile.

Mbetet përgjegjësi e organeve të policise dhe gjyqit që ta zbardhin rastin dhe ndaj kryesve të merren masat e duhura ligjore, ndërsa institucionet e komunës u shprehën të gatshme për t`i ofruar një ndihmë momentale familjes së të ndjerit Trifunoviq, nëse ajo ka nevojë.

------------------------------------------------------------------


Edhe në Kosovë solemnisht u kremtuan Krishtlindjet

Prishtinë, 26 dhjetor 2002 - Me rastin e kremtimit të Krishtlindjeve në të gjitha kishat katolike në Kosovë u mbajtën mesha tradicionale. Manifestimi qendror u mbajt në kishën "Shën Ndou" në Prishtinë, ndërsa meshën solemne e udhëheqi ipeshkëvi i Ipeshkëvisë së Kosovës imzot Mark Sopi.

Në këtë manifestim morën pjesë personalitete politike e ushtarake ndërkombëtare dhe vendore.

Pasi uroi besimtarët imzot Mark Sopi bëri thirrje për mirëkuptim, dashuri dhe tolerancë njerëzve pavarësisht nga përkatësia e tyre etnike e fetare, duke shtuar se e veçanta e kësaj feste është se pak ditë më parë Papa Gjon Pali i Dytë njohu mrekullitë e Nënës Terezë për të bërë kështu hapat e parë në procesin e shenjtërimit të saj.

Ai nënvizoi se Nëna Tereze i ka kaluar edhe kufijtë njerëzor dhe është bërë nënë e mbarë njerëzimit, tha me këtë rast imzot Mark Sopi. Ai shtoi se njerëzimi deri më tash nuk ka pasur një grua të tillë që mbarë bota e ka quajtur nënë, por tash ka Nënën Terezë.

Kremtja e Kërshëndellave tha ai nënkupton edhe një tërësi feste liturgjike popullore dhe folklorike.

Pos meshave të zakonshme në qytetet kryesore të Kosovës festa e Krishtlindjeve është shënuar edhe me manifestime të ndryshme kulturore e artistike që kanë zgjatur deri në orët e para të mëngjesit.

----------------------------------------------------------


Në Pejë nga një shpërthim autobombë ka humbur jetën Adem Zeka

Pejë, 26 dhjetor 2002 - Dje rreth orës 18:40 në aksin rrugor në drejtim të Spitalit të Përgjithshëm të Pejës ka ndodhur një shpërthim autobombë nga i cili ka humbur jetën Ade, Zeka 55-vjeçar nga fshati Raushiq i Pejës

Ndryshe, Ademi është babai i dëshmores së kombit Nurie Zeka.

Edhe zëdhënësi i Shërbimit Policor të Kosovës ka konfirmuar se nga një masë shpërthyese ka humbur jetën Adem Zeka nga fshati Raushiq, ndërkaq bashkëshortja e tij është lënduar rëndë.

Nuk dihen ende as autorët dhe as motivet e këtij shpërthimi për të cilin policia e Kombeve të Bashkuara ka ndërmarrë hetime. Bomba ishte e vendosur në automobilin që e ngiste Adem Zeka.

----------------------------------------------------------


Policia serbe nuk identifikon autorët e krimeve ndaj shqiptarëve

Beograd, 26 dhjetor 2002 - Policia serbe mbetet e shurdhër ndaj kërkesave të gjykatave që të identifikojë personat që kanë bërë vrasje dhe kanë marrë pjesë në fshehjen e krimit ndaj shqiptarëve të Kosovës, kufomat e të cilëve janë gjetur në varrezat masive, thuhet në tekstin e Institutit për Raportime mbi Luftën dhe Paqen.

Ky institut konstaton se gjatë zbulimit të varrezave masive në Bajtajnicë deri tash janë gjetur 770 kufoma të vrarë nga paramilitarët apo popullata serbe thuhet në raport.

-------------------------------------------------------------


Shtajner: Statusi i Kosovës nuk mund të zgjidhet kurrsesi me hapa të njëanëshëm

Prishtinë, 26 dhjetor 2002 - Shefi i UNMIK-ut Mihajl Shtainer thotë se kur flitet për statusin e Kosovës, kjo çështje nuk mund të zgjidhet kurrsesi "me hapa të njëanëshëm, siç është preambula e Kartës kushtetusese të bashkësisë shetërore Serbi-Mali i Zi apo ndonjë vendim në Prishtinë".

Në një bisedë për mediat e Kosovës në gjuhën serbe Shtainer ka thënë se "askush nuk mundë të ketë të drejtën e vetos, kurse në fund për atw çështje do të vendosë Këshilli i Sigurimit i Kombeve të Bashkuara", por ka shtuar se "Kosova akoma nuk gjendet në ate fazë".

Kryeadministratori ka theksuar se shqiptarët si shumicë duhet të angazhohen për pakicat, por se pakicat, veçanërisht ajo serbe, duhet të pranojnë "realitetin e ri në Kosovë, që është ndryshe nga ai i vitit 1999".

Shtajner ka theksuar se shqiptarët si shumicë duhet të angazhohen për pakicat, ndërkaq pakicat, veçanërisht ajo serbe duhet të pranojnë realitetin e ri në Kosovë që është ndryshe nga ai i vitit 1999.

--------------------------------------------------------------


Faruk Ramadani u shpall boksieri më i mirë për këtë vit

Prishtinë, 26 dhjetor 2002 - Faruk Ramadani boksier i Klubit "Kastrioti" të Ferizajit, me të gjithë meqet e fituara, pa asnjë humbje, u shpall si boksieri më i mirë i Kosovës për këtë vit. Ndërkaq, si trajner më i mirë u shpall Afrim Majanci nga Klubi i boksit "Prishtina", ekip ky që u shpall edhe si më i miri për këtë vit.

-------------------------------------------------------------


Sali Berisha ka hedhur idenë e bashkimit të të gjitha partive të djathta opozitare në një forcë të vetme

Tiranë, 26 dhjetor 2002 - Kryetari i Partisë Demokratike të Shqipërisë Sali Berisha ka hedhur idenë e bashkimit të të gjitha partive të djathta opozitare në një forcë të vetme. Por, një propozim i tillë ka ngjallur reagime brenda partive opozitare.

Z. Berisha ka thënë se gjatë vitit 2003 do të diskutohet strategjia e përbashkët që mendon Partia Demokratike, përkatësisht të jetë një hap drejt bashkimit të forcave të djathta.

Mirëpo, kryetari i Partisë Republikane Fatmir Mehdiu është shprehur se ky propozim i Berishës në parim është një gjë e mirë bashkimi i opozitës. Legalistë thanë se nuk do të pajtohen me shkrirje në një parti të vetme.

Ndërkaq kundër idesë së z. Berisha ka dalë gjithashtu Balli Kombëtar si dhe Partia Demkrate e Reformuar. Shpëtim Roçi kryetar i ballistëve e ka quajtur thjesht shaka idenë e Berishës.

-----------------------------------------------------------


Nga një shpërthim në qendër të Kumanovës është një i vrarë dhe pesë të plagosur

Kumanovë, 26 dhjetor 2002 - Nga shpërthimi i një mekanizmi në qendër të Kumanovës që besohet të ketë qenë granatë dore është vrarë Radivoje Grozdanovski, kurse pesë persona të tjerë janë plagosur, njofton policia e Maqedonisë. Mekanizmi shpërthyes ishte i vendosur në një kontejner bërllogu në qendër të qytetit, kurse policia ka ndërmarrë hetime.

-------------------------------------------------------


Beogradi dhe serbët e Kosovës kanë arritur marrrëveshje për strategjinë e përbashkët

Beograd, 26 dhjetor 2002 - Kryeministri i Serbisë Zoran Gjingjiq ka deklaruar se gjatë takimit të djeshëm në Beograd me përfaqësuesit politikë të serbëve të Kosovës është arritur marrëveshja për hartimin e strategjisë së përbashkët për përmirësimin e kushteve për bashkësinë nacionale serbe në Kosovë.

Gjingjiq nuk ka dhënë shumë hollësi për këtë strategji, por ka theksuar se hap i parë dhe më i rëndësishëm është formimi i vetëadministratave lokale të popullit serb në komunat në të cilat ata përbëjnë shumicën dhe në lokalitetet ku bëjnë shumicën sikurse bashkësitë lokale dhe fshatrat.

Ndërkaq, zëvendëskryeministri serb Nebojsha Çoviq theksoi se në organizimin e ardhshëm institucional të serbëve të Kosovës UNMIK-u nuk mund të pengojë, ngase ky organizim sipas tij qenka paraparë në Kornizën Kushtetuese të Kosovës.

-----------------------------------------------------------



Në kufirin verior të Maqedonisë nuk ka grupe terroriste dhe as kampe për stervitje

Shkup, 26 dhjetor 2002 - Në kufirin verior të Maqedonisë nuk ka grupe terroriste dhe as kampe për stervitje, porse akoma ekzistojnë grupe të caktuara kriminale që dëshirojnë të shkaktojnë incidente. Kështu ka deklaruar gjenerali maqedonas Aleksandër Bojaxhijev.






---------------


Beqari..mundohu me i grupue njoftimet simbas temave te hapura me pare.

Psh lajmet per prostitucion e Tutoret vazhdoi tek te parat e keshtu me radhe.

Te pergezoj per zellin qe tregon per te sjelle ne Forum informacion te fresket.

Gezuar!

[Brari]

Ne forum kosova lexova :


----------

Shpërthim në Pejë, një person vdes, dy lëndohen.


PEJE, 25 dhjetor - Një shpërthim ka ndodhur sonte në një autoveturë në qytetin e Pejës, si rezultat i të cilit ka vdekur një person dhe janë plagosur dy të tjerë. Shpërthimi ndodhi rreth orës 18.00, në rrugën që shpie drejt spitalit të qytetit, në afërsi të ish-Ndihmës së Shpejtë. Sipas RTV21, gjatë kohës kur po e hapte derën e veturës së vet, nga shpërthimi i një bombe humbi jetën Adem Zekaj, 55 vjeç, nga fshati Raushiq, ndërsa u lëndua rëndë bashkëshortja e tij, të cilës i është prerë njëra nga këmbët dhe një e afërm tjetër e çiftit. Policia ka shkuar në vendin e ngjarjes dhe hetimet po vazhdojnë. Për momentin nuk dihen ende shkaqet e këtij shpërthimi.



--------


asdren

Po nuk ka asgje tjeter vetem se ka vu rrenje thell metoda e Klosit ne Kosove dhe veshtire se do te lirohemi nga ky virus vdekje prures.

--------


Malë Aga

Viktima e Auto bombes është Adem Zekaj, 55 vjeç.
Kush është Adem Zekaj.
Adem Zekaj është babai i Deshmores Nurije Zekaj.
Nuk don koment.

Përshëndetje
-----------


Retrouver


zoteri malë aga pershendetje !!!


vertet shume keq me keso ngjarje qe u bene pothuajse te perditshme ne kosove !!!

--------


i çmenduri


Pajtohem me ASDRENIN dhe me Malê Agen

Adem Zekaj eshte babai i Deshmores Nurije Zekaj por deshta te shtoj se

i ndjeri ka qen edhe pjesmarres luftene lavdishme te uçk_se, poashtu edhe pjesmarres i drejtperdrejt ne betejen e Koshares si dhe komandant i qendres stervitore ne Papaj, e mos ta harroj ta ceku se edhe kryetar i nendeges se LDK_sê ne Raushiq kaq desha tu bashkangjitem kolegeve te lartpermendur, por mos te harroj te them po ashtu se a asht rastesi se gjithmon vriten vetem aktivistet e LDK_sê ???
Jo nuk eshte rastesi me siguri se populli shum mirê e din se qka po ndodh kohet e fundit por do tu vi radha edhe atyre te dalin para drejtesis sikur keta te fundit.

me nderime dhe pershendetje

---------


loni


Ahaaaaaaaaaaa e vertet ! Nurije Zeka e dha jeten po ne ket menyr ...

kush ia beri asaj ia beni edhe prindve ...
kush ???...

-----


i çmendur


I nderuari Loni

Epara ti sigurisht e din kush ban me sy sikur ti me ato lojnat e

femijeve, por tu kisha lutur mos te qeshesh sikur laviret me

jetrat e njerzve qe i vrasin hajnat sot, dhe ate te gjitha fytyrat

me eminente qe Kosova i ka andaj mesoj gjerat para se te shprehesh,

ose siq thot nje fjal popullore tri here matu nje her fol.



pershendetje

------







.........

Shume keq. Bab e bije humbin jeten. Njera ne lufte e tjetri ne Liri.


Ngushellime familjes se luftetareve Adem Zeka e deshmores Nurie Zeka.

Lavdi ketyre heronjve !