Shikimet me epsh!

[prizrenasi_30]

Shikimi me epsh ndaj gjinisë së kundërt është një veti shumë e keqe dhe të qon në mëkat prandaj Allahu xh.sh. e ka ndaluar këtë:

24:30. Thuaju besimtarëve të ndalin shikimet (prej haramit), t'i ruajnë pjesët e turpshme të trupit të tyre se kjo është më e pastër për ta. All-llahu është i njohur hollësisht për atë që bëjnë ata.

24:31. Thuaju edhe besimtareve të ndalin shikimet e tyre, t'i ruajnë pjesët e turpshme të trupit të tyre, të mos zbulojnë stolitë e tyre përveç atyre që janë të dukshme, le të venë shamitë mbi kraharorin e tyre dhe të mos ua tregojnë bukuritë e tyre askujt përveç burrave të vet, babajve të vet ose babave të burrave të vet, djemve të vet ose djemve të burrave të vet, vëllezërve të vet ose djemve të vëllezërve të vet, apo djemve të motrave të veta, ose grave të tyre (që u përmendën) dhe robëreshave, të cilat i kanë në pronësinë e tyre, ose shërbëtorëve nga meshkujt të cilët nuk ndiejnë nevojë për femrat ose fëmijët që nuk e kanë arritur pjekurinë për gra. Le të mos kërcasin me këmbët e tyre për ta zbuluar fshehtësinë nga stolitë e tyre. Pendohuni të gjithë te All-llahu, o besimtarë, në mënyrë që të gjeni shpëtim.

Por kjo dukuri është përhapur shumë ndër njerëz dhe nuk i kursen as të martuarit.

Kjo bëhet nga të dy gjinitë sot pa pasur turp aspak.

Sot nuk dëgjon muhabet tjetër njeriu kudo që shkon vetëm fjalë si:

“Sa e bukur ishte ajo”, dhe “Ah, sikur të ishte e dashura ime!”.

Edhe pse Allahu xh.sh. thotë se kush ruhet nga epshet do të shpërblehet:

79:40. E kush iu frikësua paraqitjes para Zotit të vet dhe ndaloi veten prej epsheve,
79:41. xhenneti është vendi i tij.

Njerëzit janë të padurueshëm nga natyra e edhe për këtë na lajmëron Kur’ani:

70:19. Është e vërtetë se njeriu është i prirur të jetë i padurueshëm.

4:28. All-llahu dëshiron t'ju lehtësoj (dispozitat), e megjithatë njeriu është i paaftë (për t'u përballuar epsheve).

Por njeriu gjithmonë duhet të mundohet të ruhet nga imoraliteti sepse kjo vepër sjell vetëm rezultate negative siç janë konfliktet, humbja e parave, sëmundjet ngjitëse, etj. prandaj Kur’ani e quan imoralitetin “vepër e shëmtuar”:

17:32. Dhe mos iu afroni imoralitetit (zinasë), sepse vërtet ai është vepër e shëmtuar dhe është një rrugë shumë e keqe.

6:151. ...të mos u afroheni mëkateve të hapta apo të fshehta...

Por si duket i jemi afruar Ditës së Kijametit dhe po vërtetohet Hadithi i Pegamberit s.a.v.s:

“Afër Kijametit shtohet homoseksualizmi, kurvëria, alkooli, femrat, pakësohen burrat, kryhen vepra amorale në rrugë dhe vizitohen njerëzit që të bëjnë imoralitet.”

Dhe paralajmërimi nga Kur’ani:

75:5. Por, njeriu dëshiron të vazhdojë edhe më tej në mëkate.

100:6. Vërtet, njeriu është përbuzës ndaj Zotit të vet.

Allahu na ruajtë nga këto vepra të këqija!

Autor: Sefedin Muqaj, Referenca: Kur’ani – përkthim i Sherif Ahmetit