Vizat, jemi të fundit në rajon

[Albmaster]

Shqiptarët janë më të refuzuarit për viza shengen në rajonin ballkanik. Lëvizja Evropiane publikoi dje përfundimet e sondazhit mbi zbatimin e marrëveshjes së lehtësimit të vizave mes Shqipërisë dhe Komunitetit Evropian. Monitorimi i kësaj marrëveshje u bë në terren për një periudhë 11 mujore në diplomacitë evropiane në Tiranë. Në përfundim të tij, rezulton se shqiptarët një vit, që prej firmosjes nga qeveria shqiptare e marrëveshjes për lehtësimin e vizave me Komunitetin Evropian, e kanë edhe më të vështirë se më parë për t'u pajisur me vizë shengen. Sondazhi tregon qartë se gjatë këtij viti iu është refuzuar viza 26 % të shqiptarëve aplikantë, ndërkohë që mesatarja e vendeve të Ballkanit Perëndimor është 14 %.
"Shkaku kryesor është problematika në dokumentacion. Gjatë vitit 2008, shqiptarët shënuan nivelin më të lartë në refuzimin e vizave", u shpreh, Gledis Gjipali. Sipas sondazhit, mënyra dhe kohëzgjatja e lënies së një takimi për intervistë, oraret e ndryshme të aplikimit për vizë, konvertimi i ndryshëm i tarifës së vizës prej 35 Euro që sanksionon Marrëveshja, apo marrja e vendimit për dhënien ose jo të vizës vazhdojnë të mbeten problematika të paharmonizuara ndërmjet konsullatave shengen. Përfaqësuesit e Lëvizjes Evropiane shprehen se kostot e aplikimit për vizë të një qytetari shqiptar shkojnë në rreth 9000 lekë, çka e bën një vizë Shengen tepër të kushtueshme. Kjo kosto përfshin tarifën e vizës dhe një listë dokumentesh në mbështetje të aplikimit për vizë. Ndërkohë që sipas shifrave zyrtare, refuzimi i vizave shengen ndaj qytetarëve shqiptarë ka qenë mesatarisht 23% në vitin 2007, Marrëveshja e Lehtësimit të Vizave ka sjellë një impakt pozitiv te qytetarët që i përkasin të paktën njërës prej kategorive që përfitojnë nga regjimi i lehtësuar i vizave. Kjo kategori refuzohet 21%, ndërsa aplikantët që nuk i përkasin asnjë prej kategorive të Marrëveshjes refuzohen 30%. Megjithatë, shkalla e refuzimit të Shqipërisë vazhdojnë të mbetet rreth 26%, ndërkohë që mesatarja e Vendeve të Ballkanit Perëndimor është rreth 14%. Por përveç vështirësive të marrjes së vizave shengen, nga ambasadat e vendeve të BE-së, sondazhi tregon se edhe tarifat për marrjen e një vize janë shumë të larta, por dhe procedurat edhe më të vështira. Kjo marrëveshje ka përmirësuar disi kushtet e procedurave, por ende nuk ka lehtësuar procedurat për marrjen e një vize. Sipas statistikave të këtij studimi, i cili ka ardhur përmes një sondazhi në terren, pranë ambasadave evropiane në Tiranë rezulton se shumë qytetarë, që përfshihen në 18 kategoritë që duhet të kenë lehtësira në marrjen e vizave, sipas marrëveshjes, këtë vit iu është refuzuar kërkesa e tyre për t'u pajisur me vizë shengen.


sondazhi

Refuzimi i vizave

Shqipëri 26%
Serbi 13%
Maqedoni 11%
Mali i Zi 6%
B&H 4%

Arsyet e refuzimit

Mangësi në
dokumentacion 58%

Konsullata mendon
që aplikanti ka një
qëllim tjetër nga
ai i deklaruar 11%

Mungesë e mjeteve
të mjaftueshëm
financiare 8%

Aplikimi i kryer më
pak se 1 vit nga
refuzimi i mëparshëm 4%
Arsye të tjera 19%



P.S Kush mendoni se eshte shkaku i refuzimit te vizave ndaj Shtetasve Shqiptare ne Ambasadat ne Tirane dhe Konsullatat e Pergjithshme ne rrethe te ndryshme te shqiperise ??

Jepni mendimin tuaj !

Faleminderit....


Panorama

[Albmaster]

Gati nje vit qe prej firmosjes nga qeveria shqiptare e marreveshjes per lehtesimin e vizave me Komunitetin Europian, shqiptaret e kane edhe me te veshtire se me pare per t’u pajisur me vize Shengen.



Sipas sondazhit te Levizjes Europiane rezulton gjithashtu se shqiptaret jane me te persekutuarit ne rajon, sa i perket pranimit te kerkesave per viza per ne BE.

Sondazhi tregon qarte se gjate ketij viti iu eshte refuzuar viza 26 % te shqiptareve aplikante nderkohe qe mesatarja e vendeve te Ballkanit Perendimor eshte 14 %.

"Shkaku kryesor eshte problematika ne dokumentacion. Gjate vitit 2008, shqiptaret shenuan nivelin me te larte ne refuzimin e vizave", u shpreh, Gledis Gjipali.

Sipas te dhenave te sondazhit, tarifat e vizave jane te larta dhe procedurat ende te veshtira.

Konsulli i ambasades franceze nuk ka pranuar te komentoje te dhenat e ketij sondazhi dhe u mjaftuar te thote se pas marreveshjes te gjitha perfaqesite diplomatike ne vendin tone kane respektuar pikat e marreveshjes.

Perfaqesuesi i Ministrise se Jashtme, institucioni qe supozohet te jete ne mbrojtje te qytetareve u shqiptare, u mjaftua te kerkoje nje teknikalitet anesor.

"Nje person, i cili ka udhetuar disa here jashte dhe ne pasaporten e tij figurojne shume viza dhe nuk perben asnje lloj shqetesimi, atehere per te mund te aplikohen procedurat lehtesuese", u shpreh Ferit Hoxha.

Kjo marreveshje ka permiresuar disi kushtet e procedurave, por ende nuk ka lehtesuar procedurat per marrjen e nje vize.

Shume qytetare qe perfshihen ne 18 kategorite qe duhet te kene lehtesira ne marrjen e vizave kete vit iu eshte refuzuar kerkesa e tyre per t'u pajisur me vize shengen.

Kjo ne nje kohe kur te dhenat se paku te agjensive turistike, treguan kete vit, se ne fakt kerkesa perviza shengen nga shqiptaret ka rene dhe se ata kane preferuar edhe kete vit per pushime apo biznes, turqine, nje vend, i cili aplikon procedura aeroportuale per viza per shtetasit shqiptare.


Top - Channel

[Qyfyre]

Më duket i drejtë ai sondayhi që thote se pjesa më e madhe refuzohen për mangësi në dokumentacion. Kam ndihmuar disa herë shqiptarë për të bërë dokumenta për viyë apo dhe për gjëra të tjera dhe zakonisht nuk ulen të lexojnë listën e dokumentave që kërkohen, po thonë ky më ka thën që duhet kjo, ai më ka thën që s'ka bevoj për atë. Se çfarë dokumentash duhen për vizë, të paktën për në Amerikë, mund të shihet në internet, po prap njrëzit vazhdojnë me më tha të thash.

[goldian]

kjo eshte nje teme qe duhet te na shqetesoje te gjitheve
po per cudi ka vec dy postime
nuk e di kush ka faj ketu por me sa kam degju e lexu sikur saliu ka muaj qe ka premtuar se shqiptaret i perkasin europes dhe per kete do kete lehtesime vizash
une kam vete prinderit e mi qe i kam shume problem ti marr ketu per vit te ri
sepse sju japin vizen

[OPARI]

Qyfyre nuk behet fjale per mungese dekumentash po per refuzime per arsye te tjera koti ose justifikimet
saper temen nuk eshte ndonje cudi po te shikosh ecurin ne vend sepse qeveritareve nuk ju leverdise se nuk vjedhin dote ndersa liberalizimi i vizave eshte premtim elektorale
ne nuk duam njeri-tjetrin kerkojme te na doje evropa

[dardani8]

Une Per Shqiperi nuk mund te false, po flase Per Kosove edhe aty gjendja hiq me e mire nuk eshte, vetem nje gje e di se nje nder Arsyet kryesore pse nuk ju jepen Vizat Shqiptarve eshte se ne kemi namin ezi edhe se ne na urren krejt Evropa.

Hiq me larg se para nje Muaji ja dergova nenes time Grancionin vizen dhe ja refuzuan me arsyen se gjoja ajo nuk kishte rrenje te mjaftueshme Familjare n eKosove dhe se nuk kishte Rrenj te mjaftueshme financiare, por as njera e as tjetra nuk cendronin aspak po qka te besh keshtu eshte kur nuk ki asnje pike shteti e edhe ai shtet qe eshte kujdest per gjepat e Politikanjve e jo per qytetaret.

[Albmaster]

Une Per Shqiperi nuk mund te false, po flase Per Kosove edhe aty gjendja hiq me e mire nuk eshte, vetem nje gje e di se nje nder Arsyet kryesore pse nuk ju jepen Vizat Shqiptarve eshte se ne kemi namin ezi edhe se ne na urren krejt Evropa.

Hiq me larg se para nje Muaji ja dergova nenes time Grancionin vizen dhe ja refuzuan me arsyen se gjoja ajo nuk kishte rrenje te mjaftueshme Familjare n eKosove dhe se nuk kishte Rrenj te mjaftueshme financiare, por as njera e as tjetra nuk cendronin aspak po qka te besh keshtu eshte kur nuk ki asnje pike shteti e edhe ai shtet qe eshte kujdest per gjepat e Politikanjve e jo per qytetaret.

Di qe Shtetet e UE kane nje kuote per gjendjen financiare te personit qe kryen garancine.

Shumicen e Rasteve ka te beja dhe gjendja ekonimike e personit...pasi cdo gje verifikohet ne ambasade...

[Petro]

Pse, mos e venit ne dyshim nje gje te tille
Mjer ne thuj !!

[Albmaster]

Tiranë- Një ditë pas raportit të monitorimit të Marrëveshjes për lehtësimin e vizave, deputeti socialist Taulant Balla ka bërë përgjegjëse Ministrinë e Jashtme, si institucionishqiptar për monitorimin e respektimin e saj.


Tiranë- Një ditë pas raportit të monitorimit të Marrëveshjes për lehtësimin e vizave, deputeti socialist Taulant Balla ka bërë përgjegjëse Ministrinë e Jashtme, si institucionishqiptar për monitorimin e respektimin e saj.

Sipas detyrimeve që burojnë nga marrëveshja, Ministria e Punëve të Jashtme duhet të kishte ngritur që më datë 1 janar 2008 një strukturë të posaçme për të verifikuar pretendimet e aplikantëve në rastet e refuzimit të vizave.

Duke iu referuar raportit të publikuar dje nga Lëvizja Europiane në Shqipëri (EMA), Balla ka vërejtur me shqetësim shumë të madh se kjo Marrëveshje ka një implementim dhe respektim të dobët, për shkak se procedurat vazhdojnë të jenë të komplikuara dhe të pa harmonizuara ndërmjet konsullatave të ndryshme të vendeve Shengen në Tiranë.

Mënyra dhe kohëzgjatja e lënies së një takimi për intervistë, oraret e ndryshme të aplikimit, konvertimi i ndryshëm i tarifës së vizës prej 35 Euro që sanksionon Marrëveshja, ndërkohë që kostoja reale e aplikimit për vizë të një qytetari shqiptar shkon në rreth 9000 lekë, apo marrja e vendimit për dhënien ose jo të vizës vazhdojnë të mbeten problematika të paharmonizuara ndërmjet konsullatave Shengen.

Në krahasim me të gjitha vendet e tjera të rajonit të Ballkanit Perëndimor, ka theksuar ai shqiptarët mbeten më të refuzuarit në dyert e ambasadave.

Balla ka kujtuar se shkalla e refuzimit të vizave për qytetarët shqiptarë vazhdon të mbetet rreth 26%, ndërkohë që mesatarja e Vendeve të Ballkanit Perëndimor është rreth 14%.

Shqiptarët janë qartësisht më të privuarit në raport me qytetarët e vendeve të Ballkanit

Ai ka theksuar se ministria nuk ka akorduar burime të nevojshme njerëzore dhe financiare që merren drejtpërsëdrejti me problemet e aplikantëve për viza dhe të ofrojë më tepër mundësi informacioni për të gjithë kategoritë e personave. Sipas tij, ky institucion nuk ka ndërmarrë asnjë fushatë sensibilizuese dhe as të parashikojë në buxhetin e saj vjetor një zë të posaçëm në lidhje me informimin e qytetarëve.

“Është i domosdoshëm dhe urgjent krijimi i një sistem të dhënash për 18 kategoritë përfituese (personat bona-fede) nga Marrëveshja, pasi është e vështirë për një konsullatë Shengen në Tiranë të vlerësojë realisht se cilat nga Organizatat Jo-Fitimprurëse të regjistruara në përputhje me legjislacionin shqiptar, shoqatat e të përndjekurve politikë, shoqatat e gazetarëve, operatorët turistikë, etj. janë të besueshëm”- tha Balla.

Qeveria shqiptare, ka vazhduar më tej ai, duhet të veprojë me shpejtësi për përfundimin e procesit të krijimit të regjistrit të dixhitalizuar të gjendjes civile, të pajisjes me karta identiteti dhe pasaporta me të dhëna biometrike të qytetarëve shqiptarë.

Balla i ka kërkuar konsullatave të vendeve Shengen në Tiranë, që në respektim të Marrëveshjes së Lehtësimit të vizave dhe të Konventës së Vjenës të zëvendësojnë linjat e komunikimit përmes numrave me vlerë të shtuar me linja fikse, çka do të ulte ndjeshëm koston e aplikimit për vizë.

Refuzimi i vizave

Shqipëri 26%

Serbi 13%

Maqedoni 11%

Mali i Zi 6%

B&H 4%

Shekulli

[Qyfyre]

Qyfyre nuk behet fjale per mungese dekumentash po per refuzime per arsye te tjera koti ose justifikimet
saper temen nuk eshte ndonje cudi po te shikosh ecurin ne vend sepse qeveritareve nuk ju leverdise se nuk vjedhin dote ndersa liberalizimi i vizave eshte premtim elektorale
ne nuk duam njeri-tjetrin kerkojme te na doje evropa

Edhe te artikulli e thote qe problemi kryesor është mungesat e dokumentave. Dhe unë me shumë e besoj këtë ngaqe siç thashë e kam vënë re edhe vetë. Rregulli thotë duhet kjo dhe kjo, kurse njerëzit bëjnë gjëra të tjera se ashtu u ka thën filani që ka marr vizën.

Që mund të nxirren dhe justifikime kot e besoj, por ama nëse i ke të gjitha dokumentat që kërkohen në rregull e kan pak më të vështirë edhe ata të ambasadave për të nxjerrë justifikime.

Unë kam ndihmuar tre persona për të mbushur letrat për vizë për në Amerikë në bazë të kërkesave që kishte ambasade amerikane dhe të tre e morën vizën.