Daci i ofron Sejdiut koalicion parazgjedhor

[Nice_Boy]

Daci i ofron Sejdiut koalicion parazgjedhor

Lideri i Lidhjes Demokratike të Dardanisë, Nexhat Daci, ka bërë të ditur se i ka dërguar kryetarit të Lidhjes Demokratike të Kosovës, Fatmir Sejdiut, një letër ku i bën një ofertë për bashkëpunim, respektivisht për një koalicion parazgjedhor.

“LDD ka vlerësuar se është koha që të ofrojë një zgjidhje, një alternativë dhe sot një nga alternativat e mundshme të daljes nga kriza e thelluar është, që kryetarit të LDK-së dr.Fatmir Sejdiut i kam dërguar një letër, ofertë për bashkëpunim, ofertë për një koalicion parazgjedhor, konform qëndrimeve tona reale dhe duke respektuar rrugën e përbashkët që kemi pas një kohë të gjatë”, ka thënë të enjten Daci, në një konferencë për media.

Daci ka shpjeguar se nuk ka dashur që t’i dërgojë letër publike Sejdiut, por ka shtuar se, “i mbetet kryetarit të LDK-së të vendosë se a dëshiron ta bëjë publike a jo”, ngase nga LDD - siç tha ai - e ka atë leje. “LDD nuk e ka në koncept të luajë lojëra”, tha lideri i LDD-së, akademik Nexhat Daci.

Daci, nëpërmjet kësaj konference shprehu qëndrimet e LDD-së lidhur me zhvillimet aktuale politike në Kosovë, me pakënaqësitë e shprehura dhe protestat e vazhdueshme të punonjësve të Kosovës, në veçanti të gardianëve dhe shëndetësisë së vendit, të cilët – siç tha ai – janë paraprijës të protestave të tjera nga sindikatat e ndryshme të punëtorëve që janë paralajmëruar.

“Qëllimi është se, LDD dëshiron t’i ndajë preokupimet dhe brengosjen e vet, me qytetarët e Kosovës. Lirisht mund të themi, që koalicioni qeverisës PDK-LDK i ngjan një koalicioni për interesa të thjeshta grupore dhe individuale, në një shtet të vogël dy milion banoresh, por që e stërzgjat një proces shumë të lavdëruar zgjedhor për qeverisjen lokale, i cili gati gjysmëviti do t’i marrë Kosovës, në kohën kur sfidat që paraqiten para Kosovës janë vërtet të mëdha, serioze dhe të rrezikshme”, tha Daci.

Për tërë këtë kohë, sipas liderit të LDD-së, partitë në koalicion nuk kanë pasur qëllim mbarëvajtjen e shtetit, “por përkundrazi secila ka shikuar se çfarë ti bëjë njëra tjetrës, deri në momentet e gjakosjes së partnerëve për shtetin”. /Telegrafi/

[Guri i Kuq]

President, zgjidh e merr



Fatmir Sejdiu duhet t’u kthejë përgjigje dy letrave që tashmë ka në tavolinë. Në letrën e parë atij i propozohet që ta emërojë Ukë Rugovën, Isa Mustafën, Agim Çekun dhe Teuta Sahatçiun në postin e nënkryetarëve të LDK’së. Letra e dytë flet për bashkëpunimin e LDK’së dhe LDD’së në bazë të modelit të dy partive gjermane, CDU-CSU. Ardhmëria e LDK’së duket se varet nga përgjigjet që do të kthejë Presidenti për këto dy letra.


Nga Leonard Kerquki më 12.02.2010 në ora 8:00

Është koha që Fatmir Sejdiu të japë përgjigje.

Ato që do të thotë ai ditëve të ardhshme do të përcaktojnë edhe të ardhmen e LDK’së në skenën politike të vendit.

Kryetari i LDK’së duhet të përcaktohet për ndryshime thelbësore në partinë e tij apo për ruajtjen e status-quo’s.

Zgjidhje të ndërmjetme nuk ka.

Në tavolinën e Presidentit tashmë janë dy oferta.

Oferta e parë është e një anëtari të Kryesisë së LDK’së, e cila i propozon Fatmir Sejdiut të bëjë ndryshime rrënjësore në udhëheqësinë e partisë. Oferta e dytë, ndërkaq, është ajo e Nexhat Dacit, i cili propozon bashkëpunimin e LDK’së dhe LDD’së në bazë të modelit të partive gjermane, CDU-CSU.

Burime të Express, brenda kabinetit të Presidentit të Republikës, kanë shpjeguar përmbajtjen e letrave në fjalë.

“Letra e anëtarit të Kryesisë flet për nevojën e ndryshimeve thelbësore në udhëheqësi. Aty propozohen emra konkretë që duhet të emërohen në postet kyçe”, ka deklaruar një zyrtar i Presidencës, në kusht anonimiteti për Express, të enjten.

Sipas tij, Presidentit Sejdiu i propozohet që ta thërrasë sa më parë mbledhjen e Këshillit të Përgjithshëm.

“Këshilli i Përgjithshëm, sipas kësaj letre, duhet të miratojë ndryshimet në Kryesi dhe njëherësh të shpallë zgjedhjet e brendshme partiake”.

Gazeta ka mësuar se, sipas këtij propozimi, nënkryetarë të LDK’së duhet të emërohen Ukë Rugova (djali i vogël i ish-Presidentit Rugova), Isa Mustafa, Kryetari i PSD’së, Agim Çeku, dhe Kryetarja e ORA’s Teuta Sahaçia. Po sipas këtij propozimi, të gjithë nënkryetarët tjerë aktualë, përveç Lutfi Hazirit, duhet të lëshojnë rrugë.

“Udhëheqësia e re do duhej ta drejtonte partinë deri në mbajtjen e Kuvendit të Përgjithshëm, që pritet të mblidhet në vjeshtën e këtij viti. Nga periudha e emërimit të tyre e deri në mbajtjen e zgjedhjeve partiake, figurat e reja do të kishin mundësi të promovoheshin para elektoratit dhe njëherësh prania e tyre në LDK do të nxiste inkuadrimin e figurave të reja në parti”, ka thënë burimi i gazetës, duke shpjeguar përmbajtjen e kësaj letre.

Sipas këtij burimi, në letër jepen edhe detaje tjera rreth vendimeve që duhet të marrë LDK, sidomos kur është fjala për organizimin e brendshëm dhe rregullave të reja të lojës pas Kuvendit të ardhshëm Zgjedhor.

Për këtë letër, Fatmir Sejdiu ende nuk ka dhënë përgjigje.

Anëtari i Kryesisë Qendrore të LDK’së, Astrit Haraqija, shprehet se nuk është në dijeni të përmbajtjes së letrës. Megjithatë, ai thotë se ditët e ardhshme janë vendimtare për partinë e tij, LDK’në.

“Muaji mars është vendimtar për LDK’në”, ka thënë Haraqija për Express, të enjten.

LDK, pas zgjedhjeve të sivjetshme lokale, po tenton të sjellë në gjirin e saj parti më të vogla. Në këtë kontekst, zyrtarë të LDK’së i kanë bërë ofertë konkrete Partisë Reformiste Ora dhe Partisë Socialdemokrate.

Por, Agim Çeku, në një prononcim për Express, nuk ka dashur të flasë për bashkëpunimin e mundshëm me LDK’në.

“Konkretisht nuk ka asgjë”, ka deklaruar Kryetari i PSD’së, të enjten.

“Unë jam i hapur për bashkëpunim dhe nuk përjashtoj askënd”, ka shtuar ai.

Çeku ka thënë se nuk është në dijeni se dikush ka propozuar emrin e tij për postin e Nënkryetarit të LDK’së.

“Çështja është se unë nuk flas me askënd për pozicionin tim. Por, flas për subjektin që drejtoj”, ka potencuar Çeku.

Ndryshe, letra e dytë që është dërguar në Presidencë, ka plotësisht përmbajtje tjetër nga ajo e anëtarit të Kryesisë së LDK’së.

Në një konferencë për media, të enjten, Nexhat Daci ka thënë se i ka dërguar një letër Presidentit Sejdiu, por ka refuzuar të përgjigjet kur është pyetur nga gazetarët për përmbajtjen e ofertës së tij.

“LDD ka vlerësuar se është koha që të ofrojë një zgjidhje, një alternativë dhe sot një nga alternativat e mundshme të daljes nga kriza e thelluar është që Kryetarit të LDK’së Fatmir Sejdiut i kam dërguar një letër, ofertë për bashkëpunim, ofertë për një koalicion parazgjedhor, konform qëndrimeve tona reale dhe duke respektuar rrugën e përbashkët që kemi pas një kohë të gjatë”, ka thënë Kryetari i LDD’së, Nexhat Daci.

“Nuk kam dashur që t’i dërgoj letër publike, por i mbetet Kryetarit të LDK’së të vendosë se a dëshiron ta bëjë publike a jo, ngase nga LDD e ka atë leje. LDD nuk e ka në koncept të luajë lojëra”, shtoi Daci.

Express ka mësuar se Daci i kërkon Sejdiut një takim ku duhet të diskutohet për format e bashkëpunimit mes LDD’së dhe LDK’së. Sipas Kryetarit të LDD’së, në këtë rast duhet të ndiqet shembulli i dy partive simotra gjermane, CDU-CSU.

Presidenca ka konfirmuar arritjen e letrës së Nexhat Dacit.

“Është e vërtetë se sot ka ardhur një letër nga z. Daci. Në zarf letra i drejtohej Presidentit të Republikës, por në përmbajtje ajo fliste për bashkëpunimin e LDK’së me LDD’në”, ka deklaruar për Express, Xhavit Beqiri, Zëdhënës i Presidencës.

“Si e tillë, letra është kthyer sërish në Protokoll, për shkak se Presidenti nuk mund ta ushtrojë edhe funksionin e Kryetarit të LDK’së. Por sigurisht se kjo letër e z. Daci do të dërgohet në Kryesinë e LDK’së”, ka shtuar Beqiri.

Në ndërkohë që në Presidencë janë dërguar dy letra të cilat duket se do ta përcaktojnë të ardhmen e LDK’së, në opinion është shfaqur edhe Naser Rugova, anëtar i Kryesisë së LDD’së, i cili po ashtu ka dhënë një deklaratë interesante.

Ai ka thënë se LDK dhe LDD duhet të bashkohen, derisa Fatmir Sejdiu dhe Nexhat Daci duhet të largohen nga drejtimi i partive.

Sipas tij, Kryetar i të dy partive duhet të jetë djali i vogël i Presidentit Ibrahim Rugova, Uka.

“Unë nuk mendoj që afrimi i dy partive politike mund të lidhet për një individ. Unë mendoj që njeriu që do t’i bashkonte në një trung LDK dhe LDD është Ukë Rugova. Një djalë i ri që është gjak i Presidentit historik Ibrahim Rugova, që është rritur dhe edukuar në frymë dhe filozofi politike të tillë, që tani po mbaron studimet në SHBA”, ka deklaruar Naser Rugova.

[Guri i Kuq]

Ja edhe deklarata e plote e Nexhat Dacit,sipas faqes zyrtare te LDD-se;
-----------------------


Lideri i LDD-së akademik Daci:

I kam dërguar një letër dr.Fatmir Sejdiut

E enjte, 11 shkurt 2010 15:12

“LDD ka vlerësuar se është koha që të ofroj një zgjidhje, një alternativë dhe sot një nga alternativat e mundshme të daljes nga kriza e thelluar është, që kryetarit të LDK-së dr.Fatmir Sejdiut i kam dërguar një letër, ofertë për bashkëpunim, ofertë për një koalicion parazgjedhorë, konform qëndrimeve tona reale dhe duke respektuar rrugën e përbashkët që kemi pas një kohë të gjatë. Nuk kam dashur që ti dërgoj letër publike, por i mbetet kryetarit të LDK-së të vendosë se a dëshiron ta bëjë publike a jo, ngase nga LDD e ka atë leje. LDD nuk e ka në koncept të luaj lojëra.” – tha lideri i LDD-së akademik Nexhat Daci në konferencën për media të këtij subjekti.


Kryetari i Lidhjes Demokratike të Dardanisë akademik Nexhat Daci, nëpërmjet një konference për media, shprehu qëndrimet e LDD-së lidhur me zhvillimet aktuale politike në Kosovë, me pakënaqësitë e shprehura dhe protestat e vazhdueshme të punëtorisë së Kosovës, në veçanti të gardianëve dhe shëndetësisë së vendit, të cilët janë paraprijës të protestave të tjera nga sindikatat të ndryshme të punëtorëve që janë paralajmëruar.

“Qëllimi është se, LDD dëshiron ti ndaj preokupimet dhe brengosjen e vet, me qytetarët e Kosovës. Lirisht mundë të themi, që koalicioni qeverisës PDK-LDK i ngjan një koalicioni për interesa të thjeshta grupore dhe individuale, në një shtet të vogël dy milion banoresh, por që e stërzgjat një proces shumë të lavdëruar zgjedhorë për qeverisjen lokale, i cili gati gjysmëviti do ti marr Kosovës, në kohën kur sfidat që paraqiten para Kosovës janë vërtet të mëdha, serioze dhe të rrezikshme. Për tërë këtë kohë partitë në koalicion nuk kanë pasur qëllim mbarëvajtjen e shtetit, por përkundrazi secila ka shikuar se çfarë ti bëjë njëra tjetrës, deri në momentet e gjakosjes së partnerëve për shtetin” – u shpreh kryetari i LDD-së.

Duke shprehu qëndrimet e tij, në cilësinë e kryetarit të Lidhjes Demokratike të Dardanisë, lidhur me ngërçin në të cilin ndodhet Kosova, lideri akademik Daci u shpreh:

“ Të brengosur me situatën që shtyllat kryesore të shtetësisë janë në ngërç, kur policia speciale e Kosovës, si institucioni më i besueshëm dhe që e kemi vlerësuar si më të mirin institucion në Kosovë, shpall pa-dëgjueshmëri dhe proteston.

Kur elementi kyç i një populli siç është shëndetësia vazhdimisht është në rrugë, kur ekonomia është e ngulfatur në plotëni me karantinizimet e ndryshme, siç është mos realizimi i marrëveshjes së CEFTA-së, kur për një vit janë mbyllur më tepër se 1000 ndërmarrje fal politikës jo zhvillimore të qeverisjes e cila i favorizon vetëm bizneset që janë politikisht të lidhura me qeverisjen, kur edhe në dy vite shtetësi, tërë kapitalin që e ka kesh Kosova eksportohet duke i ndihmuar ekonomitë e rajonit dhe duke mos ndihmuar ekonominë vendore, atëherë shtrohet çështja se a duhet një parti parlamentare të jetë e heshtur për këto çështje, prandaj jemi munduar deri sot, që LDD të tregoj nismat e veta dhe e hapur për bashkëpunim me të gjitha partitë parlamentare por edhe ato jo parlamentare.

Kryetari Daci tha para gazetarëve se, LDD asnjëherë nuk ka parashtruar barriera dhe kufizime, se me ke do të bashkëpunoj, por ka thënë se është e hapur me të gjitha partitë politike, me shoqërinë civile, shoqërinë akademike, në mënyrë që ti japim perspektivë konkrete qytetarëve të Kosovës, për një shtet normal, funksional dhe demokratik.

Lideri i LDD-së akademik Nexhat Daci në fund të konferencës, e bëri të ditur se, në cilësinë e kryetarit të LDD-së i ka dërguar një letër kryetarit të LDK-së dr.Fatmir Sejdiut për një bashkëpunim të mundshëm në mes dy subjekteve LDD – LDK.

Lidhur me këtë letër të nisur nga kryetari i LDD-së për atë të LDK-së akademik Daci u tha: “LDD ka vlerësuar se është koha që të ofroj një zgjidhje, një alternativë dhe sot një nga alternativat e mundshme të daljes nga kriza e thelluar është, që kryetarit të LDK-së dr.Fatmir Sejdiut i kam dërguar një letër, ofertë për bashkëpunim, ofertë për një koalicion parazgjedhorë, konform qëndrimeve tona reale dhe duke respektuar rrugën e përbashkët që kemi pas një kohë të gjatë. Nuk kam dashur që ti dërgoj letër publike, por i mbetet kryetarit të LDK-së të vendosë se a dëshiron ta bëjë publike a jo, ngase nga LDD e ka atë leje. LDD nuk e ka në koncept të luaj lojëra”.

[Llapi]

HAaaaaaaaaaaaaaaaaaaaaaaaaaaaaaaaaaaaaaaaaaa

[firaku]

Per zotin me duket se Daci dhe LDD-ja kan mbetur si ajo lekura e lepurit.
Kush te behet me ta nuk ka me pa hajr nje kohe te gjate.

[Drenica 97]

Perpjekja e Dacit per te kopiju modelin Gjerman ,koalicionin CDU-CSU tregon poziten e veshtir në të cilen gjendet LDD,Gjermania është shtet federal,CSU është parti e landit te Bavarisë në ket land nuk vepron CDU siq nuk vepron CSU në landet tjera.
Do të ishte normale sikur LDK s iparti më e madhe ti ftoi ne koalicion LDD,AAK dhe partit tjera më të vogla,kto letrat e Dacit &Haradinajt janë neqmuese për LDK,i vogli dhe i varferi kan deshir ti bashkohen te madhit,pasurit po nuk mund ti percaktoin rregullat e lojes,kjo qe bjn AAK&LDD është sikur Shqiperia,Kosova ti thonë NATOs,BE bashkohu me ne!

[Guri i Kuq]

Intervista:

Salihaj - Jam për koalicion me LDK-në, nuk e përjashtoj as bashkimin“

Tashmë u pa qartë, se ndërkombëtarët, jo që nuk e luftojnë krimin e organizuar, por ata e mbrojnë atë, sepse u përshtatet interesave të tyre”, thotë Salihaj në intervistë për “Bota sot”.
A do të bashkohet apo jo LDK-ja e LDD-ja në një parti të vetme, me pretendimin që ta rikthejnë imazhin rugovian dhe ta rivënë në jetë këtë filozofi? Kush po e mban peng zhvillimin e Kosovës, dhe a janë fajtorët kryesorë ndërkombëtarët dhe për çfarë synimesh po e mbajnë këtë gjendje? Për këto dilema dhe të tjera përgjigjet deputeti Adem Salihaj, nënkryetar i LDD-së dhe ish zëvendëskryeministër i Kosovës.

“Bota sot”: Kohëve të fundit ka zhvillime interesante në LDD. Ju dhe Naser Rugova po dilni me ide të afrimit të LDD-së dhe LDK-së. A do të ketë bashkim në mes të LDD-së dhe LDK-së? A do të kërkoni ju që të ofroheni me partinë, nga e cila keni dalë më herët?


Salihaj: Unë edhe sot mendoj, dhe jam i bindur për këtë, se veprimet që ndodhën në Kuvendin e gjashtë të LDK-së ishin një gabim i madh, i cili na kushtoi tepër shumë të gjithëve dhe na defaktorizoi si subjekte politike të filozofisë politike Rugoviane. Ajo që ndodhi në atë kuvend përfundimisht e hoqi nga skena politike LDK-në si faktorin kryesor politik në Kosovë dhe e solli në pushtet PDK-në dhe krimin e organizuar. Disa thonë se e gjithë kjo ishte interes shtetëror i Kosovës. Unë nuk pajtohem fare me këtë. Nuk mund të jetë interes i shtetit të Kosovës shkatërrimi i vlerave të lirisë dhe demokracisë dhe sjellja në pushtet e krimit të organizuar. Unë mendoj se e gjithë kjo ka qenë një plan i menduar mirë për ta shkatërruar njëherë e përgjithmonë LDK-në si lëvizje me vlera të mëdha kombëtare e demokratike dhe për t'ia hapur rrugën drejt pushtetit PDK-se dhe krimit të organizuar.

[Guri i Kuq]

Sejdiu: Ofertat nga AAK dhe LDD i ka marrë LDK, jo unë

Presidenti Fatmir Sejdiu, i cili njëkohësisht është edhe kryetar me post të ngrirë i Lidhjes Demokratike të Kosovës, ka thënë se ai nuk i ka marrë ofertat nga Aleanca për Ardhmërinë e Kosovës dhe nga Lidhja Demokratike e Dardanisë për koalicion parazgjedhor – por ka shtuar – “se ato i ka marrë LDK-ja”.
“Jo unë s’kam marrë, unë jam president i vendit. Ato i kanë marrë partitë politike, i ka marrë Lidhja Demokratike e Kosovës dhe ajo ka dhënë apo edhe jep përgjigjet e veta”, ka thënë Sejdiu në një intervistë për Radion Evropa e Lirë, i pyetur për qëndrimin e tij lidhur me këto oferta.

“Natyrisht unë s’mund të izolohem nga roli i liderit që kam në këtë parti politike dhe këtë kujdes që duhet të kem për të, por edhe për partitë tjera politike, absolutisht. Mirëpo, çështja e interesave në kuptim të bashkëpunimeve politike është pjesë e fokusit normal të secilës parti politike”, ka thënë ai.

Presidenti Sejdiu ka vlerësuar se kjo mbase mund të jetë edhe një ndjenjë e forcimit të bashkëpunimit në relaksimin e klimës politike përgjithësisht, dhe jo për të krijuar front, barriera, apo siç thuhet nganjëherë tabor kundërshtues.

“Por, në këtë kuadër, unë besoj se LDK-ja ka energjinë e vet që të japë përgjigje edhe për iniciativën e parë. Gjithashtu, besoj që ka dhënë përgjigje edhe për çështjen e iniciativës së dytë, që është dhënë këto ditë, unë s’kam ndonjë përgjigje timen, sepse po të isha përgjigjur, sigurisht se do të ishte interferencë në atë që mua nuk më takon të merrem”, është shprehu ai. /REL/Telegrafi/

[Rugova]

VEÇ UKË RUGOVA MUND TË NA BASHKOJË MË LDK
Daci e Sejdiu duhet t’ia lëshojnë rrugën Ukë Rugovës për t’u bashkur LDD dhe LDK në një parti

Naser Rugova është politikani i parë në Kosovë që publikisht kërkon nga Nexhat Daci dhe Fatmir Sejdiu të largohen nga postet e kryetarëve të partive, për t’ia lëshuar rrugën djalit të ish Presidentit Ibrahim Rugova, Ukë Rugova. Veç në këtë mënyrë thotë se mund të ndodhë bashkimi i shumëpërfolur LDD-LDK. Naser Rugova tha se sot Kosova është më keq në të gjitha aspektet sesa para tre vjteve kur nuk ishte shtet. Thotë se idea e tij për koalicionin LDD-LDK para zgjedhjeve nacionale e ka përkrahjen e të gjithëve në partinë e tij. Lidhja e koalicionit me AKR para zgjedhjeve lokale tha se ka qenë gabim. Dyshon se lideri i AKR, Behgjet Pacolli, ka pasur një marrëveshje të fshehtë me kryeminstrin Thaçi për ta dëmtuar LDD në këto zgjedhjet e fundit lokale. Për të gjitha këto çështje, anëtari i kryesisë dhe deputeti i LDD, Naser Rugova, foli ekskluzivisht për INFOSOT.


Ibrahim Ademi

INFOSOT: Këtyre ditëve e keni dhënë idenë e një koalicioni në mes të LDK dhe LDD para zgjedhjeve nacionale. Si e shihni ju këtë koalicion?
Naser Rugova: Unë e kam pasur një shkrim publik, i cili ka qenë thirrje, apel drejtuar elektoratit rugovian, njerëzve që e kanë mbështetur për vite të tëra dhe janë ithtarë të asaj filozofie politike dhe asaj baze ideologjike. Duke e parë degradimin institucional në vazhdimësi, në këto tri vitet e fundit, duke parë që etapat e shtet-ndërtimit të shtetit më të ri në botë, Republikës së Kosovës, nuk janë duke shkuar ashtu siç kanë qenë pritjet e popullit të Kosovës pasi shpallëm pavarësinë, duke e parë një degradim të identitetit nacional, një degradim institucional, një degradim të shtet-ndërtimit në Kosovë, një degradim të çdo gjëje që ka të bëjë me krenarinë tonë kombëtare, një rënie enorme ekonomike në aspektin social, vlerave kulturore dhe trashëgimisë tonë kulturore shumë të pasur, duke e parë që ky proces ka marrë tatëpjetëzen, atëherë kam dalë me një thirrje që vërtet ai koncepti i identitetit nacional - tradicionales dhe modernes dhe objektivave nacionale – ai elektorat që bashkërendoi veprimet e veta, në radhë të parë LDD dhe LDK që kanë një bazë ideologjike dhe një filozofi të njejtë politike, që të baskërendisin veprimin e tyre politik dhe në zgjedhjet e ardhshme parlamentare ta formojnë një koalicion parazgjedhor në mes të dy subjekteve të pavarura politike, por me një koncept, me një plan qeverisës, të ndërtojnë një strategji të qartë që ta nxerrin Kosovën nga kjo agoni, apo më mirë të themi në gjuhën mjekësore, nga kjo ‘vdekje klinike’ që e ka kapluar vendin tonë.

INFOSOT: Çka na solli në këtë gjendje, po thoni se ka degradu gjithçka në Kosovë?
Naser Rugova: Së pari mungesa e vizionit shtetndërtues, mungesa e vizionit të një strategjie të gjithmbarshme, nacionale, shoqërore, politike, ekonomike, sociale dhe kulturore, mungesa e vizionit e këtij koalicioni qeverisës, mungesa e një strategjie të veprimit, e kur ja shtojmë kësaj edhe rivalitetet politike që i kanë pasur dy partnerët e koalicionit dhe pengesa të tjera, serviliteti dhe thënia ‘PO’ çdo gjëje që vie nga mekanizma ndërkombëtare të verifikuar dhe të paverifikuar (disa vijnë nga miqtë, por disa vijnë nga ata që janë më pak miq me Kosovën), na ka sjellur deri në një gjendje të tillë dhe ditëve të fundit jemi dëshmitarë kur shtyllat kryesore të shtetit, siç janë njësitë elite të Policisë së Kosovës, shëndetësia – njerëzit që përkujdesen për shëndetin e popullit, pastaj gardianët dhe administrata e burgjeve të Kosovës që është një hallkë e rëndësishme e sistemit të drejtësisë në Kosovë, paralajmërimi i gjyqësorit dhe administratës së gjyqësorit tregon për një kolaps moral e shpirtëror të vlerave. E mos të flasim për një gjendje të mjerë ekonomike dhe rritje të varfërisë enorme në Kosovë. Kur gjithë kësaj ia shtojmë edhe raportin e fundit të progresit të Komisionit Europian dhe ato sfida që i nënvizuan me të zeza në adresë të institucioneve dhe të shtetit tonë, tregojnë dhe është alarmi i fundit që qytetarët e Kosovës fillojnë ta ndryshojnë këtë mendësi politike që institucionet e Republikës së Kosovës, thjesht, nuk janë pronë private e askujt. Pastaj, mos-sundimi i rendit dhe ligjit, korrupsioni, krimi i organizuar, hapat institucional në mënyrë jo të ligjshme, mosfunksionimi i Kushtetutës, mosrespektimi i saj në tërë territorin e Kosovës, ekonomia e zezë dhe informale e grupeve të caktuara të krimit të organizuar të lidhura me politikën, që është bërë kancer, thjesht, më kanë shtyrë që ta bëj një apel për kthimin e një fryme dhe filozofie politike nacionale që e solli Kosovën deri te liria e shumëpritur dhe i bëri ëndrrat shekullore realitet.


Gjendja në Kosovë është zi e më zi!


INFOSOT: Po thoni se gjendja në Kosovë është më e rëndë se sa para 3 viteve kur e ka udhëhequr Kosovën LDK, që keni qenë edhe ju pjesë e saj?
Naser Rugova: Definitivisht, edhe pse ishin Institucionet e Përkohshme Vetëqeverisëse, edhe pse nuk kishim shtet, edhe pse kishim tre nivele vendimmarrëse, megjithatë kur e bënë një krahasim, që nuk do të ishte dashur të bëhej në mes të Institucioneve të Përkohshme Vetëqeverisëse dhe tani Institucioneve të Republikës së Kosovës si shtet i pavarur, vërtet me keqardhje duhet konstatuar se në kohën sa ishte gjallë presidenti Rugova, edhe pse nuk ishim shtet i njohur ndërkombëtarisht, vinte era shtet, dinjitet, identitet nacional dhe një orientim nacional. Kishim adresë se si Kosova të ishte vend i lirë, demokratik, ku sundon rendi dhe ligji, kishim një objektiv nacional për integrimin në familjen e madhe europiane dhe në miqësi të përhershme me SHBA. Kishim edhe manifestime dhe simbolika të tradicionales, por të gjitha u venitën për më pak se 4 vite. Andaj, duke e parë një kolaps të tillë shpirtëror që prek rëndë edhe identitetin tonë nacional, vlerat, historinë dhe trashëgiminë, e mos të flasim për projektet zhvillimore nacionale, tash në prag të dekadës së dytë të mileniumit të tretë – thjesht, çdo gjë në vitin 2009 dhe në fillim të 2010 fatkeqësisht duket zi e më zi.

INFOSOT: Domethënë, me ardhjen në pushtet të koalicionit LDD-LDK gjendja do të ndryshonte për të mirë?
Naser Rugova: Definitivisht. Kur kësaj ja shtojmë që LDD dhe LDK kanë një filozofi politike që në qendër e ka lirinë e individit dhe të cilitdo qytetar. Raporti i fundit i KE flet për shkelje flagrante në të drejtën e lirisë së shprehjes dhe lirisë së shprehjes së mendimit. Flet, gjithashtu për ndikime dhe kërkime të politikës në media dhe për ndikime enorme në gjyqësor. Ndërsa, filozofia politike rugoviane, koncepti i tradicionales me modernen, koncepti i asaj demokracie ku liria e individit dhe e qytetarëve është në fokus, po shihet që i mungon shumë vendit dhe qytetarëve të Kosovës. Fatkeqësisht, në bazë të atyre rekomandimeve të raportit të fundit të progresit, njeriu mund të konkludojë se diktatura e ka përfshirë çdo kore të jetës institucionale dhe shoqërore përfshirë këtu edhe shoqërinë civile.

INFOSOT: Po thoni se përgjithësht punët janë keq?
Naser Rugova: Definitivisht punët janë shumë keq dhe personalisht, si njeri aktiv në politikë në këto 15 vitet e fundit, si njeri që i takoj brezit të ri të politikanëve pragmatik kam pritur më shumë prej kësaj qeverie. Por, se gjendja degradon në një shkallë të tillë, vërtet jam i befasuar.


Iden për koalicionin LDD-LDK e kanë mbështetur shumica në parti


INFOSOT: Cili ka qenë reagimi i z. Nexhat Daci pas lansimit të kësaj ideje për koalicion me LDK?
Naser Rugova: LDD është parti politike, e cila organizon debat. Shpesh-herë kemi edhe polemika me kryesinë, gjithnjë në sfondin për fuqizimin, profilizimin, reformimin dhe rritjen e LDD. Kryetari Daci, thjesht, e ka pranuar këtë ide, si qëllim-mirë, sepse ishte përshtypja që partitë rivale të kësaj filozofie politike apo baze ideologjike, po tentonin ta hudhnin topin që LDK dhe LDD të merren dhe të luftojnë mes veti, kurse ata të tentojnë që në formë të shantazheve të caktuara të marrin njerëz pikërisht nga LDK dhe LDD. Andaj, thirrja ime, apeli im publik për elektoratin rugovian, ka të bëjë me ndaljen e erozionit dhe me kthimin e shpresës, të besimit se ajo frymë politike që ka mbështetje enorme te trupi elektoral, te qytetarët e Kosovës, që e kanë në zemër atë frymë politike, thjesht ka përgjigje. Ka impresione jashtzakonisht pozitive, qoftë nga baza e LDD dhe LDK, qoftë edhe nga struktura. Andaj, edhe kryetari Daci e ka pritur këtë si një qëndrim individual, por që ka një mbështetje të madhe në strukturat e LDD, nga kryesia, këshilli kombëtar dhe degët.

INFOSOT: Domethënë shumica në LDD ju kanë mbështetur?
Naser Rugova: Definitvisht, më ka mbështetur shumica, qoftë gjatë bisedave direkte, qoftë gjatë takimeve që i kemi me kryetarët e degëve çdo të premte, qoftë përmes postës elektronike, telefonatave, etj., dhe jo vetëm Kosova, por edhe nga mbarë bota shqiptare. Dhe kjo më ka inkurajuar shumë dhe besoj se një nga shembujt e ndërtimit të një koalicioni të tillë, të dy shtëpive që kanë qenë vëllezër, do të jetë rasti i zgjedhjeve të ardhshme tash pas ndarjes nga jeta të kryetarit të Istogut dhe kryetarit të vendlindjes sime z. Fadil Feratit. Aty do të montohet fuqishëm një koalicion i tillë i elektoratit rugovian LDD-LDK dhe besoj që do të jetë një shembull i mirë për gjithë Kosovën.

INFOSOT: Po thoni që vetëm koalicioni LDD-LDK mund ta çojë Kosovën përpara. Madje keni bërë krahasim me të djathtën në Shqipëri, duke thënë se është model se si Shqipëria ka shkuar përpara me udhëheqjen e të djathtës. Në Kosovë nuk ka profilizim të partive politike. Asnjërën nuk mund ta identifikosh se është e majtë apo a djathtë. Na jepni ju një shmebull që e dallon LDD që është e djathtë ose PDK që është e majtë?
Naser Rugova: Aspekti i profilizimit të spektrit politik në Kosovë, definitivisht duhet ta gjej rrugën e vet. Ne kemi parti politike në Kosovë, mbase më të mëdhatë, që kanë aplikuar që të jenë pjesë e internacionales socialiste, ndërsa para zgjedhjeve deklarohen se janë të djathtë.

INFOSOT: Cila parti?
Naser Rugova: Partia Demokratike e Kosovës. Dhe, kjo është nonsens edhe politik edhe juridik. LDD dhe LDK, si një brum dhe bazë ideologjike, si filozofi politike që solli pluralizmin dhe që e goditi rëndë komunizmin apo socializmin në Europën Juglindore, thjesht, janë bërthamat e para edhe pluraliste, edhe demokratike edhe të orientimit djathtist nacional. Dihet që në fazat e shtet ndërtimit qeveritë e majta kurrë nuk kanë mundur ta arrijnë cakun apo objektivin nacional. Çdoherë projektet e tyre janë shembur apo i ka kapluar erozioni për periudha të shkurta kohore. Në këtë kuptim, LDD me programin e vet dhe platformën politike është ithtare që prona është e shejtë, prona u takon pronarëve, ne mbështesim biznisin privat, kapitalin privat, kemi mbështetur procesion e privatizimit, por jo një privatizim të tillë që e degradoi edhe ekonominë kosovare, por edhe punetorinë kosovare. Pastaj, liria e individit, konkurrenca, tregëtia e lirë, qarkullimi i lirë i mallrave dhe kapitali janë bërthamë e programit politik të LDD. Por edhe te LDK. Gjithashtu vërehen këto vlera të së djathtës, jo konzervative por më shumë liberal-demokrate. Duhet edhe mjaft kohë që spektri politik në Kosovë të profilizohet, por askush nuk mund të thirret në djathtizëm dhe me vlera të tilla të së djathtës më shumë se LDD dhe LDK.

INFOSOT: Pse bash tash e dhatë këtë ide. Pse jo para zgjedhjeve lokale?
Naser Rugova: Po, zgjedhjet lokale ishin edhe një test që elektorati rugovian, ajo filozofi politike nuk pranon që klanet e caktuara, interesat apo grupet e caktuara, që mund të jenë edhe në LDD edhe në LDK, të bëjnë pazare politike me grupacione tjera politike që nuk e kanë bazë ideologjike rugovizmin dhe filozofinë politike rugoviane. Dhe pas një muaji të përfundimit të zgjedhjeve, duke analizuar dhe duke u konsultuar me bashkëpunëtorët e mi të ngusht, me miqtë e mi, me strukturën, me njerëzit e LDD, më motivuan ta jap këtë ide. Shumë persona nga baza e LDD më kanë thënë ‘Naser është momenti i fundit që t’i bashkërendojmë forcat’. Ka shumëçka që na ndan me LDK, me konceptin e tyre sidomos gjatë 3 viteve të fundit. Por, ka shumëçka që në koncept dhe në veprimin politik na afron. Pse mos t’i lëmë inatet dhe ndarjet, pse mos t’i bashkojmë vlerat edhe të koncepteve politike dhe programore dhe vërtet ta rikthejmë një koncept të qeverisjes, ku qytetari është në qendër dhe në fokus dhe jo individët dhe klanet e caktuara politike dhe ekonomike.


Dyshoj se z. Pacolli ka pasur marrëveshje të fshehte me Thaçin për ta dëmtuar LDD


INFOSOT: Pse nuk ju ‘dhezi’ koalicioni me AKR? Nuk e fituat asnjë komunë.
Naser Rugova: M’u kjo tregon që elektorati i LDD, i cili njihet si elektorat militant rugovian, në njëfarë forme abstenoi. Nuk e mirëpriti këtë marrëveshje të ngutshme me AKR dhe pa e analizuar mirë, qoftë nga forumi qendror i partisë apo nga baza. Ka pasur degë që e kanë kundërshtuar hapur këtë koalicion.

INFOSOT: Doni të thoni se ka qenë gabim koalicioni me AKR?
Naser Rugova: Ka qenë një nguti dhe një mospërputhje, qoftë në koncept, program apo bazë ideologjike. Dhe, në një farë forme i tha jo këtij koalicioni dhe na dha leksion të forte, që baza ideologjike, filozofia politike që ne thirremi dhe e trashëgojmë, nuk lejon ekzibicione politike të kësaj natyre. Dhe, elektorati i LDD, por edhe strukturat e LDD që punojnë në terren janë jetësisht të orientuara që LDD të jetë e përafërtë, të bashkëpunojë dhe pse jo të bëjë edhe koalicione vetëm me parti që kanë bazë ideologjike, platformë dhe koncepte pollitike të njejta.

INFOSOT: Zyrëtarë të LDD, kanë thënë për INFOSOT se z. Behgjet Pacolli nuk ka pranuar në asnjë mënyrë që të shkohet me kandidat të përbashkët në ato komuna ku rrezikohet seriozisht fitorja e PDK. Për shembull në Gjilan dhe Ferizaj. Cili është vlerësimi juaj?
Naser Rugova: M’u kjo ka ndikuar te elektorati, sepse elektorati kosovar është shumë i informuar, është një elektorat që nuk lëvizë kah frynë era, por lidhet për një bazë iodeologjike dhe për një filozofi. Kur z. Pacolli nuk pranoi që ne të kemi kandidat të përbashkët në Ferizaj, që është bastion i LDD, kur nuk pranoi që ta mbështesë kandidatin tonë në Gjilan dhe Dardanë, atëherë këtu erdh në shprehje që vërtet mos ka qenë ndonjë marrëveshje me kryeministrin Thaçi që LDD të mos korrë fitore, sepse ishte haptaz një veprim që çoi ujë në mulli të tjetërkujt dhe e dëmtoi LDD. Duke i analizuar këto edhe unë si anëtar i kryesisë dhe deputet i LDD, dhe bashkë me një numër të madh të anëtarëve të kryesisë qëndrore, Këshillit Kombëtar dhe degëve – kemi ardhur në konkludim që elektorati i LDD nuk pranon marrëveshje të tilla dhe avantura politike që ishin me nxitim, siç ndodhi në zgjedhjet e fundit lokale. Kjo ishte një impuls që erdhi nga baza.

INFOSOT: Domethënë paska qenë gabim koalicioni me AKR meqë po thoni se po dyshoni se z. Pacolli ka pasur marrëveshje politike me kryeministrin Thaçi për ta dëmtuar LDD?
Naser Rugova: Z. Pacolli e deklaroi tash së fundi që është i afërt me kryministrin dhe ky ishte një leksion që LDD duhet dhe do ta nxjerrë një mësim të fortë. Ne tani jemi në prag të kremtimit të 3 vjetorit të themelimit të partisë dhe më 26 shkurt e kemi Këshillin Kombëtar, ku do të diskutohet dhe debatohet për ecjen tutje drejt forcimit, rikonsulidimit, hapjes dhe profilizimit të LDD.

INFOSOT: A mendoni se Nexhat Daci e Fatmir Sejdiu mund t’i lënë inatet personale dhe të bashkoheni në një parti. Të ktheheni, siç thuhet në shtëpinë e vjetër. A mund të ndodhë kjo?
Naser Rugova: Në politikë kurrë nuk duhet thënë kurrë. Edhe Presidenti Sejdiu edhe Akademik Daci vijnë nga bota akademike dhe janë intelektual të spikatur. Gabimet që janë bërë në Kuvendin e gjashtë të LDK, i takojnë atij që e fitoi garën. Garën e fitoi Presidenti Sejdiu. Ju kujtohet mirë apeli që e kam dhënë në atë kuvend dhe lutja ime që të mos rrënohet diçka që ishte vlerë për shqiptarët, për Kosovën sepse e krijoi një burrë i madh, që falë asaj lëvizje dhe asaj filozofie politike erdhëm këtu ku jemi. Duke mos e harruar kurrë vullnetin dhe luftën heroike të djemve të Ushtrisë Çlirimtare të Kosovës dhe gjakut të derdhur për këtë liri. Ne ishim një binom i lirisë dhe gurëthemel i Pavarësisë. Andaj, në qoftë se Fatmir Sejdiu është në gjendje të ulet me Hashim Thaçin dhe të bëjë koalicion, pse të mos ulet me Akademik Nexhat Dacin. Z. Daci ishte kryetar i Parlamentit dhe Presindeti Sejdiu ishte nënkryetar i tij. Pse të mos ulen bashkë dhe ta ndërtojnë një koalicion. Nuk bëhet fjalë për bashkim, por një koalicion i cili do të mbështetej fuqishëm edhe nga aleatët natyror të filozofisë politike rugoviane si PSHDK, ADK e Edita Tahirit dhe pse jo edhe partitë me orientime dhe koncepte qytetare që është ORA, e cila ka lëvizje të fundit në atë drejtim. Ky koalicion i spektrit të gjerë, si model që e bëri dr. Sali Berisha që konsiderohet si një nga Kryeministrat më të suksesshëm të Europës Juglindore në këto 5 vitet e fundit, me një qeveri shumë profesionale, qoftë në aspektin individual, profesional, por edhe të veprimit unik të institucioneve dhe thjesht të jetë një model. Shkrimi im nuk ka qenë në kuadër të kornizave partiake dhe interesave të posteve. Naser Rugova nuk e ka bërë atë thirrje elektoratit rugovian që të bëhet ministër. Unë jam deputet i zgjedhur nga vota e popullit dhe nuk ka post më të mirë se të jesh përfaqësues i vullnetit të qytetarëve. Këtë ide e kam shikuar përtej kornizave partiake që ta kthejmë atë frymë dhe filozofi politike, që ta ndërtojmë një qeveri të një spektri vërtetë nacional, profesional, të dëshmuar, sepse ania e quajtur Kosovë e ka humbur kursin që të arrijë në limanin që quhet integrim në familjen e madhe europiane.


INFOSOT: Bashkimin po e përjashtoni?
Naser Rugova: Në politikë kurrë nuk duhet thënë kurrë.

INFOSOT: Por, a ka gjasë që kjo të ndodhë njëmend?
Naser Rugova: Ka gjasë, pse jo. Por, unë e shohë këtë në faza të tjera. Jo në këtë cikël. Së pari duhet të ulen dy liderët e dy partive, Presidennti Sejdiu dhe Akademik Nexhat Daci. LDD e ka një zot shpije. Ka adresë me kë duhet të bisedohet. I bëjë apel publik Presidentit Sejdiu që t’i lënë inatet dhe egot dhe ato pika që na ndajnë. Të shikojnë kah e ardhmja, kah ato pika që na bashkojnë. Ky do të ishte hapi i parë, fatkeqësisht si alternativë e vetme për nxjerrjen e vendit nga kjo situatë, dhe këtë mund ta bëjnë koalicioni LDD-LDK.


Daci e Sejdiu duhet t’ia lëshojnë rrugën Ukë Rugovës për t’u bashkuar LDD dhe LDK në një parti


INFOSOT: Vlerësohet se Isa Mustafa është personi i vetëm që mund ta bashkojë LDD me LDK. Çka mendoni ju?
Naser Rugova: Z. Isa Mustafa ka qenë një nga profilet e sukseshme të vorbullit politik, të dy viteve të fundit dhe është etabluar si një politikan shumë i sukseshëm që garoi për Kryeqytetin. Unë nuk mendoj që afrimi i dy partive politike mund të lidhet për një individ. Unë mendoj që njeriu që do t’i bashkonte në një trung LDK dhe LDD është Ukë Rugova. Një djal i ri që është gjak i Presidentit historik Ibrahim Rugova, që është rritur dhe edukuar në frymë dhe filozofi politike të tillë, që tani po mbaron studimet në SHBA. Ai ka karakteristika dhe pamje që reflekton unitet dhe që i takon brezit të ri, që nuk ka ngarkesa, inate, konflikt dhe ego dhe besoj që një kushtrim i tij do ta ndryshonte shumë skenën politike. Por, për këtë duhet të binden së pari liderët e dy partive politike që e kanë një moshë të caktuar dhe që kanë dhënë kontributet e tyre të pamohueshme dhe të pakontestueshme, por që trendet e reja u imponojnë atyre që të lëshojnë rrugë.

Domethënë, ju po thoni që t’ia lëshojnë rrugën z. Daci edhe z. Sejdiu djalit të ish Presidentit Rugova, Ukë Rugovës sepse vetëm ai mund ta bashkojë LDD dhe LDK në një parti dhe ta marr timonin e partisë. A mendoni se mund të pajtohen me këtë ide z. Daci dhe z. Sejdiu?
Naser Rugova: Së pari Ukë Rugova do të ishte njeriu unifikues i elektoratit rugovian sepse njerëzit janë të lidhur shpirtërisht edhe në aspektin moral, politik, nacional, dhe të identitetit të shtetit tonë të ri. Dhe, vetëdijësimi i të dy liderëve të dy partive dhe hapja drejt këtij koncepti do ta ndihmonte shumë Kosovën në radhë të parë, ecjen përpara të Kosovës dhe do ta unifikonte elektoratin rugovian, dhe definitivisht, do t’i kthehej dinjiteti edhe pjesës dërmuese të elektoratit kosovarë që filozofinë politike rugoviane e kanë në zemër, e kultivuan, u rritën me të dhe definitivisht, simboli vetëm unifikues i këtij elektorati do të ishte Ukë Rugova.

INFOSOT: Domethënë, të dy partitë të bashkoheshin në një dhe Ukë Rugova të bëhej lider i saj?
Naser Rugova: Patjetër, patjetër.

INFOSOT: A ka trashëguar diçka prej cilësive të Presidentit Ibrahim Rugova?
Naser Rugova: Sigurisht që ka trashëguar. Jo diçka, por shumëçka. Karizma e tij, pamja, toleranca, durimi, urtësia dhe ajo qëndrueshmëria që e kemi si trashëgimi familjare që e kemi demonstruar ndër shekuj tregon dhe reflekton një unitet, një ecje tutje me hapa të sigurtë të filozofisë politike rugoviane, të asaj baze ideologjike dhe do të ishte një shpëtim i të djathtës, jo vetëm në Kosovë, por në gjithë botën shqiptare. Mbase, do të reflektonte edhe me gjerë.

INFOSOT: Muaj më parë edhe Berim Ramosaj, derisa ishte në partinë tuaj, tha se duhet të LDK e LDD duhet të bashkohen. Por, u tha se nuk e ka përkrahjen e LDD, se ka devijuar nga politika e LDD, etj. A e keni përkrahë në atë kohë qëndrimin e z. Ramosajt?
Naser Rugova: Jo, nuk e kam përkrahur, sepse qëndrimi i z. Ramosaj nuk ishte qëndrim i artikuluar politik. Ishte një ide personale që nuk e diskutoi me njerëz në strukturat e LDD. Nuk dilet me një projekt të tillë që ka përmasa nacionale krye në vete apo edhe për interesa personale. Gjithë ajo bujë që u bë në media, s’është çudi që zgjatë vetëm 3 ditë dhe kështu mbaroi edhe ajo ide e z. Ramosaj, i cili kaloi në LDK pa ndonjë përkrahje dhe nuk po shikohet mirë as nga shtëpia e vjetër sepse nuk kishte një bazë të atij projekti dhe së fundi u bë këshilltar i Fatmir Sejdiut. Ky është epilogu tragjik për një intelektual. Nëse LDD, siç e ka thënë ai, ka devijuar nga politika rugoviane, që nuk është e vërtetë, atëherë z. Ramosaj deri në atë kohë ishte nënkryetar i LDD.

INFOSOT: Keni thënë se keni pasë ofertë për t’iu bashkuar LDK-së. Cili është personi që ju ka bërë ofertë?
Naser Rugova: Po kam pasur, por nuk mund të flas publikisht.

INFOSOT: Nuk do të tregoni se kush ju ka bërë ofertë?
Naser Rugova: Nuk do të flas me emra, por oferta ka ardhur nga instancat e larta të LDK. Kam pasur ofertë edhe nga subjektet tjera politike.

INFOSOT: Prej AAK?
Naser Rugova: Edhe prej AAK edhe prej PDK. Naser Rugova është anëtar i kryesisë së LDD, deputet i zgjedhur nga LDD dhe nuk do ta zhgënjej elektoratin që më sollli në Kuvend. Unë do të jem në LDD. Unë kam koncept dhe shpirt reformues dhe profilizues, por do të hapemi edhe ndaj kuadrave të reja. Mund të them që LDD e ka një ekip shumë të mirë. Jemi kryesi prej 25 anëtarëve që me të gjitha karakteristikat politike, morale, profesionale dhe familjare mund të japin kontribut të çmueshëm. Besoj se spektri politik dhe institucionet e Kosovës kanë nevojë që LDD të jetë pjesë aktive e zhvillimeve të mëtutjeshmë shoqërore dhe institucionale.

INFOSOT: Na thoni pse nuk keni qenë njeri publik në kohën sa ka qenë gjallë Presidenti Ibrahim Rugova?
Naser Rugova: Realisht, unë jam njeri publik që nga lëvizja studentore e vitit ’97. Në kohën sa ishte gjallë Presidenti Rugova, unë e kam luajtur një rol tjetër, qoftë në operativë, apo kam qenë njeri i drejtpërdrejt që në forma të ndryshme e kam mbështetur punën dhe veprimtarinë e Presidentit Rugova dhe të kabinetit të tij, duke përmendur shumë sektorë, qoftë të marrëdhënieve me jashtë, protokollit apo mekanizmave tjerë organizativ. Në vitin 2005 deri në mars të vitit 2006 kam qenë këshilltarë politik i kryeministrit të Kosovës për shëndetësi dhe qështje sociale dhe në komisionin për persona të pagjetur, kam qenë një nga njerëzit më aktiv në përmbushjen e standardeve para statusit dhe të raporit të sukseshëm të Kai Eides për fillimin e bisedave për statusin politik të Kosovës. Dhe, veprimtaria ime politike tash po i rrumbullakson afër 15 vite, që nga rinia studentore. Tash jam jam zgjedhur deputet pa bujë të madhe, pa fotografi të Presidenti Rugova, pa videospote me fotografi të tij, pa e përdorur figurën e tij. Kam dashur të dalë dhe të matem në popull, të shikoj se sa vlej. Nuk kam qenë në 10-shin e parë të partisë, por nga nga ajo renditje që kam qenë elektporati i LDD më përkrahu fuqishëm dhe jam ndër 5 deputetët më të votuar të LDD edhe pse isha i 12-ti.

[Pa_doreza2]

Kur njeriu i lexone komentet e Naser Rugoves .Ma kujtoje Koren Veriore dhe krytarin e s'ai qe djali i Diktarorit eshte ber Krytar o Naser Rugova kjo iterviste po i vjen era Kumunizem diktarorial .Dhe me kte prononsimin t'ai po duket se vet rugova e paska len amanet se ne vendin e t'i te vjen djali i tinai UKE rugova ket mentalitet e ka vetem Kuba Korea v dhe LDK dhe LDD hahah nuk mundemi me u largue nga e kalura komunizmit dhe pricipata e Velanise dhe TITA 2 dyte turpi po ju qeshe