Si u prit deklarata-bombë e Moisiut

[Beqari002]

Intervista u bë në Plazhin e Durrësit. Si i telefonuan Nanos në Janinë dhe faksi që erdhi nga Prishtina

Si u prit deklarata-bombë e Moisiut

Presidenti: Fatkeqësisht, SHBA i vetmi mik që kemi




TIRANE

Gjithçka nisi si rutinë. Një gazetë kosovare i kërkoi presidentit shqiptar një intervistë me rastin e festave të fundvitit. Intervista u kërkua në kanale gjysëm miqësore. Përmes një të njohuri të Moisiut, gazetari u prit pak ditë më parë në rezidencën qeveritare në plazhin e Durrësit. Aty u bë dhe intervista që po shkakton kaq shumë zhurmë. I pashoqëruar nga këshilltarët e tij, Moisiu nisi të japë në mënyrë të drejtëpërdrejtë intervistën e gjatë.

Ndërsa dje, kreu i shtetit ndoshta e kishte harruar se çfarë kishte thënë, u mësua në Tiranë thelbi i intervistës së tij. Përmbledhja e saj u nxor në internet ne site-in e agjensisë së lajmeve të Qëndrës për Informim të Kosovës. QIK është agjensia e partisë së Rugovës. Përmbledhja e intervistës doli në internet me titullin "Alfred Moisiu: I vetmi mik që kemi janë SHBA". Në fakt kjo frazë ishte shkëputur nga teksti i plotë i intervistës. I pari që e përcolli në Tiranë këtë deklaratë të Moisiut ishte televizioni NEWS 24. Një këshilltar i telefonoi i shqetësuar Nanos që ndodhej në Janinë për të kaluar fundjavën dhe Krishtlindjet. Kryeministri u interesua për vërtetësinë e këtij lajmi. Ngarkoi këshilltarin e tij diplomatik, Ksenofon Krisafi të interesohej për gjithçka. Ky i fundit u telefonoi në ministrinë e jashtme, zyrtarëve të së cilës u kërkoi që të gjendej teksti i plotë i intervistës së presidentit. U telefonua me urgjencë në zyrën e misionit shqiptar në Prishtinë. Prej kryeqytetit të Kosovës erdhi pas dhjetë minutash, përmes faksit, intervista që ishte botuar në të përditshmen e Kosovës. U pa se citimi që kishte bërë QIK, ishte i saktë. Stafi i presidentit ishte mbledhur gjithashtu i shqetësuar. Në fillim u hodh ideja që deklarata të përgënjeshtrohej. Më pas u informuan që redaksia e kishte të rregjistruar intervistën. Një arsye më shumë për të mos përgëneshtruar intervistës u gjet dhe çfarë kishte ndodhur rreth dy muaj më parë. Atëhere Moisiu përgënjeshtroi me të madhe lajmin mbi një mbledhje që ishte zhvilluar në presidencë, në të cilën drejtuesit e lartë të shtetit vendosën që të ratifikohet statusi i Gjykatës së Romës, por në të njëjtën kohë të nënshkruhet një marrëveshje dypalëshe me SHBA. Por përgënjeshtrimi i Mosiut u bë i pavlefshëm kur dy janë më pas mbërriti letra e Dik Çenit, i cili falënderonte Tiranën që kishte marrë vendimin për të firmosur marrëveshjen dypalëshe. Në këto rrethana, këshilltarët e Moisiut duke u këshilluar me ata të Nanos konkluduan që do ishte më e udhës që të bëhej një sqarim mbi pozicionin e Shqipërisë ndaj SHBA dhe Bashkimit Evropian.


SKENDER GJINUSHI: Kam përshtypjen se kjo është ideja që Shqipëria s'ka shumë aleatë. SHBA-ja ka qenë një vend me një rol mjaft të rëndësishëm vite më parë, si në 1913-shin apo në 1920-n, por edhe së fundi me Kosovën. Unë mendoj se Shqipëria ka pasur miq të shumtë. Ishin shumë shtete që e mbështetën ndërhyrjen e NATO-s në Kosovë dhe që ishin mjaft aktivë në Samitin e Rambujesë. Aleatët tanë kryesore janë SHBA-ja dhe BE-ja. Megjithatë, po të kthehesh pas në histori, edhe mund të thuhet kjo gjë.

BARDHYL AGASI: S'e kam lexuar intervistën e presidentit. Pavarësisht nga kjo, unë mendoj se nuk është vetëm SHBA-ja vendi mik i Shqipërisë. Në periudha të ndryshme janë gjendur pranë shumë miq. SHBA-ja ka mbajtur gjithmonë një qëndrim konstant dashamirës. Megjithatë unë mendoj se është nxitim që të thuhet se vetëm SHBA-ja është vend mik i Shqipërisë. Në Europë ka shumë vende të tjera që janë miq. Ka pasur edhe një grup, i quajtur "Miqtë e Shqipërisë".

REXHEP MEIDANI: Uroj që deklarata të mos jetë e vërtetë. Uroj që të jetë një keqkuptim.

SABRI GODO: Nuk kam asgjë. Por unë nuk dua që ta komentoj këtë deklaratë të presidentit Moisiu.

ARJAN STAROVA: S'ka asgjë për tu befasuar nga kjo deklaratë. SHBA-ja është një mik i madh i Shqipërisë. Por ka edhe të tjerë miq në Europë si: Anglia, Gjermania, Austria, Spanja, Turqia e të tjerë. Por është e vërtëtë që Shtetet e Bashkuara të Amerikës e kanë treguar veten si miq dhe aleatë. Këtë e treguan në Kosovë dhe në fillim të shekullit. Shqipëria ka miq edhe në Europë, por mendoj se integrimi i saj do të ishte më i shpejtë, nëse këta miq do të ishin më të lidhur.

FATMIR MEDIU: Natyrisht, unë s'mund të bëj koment mbi deklarimin e Moisiut, por, nëse ju më pyesni, nëse vetëm SHBA-ja është vend mik i Shqipërisë, unë do të thosha që, në radhë të parë, shqiptarët të tregojnë se janë miq të vetvetes. Mungesa e funksionimit të shtetit, por edhe hapat e tij, kanë përcaktuar edhe miqtë tanë. Në fillimet e tij shteti shqiptar kishte aleate Austro-Hungarinë dhe pastaj SHBA-në. Dua të them që SHBA-ja është aleatë e fortë, por Shqipëria, veç kësaj, është pjesë europiane dhe ka edhe miqtë e vet.
---------------------
----------------------
Oj sharki e lehte si era , a ka ardhur ne Shqiperi pranvera?

[Ushtari i mire]

Bravo Moisiu!

[FATJON SOFTA]

Eshte shqetesuese qe kreu i shtetit jep nje deklarate te tille.
Nuk besoj se kjo perben apo jo nje te vertete.
Ne se pozicioni i vendeve te Europes eshte disi i terhequr per shkak te politikave jo te orientuara ne kohe te klases politike,dhe Moisiu eshte treguar i sinqerte.
Nuk eshte ai interesim i meparshem i kryetareve te shteteve si ne kohen e Berishes,apo ne fillimet e marrjes se pushtetit te Nanos.
Ky lajm tregon se vendet e tjera te kontinentit plake,nuk eshte se nuk duan shqiperine,por drejtimin e paqendrueshem te politikave zyrtare te Tiranes.
Ne Itali,personalitete te Politikes Italiane,qe kemi pasur mundesi te Kontaktojne,e vleresojne Shqiperine,por interesimi i tyre eshte i ndryshem,edhe sepse te gjithe politikanet shqiptare,te gjithe oratore,premtojne shpejte dhe harrojne cfare u thane europianeve.
Nje deputet psh eshte i pa kenaqur sepse kur ka vajtur ne zonen e Lezhes ne krye te nje grupi biznesi agrar,para vitit 1997,ka mbetur i zhgenjyer,ai ka ne mendje kete impresion.Nje shembull.Kush do t'i heqe keto impresione,Shqiperia nuk eshte bace private e klaneve te politikes,ajo na takon te gjitheve.
Moisiu eshte i sinqerte,sepse ai vjen nga shoqeria civile dhe nuk ka akoma komplekse,sigurisht e hidhur,por me mire eshte te dish nga se vuan,qe te kurohesh.

[Redi]

I nderuar Fatjon,

Duhet te kujtoni nje fakt qe te gjithe shqiptareve i vret syte dhe ja trullos mendjen sa here qe e kujtojne.

Ne 1997-en, Romano Prodi Kryeministrer i Italise ne ate kohe dhe kryetar i Keshillit Europian sot, doli krah per krah me Zani Caushin, duke legjitimuar kryengritjen anarkiste qe dogji Shqiperine.


Deklarata e Presidentit Moisiu eshte mese e drejte, pavaresisht se nje person politik nuk duhet te shprehet hapur ne ate menyre per hir te dimplomacise.


SHBA, jane i vetmi mik i shqiptareve dhe kete e kane provuar ne shume raste.
Europa perkundrazi, ne shume raste ka dashur te na beje varrin.

Shembujt per kete nuk mungojne dhe jane te shumte.


Moisiu para nje muaji ka qene ne SHBA dhe dicka ka pare nga afer qe e ka shtyre te jape ate deklarate.


Shendet

[Vinny_T]

Mesa shkruan shtypi nga te thenat zyrtare, pjesa derrmuese e ndihmave per Shqiperine dhe rrjedhimisht dhe komisionet okulte te politikaneve tane vijne nga Evropa ne menyre bilaterale apo multilaterale. Gjithashtu kohet e fundit Kryeministri italian, presidenti po ashtu vizituan Shqiperine dhe atyre ju deklarua qe Italia eshte parteneri me strategjik i vendit tone, kjo i tyhuhet dhe grekut, gjermanit apo austriakut sipas rastit...
Kesaj radhe Mosiu e teproi pak pasi theksoi qe USA eshte "i vetmi mik". Deklarata te tilla shpresoj te mos jene me pasoja te renda per qeveritaret tane qe shkojne e lypin para neper Evrope per te plotesuar buxhetin e shtetit dhe per te vazhduar zanatin e tyre te famshem prej hajdutesh ordinere.

[Albo]

Deklara, pavaresisht nga rrethanat apo menyra se si eshte bere, eshte nje deklarate qe do te kete ndikime pozitive. Dhe ju do te pyesni Pse?

1. Presidenti Mojsiu u ben te qarte europianeve dhe fqinjeve qe nese ata nuk ndihmojne Shqiperine, Shqiperia nuk ka nevoje per ndihmen e tyre morale apo diplomatike, por per ndihme konkrete si ne reformat institucionale dhe investime. Kjo ka per qellim qe "ti preke ne seder" Europianet.

2. Ne nje kohe ku ne mbare europen jane zgjuar nga gjumi ish-komunistet te maskuar me masken e pacifisteve, maredheniet europe-shba jane demtuar ndjeshem. Kur te gjithe europianet dhe fqinjet dyshojne dhe denoncojne politikat amerikane ne Irak e me gjere, Shqiperia deklaron hapur besnikerine dhe miqesine e shkelqyer midis dy vendeve.

3. Nje deklarate e tille do te bente qe kancelarite europiane te rishikonin maredheniet me Shqiperine dhe te merrnin masa te tilla qe te rritnin prezencen europiane per ta hedhur poshte te verteten qe leshoi Mojsiu. Kurse Washingtoni, do te kete nje garanci me shume se Shqiperia eshte i vetmi parner strategjik ne rajon tek e cila mund te gjeje mbeshtetetje te pakushtezuar, ate mbeshtetje qe nuk e gjen as ne Greqi dhe as ne Turqi.

4. Mojsiu me kete deklarate deshmon se ai nuk eshte nje "politikan karriere" apo nje president kukull si parardhesi i vet, por nje lider qe nuk do te kurseje asgje ne sherbim te interesave te vendit te vet.

Deklarata e Mojsiut duhet te kenaqe Romen dhe Washingtonin, dhe keta jane te vetem partnere historike qe Shqiperia ka patur dhe do te kete ne te ardhmen.

[Mirditor]

Deklarata e Moisiut ka vleren edhe te bombes por edhe te Kerbacit.
Moisiu eshte i vetem ne detyren e tij morale te ndergjegjshme si dhe ne ate qe quhet obliguese.
Kjo deklarate tregon se deri ku ka arritur mullarit i ***** i ngritur me duart tona gjate ketyre 12 viteve.
Kjo deklarate tregon gjithashtu qe politika shqiptare eshte tashme ineksistence dhe gjithshka ka ngelur ne duart e te paafteve dhe se i vetem nuk ka mundesi tu jape rruge ceshtjeve primare te vendit tone.
Ai tregon gjithashtu se detyra e tij e larte dhe qe eshte me e larta sipas hirearkise se drejtimit te vendit eshte nje detyre sa e sa e madhe aq e rende aq e rendesishme aq e veshtire per tu kryer sidomos ne rrethanat qe Shqiperia ndodhet tani ku pa frike mund ta quajme Shqiperine proktetorat te Greqise, Serbise, dhe Italise dhe Turqise.
Te gjithe ne shqiptaret jemi te shkurajuar dhe te percare kaq shume saqe edhe emigrantet e diaspores nuk gjejne menyren e marrveshjes me njeri tjetrin,le me per te mos folur me shqiptaret e Shqiperise qe edhe diellin e shohin rralle e per malle.
Per kureshtje mund te lexoni deklaratat e politikaneve shqiptare qe as nje femije nuk i ben ne menyre te tille, por si per te treguar veten se jane "politikane" flasin brockulla me interes xhepi dhe jo me interes kombetar.
Edhe deklarata e Ibrahim Rugoves ishte nje bombe me sahat per te gjithe shqiptaret anembane trojeve shqiptare qe tregonte se shqiptaret politikane te Shqiperise jo vetem qe nuk kane mundesine te ndihmojne ne ceshtjen kombetare te Kosoves por perkundrazi jane ata qe i kane vene dinamitin Kosoves dhe Shqiperise(patjeter qe pa dashje dhe nga mungesa e zgjuarsise dhe shkollimit te pamjaftueshem).
Skender Gjinushi mbasi i ka mbushur xhepat tundohet here nga Amerika dhe here nga Evropa duke na kujtuar qingjin e mire qe pi ne dy nena.
Ndersa Bardhyl Agasi mashtrohet nga ato qe sheh por harron se tashme nuk vleresohet e mira vetem nga jashta
Pra asgje nuk funksionon ne saje te marrezirave te bera gjate ketyre 12 vjeteve.
Ndersa Aliensi Mejdani na del me profesor se presidenti jone Moisiu per te na treguar se edhe une isha president dhe gjerat nuk ishin keshtu.
Ai tregohet edhe kompetent, tipike komuniste dhe aspak shqiptar.
Ai, Mejdani do te na skandalizohet kur te vertetoje qe kjo deklarate eshte me se e vertete dhe zot ruejna mos vrafte veten se atehere nje politikan me pak do kete politika shqiptare.
Sabri Qyqja qenka akoma gjalle si ata pleqte e katundit dhe me kete rast thote le te pime njehere nga nje kafe dhe ndonje gote raki me pas shohim e bejme.
Cna duhet neve thote Godoja me e u be te keqinj me polet e politikes shqiptare.
E hame edhe kendej, e hame edhe andej, keshtu kalon jeta thote Ai dhe ka te drejte.
Ndersa Mediu me Staroven duket sikur po e zene peshkun.
Shqiperia ne keto momente nuk drejtohet nga shqiptaret por nga peshqit e trullosur per para, qe cdo kush e di qe per para shet edhe nderin e dinjitetin.
Me vjen keq qe eshte keshtu por ja qe duhet thene.
MOISIU KERKON NDIHME POR A DO TA GJEJE VALLE?
Mirditori