Një person i infektuar nga sëmundja e shekullit, Sida duket se është shëruar për mrekulli.
Të paktën këtë besojnë doktorët gjermanë, të cilët prej dy vitesh e kanë kuruar 42-vjeçarin amerikan të sëmurë me leuçemi. Kura e një doktori gjerman ishte tepër intensive dhe konsistonte në disa seanca transplanti të indeve kockore në palcën kurrizore. Qelizat ishin marrë nga një dhurues me qëndrueshmëri të lartë gjenetike ndaj virusit HIV. Si për çudi, pas analizave u zbulua se në trupin e pacientit nuk kishte asnjë gjurmë të virusit Hiv. Gjatë gjithë kësaj kohe pacienti, emri i të cilit nuk identifikohet nuk kishte marrë asnjë ilaç për trajtimin e Sidës Megjithatë, mjekët dhe kërkuesit rezervohen edhe vetë duke thënë se mund të jetë thjesht rastësi, ndërsa të tjerë shpresojnë se kjo ngjarje mund të frymëzojë kërkime në fushën e terapisë gjenetike për luftën kundër sëmundjes, që ka infektuar 33 milionë njerëz anembanë globit.
Por mjeku Gero Huetter në spitalin Carite të Berlinit paralajmëron se ky lloj transplanti për leuçeminë është tepër e rrezikshme për t’u marrë në konsideratë si një kurë për shërimin nga sëmundja e sidës. Kjo nuk është hera e parë që transplantet e qelizave janë përdorur për të kuruar pacientë me HIV/AIDS. 9 vjet më parë, disa kërkues prezantuan rezultatet e tyre shkencore dhe nga 32 raste, në të paktën 2 pretenduan se virusi ishte zhdukur.
© TV Klan
Përgjigju Duke Cituar
Postuar më parë nga ClaY_MorE
Krijoni Kontakt