Familja e Najadës, fierakes së njohur nga edicioni i kaluar i Big Brother-it, me emrin Noçe, banon në katin e katërt të një pallati në lagjen Apollonia në Fier.
Vera, e cila ruan ende bukurinë e rinisë, jeton me vajzën Filoanja, motrën e vogël të Noçes, ndërsa vetë kjo e fundit vazhdon shkollën artistike, dega pikturë, në Akademinë e Arteve në Tiranë.
E takuam Verën si prind. Këto ditë, qindra të rinj janë duke aplikuar për edicionet e reja të emisioneve televizive reality show dhe menduam që prindërit e tyre do të donin të dëgjonin një bashkëmoshatar të tyre, që e ka kaluar tashmë këtë eksperiencë.
Vera na tregon se Najada ka qenë një fëmijë me karakter të qëndrueshëm dhe shumë e qetë. “Ashtu si edhe sot, asaj nuk i ka humbur akoma ajo buzëqeshja që, unë si nënë, nuk e shkëpus dot nga ditët e saj të fëmijërisë”, - tregon Vera, - “nuk ka qenë fëmijë konfliktual, nuk më ka sjellë kurrë problemenga raportet me shokët, ka qenë përherë dashamirëse me të tjerët”.
E pyetëm Verën fillimisht se çfarë mbante mend më shumë nga fëmijëria e vajzës së saj:
“Ka qenë një organizatore e mirë festash apo aktivitetesh që krijonin me shokët. Ka qenë fjalëpaktë, por e vendosur si tip. Shikonte punën e saj, por kjo veti bënte që shokët t’i afroheshin vetë dhe në shumë raste ia dëgjonin fjalën. Si nxënëse ka pasur vullnet për të mësuar, por jo gjithmonë shkëlqente. Ka qenë e lidhur me grafikën dhe pikturën. Aty gjente veten dhe imazhin e saj për botën. Çdo kukull apo lodër, e rikrijonte me veshje apo bojëra, sipas imazhit të saj. Shkollën e mesme e la në gjysmë, shkoi në Itali me dëshirën tonë që të vazhdonte studimet”.
Çfarë keni synuar si nënë për Najadën? Marrëdhëniet mes jush, nënë-vajzë, si kanë qenë?
Përherë kam menduar që të jetë e aftë për të krijuar pavarësinë e saj, përfshirë këtu administrimin e parave, situatën financiare. Për fat të mirë, kemi qenë gjithmonë kënaqshëm financiarisht.
Sa për marrëdhëniet, kemi respektuar e vlerësuar mendimin e njëra-tjetrës si dy shoqe. Ka edhe ndonjë rast që jemi grindur, por kanë qenë gjëra kalimtare dhe të pranueshmeSi në çdo raport prind-fëmijë, unë nuk bëj përjashtim si nënë: Dëshiroj më të mirën. Ndonjëherë, kur përpiqesh t’ia imponosh mendimin fëmijës, por nuk gjen mënyrën e duhur, krijohen keqkuptime. Me motrat, Noçja është e dashur dhe përpiqet të jetë në vendin e një nëne të mirë.
Me çfarë po merret aktualisht Noçja?
Vazhdon studimet në Akademinë e Arteve për pasionin e saj pikturën. Është në vitin e tretë. Aktualisht punon për një ekspozitë që do të çelet afërsisht pas dy muajsh. Në fillim ka menduar ta çelë këtë ekspozitë për artdashësit fierakë e më pas në Tiranë.
Më vjen mirë që ajo është kaq e sigurt në ato që do të bëjë, ecën lehtë përpara pa u shqetësuar nga cinizmi, egoizmi dhe çoroditja që ka, në përgjithësi, sot shoqëria shqiptare.
Tani që spektakli ka përfunduar, si janë marrëdhëniet midis grupit, Najadës dhe ish-miqve brenda shtëpisë së Big Brotherit?
Me sa kam dëgjuarnga Najadajanë të mira,por të distancuara.
Po me Olsin ?
Me Olsin, si dy të dashuruar që s’mund t’i përshkruajë fjala
Shohim në spektakle si Portokallia, p.sh., apo të tjerë që merret e rimerret si personazh në mënyrë satirike. Keni ndonjë koment për këtë?
Asgjë! Secili përpiqet të bëjë mirë punën e vet. Ajo që mbetet është që, mua, më vjen mirë si prind, që personaliteti dhe karakteri i Najadës u pëlqye nga të rinjtë shqiptarë. Shpresoj që dhe ajo vetë ta shijojë këtë Najadë të realizuar.
Si prind që e keni përjetuar një eksperiencë të tillë… Një këshillë për prindërit e atyre të rinjve që duan të konkurrojnë për të marrë pjesë në emisione të tilla?
Shpesh krijojmë raporte shoqërore të gabuara me fëmijët. Bëhemi barriera për hapat e të rinjve. Emancipimi i vonuari një pjese jo të vogël të familjeve shqiptare, shpeshherë lind konflikte serioze me brezin e ri. Këto konflikte arrijnë, shpesh, deri në fatalitete.
Unë si prind jam trembur nga ky fakt, nga këta prindërtutorë. Kam zgjedhur për vete rrugën e tolerancës dhe të mirëkuptimit me fëmijët. Dhe ndihem mirë me ta sot. Lërini të rinjtë të jetojnë me impulsitetin e moshës.
Për të rinjtë, sidomos vajzat, dua të them diçka si nënë: Të besojnë tek dashuria e familjes. Është e pazëvendësueshme. Dhe të udhëhiqen nga mirësia në jetë.
Një këshillë për banorët që do të futen së shpejti në edicionin e ri të këtij viti?
Ndoshta do të përkufizoja dy. E para, të jenë vetvetja. E dyta, të dëshmojnë kulturë e qytetari, jo prapaskena dhe cinizëm.
Po t’ju propozonin organizatorët e Big Brotherit që të futeshit vetë në shtëpinë e kësaj loje televizive, do ta pranonit?
Me shumë dëshirë. Pse jo?
Përgjigju Duke Cituar
Postuar më parë nga prenceedi
Krijoni Kontakt