E dyta Sala nqs. ja ka lene ne dore historianeve kete pune, pse e ka bere vete fakt te kryer qe dita e clirimit eshte 28 Nentori dhe ka ndaluar cdo lloj festimi ne daten 29 Nentor?
...shkruan Mirakles..
kush tha or cun se ka ndaluar sala 29 nentorin?
pyet ne tiran e te tregojne..
Ja cfar shkruan Moisiu:
----------
gazeta shqiptare:
Krenarë se u renditëm mes fituesve:
-------------------------------------------
Nga Alfred Moisiu*
Çdo mbrëmje të 28 nëntorit shqiptarët, në Shqipëri dhe kudo që ndodhen në botë, mblidhen së bashku për të festuar Ditën e Flamurit, Festën tonë Kombëtare të Pavarësisë. Në kohë lufte dhe në paqe, në ditë të vështira e të lumtura, mes hallesh të shumta dhe gëzimesh të mëdha, 28 nëntori na ka falur një ndjenjë të shtrenjtë: krenarinë kombëtare, solidaritetin njerëzor dhe shpresën për një të ardhme më të mirë.
Natyrshëm gjejmë rastin të kujtojmë dhe të nderojmë sonte me respektin më të thellë të gjithë ata shqiptarë, idealistë dhe atdhetarë, politikanë dhe luftëtarë, që me kurajo, aftësi dhe mençuri të rallë, me veprën e tyre të pavdekshme i rikthyen shqiptarëve shtetin dhe identitetin e tyre kombëtar. 93 vjetorit të pavarësisë i bashkohet nesër edhe 61 vjetori i fitores mbi fashizmin. Duke respektuar mendimet dhe ndjenjat që nganjëherë edhe nuk konvergojnë, jam i sigurtë se të gjithë shqiptarët ndjehen krenarë me qëndresën heroike antifashiste dhe kontributin e dhënë në luftën kundër pushtuesve të huaj, të cilat e renditën Shqipërinë në koalicionin fitues botëror.
Të dashur bashkëqytetarë,
Kur kthejmë kokën pas dhe shohim rrugën që shoqëria e shteti shqiptar kanë kaluar, nuk mund të mos vihet re se sa shumë përpjekje, luftë, sakrifica dhe akte mbijetese janë dashur të arrijmë tek Shqipëria e sotme. Më shumë se dy breza i kushtuan jetën dhe energjitë e tyre aspiratave për Shqipërinë ideale, një vendi të lirë, të begatë dhe të bashkuar me familjen europiane. Sot atdheu ynë, edhe pse në gjendje larg vizionit tonë ideal, është e mbetet një vend vital që me vullnet e kurajo la pas izolimin e gjatë, tranzicionin e vështirë dhe po bën hapa përpara me rëndësi drejt progresit dhe demokracisë. Zgjedhjet e fundit parlamentare dhe rotacioni politik thellësisht paqësor janë një shenjë e fortë e ndryshimit, e bindjes se shqiptarët kanë mësuar nga gabimet e të kaluarës, duan të tejkalojnë pengesat dhe të shpejtojnë ritmet për të fituar kohën e humbur.
Në jetën e përditshme secili prej nesh ndeshet me pasojat dhe trashëgimitë negative të së kaluarës: kemi probleme me energjinë, punësimin, nivelin e jetesës, shtetin e së drejtës, korrupsionin apo me krimin dhe krizat në familje. A ka një zgjidhje magjike për të gjitha? Sa do të zgjasë tranzicioni? Deri kur do të vazhdojmë të besojmë në Shqipërinë ideale? Unë do të mbetem një optimist i pakorrigjueshëm sepse përvoja jetësore, vitet mbi supe dhe pozicioni im në pemën e shtetit, më japin të drejtën të besoj se ne dhe vetëm ne kemi në dorë çelsin e të sotmes dhe të ardhmes tonë.
Të parët tanë fituan mbi çdo rrezik e vështirësi sa herë që u bashkuan dhe lanë pas ndarjet politike dhe interesat personale. Le të mësojmë prej tyre, të mesojmë prej historisë dhe gabimeve tona. Ata shkrinë pasurinë dhe vunë jetën në rrezik për të bërë Shqipërinë; ne na kërkohet të punojmë pareshtur për të çuar Shqipërinë përpara. Duke respektuar dhe forcuar pasurinë tonë të madhe, pluralizmin politik, le të bashkojmë energjitë tona, mazhorancë dhe opozitë, media e shoqëri civile, klerikë dhe besimtarë, politikanë e qytetarë, për të arritur ato synime madhore që u përkasin të gjithëve. Asnjë qytetar nuk duhet të ndjehet i tepërt apo i menjanuar, pasi vetëm duke qenë bashkë në qëllimet e mira, do të arrijmë të vëmë gur të qëndrueshëm në ndërtimin e Shqipërisë europiane. Secili, duke respektuar Kushtetutën dhe përgjegjësitë publike, duhet të bashkëpunojë dhe ndihmojë pozitivisht për tu bërë pjesë reale e këtij procesi. Vendi ka nevojë për mirëkuptimin dhe kontributin e të gjithëve për të forcuar institucionet dhe veprimin e ligjit, për të luftuar fenomenet negative dhe për të realizuar ato reforma e kërkesa që shkurtojnë rrugën tonë të integrimit euroatlantik. Ne kemi detyrimin që më punën dhe angazhimet tona tu japim brezave të rinj optimizëm dhe besim në të ardhmen e tyre.
Vitin e ardhshëm shqiptarët ndodhen përpara sfidash dhe momentesh me rëndësi historike. Shqipëria pritet të nënshkruajë Marrëveshjen e Asocim Stabilizimit me Bashkimin Europian, ndërsa Kosova të fitojë pavarësinë e mohuar prej gati një shekulli. Sfida të tilla e bëjnë përgjegjësinë tonë, sidomos të politikanëve, shumë herë më të madhe. Me cilësinë e kryetarit të shtetit apeloj të gjitha partitë, institucionet dhe qytetarët të lënë pas mëritë, ndarjet e rastit, ideologjitë dhe interesat meskine, për t’ia kushtuar çdo minutë dhe energji në radhë të parë interesave tona madhore, interesave që prekin dhe duhet të bashkojnë gjithë shqiptarët, që forcojnë kohezionin shoqëror dhe kthejnë besimin e plotë për një të ardhme të sigurtë për kombin. Përmes shërbimit sa më të mirë ndaj qytetarëve, punës për përballimin me sukses të sfidave dhe rritjes së ndjenjës kombëtare pasurojmë identitetin tonë, i cili natyrshëm do të jetë i dobishëm për të ardhmen tonë europiane.
Miq e të ftuar,
Shqipëria u është mirënjohëse shteteve mike dhe institucioneve ndërkombëtare për ndihmën dhe mbështetjen e vazhdueshme. Ju ftoj që bashkë me këtë mesazh tua transmetoni qeverive tuaja edhe dëshirën e gadishmërinë tonë të plotë për të thelluar e forcuar akoma më shumë lidhjet e miqësisë e bashkëpunimit. Një politikë e tillë qëndron në prioritet e shtetit shqiptar. Shqiptarët janë pjesë e Europës, pjesë e të kaluarës, historisë, të sotmes dhe padyshim që do të përfaqësohen me vlera të dobishme edhe në të ardhmen e saj.
Vendi ynë, me angazhimet tona në politikën e bashkëpunimit rajonal dhe koalicionin kundër terrorizmit ndërkombëtar sot e në të ardhmen, si një partner aktiv e i besueshëm, do të kontribuojë akoma më shumë për paqen, sigurinë dhe stabilitetin.
Më lejoni që në mbyllje të fjalës time të apeloj edhe njëherë për bashkimin e vlerave, të energjive dhe vullneteve, për të bërë, siç thoshte shqiptarja e madhe, Nënë Tereza, “punë të vogla, por me dashuri të madhe”. Edhe njëherë uroj të gjithë shqiptarët kudo që ndodhen, gëzuar festën e Flamurit, 93 vjetorin e Pavarësisë, gëzuar ditën e çlirimit!
Mbarësi dhe gëzime në çdo familje!
Zoti qoftë me ne!
*Fjala e Presidentit të Republikës dje në ceremoninë e zhvilluar në qytetin e Vlorës
----------
Pėrgjigju Duke Cituar
Postuar mė parė nga vioxx
Krijoni Kontakt