Grotesku i Sheratonit

[flory80]

Nga Kolec Traboini

Pasi kisha dëgjuar tërë komentet e politikzhbërësve shqiptarë, sepse nuk mund t'i konsideroj kurrë politikbërës, sa kohë që flasin roma për toma, e sa kohë që mbllaçisin në parlament sikur të kishin para një tufë hajvanësh e jo një popull relativisht të shkolluar, që i ndjek nëpërmjet mediave audiovizive duke vënë duart në kokë prej lemerisë. U shtriqa pra edhe unë si populli im para ekranit të televizorit. Në Amerikë çdo gjë kish përfunduar dhe njerëzit të nesermen i qenë kthyer punës. Në fakt që atë ditë i qenë kthyer, 4 Nëntori jo më kot është lënë ditë zgjedhje, sepse të punosh është votë e të votosh është punë. Kjo është Amerika...

U përqëndrova në dy momente që trumbetonte mediabumi televiziv shqiptar, e para në votim-improvizimin grotesk sikur shqiptarët po votonin për Shtëpinë e Bardhë në Hotel Sheratonin e Tiranës , ku i nderuari ambasador amerikan i akredituar në Tiranë, që i takon atij grupimit politik që është në ikje nga Shtëpia e Bardhë, shpalli me seriozitetin me të çuditshëm diplomatik, që kaq përqind i mori Obama, kaq përqind i mori Mcain dhe kaq vota ishin të pavlefshme në pseudovotimin grotesk të Sheratonit. Kaq serioz ishte kjo lojë kukamshefti sa u tha se Obama mori votat (prej koti) të shqiptarëve në proporcion të drejtë me verdiktin që dha populli amerikan në të drejtën e vazhdimësinë e tij historike të demokracisë progresive.

E kështu konkluzioni na del se niveli i kopesë politike shqiptare në votim groteskun e Sheratonit ishte thuaj i barabartë me pjekurinë e popullit amerikan. Serioziteti i shtirur i politikanëve shqiptarë arriti deri atje sa një politikan nën hije si Majko, me intuitën e gjirokastritit ju shmang kësaj loje bajate e deklaroi në një nintervistë se nuk kish pranuar të votonte( me një fjalë kish abstenuar). Ndoshta ndonjë trutharë i politikzhbërësve të Tiranës ja morën për të keq Majkos, sepse po dilte nga grigja e atyre që trumbetojne me të madhe që po ju bie bretku duke ecur në udhën e demokracisë amerikane. Mund që edhe kundershtarët politika t'a konsiderojnë këtë abstenim si "antiamerikanizem". Çfarë nuk gatuan guzhina e "Sheratoni".

Si u pronuncuan të gjithë politikanet e dinjitarët e qeverisjes nëpër mediat vizive, madje edhe i kryesocialistit nga Londra, është e natyrshme që radha t'i vinte edhe presidentit që mesa dukej edhe ai kishte gdhirë në Sheraton, sepse fjalë për fjalë tha: "Kaluam një natë pa gjumë!".

Duke qënë se jam qytetar amerikan që nga koha e Klintonit dhe interesohem për ardhmerinë e popullit ku jetoj, po aq dhe popullit shqiptar të cilit i përkas që nga lindja e deri në vdekje, mendoj se kam të drejtë të pyes "Pse ndënjën pa gjume politikanët e shtetarët shqiptarë?". Po këta nuk po çajnë kokën për popullin e vet e si po tundohen aq shumë se ç'po ndodh në Amerikë. Mirëpo, pasiqë analizova situaten politike shqiptare, ku tërë pushtetarët e politika shfaqen si një varg qepësh, që po hoqe një kokëqepe në krye, të gjitha rrëzohen rrakapjekthi, arrita në mendimin se kanë ndenjë pagjumë me të drejtë.

A nuk brohoriten demokratët shqiptare më shumë se antarët e partisë republikane amerikane, kur u zgjodh për të dytën herë Bushi i ri, duke nënkuptuar se qëndrimi i republikanëve edhe me tej në Shtëpinë e Bardhë, do të ishte një faktor zotërues për të ardhur të djathtët në pushtet ne Shqiperi, dhe vertetë erdhën. Tani a nuk kanë të drejtë të brohorasin deri në kupë të qiellit të majtët shqiptare të shpartalluar, por me dëshirën delirante që rotacioni i pushtetit të zhvillohet për nga krahu i tyre. Dhe paradoksi ështe ky: ky taborr politikanësh ndënji pa gjumë për zgjedhjet në SHBA, kur amerikanët e thjeshtë, pasi që kanë hedhur votën e tyre, të lodhur prej punëve të ditës, kanë shkuar e kanë bërë kokrrën e gjumit.

Epo, thashë me vete, amerikanët e lodhur si kanë votuar, kanë fjetur të qetë e pa ankthe, edhe këndej populli shqiptar bëri kokrrën e gjumit. Vetëm politika nuk fle. Përse kjo pagjumësi politike. Çfarë kanë krerët e politikës, qeverisjes e të shtetit që nuk flënë por dënden me skoç uiski në "Sheraton" ku edhe improvizuan një gallup elektoral. Halli i madh i ka mbledhur të dy palët, të djathtë e të majtë, sepse duke e ndjerë vehten të tërhequr pas qerres së botës, ata nuk mund të flënë. Po sikur, na ruaj zot, i posazgjedhuri të mos i ketë për zemër partinë tonë politike? Na mori lumi...Ndaj si zë gjumi. Këta të mjerë politikzhbërësit tanë, tani po përpiqen të kapen pas Obamës, duke thënë se presidenti i ri do të bëje mrekullira por politika amerikane nuk ndryshon. Mrekulli që këta riqnat e politikës sonë shqiptare duan t'a përfitojnë duke i zgjatur jeten vetes duke u zhgarrëzyer edhe më tej në kurriz të mjerit popull, i cili nuk përjeton me ankth se kush president amerikan shkon e vjen, se Amerika di t'i bëjë punët e veta, por si t'ia bëjë me këta derdimenët e politikës sonë që ngjasin me njëri tjetrin si dy pika uji, a diç më keq, si një m.... i ndarë për gjysëm. Po na vjen 2009 e populli shqiptar përjeton dilemen e vet: Çfarë të zgjedhë nga dy gjysmat?!

[EDLIN]

Po na vjen 2009 e populli shqiptar përjeton dilemen e vet: Çfarë të zgjedhë nga dy gjysmat?!

Kjo eshte esenca e gjithe ketij shkrimi...
Per te qeshur dhe per te qare...

[flory80]

Po na vjen 2009 e populli shqiptar përjeton dilemen e vet: Çfarë të zgjedhë nga dy gjysmat?!

Kjo eshte esenca e gjithe ketij shkrimi...
Per te qeshur dhe per te qare...

Ju edhe pse e nënkuptuat nuk e thatë deri në fund fjalinë e Traboinit!
Çfar të zgjedh nga dy gjysmat e të njëjtit m*ut të ndarë përgjysëm?
Po afrojnë zgjedhjet dhe kandidaturat dihen pa u shpallur nuk ka shumë për të zgjedhur sepse janë po të njëjtat fytyra që jemi lodhur duke i parë këtu e 20 vjet tani, por të qënë i sakt ata kanë qënë atje edhe 50 vjet të tjerë pavarsisht se ishin të padukshëm dhe rrinin nën hijen e komandantit të tyre legjendar

Moj kasolle ku na mblodhe thuaj!

[EDLIN]

E ç'te thuash ?
Ajo pune vjen ere.
Vjen ere qe kur i vume kazmen ekonomise qe nga fabrikat e deri tek rrenjet e ullinjve.
Vjen ere kur sheh kalvarin e prones dhe pronarit, e pa u bere e shenjte prona kjo pune eshte...
Shahen,rrihen,shtyhen,peshtyhen e lepien por e gjejne gjuhen kur u dhemb b...
Kurse ne, ne kemi detyre te zgjidhim dilemen e dy gjysmave te m... qe na mbine ne dere per fajin tone.

[Duaje Siveten]

E ç'te thuash ?
Ajo pune vjen ere.
Vjen ere qe kur i vume kazmen ekonomise qe nga fabrikat e deri tek rrenjet e ullinjve.
Vjen ere kur sheh kalvarin e prones dhe pronarit, e pa u bere e shenjte prona kjo pune eshte...
Shahen,rrihen,shtyhen,peshtyhen e lepien por e gjejne gjuhen kur u dhemb b...
Kurse ne, ne kemi detyre te zgjidhim dilemen e dy gjysmave te m... qe na mbine ne dere per fajin tone.

une thom qe te zgjedhim ... perseri ... letrat vlere-mashtruese ... mashtrimi ri-ciklohet

lexoni ... e mos vini mend ... asnjehere!

Panorama, 27/11/2008

Berisha: Do fusim sërish në përdorim letrat me vlerë


Qeveria do të fusë sërish në përdorim letrat me vlerë. Këtë e bëri të ditur dje kryeministri Berisha gjatë mbledhjes së radhës së qeverisë. Duke folur para mediave, kreu i ekzekutivit u shpreh se hapi i parë i këtij procesi do të jetë pikërisht dhënia e mundësisë për parablerje nga ana e pronarëve të objekteve që nxirren për privatizim. “Ekspertët e Ministrisë së Ekonomisë dhe të Financave do të bëjnë modelimin dhe ekuivalentimin e tyre. Në këtë kontekst, krijohet një lehtësi e madhe për pronarin për të parablerë objektin e nxjerrë në privatizim. Kjo masë duhet të merret me shpejtësi. Parablerja është e drejtë e ligjshme, e cila është aplikuar në rastet e bashkëpronësisë private publike, ku për pjesën publike është dhënë e drejta e parablerjes. Këtë ligj në favor të pronarëve, që e anuluan qeveritë e mëparshme, ne e kemi amenduar dhe rikthyer,” u shpreh Berisha. Sipas tij, hedhja në treg e tyre gati 13 vjet më parë u bë me qëllim që të kishte shpërndarje të pasurisë kombëtare nëpërmjet një bonusi të caktuar. Por Berisha tha se kriza financiare, rebelimi komunist dhe sistemi i korruptuar i vendosur pas vitit 1997 i bënë ato inekzistente.“ Kanë kaluar rreth 13 vjet nga ajo periudhë.

Qeveria dhe maxhoranca ka pasur një zotim se nuk do t’i mohojë ato, por se do të gjejë mënyrën e trajtimit. Në vitin e emetimit të tyre, për arsye jo të qëndrueshme, por më shumë si një jehonë, ato imituan lekët e privatizimit, ndërkohë që lekët e privatizimit, faktikisht, ishin lekë me destinacion privatizimin dhe që do të dëmshpërblenin ditën e vuajtjes në burg, në përputhje me ligjin e kohës. "Bonot e privatizimit në asnjë vend dhe në asnjë rast nuk janë cilësuar si lekë. Sidoqoftë, ne duhet të fillojmë të hapim siparin e përdorimit të tyre”, tha më tej Berisha. Duke garantuar se kjo masë nuk ka efekte negative në funksionalitetin e ekonomisë, kryeministri theksoi se futja në përdorimin e letrave me vlerë do të bëhet gradualisht dhe hap pas hapi. “Gjykoj se është e dobishme dhe e domosdoshme të hidhet hapi i parë. Nuk mund të ecet në mënyrë tjetër përveçse hap pas hapi, sepse vetë situata financiare botërore nuk lejon asnjë lloj eksperimenti, por imponon rigorozitet, hapa të matura e të studiuara dhe unë kam shumë bindje se vendimi për t’u dhënë të drejtën pronarëve për të parablerë me letra me vlerë nuk do të ketë asnjë efekt negativ në funksionalitetin ekonomik të vendit, por, përkundrazi, do t’u lehtësojë barrën një shtrese, e cila e meriton plotësisht. Fillimi i procedurave, monitorimi, eksperienca e krijuar do të na mësojë për hapin e dytë, të tretë, të katërt e me radhë”, theksoi më tej kreu i qeverisë.

Në fund ai sqaroi se letrat me vlerë nuk janë lekë, duke qartësuar kështu edhe ish të përndjekurit politikë për letrat me vlerë që morën gjatë qeverisjes së parë të PD-së.

[flory80]

[Panorama, 27/11/2008

Berisha: Do fusim sërish në përdorim letrat me vlerë

Letrat me vlerë ishin ideuar që tu jepeshin puntorëve të fabrikave dhe uzinave shtetërore, fermave dhe ndërrmarrjeve të tregëtise, etj etj. Me pak fjalë gjithë puntorëve shtetëror që ata të bëheshin pronarët e ndërrmarrjeve shtetërore pasi ato të privatizoheshin, por ajo që ndodhi në 1992 ishte një katastrofë sepse vlera e këtyre letrave me vlerë ishte vetëm llafollogjia e ish presidentit të atëhershëm Sali Berisha, sepse ndërrmarrjet shtetërore u privatizuan më së shumti nga të huajt, dhe ata që dhanë gjithë jetën e tyre për të ndërtuar këto ndërrmarrje shtetërore, fabrikat dhe uzinat e vendit përfunduan me disa letra në dorë që Ish Presidenti, dhe Kryeministri Aktual i quan "ME VLERË"

[prenceedi]

Nje sqarim te vogel per ju me siper :
Ato letrat qe ju i quani me vlere mua me rezultojne 'letra qe vijne ere'