Mitrovica, spastrimi etnik i popullsisë Shqiptare

[hoteli]

Gjarpni ne krye e jo ne bishte zoteri dhe zonja,po ja hjeke Hardhuces bishtin i del tjetri,9 rej bishti e jo prej krejevjet 5 shtepia 18 dhete shtepia 36 vjet njizet shtepia,e liruem prej bishti e jo prej kreje...

[Llapi]

Sot nisën punët për rindërtimin e pesë shtëpive në lagjen Kroi i Vitakut në veri të Mitrovicës
Mitrovicë, 23 prill - Pasi janë bërë të gjitha përgatitjet, sot kanë nisur punët për rindërtimin e pesë shtëpive në lagjen Kroi i Vitakut në veri të Mitrovicës, banorët e së cilës prej pasluftës janë duke jetuar nëpër strehimore kolektive dhe vende të papërshtatshme për jetë normale. Kryetari i Komunës së Mitrovicës, Bajram Rexhepi, përshëndet fillimin e rindërtimit të shtëpive të djegura dhe të shkatërruara në Kroin e Vitakut në veri të qytetit dhe njëkohësisht shpreh gatishmërinë për të ndihmuar në këtë drejtim të gjithë të zhvendosurit pa dallim etnik. Ai theksoi se në këtë proces nuk ka kurrfarë prapavijë politike, por krejtësisht humane meqë strukturat komunale kanë obligim që të krijojnë kushte të mira për jetë për të gjithë qytetarët. "Njerëzit kanë të drejtë të ndërtojnë dhe të jetojnë në pronat e tyre". Rexhepi garanton se nuk do të ketë kurrfarë provokimesh nga askush dhe në pronat ku do të fillojë puna do të jenë vetëm punëtorët dhe familjarët. Gjithashtu ai tha se në shtëpitë që do të rindërtohen nuk do vendoset askush tjetër, pos familjeve që janë të veriut dhe kanë pronat e tyre atje. Rexhepi tha se komuna përkrah brenda mundësive të gjithë ata që duan të kthehen në pronat e tyre pa kurrfarë dallimi etnik. Në këtë kontekst, ai tha se komuna është e gatshme të ndihmojë dhe të kërkojë nga Ministria për Kthim dhe Komunitete që të ndajë fonde për të gjithë serbët që kanë pronat në jug dhe që dëshirojnë të kthehen.

[Llapi]

Pajaziti përjashton zgjidhje policore për veriun


Ministri i Punëve të Brendshme, Zenun Pajaziti, i tha BBC-së se nuk është synim i autoriteteve në Kosovë që të bëjnë zgjidhje policore për problemet në veriun e Kosovës.

Ai tha se janë përcjellur porosi të bashkëjetesës në veri dhe se masat policore janë të fundit për të penguar, siç i cilësoi, keqbërësit që duan ta mbajnë gjendjen pezull në këtë pjesë të Kosovës.

Autoritetet policore përdorën në dy ditët e kaluara, gazin lotësjellës për të shpërndarë një grup protestuesish serbë në lagjen Kroi i Vitakut në veri të Mitrovicës, që kërkuan ndaljen e punimeve në rindërtimin e shtëpive të banorëve shqiptarë, të shkatërruara që nga përfundimi i luftës.

Pjesëtarët e komunitetit serb në veri, kanë kundërshtuar rikthimin e banorëve shqiptarë në pjesën veriore, të qytetit të ndarë të Mitrovicës dhe kanë refuzuar bashkëpunimin me autoritetet në Kosovë.

Pjesa më e madhe e pjesëtarëve serbë të policisë së Kosovës, kanë lëshuar vendet e tyre të punës pas shpalljes së pavarësisë së Kosovës.

Qeveria e Kosovës, ndërkaq u ka dhënë një afat deri më 30 qershor që të vendosin nëse duan të kthehen në vendet e tyre të punës.

Ministri Pajaziti tha se ka filluar një process i komunikimit me policët serbë dhe se afati i përcaktuar do t’u mundësojë atyre të vendosin për të ardhmen.

Ai shprehu besimin e tij se një numër i madh i tyre do të kthehet në vendet e punës.

Zoti Pajaziti tha se duhet të shfrytëzohet prania e misionit evropian për drejtësi dhe polici, EULEX, për kthimin e policëve serbë në institucionet e Kosovës dhe për të ndaluar një manipulim, siç e cilësoi, të rrezikshëm të tyre nga strukturat jashtë vendit.

[Llapi]

Mitrovicë: Shtohet numri i forcave të sigurisë - vazhdojnë punimet në Kroin e Vitakut
Rreth 100 protestues serbë janë shpërndarë me forcë nga organet policore të EULEX-it dhe ato të Kosovës, tek lagjja “Kroi i Vitakut”, në veri të Mitrovicës, pasi që refuzuan t’u binden urdhrave të policisë. Protestuesit kërkonin ndërprerjen e punimeve të shtëpive të shqiptarëve, njoftojnë agjencitë.
Banorët serbë të pjesës veriore të Mitrovicës edhe sot kanë protestuar dhe janë përpjekur t’i ndalin punimet e filluara për ndërtimin e shtëpive të shqiptarëve të zhvendosur tek lagjja Kroi i Vitakut.
Forca të shtuara të Policisë së Kosovës dhe asaj të EULEX-it, të përkrahura edhe nga KFOR-i, kanë siguruar vazhdimin e punimeve në këtë lagje në veri të Mitrovicës.

Zëdhënësi rajonal i Policisë së Kosovës, Besim Hoti, thotë se pas mosbindjes së serbëve që t’i zbatojnë urdhrat e policisë, është dashur që të përdoret gazi lotsjellës për t’i shpërndarë protestuesit serbë.

“Rreth orës 10:30, diku afërsisht 100 qytetarë serbë, sipas Hotit, janë tubuar në përpjekje të pengimit të punimeve të shtëpive të shqiptarëve tek lagjja Kroi i Vitakut.

Për shkak të mosbindjes së tyre, Hoti thotë se intervenimi ka qenë i domosdoshëm. Pasi që nuk i kanë përfillur urdhrat policore, forcat speciale të Policisë së EULEX-it është dashur dhe kanë qenë të detyruara të përdorin gazin lotsjellës për t’i zmbrapsur protestuesit dhe një gjë e tillë ka ndodhur.

E gjithë situata është përcjellë nga afër edhe nga pjesëtarët e KFOR-it, thotë Hoti. Zmbrapsja e protestuesve ka rezultuar me një situatë të qetë dhe të palënduar, thotë zyrtari i Policisë së Kosovës.

Mirëpo, ai konfirmon se në atë pjesë janë shënuar edhe të shtëna me armë zjarri, por të cilat nuk kishin si pasojë të plagosur apo viktima në njerëz.

Ndonëse nuk është konfirmuar ende se prej nga kanë ardhur këto të shtëna, Hoti beson se ato kanë qenë të drejtuara drejt forcave që po ruajnë vendin e punimeve në këtë pjesë të Mitrovicës.

Të revoltuar pasi që nuk po munden t’i pengojnë punimet për ndërtimin e shtëpive në Kroin e Vitakut, disa serbë janë tubuar në cep të urës kryesore të lumit Ibër, kurse numër i madh i pjesëtarëve të KFOR-it dhe EULEX-it janë vendosur mbi urë për të penguar ndonjë incident të mundshëm. /Agjencitë/

Më herët KosovaLive, duke u thirrur në “burime të veta të besueshme” ka raportuar se një serb ka pësuar lëndime gjatë një shkëmbimi zjarri mes grupit të banorëve serbë që po protestonin kundër rindërtimit të shtëpive të shqiptarëve në lagjen “Kroi i Vitakut”, në veri të Mitrovicës dhe pjesëtarëve të Policisë së Kosovës dhe atyre të EULEX-it.

Po ashtu burime të besueshme të KosovaLive brenda Policisë rajonale të Mitrovicës, kanë bërë të ditur se shkëmbimi i zjarrit është provokuar nga protestuesit serbë, të cilët kanë shtënë në drejtim të policisë që po siguron mbarëvajtjen e punimeve për rindërtimin e shtëpive të shqiptarëve në këtë lagje të qytetit të Mitrovicës. Por, ende nuk është konfirmuar zyrtarisht identiteti i të plagosurit e as rrethanat që çuan në shkëmbim zjarri mes protestuesve serbë dhe pjesëtarëve të policisë.


| s.b & RTK staff |
27 prill 2009 - 13:14:50

[Llapi]

Arrestohen tre serbë për sulmin ndaj policisë

Nga Express më 29.04.2009 në ora 10:35
Policia e Kosovës ka arrestuar tre persona të nacionalitetit serb, banorë të fshatit Sllatinë të Leposaviqit, si të dyshuar për përfshirje në rastin e sulmit të armatosur ndaj policisë, që kishte ndodhur më 18 prill.

Tre të dyshuarit janë arrestuar pa ndonjë incident të shënuar, të hënën pasdite, si rezultat i shënimeve të mbledhura operative mbi rastin e raportuar, njofton Besim Hoti, zëdhënës i policisë në Mitrovicë.

Policët e stacionit Leposaviq, në konsultim me prokurorin e Prokurorisë së Qarkut në Mitrovicë, ka zbatuar urdhër kontrollin e një shtëpie private në fshatin Sllatinë e Ibrit, në kërkim të provave dhe elementeve tjera të rastit.

Gjatë zbatimit të kontrollit të shtëpisë, policia ka gjetur dhe sekuestruar një pushkë mitraloz të kalibrit 7.62mm, me 147 copë fishekë të kalibrit të njëjtë.

Në lidhshmëri me rastin, policia ka arrestuar; M. Jankoviq (1982), S. Antonijeviq(1982) dhe S. Jovanoviq (1988), si të dyshuarit e mundshëm për përfshirjen e tyre në rastin e sulmit të armatosur ndaj zyrtarëve policor si dhe në rastin e vjedhjes gjithashtu.

Ndaj tre të dyshuarve të arrestuar, me vendim të prokurorit publik, policia ka caktuar ndalimin policor për zhvillim të hetimeve të mëtejme.

Patrulla policore e stacionit Leposaviq ishte sulmuar me armë zjarri, më 18 prill, në rrugën magjistrale Mitrovicë - Leposaviq, përkatësisht në fshatin Kamenicë.

Rasti ishte raportuar se ka ndodhur rreth mesnatës, në kohën kur njësiti patrullues i stacionit Leposaviq po kryente patrullimet e zakonshme në rrugën magjistrale.

Policia kishte bërë të ditur se patrulla kishte vërejture një traktor, pa shenja ndriçimi, i cili po lidhej në rrugën magjistrale nga rruga dytësore e fshatit Kamenicë të Leposaviqit. Në momentin kur policët kanë tentuar të ndalin traktorin, nga prapa janë dëgjuar disa të shtëna në drejtim të automjetit policor, ndërsa tre të dyshuarit kanë braktisur traktorin dhe kanë ikur në drejtim të panjohur.

Automjeti zyrtar i policisë së Kosovës, “KIA Sorento”, si rezultat i të shtënave me armë zjarri, kishte pësuar dëme materiale në xhamin e prapmë të automjetit, si dhe në xhamin dhe derën e krahut të djathtë të automjetit.

Në vendin e ngjarjes policia kishte gjetur dhe marrë shtatë gëzhoja të kalibrit 7.62mm, të cilat besohej se ishin përdorur nga të dyshuarit në këtë rast.

Traktori i braktisur nga të dyshuarit ishte identifikuar se i takon një 52-vjeçari, banor i fshatit Kamenicë.

[Llapi]

BE: Të dënohen sulmuesit në Mitrovicë
Bruksel, 29 Prill 2009 (Kosovapress) Koha 20:09

Protestuesit në Kosovë, të cilët i kanë sulmuar paqeruajtësit ndërkombëtarë, duhet të sillen para drejtësisë sa më shpejt të jetë e mundur, thuhet në një komunikatë të Bashkimit Evropian, dy ditë pasi një paqeruajtës francez u lëndua në dhunën në pjesën veriore të Mitrovicës

[Llapi]

Tirana dënon veprimet e dhunshme të ekstremistëve serbë

Tiranë, 30 prill - Ministria e Punëve të Jashtme të Shqipërisë dënon veprimet e dhunshme të ditëve të fundit të një grupi të vogël ekstremistësh serbë në lagjen «Kroi i Vitakut», në Mitrovicë, që kërkojnë ndërprerjen e punimeve për rindërtimin e shtëpive të qytetarëve shqiptarë të shkatërruara gjatë luftës së vitit 1999. Me anë të një deklarate, Ministria e Punëve të Jashtme e Shqipërisë bashkohet me apelin drejtuar qytetarëve të Mitrovicës për të ruajtur qetësinë dhe për të shmangur çdo provokim, duke qenë të sigurt se Policia e Kosovës, EULEX i dhe KFOR i janë të vendosur, të përkushtuar dhe të gatshëm të përgjigjën ndaj kujtdo që kërcënon sigurinë, stabilitetin dhe rendin publik në Kosovë. Në këtë kontekst, Ministria e Punëve të Jashtme është e bindur se e drejta e qytetarëve shqiptarë, ashtu si edhe e gjithë qytetarëve të tjerë, për kthim në shtëpitë dhe pronat e tyre, si një e drejtë elementare njerëzore dhe plotësisht legjitime nuk do të mbetet peng i kalkulimeve politike. Ministria e Punëve të Jashtme rikonfirmon mbështetjen maksimale ndaj institucioneve qendrore dhe vendore të Kosovës, EULEX it dhe KFOR it në përpjekjet e tyre të vendosura për të parandaluar përshkallëzimin e mëtejshëm të dhunës, si dhe për të garantuar funksionimin e institucioneve të saj legjitime, në të gjithë territorin, në interes të paqes e stabilitetit dhe perspektivës integruese europiane e euroatlantike të Kosovës.

[Llapi]

Ambasadori gjerman mbështet rindërtimin dhee kthimin e të zhvendosurve

Mitrovicë, 30 prill - Gjatë qëndrimit në Mitrovicë, ambasadori i Gjermanisë në Kosovë, Hans Diter Shtajnbah, i ka dhënë mbështetje rindërtimit dhe përpjekjeve për kthimin e të zhvendosurve në pronat e tyre në gjithë Kosovën. Duke u ndërlidhur me procesin e rindërtimit në veri, ku gjatë disa ditëve ka pasur protesta të dhunshme të serbëve, të cilët kundërshtojnë rindërtimin, Shtajnbah ka thënë se dhuna është e papranueshme. Gjatë një takimi me kreun e Mitrovicës Bajram Rexhepi, diplomati gjerman është interesuar për përpjekjet e komunës për krijimin e kushteve për kthim edhe në jug të qytetit, duke përmendur me këtë rast fshatin Frashër ku janë të rindërtuara 137 shtëpi të serbëve, të cilët hezitojnë të kthehen. Lidhur me këtë çështje, Rexhepi, vlerësoi si shumë me rëndësi depolitizimin e çështjes së të zhvendosurve. Ai tha se rindërtimi është një projekt humanitar dhe ai nuk duhet të politizohet prej askujt. Sa i përket Frashërit, Rexhepi tha se komuna ka shprehur gatishmërinë që të ndihmoj me të gjitha mundësitë që ka në mënyrë që banorët serbë të kthehen në shtëpitë e tyre. Ai tha se ekziston vullneti i plotë i komunës që të ndihmoj konkretisht për kërkesat që kanë banorët e këtij fshati. Ndërsa për procesin e rindërtimit në Kroin e Vitakut, Rexhepi tha se atje punët janë duke shkuar sipas planit. Ai dënoi dhunën e ushtruar nga ekstremistët serbë ndaj strukturave të rendit dhe punëtorëve që janë të angazhuar në atë projekt, duke thënë se ata kanë për qëllim të politizojnë edhe gjërat më humane.

[musauka]

Nuk ma merr mendja qe do te dorzohen kosovaret,,,dihet qellimi i serbis ,karshi kosoves,,rroft kosova,,rrofte shqiperia,,rrofte shqiptaria kudo qofshin,,

[Llapi]

http://www.youtube.com/watch?v=-fvb0...layer_embedded


Kthimi i shqiptarëve në veri të Mitrovicës
Besim Abazi
Zëri i Amerikës
30-04-2009


Kryeministri i Kosovës Hashim Thaçi tha sot se kthimi në shtëpi është e drejtë e garantuar për të gjithë qytetarët e vendit pavarësisht përkatësisë etnike.

Komentet e tij pasuan një javë protestash të grupeve të qytetarëve serbë në pjesen veriore te Mitrovicës të cilët po kundërshtojnë rindërtimin e disa shtëpive të shqiptarëve në atë zonë. Policia edhe sot përdori gazin lotsjellës për të shpërndarë një grup protestuesish, të cilët kërkojnë ndërprerjen e punimeve për rindërtimin e shtëpive.