Në vizitën e tij të dytë në Shqipëri, këngëtari boshnjak Hari Mata Hari shpreh vlerësimet maksimale për “Miss Albania”, evenimentin që e kishte të ftuar nderi dhe anëtar të jurisë.
Ai është pritur me duartrokitje të ngrohta mbrëmjen e së martës në sallën e Pallatit të Kongreseve, duke mbajtur kështu edhe një premtim, se do të këndonte për njerëzit që e votuan maksimalisht në Festivalin Evropian të Këngës, ku u rendit në vendin e tretë. Ka qëndruar pak në Tiranë, megjithatë kjo i ka mjaftuar për ta rinjohur edhe një herë qytetin, ndërkohë që duket se njeh mjaft mirë karakterin e shqiptarëve, meqenëse gjyshi i tij nga nëna ka qenë shqiptar. Ndoshta pikërisht kjo thirrje e gjakut, i shtyu shqiptarët, që dy vjet më parë me këngën “Lejla”, t’i jepnin vlerësimin maksimal në Eurosong. Hari Mata Hari është një shkurtim i emrit të këngëtarit Hajrudin “Hari” Varešanoviæ. Ndërsa i gjithë grupi është me origjinë nga Sarajeva, kryeqyteti i Bosnjë-Hercegovinës.
Kjo nuk është hera e parë, që jeni në Shqipëri..
Kam qenë edhe një herë tjetër privatisht, por mund të them që kjo është hera e parë që jam në një vizitë zyrtare. Më pëlqen shumë Tirana dhe njerëzit e saj.
Si ju duket në këtë vizitë të dytë kryeqyteti shqiptar?
Tirana është shumë e bukur, por e mbushur me kontradikta, ku do të thosha se gjen shumë diamante dhe shumë gurë, që do të thotë se është në një proces ndryshimi.
Cili është ndryshimi mes Tiranës dhe Sarajevës?
Ka shumë ndryshim mes të dy qyteteve, sepse Sarajeva është më e vogël dhe më kompakte, ndërsa Tirana po rritet për të qenë një metropol i madh.
Patët kohë për të vizituar qytetin?
Kam pasur vetëm pak kohë, por shpresoj të vij sërish dhe të vizitoj disa vende të bukura.
Ishte shumë interesante deklarata juaj në Pallatin e Kongreseve për origjinën shqiptare?
Po, babai i mamasë sime, shumë kohë më parë ka ikur nga Tirana në Sarajevë, kur lindi nëna ime.
Kur e keni mësuar këtë origjinë?
E kam ditur që në fillim. Ka shumë familje me origjinë shqiptare që jetojnë në Sarajevë. Unë e njoh mentalitetin e shqiptarëve dhe i shoh ata si miq. Kam dëgjuar kohë më parë për vendin tuaj, pasi ne jemi fqinj dhe, madje, unë kam pasur shumë miq shqiptarë si dhe fansa që më kanë ndjekur këtu e vite më parë.
Ndjehesh ndopak shqiptar?
Ndonjëherë.
Çfarë mendoni për spektaklin “Miss Albania”, ku ishit i ftuar dhe anëtar i jurisë?
Mund të them me bindje se është evenimenti më prestigjioz në të cilin kam marrë pjesë. Kam qenë në shumë spektakle në vende të ndryshme të Ballkanit, por në Tiranë gjeta vërtet një eveniment dinjitoz.
Po vajzat pjesëmarrëse si iu dukën?
Shqiptaret janë të bukura, (qesh), ashtu si vajzat e Ballkanit.
Përgjigju Duke Cituar
Postuar më parë nga Gjallica
Krijoni Kontakt