Miratohet kodi i ri zgjedhor me 112 vota pro

[Albo]

Pavaresisht nga permbajtja e kodit dhe reagimet qe ai mund te sjelle nga parti te ndryshme, arritja ne kete mes nuk eshte vetem qe Shqiperia sot ka nje kod te ri zgjedhur, por fakti se ky kod zgjedhor erdhi si rezultat i mirekuptimit dhe bashkepunimit pozite-opozite ne pranine e OSBE. Kjo mendoj une eshte risia me e madhe, qe deshmon nje vetendergjegjesim te politikes shqiptare qe koha e polarizmit shterpe ka marre fund. Politika shqiptare sot nuk behet me ne rruge, behet ne sallen e Kuvendit e ne tavolina te rrumbullakta. Nje arritje kjo per Shqiperine post-komuniste dhe nje shenje e pare pozitive qe Shqiperia eshte duke lene pas epoken 17 vjecare te tranzicionit politik, ekonomik, shoqerore.

Persa i perket reagimeve te partive te vogla, qe kane dale kunder ketij kodi, fakti qe kodi u votua ne mase nga te gjithe deputetet, me vetem 4 vota kunder dhe 1 absternim, deshmon se shqetesimet e tyre ishin kryekeput te pabaza dhe te nje karakteri personal. Ilir Meta proteston duke u futur ne greve jo kunder kodit, por kunder bashkepunimit PD-PS, Berisha-Rama, pasi ne kete menyre fytyra e kreut te opozites se majte nuk eshte ajo e Metes por e Rames.

Fakti tjeter qe me gezon mua eshte shkalla rritese e emancipimit politik te shqiptareve: kesaj here nuk protestonin militantet ne rruge por deputete. Dhe vete greva ishte konceptuar si nje spunto per te rizgjuar tek shqiptaret deshiren per "politiken e rruges", gje qe deshtoi. Kjo deshmon se shqiptaret e thjeshte sot nuk votojne me fale besnikerise se emrave te pervecem te politikes, por fale interesave te tyre personale, familjare, shoqerore: kodi nuk prekte interesat e tyre, kodi e garantonte voten e shqiptareve, por prekte interesat e partive te vogla.

Nese qeveria ekzekuton ne kohe dhe me sukses pajisjen e shqiptareve me karta digjitale identifikimi vitin e ardhshem, zgjedhjet e ardhshme parlamentare do te shenojne fundin e tranzicionit politik ne Shqiperi.

Albo

[prenceedi]

Mbaroi dhe kjo pune. Per 4 vjet do rrime rehat, se pas 4 vjetesh do zihen prap keta.

[Llapi]

Presidenti Topi kthen në Kuvend Kodin e Ri Zgjedhor

» Dërguar më: 03/12/2008 - 08:53


Presidenti i Republikës Prof. Dr. Bamir Topi vendosi ta kthejë për rishqyrtim në Kuvend “Kodin e ri Zgjedhor” te arritur pas kompromisit PD –PS. Presidenti e ka argumentuar motivin e mosdekretimit me nje letër drejtuar Kuvendit. Në pretendimet e kreut të shtetit për Kodin Zgjedhur nuk citohet asnjë nga kërkesat e partive të vogla, të cilat pak kohë më parë protestuan ashpër Kodin e Ri Zgjedhor.

TIRANE-Presidenti Bamir Topi nuk dekretoi Kodin e Ri Zgjedhor. Sic njofton Zyra për Shtyp e Presidentit, Kreu i shtetit Presidenti i Republikës vendosi ta kthejë edhe njëherë për rishqyrtim në Kuvend ligjin “Kodi Zgjedhor i Republikës së Shqipërisë”, i cili ka mbërritur për shpallje në Institucionin e Kryetarit të Shtetit. Presidenti ka hartuar edhe një letër në adresë të Kuvendit të Shqipërisë ku i ka bërë të ditur arsyet e shtyrjes së këtij dekreti. Këtë vendim, të cilin Presidenti i Republikës e mbështet në nenin 85, paragrafi 1 i Kushtetutës, ia ka bërë të njohur Kuvendit të Shqipërisë nëpërmjet një letre në të cilën thuhet:
“Arsyeja, për të cilën nuk e dekretova këtë ligj, lidhet me dispozitën e nenit 9, pika 2 e tij. Kështu, neni 9, pika 2 i ligjit ka këtë formulim: “Presidenti i Republikës nxjerr dekretin e datës së zgjedhjeve për Kuvendin jo më vonë se 9 muaj para mbarimit të mandatit të Kuvendit”.

Ky rregullim, sipas vlerësimit të Presidentit bie ndesh me nenin 8 të ligjit të ardhur për shpallje. “Neni 8 ka parashikuar se zgjedhjet e përgjithshme për Kuvendin apo për njësitë e qeverisjes vendore, zhvillohen njëherësh në të gjithë territorin e vendit brenda periudhës që shtrihet nga 15 Marsi deri më 30 Qershor ose nga 15 shtatori deri më 30 nëntor”. Duke qenë që neni 65, pika 2 e Kushtetutës përcakton se “zgjedhjet për Kuvendin e ri zhvillohen në periudhën zgjedhore më të afërt që i paraprin datës së përfundimit të mandatit të Kuvendit”, atëhere periudha zgjedhore brenda së cilës duhen zhvilluar zgjedhjet e ardhshme të përgjithshme për Kuvendin, është periudha 15 mars deri më 30 qershor”, thuhet në letrën e Presidentit drejtuar Kuvendit.

Por aty ku Presidenti shpreh rezervat e tij është pikërisht Neni 9, pika 2 e ligjit të ardhur për shpallje që ka përcaktuar detyrimin e Presidentit të Republikës për nxjerrjen e dekretit për caktimin e datës së zgjedhjeve për Kuvendin jo më vonë se 9 muaj para mbarimit të mandatit të Kuvendit. “Pra, një afat i cili nuk mund të respektohet për periudhën zgjedhore 15 mars – 30 qershor. Ligji është dërguar për shpallje tek Presidenti i Republikës në datë 24.11.2008, dhe procedura e dekretimit të ligjit nga Presidenti i Republikës, publikimit në Fletoren Zyrtare dhe hyrjes në fuqi të tij, parashikon një periudhe kohore te caktuar, duke krijuar kështu pamundësi reale për nxjerrjen e dekretit për caktimin e datës së zgjedhjeve për periudhën zgjedhore 15 mars – 30 qershor”, sqaron letra e Presidentit.

Duke ushtruar kompetencën e tij kushtetuese, Presidenti shprehet sekam besim se Kuvendi do të pasqyrojë vullnet maksimal politik dhe do të bëjë korrigjimet e nevojshme për shmangien e mospërputhjeve në afatet e vendosura në ligj.

Kreu i shtetit ndërkaq ka vlerësuar maksimalisht ligjin e ardhur për shpallje. Ai e konsideroi një përpjekje serioze dhe të domosdoshme për mirëadministrimin e procesit Në letrën motivuese drejtuar Kuvendit, Presidenti nuk ka përmendur asnjë nga arsyet që partitë e vogla kundërshtuan ashpër ligjin për Kodin e Ri Zgjedhor. Cështja e vetme e kundërshtisë së ligjit nga ana e Presidentit ka qënë afati kohor për procesin e zgjedhjeve.

(d.b/BalkanWeb)

[Macho]

Si gjithmone vone dhe te turbullt vendimet qe merren ne organin ligjvenes ne Shqiperi. Edhe Bomiri qe sben mire fare i kishte munguar valles. Ku ishin deri tani kta qe nuk i pane datat apo sdine te llogarisin muajt. Nuk kane "calculator" ne celularet e tyre, por vetem lojra?! E kane lexuar kodin keta apo vetem ngrene kartonin (shpresoj te dine ndonje gje mbi kushtetuten)?! Vetem pallavra bejne politikanet tane dhe ne bote se po vjen nje ere e re ne parlament me tryezat e perbashkta, tryeza biznesi. Qeveria nuk eshte as ne kohe dhe as ka per te qene e tille ne paisjen e shqiptareve me kartat e identitetit. Ndryshe i bie pazari zgjedhjeve e nuk knaqen te gjithe.

MaChO

[ClaY_MorE]

Nje nga ekspertet e PS qe ka asistuar ne hartimin e Kodit te ri Zgjedhor, i kundervihet argumentave juridike te presidentit, per dekretin e tij qe parasheh kthimin ne Kuvend te Kodit te ri Zgjedhor.

Argumenti i kryetarit te shtetit, se midis neneve 8 dhe 9 te Kodit te ri Zgjedhor, qe bejne fjale per periudhen e zgjedhjeve dhe per caktimin e dates se zgjedhjeve per Kuvendin ka perplasje, per ekspertin e PS, Damian Gjiknuri nuk qendron.

“Dekreti i presidentit, afati i tij nuk eshte i percaktuar ne Kushtetute. Ne vendosem nje afat optimal me ligj per te parashikuar ne kohe daten e zgjedhjeve, e cila nuk ka shume diskrecion. Ka vetem dy data, 21 qershor dhe 28 qershor”, deklaron Gjiknuri.

Perplasja e vetme qe sheh Gjiknuri eshte ajo midis nenit 9 dhe dates se hyrjes ne fuqi te ligjit. “Do te thote qe nese ligji do te ishte dekretuar para disa ditesh dhe do hynte ne fuqi me 12 ose 13 dhjetor, do te kishim nje shkelje te supozuar prej 10 ditesh. Dekreti i presidentit do dilte 8 muaj e tre jave nga fundi i mandatit te Kuvendit”, sqaron Gjiknuri.

Eksperti juridik i PS mendon se presidenti mund ta kishte kursyer aktin e kthimit ne Kuvend te draftit ligjor te zgjedhjeve, pasi nuk sheh asnje shkelje te Kushtetutes dhe thote se cila do te jete zgjidhja.

“Ne kete radhe eshte i kufizuar diskrecioni i presidentit ne dy data 21 dhe 28 qershori. E vetmja zgjidhje qe shoh tani eshte nje dispozite tranzitore. Nga pikepamja juridike mund te ishte tejkaluar. Por nuk kemi te bejme me nje shkelje te Kushtetutes, ashtu sic pretendojne disa”, shton Gjiknuri.


© Top-Channel

[Llapi]

Berisha akuzon Presidentin: Topi ka shkelur Kushtetutën

Dërguar më: 06/12/2008 - 07:24


Kreu i qeverisë Sali Berisha pasi ka mbrojtur gjate nje interviste televizive një nga ministrat e kabinetit të tij ndaj akuzat që i bëhen për abuzime me detyrën, nuk ka kursyer akuza ndaj Presidentit të Republikës, Bamir Topi. Berisha tha se Presidenti Topi ka shkelur Kushtetutën lidhur me dekretet për anëtarët e Gjykatës së Lartë. Kryeministri tregoi versionin e tij të shkaqeve që cuan Presidentin të mos dekretonte Kodin Zgjedhor.

Kryeministri Berisha deklaroi dje për Televizionin Publik Shqiptar, se Presidenti Topi ka shkelur Kushtetutën lidhur me dekretet për anëtarët e Gjykatës së Lartë. Ai tha se hetimi i rrugës Durrës-Kukës ka prapavijë politike.
Çfarë ndieni zoti Berisha, kur kujtoni 8 dhjetorin e vitit ‘90?
Sa herë që e pyes veten për 8 dhjetorin, unë e gjej atë ditëlindjen e lirive të mia individuale. Një ditë e ftohtë, e vrenjtur, por një ditë në të cilën një Shqipëri e vendosur në hapësirat e barbarisë dhe shtypjes më ekstreme, një Shqipëri që përjetoi në 45 vjet terrorin më të pa imagjinueshëm në Europë, një Shqipëri e cila kishte burgje dhe kampe përqendrimi më shumë se sa stadiume dhe pallate kulture, një Shqipëri e cila ishte vendosur në një sistem skllavërie ekstreme, ku së paku 40 % të popullatës fshatare ishte e zhytur në izolimin më të thellë dhe që nuk njihnin në përmasat e saj nga një pjesë e mirë e shqiptarëve. Unë kam qenë dhe jam i bindur se qytetarët e Tiranës, ne që banonim në Tiranë, nuk e kishim të qartë se cila ishte jeta e fshatarëve të Dibrës së Mokrës apo të Dukagjinit, sepse në këtu jetonim të gjithë me tollona. Që të gjithë ushqeheshim me tallona, dhe kjo ishte sigurisht e rëndë. Të burgosurit dhe qytetarë në kampet e përqendrimit kishin ushqim tërësisht të papranueshëm, jetonin në kushtet më të këqija, por me keq se gjithë të tjerët ishte zona juglindore dhe verilindore e vendit e kolektivizuar, e cila në vitet e fundit përfundoi me asnjë lloj ushqimi tjetër, përveç bukës së misrit, kripës dhe shëllirës. Në këtë drejtim Shqipëria kurrë, në tërë historinë e saj, nuk ka përjetuar një mjerim të tillë ekstrem. Kanë kaluar 18 vite dhe normale është që të shohim para, por Curcilli thotë se sa më e larg të shihesh mbrapa, aq më e kthjellët dhe larg mund të shohësh para. Unë e di se tani gjysma e popullatës së këtij vendi nuk e imagjinon dot se cila ishte Shqipëria e atyre viteve, nuk e imagjinon dot se hapja e diktaturës ishte një qengj dhe një kec, nuk mund të imagjinohej se derrat i rrisnin fshehtas në dhomat e gjumit, duke u prerë kordat që të mos i dëgjonte komshiu. Por kjo ka qenë Shqipëria e 8 dhjetorit 1980. Në qershor të ‘90 kam qenë në një mbledhje. Ka mjaftuar përdorimi i fjalës nga unë e të drejtave dhe lirive të njeriut, që nga salla të largoheshin duke përplasur karrige. Prandaj, 8 dhjetori është ditëlindje e rinisë, që mbahet në mendje.
Ju thatë që ishin të rinjtë, me në krye Azem Hajdarin, por këta të rinj morën mbështetjen e të gjithë qytetarëve…
Në vitet ‘90 kishin ndodhur ndryshimet në të gjitha vende ish-komunistet dhe Shqipëria ishte bastioni i fundit. Të jem i sinqertë, e vërteta është se për ne interesi ka qenë minimal, qarkullonin jo haptas idetë që, le të mbetet si Kuba e Adriatikut. Rëndësi të jashtëzakonshme kishte që se si ky ekip, nëpërmjet analizave u shndërrua në një mbështetje dhe inkurajim i një lëvizje që duhet të lindte. Dy kanë qenë parullat e studentëve: “E duam Shqipërinë si gjithë Europa”, dhe “Bush, Bush Bush”. Kështu që nga pikëpamja ime, VOA ka qenë mbështetja e vetme.
Do të korrigjoni diçka nëse do të ktheheni pas në vitet ‘90-‘91?
Ndofta tek zgjedhjet e para duhet të kishim qenë më të vëmendshëm, në kuptimin që nuk parashikonim një skedulë tjetër, sepse nëse nuk do të zhvilloheshin aq ngushtë jam i bindur që edhe në zgjedhjet e para ne do të kishim fituar, megjithatë skenari i qeverisë së asaj kohe ishte një model i Serbisë, por zgjedhjet e ‘92 përmbysëm mundësitë e skenarit.
Disa themelues të PD-së u larguan me kalimin e viteve, por tani shohim se janë rikthyer. Kush I riktheu?
Aspirata dhe idealet që ata patën u rikthyen për motivin që u bashkuam në atë kohë. Ne ishim njerëz të fushave të ndryshme, pa ndonjë shoqëri personale me njeri-tjetrin. U bashkuam për ideale dhe aspirata që ndanim, në rrugë e sipër u ndamë, por siç faktohet nuk ishte një ndarje përfundimtare, sepse motivet që na bashkuan në ‘90 ishin më të mëdha se sa ato që na ndanë.
Çfarë ka të përbashkët në ‘92 dhe në rikthimin tuaj pas 8 vitesh opozitë?
Tre vjet më parë vendi nuk ishte Shqipëria që dilte nga një diktaturë, por Shqipëria ishte vendi që humbi mekanizmin e zgjedhjeve të lira dhe që përjetonte një sistem kleptokratik, në të cilin korrupsioni ishte shndërruar në sistem. Dy gjëra janë ato që varfërojnë më shumë njerëzit, Tirania dhe korrupsioni. Shqiptarët përjetonin një korrupsion. Kishte një rritje ekonomike, por rritja ishte për një pjesë njerëzish, rritje nuk kishin në ndërtimin e infrastrukturës, as me reforma të thella, as me rritjen e pagave dhe pensioneve. Shqipëria ishte shndërruar në vendin ku banda prisnin koka njerëzish dhe luanin futboll dhe jetonin të lirë. Tirana ishte e sunduar nga grupe kriminale, dhe po kështu dhe shumë qytete. Shqipëria kishte nivelin më të madh të krimit dhe të korrupsionit. Kishim një infrastrukturë të keqe, rrogat ishin shumë të ulëta. Kjo ishte Shqipëria e tre viteve më parë. Të gjitha këto dhe 1000 të tjerë vështirësi ne i morëm si sfida për t’i zgjidhur dhe jo si vështirësi, ne u zotuam para Shqiptarëve se vetëm reformat do të ishin detyrat tona. Kur kam shkuar në Bruksel kishte një lloj skepticizmi, por unë dhashë fjalën se reformat do të realizoheshin. Besoj se kjo qeveri u faktoi qytetarëve luftën me tolerancë 0 ndaj korrupsionit dhe krimit të organizuar. Shqipëria është më e sigurt dhe një gjë e tillë faktohet nga raportet vendeve të huaja. Së dyti. korrupsioni sot është shumë normal që të flitet për korrupsioni, por sot nuk ka zyrtarë me monopole, por korrupsioni mbetet ende shqetësues, është në drejtësi, shëndetësi, etj. Por ne themi se po e luftojmë me reforma dhe kjo është prioritare për ne si qeveri, dhe ne kemi dhënë rezultate 4 mld dollarë më shumë në arkën e shtetit në tre vjet, që bënë të mundur rritjen e rrogave 75 % të arsimtarëve, kemi bërë rrugë. Në vitin ’93-‘94 ne kishim marrë një angazhim për ndërtimin e rrugës Kuç-Tiranë, sepse në atë kohë nuk flitej për hapje të kufijve.
Rruga Durrës-Kukës ka një gjyq…
Rruga ka pasur një armiqësi, Kosova u çlirua, rruga nuk u bë. Armiqësia ndaj kësaj rruge ka qenë e madhe, sepse një lloj si atlasi, kjo rrugë ndryshon rajonin, dhe u jep ujërave shqiptare vlerat që kanë pasur nga pozicioni që kanë pasur. Kjo rrugë i jep Kosovës daljen e det të hapur. Armiqësia ka qenë dhe është armiqësi ndaj shqiptarëve. Kështu që në këtë kontekst, hetimi i çdo procesi është legjitim, por hetimi politik është turp. Të akuzosh një ministër duke shkelur parimin universal të të drejtës dhe përgjegjësisë, ka përjashtuar aktet dhe vendimet kolektive për rrugën. Ministri Basha nuk ka asnjë edhe një vendim individual. Ka zbatuar me përpikëri dhe kompetencë të plotë vullnetin e kryeministrit për të ndërtuar rrugën, vendimet e qeverisë dhe ligjet e kohës, të cilat kanë qenë të qarta tërësisht në procedura. Shqipëria është vend shumë më i rimëkëmbur se sa mendojmë ne. Ky vend ka shumë probleme, por është shumë më i mirë se sa mendojmë ne. Ky vend ka sistem drejtësie me shumë probleme, por nuk është politik dhe ai ka bërë që të dështohet çdo përpjekje dashakeqe. Basha dorëzoi imunitetin duke menduar se nuk do të rrëzohej hetimi. Historia e prokurorisë është e dhimbshme. Sa herë që ky institucion është përdorur politikisht ai ka dështuar, dhe ky është dëmi më i madh që i bëhet këtij institucioni. Të mbash dosjen për dy vjet dhe të kërkosh ta shtosh pas dy vitesh, është anormale. Kjo rrugë ka supervizorë dhe çmimet për të kanë qenë shumë normale. Rruga mund të hetohet, por jo një gjë të tillë. Kjo është një farsë politike dhe kjo është një gafë.
Mesa duket projektet tuaja të mëdha e tërheqin vëmendjen e opozitës, siç ishte edhe nënshkrimi i dy marrëveshjeve tuaja të fundit për veprat energjetike…
Rama është anti-global, ai ka faktuar ndjenjat e tij më armiqësore ndaj shqiptarëve. Është një gjë primitive, siç ishin edhe protestat që i bëheshin Petroliferës në Vlorë. Qeveria ka një strategji; Shqipëria një superfuqi rajonale energjetike. Këtë e bazojmë në faktin se ne vetëm ujëra kemi për të shfrytëzuar edhe 20 mld khw orë. Kryetari i opozitës po e sheh zhvillimin e vendit fund e krye nga pozita anti-globaliste.

Rikthim i kodit zgjedhor nga Presidenti, a do të sjellë vonesa në procesin elektoral?

Jo, nuk do të ketë vonesa për procesin elektoral. Mendoj se parlamenti do ta bëjë shqyrtimin e tij. Presidenti në këtë rast ka ushtruar një të drejtë kushtetuese të tij. por duhet të qe me i hapur. Ai e mbajti në presidencë për të tejkaluar 9 muajt e afatit. Së dyti, kushtetuta prevalon, pra Presidenti është i detyruar që të dekretojë zgjedhjet 45 ditë para fundit të parlamentit. Megjithatë, ai mund ta kthente, por ai duhet ta thotë hapur, që e kthej për të pasur një ujdi mes Rames dhe Metës dhe unë nuk kam asnjë kundërshti. Pati një grevë dhe presidenti pati një prononcim dhe ai mund të thoshte se unë do ta kthej për të pasur një dialog mes këtyre dy faktorëve. Për mua është zoti Gjinushi apo Meta në komision, nuk është fare problem. Nuk e di nëse do të ketë një proces mes Ramës dhe Metës, por mendoj se ky do të ishte qëllimi i kthimit dhe do të ishte mirë që të shpallej, sepse një shan i dytë iu dha. Ka pasur raste që Presidenti ka shkelur Kushtetutën, si në rastin e dekreteve për anëtarët e Gjykatës së Lartë, etj.

(d.b/GazetaShqiptare/BalkanWeb)

[Arjola80]

Kodi i ri zgjedhor rrit perqindjen minimale qe duhet te marre nje parti per tu futur ne parlament. Per mendimin tim mire kane bere se ishin bere me shume parti sesa votues.