Shkenca apo Feja?

[prizrenasi_30]

Nëse e bëjmë krahasimin e të dhënave që i posedojnë shkenca dhe feja mbi njerëzit e parë që kanë jetuar në planetin tonë do të vërejmë se feja na jep më shumë detaje se shkenca.

Përderisa shkenca përdor termin “njerëzit e parë” feja i përmend ata me emra “Ademi dhe Hava”

Gjithashtu Kur’ani shumë detajisht na tregon etapat e krijimit të njeriut:

22:5. O ju njerëz, nëse dyshoni për ringjalljen, atëherë (mendoni krijimin tuaj që) Ne u krijuam ju prej dheu, pastaj prej uji, pastaj prej një gjaku të ngjizur, pastaj prej një sa kafshatë mishi, që është krijesë e formuluar ose e paformuluar, në mënyrë që t'ju sqarojmë...

Ka edhe shumë të dhëna të tjera në Fenë Islame që tregojnë për fizionominë e njeriut të parë, jetëgjatësinë e tij, vendbanimin e tij, etj.

Ja disa argumente të tjera nga Kur’ani që shkenca i ka zbuluar vetëm kohëve të fundit:

23:17. Ne krijuam mbi ju shtatë palë (qiej) dhe nuk jemi të pakujdesshëm ndaj asaj që krijuam.

21:33. Ai është që krijoi natën e ditën, diellin e hënën dhe secili prej tyre noton në orbitë.

36:40. As dielli nuk mund ta arrijë hënën, e as nata paraditën po secili noton në një galaktikë.

51:49. Dhe Ne krijuam prej çdo sendi dy lloje (mashkull e femër) që ju të përkujtoni (madhështinë e Zotit).

Çdo njeri identifikohet nga shenjat e gishtave të tij. Shkencëtarët pretendojnë që e kanë bërë këtë zbulim shumë të rëndësishëm. Kurse kjo ka qenë e shkruar që nga fillimi në Kur’an:

75:4. ...Ne jemi të zotët t'ia rikrijojmë si kanë qenë edhe majat e gishtave të tij!

Një ndër faktet e zbuluara shumë vonë nga shkenca është se universi vazhdimisht zgjerohet kurse kjo është shkruar para 14000 viteve ne Kur’an:

51:47. Ne, me forcën tonë e ngritëm qiellin dhe Ne e zgjerojmë atë.

Ka edhe shume argumente tjera që i kanë përmendur dijetarët në lidhje me mrekullitë shkencore të Kur’anit prandaj nuk dua që ti përsëris.

Disa nga përpjekjet që nuk janë fare të dobishme për njeriun dhe që nuk do të kenë sukses e që po i bëjnë shkencëtarët kohëve të fundit janë përpjekjet për të krijuar jetë të përshtatshme në ndonjë planet tjetër.

Në vend që ato fonde të investohen në zbutjen e varfërisë nëpër botë ata vazhdojnë me këto përpjekje me plot bindje se do të kenë sukses.

Në Kur’an shkruan qartë që në Ditën e Kijametit do të shkatërrohet tërë sistemi ynë diellor:

81:1. Kur dielli të jetë mbështjellur (dhe errësohet),

81:2. Dhe kur yjet të kenë rënë (e shkapërderdhur),

81:11. Dhe kur qielli të jetë hequr,

75:8. E të zëhet hëna (errësohet),

75:9. Dhe të bashkohen dielli e hëna.

78:17. S'ka dyshim se dita e gjykimit është caktuar.

78:18. Është dita që i fryhet surit, e ju vini grupe-grupe.

78:19. Dhe qielli hapet e bëhet dyer-dyer.

80:34. Atë ditë njeriu ikën prej vëllait të vet,

80:35. Prej nënës dhe prej babait të vet,

80:36. Prej gruas dhe prej fëmijëve të vet.

80:37. Atë ditë secilit njeri i mjafton çështja e vet.

Një gjë është e sigurt dhe e qartë si kristali. Po të mos kishte njeriu i parë udhëzim apo parapërgatitje për të jetuar në planetin tokë, ai do të kishte ngrënë ndonjë ushqim helmues apo do të binte në ndonjë rrezik tjetër vdekjeprurës dhe nuk do të mund të mbijetonte!

Dhe në fund po e përmbylli këtë artikull me një thënie të shkencëtarit të njohur:

Ajnshtajni ka thënë se: “Shkenca pa besimin në Zotin është e qalë (mangët)”.

Autor: Sefedin Muqaj, Prizren, Kosovë. WWW.KOSOVAISLAM.TK