Gjykata Kushtetuese: Te pezullohet zbatimi i Ligjit të Dosjeve aprovuar nga Kuvendi

[Antimafia]

Në vend të një “revanshi’ për Fehmi Abdiun

Nga Desada Metaj


Po të drejtohem personalisht në mënyrë publike, jo për t’iu bashkuar ndonjë fushate propagandistike apo politike, por për të kujtuar se në një betejë të tillë, ku dështojnë palët që nuk kanë qenë palë vite më parë, të humburit e mëdhenj ndjehemi ne, që kemi qenë realisht viktimat e atij sistemi.

Unë nuk po të shkruaj si gazetare, as si pjesë e stafit të TV “Klan”, por si mbesa e Selim Metës, vëllait të gjyshit tim, që vdiq në burgun e Ballshit në dhjetorin e vitit 1981.

Gjyshi im u pushkatua në vitin 1945 dhe vëllai i mbetur dhe i vetëm i tij, Selimi, e shtyu jetën në burgje e internime duke lënë rrugëve 7 fëmijët e tij. Nuk dua të merrem as me skenën e ridënimit të tij dhe as me fatin e paracaktuar prej regjimit për të. Por sot, kur debati rreth dënimit të krimeve të komunizmit po kthehet në ushqim dite për politikën, ne të persekutuarit kemi nevojë të shikojmë shembuj pendese dhe distance nga këto krime së paku nga autorët e shquar të tyre. Ju, zoti Abdiu, jeni “një shembull i mirë negativ” për të qetësuar mijëra shpirtra. Jeni një shembull i mirë negativ, jo se jeni më krimineli i gjithë gjykatëse të komunizmit, por jeni më i shquari i atyre që janë ende sot në detyrë. Po të ishte gjallë Bilbil Klosi, që më ka pushkatuar gjyshin, apo po të ishte në detyrë Arianit Çela, ti natyrisht do mbeteshe në hije. Por vonesa jonë e madhe për të dënuar krimet e komunizmit i dha kohë dhe shans shumicës së asaj skote të vdesë e qetë dhe pa brerje ndërgjegjeje. Nuk di në është fat apo fatkeqësi fundi i jetës së tyre, por di të them që ti mund të quhesh me fat që ke shans të dëshmosh pendesë dhe distancë nga krimet e një regjimi që i ke shërbyer. Mund të ishe dhe pak më i vjetër dhe nuk do ta kishe këtë shans. Do kishe ikur në heshtje si paraardhësit e tu. Shansin e ke që askush nuk po të drejton pistoletën te koka. Askush nga ne, nipërit dhe mbesat e atyre që kanë vdekur dhe janë persekutuar në burgje, nuk po kërkon shpagim fizik ndaj teje dhe shokëve të tu. Përkundër kësaj kemi dëshmuar tolerancë dhe përgjegjshmëri ndaj së shkuarës suaj.

Unë nuk pres që ligji i pezulluar prej jush të bënte ndonjë mrekulli. Nuk kam pritur as më parë, kur ju u rikthyet në pushtet në vitin 1997 të kishit ndonjë ndjenjë pendese. Por tashmë që beteja për një ligj për lustrim është bërë tërësisht politike dhe spekulative, ju keni shansin të ngriheni mbi palët dhe të dëshmoni se keni ndërgjegje. Unë nuk jam shumë e interesuar, nëse te ti apo ndonjë kolegu yt do të vijë ndonjë dosje që shqetëson qeverinë, që shqetëson kryeministrin apo ndonjë ministër të tij, qoftë ky dhe Lulzim Basha. Unë jam e shqetësuar që një nga orët e tua të zakonshme të punës si gjyqtar komunist ka shërbyer për të lënë në burg një njeri fatkeq, të moshuar, vetëm pse ishte vëllai i gjyshit tim, po ashtu i pushkatuar më 1945. Unë nuk e di ç’të duhen ty dhe tre muaj më shumë apo më pak punë apo rrogë në Gjykatën Kushtetuese. Di që ti, sapo u hap ky debat, duhet të merrje vetë iniciativën për t’u larguar. Jo për t’i bërë qejfin Berishës apo për të lënë keq Edi Ramën, por për të shmangur dhe këtë spekulim të madh me shashkat e luftës kundër komunizmit. Ti, dhe kur them Ti, kam parasysh gjithë “shokët” e tu që kanë dhënë vendime të tilla dhe janë ende në poste mund të bënit një gjest distancimi tashmë në fund dhe pastaj do të kishim një shans për të provuar sa realisht e kanë të tjerët luftën kundër komunizmit. Por ti e humbe këtë shans. Shokët e tu po ashtu e humbën këtë shans. Shqipëria po ashtu po e humbet shansin të ndahet nga e kaluara e saj me dinjitet dhe të sillet me të shkuarën e saj si një vend i emancipuar. Një nga arsyet është dhe vendimi yt për të dalë në pension gjykatës, edhe pse këtë profesion, jo vetëm për fajin tënd, e ke përdhosur gjatë një regjimi që ishte fatkeqësi e të gjithëve.

Unë të kërkoj ta bësh gjestin e largimit si qytetare e re e Shqipërisë, por dhe si mbesa e gjyshit që nuk e kam njohur, pushkatuar në vitin 1945 dhe si vajza e një babai, xhaxhai i të cilit është lënë në burg në pleqëri prej teje dhe ka gjetur vdekjen në qeli duke lënë fëmijët dhe fisin e tij në mjerim. Nuk dua t’i bashkohem në këtë thirrje as fushatës së atyre që flasin për shtet ligjor dhe kanë parasysh mbrojtjen ligjore për tipa si ty, as për ata që flasin për spastrim të sistemit nga njerëz si ju, por falin të tjerë politikanë dhe ish-komunistë fanatikë.

Unë do të isha e qetë mos të kisha punë me të kaluarën, por kur mendoj se aq vite sa unë jam sot, viktima jote, që është vëllai i gjyshit tim, i ka kaluar në burg, trishtohem thellë dhe kërkoj pak, fare pak: Të na lini të qetë, së paku duke mos ju pasur më në zyra gjykatash, në zyra partish dhe në zyra pushteti. Ka plot punë të tjera, me të cilat mund të jetoni dhe të mbani familjet tuaja. Askush nuk ju uron fatin e tim gjyshi dhe vëllait të tij, por as ju s’keni pse na mbani me zor të lidhur me kujtimet e hidhura të tyre.




Pa shumë respekt për ju dhe sërën tuaj

Desada Metaj

Gazetare

[Antimafia]

Ambasador! Zoti paste meshire per ju

E Enjte, 19 Shkurt 2009


Leter e hapur Ambasadorit te Britanise se Madhe ne Shqiperi

Nje grua ne moshe te thyer, i ka drejtuar dje nje leter Ambasadorit te Britanise se Madhe ne Shqiperi duke i terhequr atij vemendjen qe te jete i kujdesshem ne deklaratat qe ben ne lidhje me ligjin e Lustracionit. Nezi Kazani, (Alizoti), ben dhe nje lutje ne letren e saj, kur thote: "Zoti i Madh paste meshire per ata, per ju dhe per te gjithe qe i mbrojne per hir te shpirtrave te atyre, qe jane hedhur poshte e lart Shqiperise pa nje varr, per ata qe me djersen e tyre kane njomur thelle token ne minierat, mocalet, betonet e pallateve dhe per lotet ne heshtje te nenave, motrave, grave dhe femijeve.

Me poshte vijon letra e plote:

Leter e hapur Ambasadorit te Britanise se Madhe ne Shqiperi

Une jam Nezi Kazani, (Alizoti), lindur ne Tirane ne vitin 1942.

Jam mbesa e Fejzi Alizotit denuar me pushkatim ne moshen 75 -vjecare ne vitin 1945.

Jam e bija e Riza Alizotit denuar me varje ne moshen 36 vjec ne vitin 1947, ndersa ishte inxhinier nafte ne Kucove.

Jam e bija e Vera Alizotit (Ypi) vdekur ne internim ne Patk-Milot-Kryevidh te Kavajes ne vitin 1970, vetem 46 vjec nga nje semundje e rende pa mjekim dhe pa ndihme (sepse nje funksionare e Ministrise te Shendetesise ne ate kohe kur e pa ne Spitalin Onkologjik tha: "Nuk eshte cerdhe e Alizoteve ketu".

Jam e motra e Fejzi Alizotit lindur me 1946 kaluar gjithe jeten ne internim dhe ne burgjet e Spacit Qaf-Barrit e te tjere.

Jam nena e Plarent Kazanit lindur me 1968, te cilit qe ne moshen 14 vjecare iu ndalua e drejta te hynte ne Liceun Artistik sepse per Xhelil Gjonin (babai i Ilir Gjonit, deputet dhe minister i brendshem pas 1997-es), ai u shpreh "Gjyshi eshte gjysh". Ky gjysh nenen e tij e kishte lene jetime qe pese vjec dhe po ne vitin 1988 nuk iu dha e drejta per te vazhduar shkollen e larte per violine.

Zoti Ambasador, ju kerkoj ndjese per kohen qe do te shpenzoni per te lexuar kete biografi te shkurter timen, e cila perfaqeson mijera e mijera familje shqiptare. Por une nuk mund te mos e bej kete kur kuptoj se ju mbroni disa persona, qe do t'ju hiqet e drejta per te qene deputete, prokurore, gjyqtare e te tjere, pra nepunes te larte te shtetit. A keni pyetur ju Zoti Ambasador se cfare eshte bere me studentet shqiptare, te cilet kane studiuar ne vendin tuaj? Njeri prej tyre eshte edhe babai im denuar me varje prej ketyre qe Ju mendoni se po u shkelen te drejtat e tyre. A e dini ju se edhe nje shtetase britanike Jacqueline Riza Crudgington (Alizoti) lindur me 1932 nga martesa e babait tim me nje zonje angleze, e ka kerkuar te atin gjithe jeten e saj dhe nuk i eshte dhene e drejta per te ditur te verteten prej ketyre qe ju mbroni. Ata edhe ne vitin 1990 nuk i thane te verteten per babain e saj. Dhe ja letra:



24 janar 1990

E dashur Z. Crudgington,

Ju faleminderit per letren tuaj te 19 janarit. Ia kalova informacionin e letres tuaj qeverise shqiptare ne Tirane duke i kerkuar te perpiqen per te gjetur z. Alizoti, megjithese nuk ka te dhena qe ai te jete kthyer ne Shqiperi. Ne te vertete, perderisa gjyshi juaj ishte deputet ne regjimin e paraluftes, kuptohet mire se familja ishte politikisht armiqesore me regjimin socialist te pasluftes.

Megjithate, une do t'ju shkruaj sa me pare qe te marr vesh dicka, ju duhet ta kuptoni se do te me duhet kohe.

A keni bere njoftim ne shtypin britanik per t'u lidhur me babain tuaj?

Sinqerisht juaji

W. B. Blandf



Zonja e siperpermendur ne vitin 2002 ka nderruar jete ne moshen 69 vjecare me brengen se ka qene femije e braktisur nga babai dhe te afermit e tij.

Hetoni z. Ambasador dhe gjeni cilet kane qene ne qeverine shqiptare ne janar te 1990-es, qe kane genjyer bashkekombesit tuaj me kete pergjigje dhe jam e sigurt qe aty do te jene edhe nga ata, te cileve Ju mendoni se po u shkelen te drejtat.

Ju z. Ambasador ne vendin tuaj i nderoni te vdekurit, keni dhe nje dite kujtimi per ta, shkoni dhe vendosni lule ne varret e tyre, por ne nuk e kemi kete te drejte, sepse ata qe mbroni ju, as sot nuk tregojne se ku i kane hedhur kockat e tyre.

Ju z. Ambasador e dini shume mire se atyre nuk iu hiqet e drejta te jetojne ku te duan, qofte edhe ne vendin tuaj, te shkollojne bijte e tyre ku te duan qofte edhe ne vendin tuaj, as u hiqet e drejta te punojne privat dhe te fitojne sa te duan, qofte edhe ne vendin tuaj, por e vetmja e drejte qe u hiqet eshte te mos na mos na lendojne Ne duke u perballur me ta neper zyrat e shtetit, neve qe na eshte hequr e drejta per te jetuar te lire, per te thene cilet jemi, te kujt jemi, per t'u punesuar, per t'u shkolluar etj. etj.

Ne z. Ambasador i kemi falur dhe kete e treguam me 1990-en se askush nuk u hakmor me ta, por menduam se ata do t'i vriste pak ndergjegjja jo te kerkonin falje, por te pakten te heshtnin.

Zoti i Madh paste meshire per ata, per ju dhe per te gjithe qe i mbrojne per hir te shpirtrave te atyre, qe jane hedhur poshte e lart Shqiperise pa nje varr, per ata qe me djersen e tyre kane njomur thelle token ne minierat, mocalet, betonet e pallateve dhe per lotet ne heshtje te nenave, motrave, grave dhe femijeve.

Me respekt

Nezi Kazani (Alizoti

[Brari]

e sheh njeri nastradinin naten qe nen llampen qe ndriconte ne qender te fshatit po kerkonte dicka ne toke..
cpo kerkon o nastro i thote ki..
po kerkoj celsat tha..
pse ketu te kan rene e pieti ki..
jo tha nastradini sme kan rene ketu ..po une kerkoj ketu se vetem ketu ka drite..

hm..

tere bota e njeh havelin.. e cekise..
pse e njeh.. sepse kish mundesi bota te degjoj per te e ta popullarizoje..
pra ishte nje cekosllovaki qe i kish rene drita pak siper.. pra qe i kish kaluar ca pranvera hrushoviane e dubcekoiste.. e m von gorbacov iste ..
kjo kish sjelle hapje e erera lirie ne ate hapsire e nga kjo dhe bota kish marre informacion.. se na qenkish nje havel qe paska qenur ne burg politik..

po sa havela kishim ne.. me mijra.. po sna i njohu kush deri para 90 tes.. e bile bile as sot nuk na i njeh kush..

pse.. sepse skish drite mbi ne qe te na i shihte bota..dhe bota shikon si nastradini..atje ku ka drite..
ku ka erresire as bota nuk lodhet te shohe.. ki eshte kuptimi filozofik i proverbit me nastradinin e famshem..

rrinte nje dizaj .. para 2-3 ditesh.. berisha te sqaronte ministrin anglez se cka qenur koh e enverit ne shqiperi..
ai hapte syte si guak..
pse..
ceshte nje minister anglez apo nje ambasador amerikan..

ata jan kalamaqer te rritur rrugve te cikagos apo londres e shum shum aventura e jetes se tyre eshte epoka hipi.. e ajo u duket si heroizmi me i madh.. lavdia e jetes se tyre.. e shum gjeneratave te rinise perendimore.. e per ate epoke rrijn e flasin e bejne mijra dokumentare.. e tregojne sa heroizem bene se si provuan drogat apo lane leshrat pa lare e pa i prere e bluxhinsat e grisura nder mullaqe..e se si fjeten parqeve e stolave e u kine lendinave e u mballosen e se si ulerinin mbas bidillsave e lenonave.. e xhoplinave.. e elvisave e mit xhagerave e xhon kashave etj..
ajo eshte bota e tyre..

smund te kuptojn ata fjalen dosje.. fjalen biruc .. nen 55 apo internim debim.. le me varje e pushkatim.. pse ke share...partine..
ska drit andej thot nastradini ku me ran celsat.. prandaj kerkoj ketu ku ka drite.. edhe se aty mir e di qe ska kaluar fare me celsa..

u habiten shqipot me vrullin revolucionar te ambasadoreve perendimore per te mos lejuar hapje dosjesh..
sepse nuk u djeg atyre fare nga ajo ane..sepse nuk e kuptojn .. nuk e kan detyre ta ndjejne.. ate cka ndjeu shqiptari i mire nen diktaturen enveriste..

pra ka qene detyre e vet shqiptareve qe te pakten pas 90 tes ta ndriconin kte pjes te "fshatit" qe dhe bota ta shihte.. e te ndjente dicka..

kurse kelisheria enveriste pas 90 tes ska len gur pa luajtur per "hallet e saja" qe i rane nga "diktatura" e berishes..

ne 50 vjet enverizem.. asnje gazetar italan e europian nuk u duk ne anet tona..
asnjeeeee..
pervec ndonje fosko dinuci apo ndonje kopili tjater markso leninoist qe merrnin para me thase nga enveri per te lehur matane per enverin..

sa ra nexho ramizi ne burg pas 90-tes.. le qe nje ushtri avoketerish ju vu ne dispozicion.. nga keta brenda.. por u dynden gazetare e kameramane nga italia e evropi dhe van e gjeten nexhon me ramizne mu ne burg e gerrr kamera e kasetafonet e buuuu bubullima neper bote.. shikoni cben "sadami" i eruropes.-.berisha..

kurse mijra havelet tone ne burgjet e birucat enveriste jo qe span me sy avokat e gazetare..po as ciu miu nuk i lan te bejne.. as atyre as familjeve te tyre..
pra dhe bota nuk i pa..nuk i njohu.. shtazerite enveriste.. se nuku kish "drite.".

dje qindra ish te persekutuar vane te shohin ekspoziten me foto nga diktatura..
mijra fytyra njerzore te varura ne stendat e ekspozites.. e shinin kush babane kush mamne kush gjysherit qe nuk i njohen kurre e lotonin te ngratet..
mirpo.. cbehet mbas ekspozites..
aq e kan shkojn gjyus ore aty e ikin neper shtepia e ja fusin gjumit neper shtepia 4 vjet rresht..
kurse erinon-edvin milo gjinushet.. e nexho miz-enverit.. nuk e lene per gjysem punen e tyre .. vazhdim te linjes terroriste te enverit te tyre..
ata i mbajne ndezur motorret.. nat e dite e dit e nate.. e jan bere zoter te ketij vendi me gjithcka..
pra tunduni ju qe kini arsye te kerkoni drejtesi.. tunduni se .. kush nuk luan kemb e duar.. nuk ha dot buk e lakruar..

ktu ne forum i diskutoja vite me pare ca cudira.. limprehti bridhte neper laberine hysni kapoiste me gjinush arap caushin si guide..
beja cudi un..
mirpo ja frytet..

se skan vajtur ata te vraret nga terrori enverist ne vlore qe ne duzet e dy e tujte.. ti tregojn arat limprehtave te amerikes.. flejn ata.. kapitullone para araperise caushoiste.. dhe kuptonet i bie nafaka gjinush caush enverit te shetise lendinave e staneve te laberise me perfaqsuesin e "imperilizmit amerikan".. e kuptohet se kta ambasadore.. nje dite do e tregojne kumbarllekun.. me gorillat e krokodilet enveriste..
pse..sepse asnji i denuar me pushkatim e litar e 20 vjet biruc se degjoj Vois ameriken.. smundi te krijoj kontakt me "imperialistet" pas 90 tes..
pra kontaktet i mban perseri enveri e manushi dje.. e sot paskali gjinushi edvini .. me erion veli arapet..


e pam keto dite.. se ku te con.. shkathtesia e enveristave..dhe dembelizmi e pergjumja e te persekutuarve..

sus.. dosjet sdo hapen tha bota.. mo na e prishni atmosferen.. pra krushqin e vjeter e te re me mafien miliarderiste kanibale enveroiste edvinoiste..

kush esht i zoti mos i shkoft i zi moti ..



thot proverbi..

[Brari]

Gjykata Kushtetuese në mbrojtje të diktaturës

» Vendosur: 02/02/2010 - 08:55



• Mark Marku

Sipas informacioneve të botuara në media, Gjykata Kushtetuese ka marrë vendimin për të shpallur si antikushtetues ligjin e lustracionit të miratuar para disa muajsh nga Kuvendi i Shqipërisë. Edhe pse detajet e vendimit të Gjykatës Kushtetuese nuk janë zbardhur ende, një gjë është bërë e qartë: kjo gjykatë ka shpallur si antikushtetuese nenet e këtij ligji, që synojnë zbardhjen e veprimtarisë së personave të zgjedhur në Kuvendin e Shqipërisë dhe të emërtuar në nivelet e larta të disa prej institucioneve më të rëndësishme të vendit. Sipas këtij ligji, të zgjedhurit në Kuvendin e Shqipërisë dhe titullarët e disa prej institucioneve më të rëndësishme të vendit, duhet të mos kenë asnjë implikim me organet e diktaturës si gjykatat, Prokuroria, sigurimi i shtetit, përndryshe me t’u miratuar ligji atyre u ndërpritet mandati dhe u ndalohet të zgjidhen apo emërohen në institucionet e parashikuara me ligj.
Në thelb ligji është përpjekja e parë serioze për t’u ndarë nga e kaluara komuniste. Është përpjekja e parë për të ndaluar infiltrimin e ish-bashkëpunëtorëve të sigurimit të shtetit dhe ish-funksionarëve të lartë të institucioneve të diktaturës komuniste në institucionet demokratike. Edhe pse një ligj i vonuar, ai është një ligj i domosdoshëm. Vonesa në miratimin e këtij ligji ka qenë dhe vazhdon të jetë tregues i pamundësisë së shoqërisë shqiptare dhe të institucioneve demokratike për t’u ndarë nga e kaluara komuniste. Kjo vonesë ka treguar se sa të vështirë e ka pasur dhe procesin e dekriminalizimit shoqëria shqiptare dhe shteti shqiptar. Por fakti që edhe pas një vonese kaq të madhe, prapëseprapë gjendet një institucion kaq i rëndësishëm si Gjykata Kushtetuese, që e pengon zbatimin e këtij ligji, na bën të kuptojmë se jo vetëm jemi shumë larg ndarjes nga krimet e diktaturës dhe institucioneve të saj kriminale, por edhe se një pjesë e institucioneve tona demokratike vazhdon të funksionojë ende si zgjatim i institucioneve të diktaturës.
Si argument kundër ligjit për hapjen e dosjeve është përdorur supozimi se ai shkel të drejtat dhe liritë e ish-funksionarëve të sigurimit të shtetit dhe bashkëpunëtorëve të tij, të ish-funksionarëve të lartë të aparatit shtypës diktatorial dhe kryesisht të drejtën e tyre për t’u zgjedhur dhe për të ushtruar detyrën e funksionarëve të lartë në disa prej institucioneve më të rëndësishme të shtetit shqiptar. Në vazhdim të këtij argumenti thuhet se ai nuk është në përputhje me demokracinë.
Një argument i tillë nuk është përdorur nga vendet evropiane në qëndrimin e tyre ndaj bashkëpunëtorëve të fashizmit pas Luftës së Dytë Botërore. Gjermania Perëndimore, jo vetëm që nuk i lejonte të zgjidheshin apo të ishin funksionarë të lartë të shtetit ish-bashkëpunëtorët e regjimit nazist, por edhe sot e kësaj dite vazhdon t’i ndjekë dhe nëse i gjen diku të strukur, siç ka ndodhur me disa ish-oficerë nazistë të kapur në Argjentinë, i ka dorëzuar në gjyq. Po kështu edhe pas viteve ’90, po ky shtet ndër më demokratikët e botës, i ndaloi ish-funksionarët e diktaturës dhe ish-agjentët e shërbimit sekret gjermano-lindor, jo vetëm që të ishin anëtarë Parlamenti, por edhe që të ushtronin funksione të tilla si mësues shkolle e në ndonjë rast edhe të mos merrnin pjesë si sportistë në ekipet sportive olimpike. E njëjta gjë, me përjashtime të rralla ka ndodhur edhe në vendet e tjera të Lindjes, ku rasti më i fundit ishte ai i para dy muajve, ku Presidenti polak ndërmori një iniciativë ligjore për përgjysmimin e pensionit të ish-funksionarëve të diktaturës komuniste dhe të ish-bashkëpunëtorëve të shërbimeve sekrete. Iraku i pasluftës, ku ish-bashkëpunëtorëve të regjimit të Sadam Hyseinit u është ndaluar që të marrin pjesë në shumë nivele të qeverisjes dhe të administratës është një tjetër shembull.
Nuk ka kuptim që për Shqipërinë të kërkohet një standard tjetër. Shqipëria që ka përjetuar regjimin më të egër diktatorial e ka më të domosdoshme se askush tjetër një spastrim rrënjësor të institucioneve demokratike nga ish-funksionarët e regjimit shtypës të diktaturës dhe ish-bashkëpunëtorët e sigurimit famëkeq të shtetit.
Ata kanë qenë kontingjenti që ka mbajtur në këmbë gjithë ngrehinën e diktaturës. Nëse diktatura komuniste zgjati aq gjatë, kjo ndodhi sidomos falë tyre. Nëse kjo diktaturë ishte aq e egër kjo ndodhi sidomos për meritë të tyre. Nëse ajo ishte aq perverse, kjo ndodhi sepse mbahej në këmbë prej atyre farë krijesash njerëzore të quajtur sigurimsa. Pasi ndërtuan regjimin më të egër komunist të Evropës, ata u përdorën për ta bërë perverse dhe jo jofunksionale demokracinë shqiptare. Regjimi që po binte e konservoi dhe e rilindi veten brenda sistemit demokratik ,pikërisht nëpërmjet spiunëve dhe ish-funksionarëve të lartë të regjimit. Partia e Punës i nxori një pjesë të tyre nga dosjet e sigurimit dhe i hodhi në skenën politike. Partitë politike të pluralizmit dhe Parlamenti ishte i mbushur aq shumë me ta, sa p.sh në Parlament nuk mund të miratohej një ligj sepse spiunët përbënin shumicën dhe ligji rrezikonte të mos miratohej.
Dukej se pas kaq vitesh, ata e kishin humbur pushtetin e tyre. Dukej sikur më në fund një ligj, (edhe pse jo i plotë dhe me shumë mangësi), do të mund t’i nxirrte ata jashtë institucioneve shtetërore dhe jashtë Parlamentit. Por ja që del Gjykata Kushtetuese dhe e kthen edhe njëherë procesin në pikën e nisjes. Duke rikonfirmuar edhe njëherë faktin se shoqëria shqiptare nuk mund të dekriminalizohet aq lehtë.
Është detyrë e maxhorancës parlamentare aktuale që të përballet me sfidën që i ofrojnë organet që shërbejnë si zgjatime të diktaturës në demokraci. Në këtë kuptim do të ishte me vend që të miratohet një ligj edhe më i plotë, edhe më rrënjësor, por edhe më i paqortueshëm nga pikëpamja juridike. Një ligj që ta shkëpusë përfundimisht nga e kaluara dhe institucionet e saj. Vetëm pas këtij akti do të mund të flitej për legjitimitet moral të sistemit tonë demokratik. Deri atëherë legjitimiteti moral i sistemit tonë demokratik do të jetë i cunguar.

panorama

[Duaje Siveten]

ligji i lustracionit eshte sa per sy e faqe, loder pd e ps ... riciklohet ... perseri ...

ja edhe nje pjerdhe tjeter ne vijim te pjerdhimeve per te shmangur vemendjen nga pa-aftesia per te drejtuar nje vend, per te qeverisur ...

faqezinj sigurimso-puniste ...

[shoku_tanku]

se mos vetem gjykata kushtetuese!..edhe komisioni i venecias..edhe KE-ja...na mbyten komunistat o brar!

[mesuesi_1]

Gjykata Kushtetuese në mbrojtje të diktaturës

.........
Në thelb ligji është përpjekja e parë serioze për t’u ndarë nga e kaluara komuniste. Është përpjekja e parë për të ndaluar infiltrimin e ish-bashkëpunëtorëve të sigurimit të shtetit dhe ish-funksionarëve të lartë të institucioneve të diktaturës komuniste në institucionet demokratike. Edhe pse një ligj i vonuar, ai është një ligj i domosdoshëm.
.......
Një argument i tillë nuk është përdorur nga vendet evropiane në qëndrimin e tyre ndaj bashkëpunëtorëve të fashizmit pas Luftës së Dytë Botërore. Gjermania Perëndimore, jo vetëm që nuk i lejonte të zgjidheshin apo të ishin funksionarë të lartë të shtetit ish-bashkëpunëtorët e regjimit nazist, por edhe sot e kësaj dite vazhdon t’i ndjekë dhe nëse i gjen diku të strukur, siç ka ndodhur me disa ish-oficerë nazistë të kapur në Argjentinë, i ka dorëzuar në gjyq. panorama

po pra ..... por evropi i zhvilluar dhe i kulturuar e ka formuluar ate te famshen "Bej si te them une dhe mos bej si bej une".

[Albo]

“Dosjet”, PD paralajmëron referendum

Pas rrëzimit të ligjit, selia blu sulmon Kushtetuesen: Janë të implikuar në krimet e komunizmit

Partia Demokratike e konsideroi dje një akt të rëndë në mbështetje të krimeve kundër komunizmit, vendimin e Gjykatës Kushtetuese për të konsideruar si jo në përputhje me Kushtetutën ligjin e lustracionit. Ishte deputetja e PD-së, Mesila Doda, e cila bëri të ditur nëpërmjet një konference për shtyp, qëndrimin e grupit parlamentar të PD-së në lidhje me këtë çështje dhe theksoi rrugët që u mbeteshin demokratëve për të vënë në jetë edhe projektin e tyre për të dënuar krimet e komunizmit. Sipas Dodës, gjyqtarët e Kushtetueses kanë marrë një vendim të gabuar, falë presionit politik që është ushtuar ndaj tyre. “Gjykata Kushtetuese ka rrëzuar ligjin për pastërtinë e figurave të shtetit shqiptar, kjo edhe falë presionit politik të opozitës dhe personalisht të Edi Ramës ndaj kësaj trupe gjykuese”, theksoi deputetja e PD-së në emër të grupit parlamentar. Përveç faktit se ajo e konsideroi këtë vendimin si në kundërshtim me të drejtën, Doda akuzoi trupën gjyqësore të Kushtetueses si të implikuar drejtpërdrejt në krimet e komunizmit dhe për pasojë në konflikt interesi me ligjin të cilin e rrëzuan. “Gjykatësit që votuan për abrogimin e ligjit janë po ata që kanë marrë vendime për vrasje njerëzish të pafajshëm deri në vitin ‘89, janë po ata mbi të cilët rëndojnë krimet më të rënda kundër njerëzimit”, deklaroi Doda. Por sipas saj, mazhoranca nuk do të dorëzohet pas këtij vendimi dhe do të vendosë së shpejti për rrugën që do të ndjekë për sa i përket për të gjetur mundësinë për të zëvendësuar këtë ligj.

Sipas Dodës, një opsion është paraqitja e një ligji të ri në Parlament, për pastërtinë e figurave të shtetit shqiptar. Po kështu, ajo theksoi se një tjetër alternativë është dërgimi i këtij ligji në Gjykatën Europiane të të Drejtave të Njeriut në Strasburg. Deputetja Doda mendon se mazhoranca do të shikojë edhe mundësinë e një referendumi për të pyetur vetë qytetarët shqiptarë nëse do të donin funksionimin e një ligji të tillë apo jo. “Ju bëj me dije gjithashtu se së bashku me kolegë të tjerë nuk do të ngurrojmë që të ndërmarrim nismën e një referendumi popullor për këtë çështje madhore, në mënyrë që xhelatët të mos qëndrojnë më në pushtet dhe që Shqipëria të ndahet njëherë e përgjithmonë nga e kaluara e saj komuniste”, deklaroi Doda në fjalën e saj.

Nuk dihet ende se cila do të jetë zgjedhja që do të vendosin demokratët për të vendosur në fuqi, ligjin për lustracionin, por referendumi për shkak të kostove dhe organizimit mund të jetë opsioni i fundit që do të zgjidhet nga ata. Gjykata Kushtetuese pranoi muaj më parë edhe kërkesën e opozitës për të gjykuar mbi kushtetutshmërinë e ligjit të dosjeve, duke qenë se sipas tyre, ai binte në kundërshtim me të drejtat dhe liritë e njeriut. Dy ditë më parë gjyqtarët e Kushtetueses morën vendimin për ta rrëzuar këtë ligj me një shumicë absolute votash.

Shqip

[juanito02]

Si perhere bla bla bla demokratet per lustracionin
Nuk e ben dot Berisha ate se e ha vete.
Ai do ta beje lustracionin per te tjeret e te shpetoje te vetet.
Nuk behet ligji ca per nenen ca per njerken si do Saliu.
Ta beje ligjin tamam qe ti beje mire gjithe kombit athere po te bertase sa te doje qe te votohet ky ligj.

[mesuesi_1]

Si perhere bla bla bla demokratet per lustracionin.

po po .... bla bla ..... po tani me kete varrin masiv qe eshte zbuluar prane Dajtit si do ia bejme ....?! do ti hapim keto dosjet apo jo ...?! se ma merr mendja se zbulimi i ketij varri eshte vetem fillimi.

jano! rri i qete se kete rradhe Bamiri do ta firmosi me te dyja duart ligjin. jam me se i bindur per kete.